”اتتىلار ۇگىت - لەكسيا اترەتى“ پارتيانىڭ ءۇنىن ”ەڭ شالعايداعى وتباسىنا“ دەيىن جەتكىزدى

　　 انار بۇلت/ شينجياڭ گازەتىنىڭ ءتىلشىسى جاڭ تيڭ، ەرىكتى ءتىلشى ياڭ شياۋدۇڭ

　　قىس كىرگەننەن كەيىنگى بىرنەشە رەتكى قالىڭ قار بۋرىلتوعاي اۋدانى شىعانجيدە اۋىلى سەكىرۋ قىستاعى اقدالا اۋماعىنداعى قىستاۋلاردى قىمتاپ تاستاعان ەدى. نەشە كۇننەن بەرى سەكىرۋ قىستاعى اتتىلار ۇگىت - لەكسيا اترەتىنىڭ كەلۋى قۇبا ءشولدىڭ قويناۋىنداعى مالشىلار وتباسىن مەرەيگە شومدىردى.

      ”مالشىلارعا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ءتۇسىندىرۋ، پارتيانىڭ ءۇنىن مال شارۋاشىلىق رايوندارىنا جەتكىزۋ ءۇشىن، ءبىزدىڭ تاۋعا كەلىپ ۇگىت - لەكسيا جاساعانىمىزعا 2 كۇن بولدى“، - دەدى 1 - ايدىڭ 7 - كۇنى ۇگىتشى، سەكىرۋ قىستاعى پارتيا ياچەيكاسىنىڭ شۋجيى جۇمابەك بوكەن تىلشىگە.

　　اقدالا القابى سەكىرۋ قىستاق كوميتەتىنەن 40 نەشە كيلومەتر شالعايدا، 20 نەشە مالشى وتباسى اينالاسى 50 كيلومەتردەي قۇبا ءشولدىڭ تۇكپىر - تۇكپىرىنە بىتىراي ورنالاسقان. ءاربىر مالشى وتباسىنىڭ ءماجىلىس رۋحىن ەگجەي - تەگجەيلى ءتۇسىنۋى ءۇشىن، قىستاق كادرلارى مەن ۇگىتشى قاقاعان ايازعا قاراماي، مال شارۋاشىلىق رايونىن ارالاپ ۇگىت - لەكسيا جاسادى.

　　قار جاۋىپ جول تايعاق بولعاندىقتان، اترەت مۇشەلەرى اتپەن ءشول دالانى كوكتەي ءوتىپ، مالشى بەكەش تولەستىڭ ۇيىنە جەتكەندە ءتۇس بولىپ قالعان ەدى. ۇگىت - لەكسيا اترەتىنىڭ كەلەتىندىگىن ەستىگەن جاقىن ماڭداعى 4 − 5 مالشى وتباسى بەكەشتىڭ ۇيىنە جينالىپتى، كوپشىلىك قورالاي وتىرىپ ۇگىت - لەكسيانى ىقىلاسپەن تىڭدادى.

　　”3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ ءبىزدىڭ شينجياڭ قىزمەتىن القادى، بۇكىل شينجياڭدا اۋىل - قىستاقتاردا ءبىر ميلليون 690 مىڭنان استام بەيقۇت ءۇي جانە قالا - قالاشىقتاردا ءبىر ميلليون 560 مىڭنان استام قامتاماسىزداندىرۋ سيپاتتى بەيقۇت ءۇي سالىنىپ، 10 ميلليوننان استام بۇقارا تازا دا ادەمى جاڭا ۇيلەرگە وتىردى، بۇلاردىڭ اراسىندا ءبىز دە بارمىز. جالپى حالىقتىڭ سالاماتتىعىن تەكسەرۋ ۇزدىكسىز ورىستەتىلۋدە، تۇرعىنداردىڭ نەگىزدىك ەمدەۋ قامسىزداندىرۋىنا قاتىناسۋ سالىستىرماسى ％99.7كە جەتتى، ءبىز ەندىگارى اۋرۋ كورسەتۋ قيىن دەپ ۋايىمدامايتىن بولدىق...“. جۇمابەك بوكەن قىزۋ سۇيىسپەنشىلىكپەن مالشىلارعا وسىلاي دەدى.

　　جۇمابەك بوكەن ەگجەي - تەگجەيلى ءتۇسىندىردى، كوپشىلىك مۇقيات تىڭداپ، ءالسىن - ءالى باستارىن يزەپ قۇپتاپ وتىردى. قىستاقتا بالاباقشا، ەمحانا، مادەنيەت پۋنكتى سالىنعاندىعى، بۇقارا قىستاقتان شىقپاي - اق ساپالى الەۋمەتتىك قىزمەت وتەۋدەن يگىلىكتەنەتىندىگى ايتىلعان ساتتە، مالشىلار دۋ قول شاپالاق سوعىپ، پارتيانىڭ حالىققا ءتيىمدى ساياساتىن القادى.

　　”ءبىز جىل سايىن مەملەكەتتىڭ باعىمشىلىق قوسىمشا قاراجاتى ساياساتىنان يگىلىكتەنىپ وتىرمىز، مەن 200 نەشە قوي، 40 نەشە سيىر، 15 جىلقى باعىپ وتىرمىن، جىلدىق كىرىسىم 200 مىڭ يۋاننان اسادى“. بەكەش ۇگىت - لەكسيانى ەستىگەننەن كەيىن سەنىمدى بەينەمەن: ”پارتيا مەن ۇكىمەت بىزگە وسىنشاما جاقسى ساياسات بەرىپ وتىر، بيىل مەن سيىر، قويلارىمدى سەمىرتۋگە بار كۇشىمدى سالىپ، ۇساق مالدى ءىرى قاراعا اۋىستىرىپ، ءىرى قارانى اسىل تۇقىمدى مالعا اۋىستىرىپ، عىلمي باعۋ جولىمەن ءجۇرىپ، تۇرمىسىمدى بارعان سايىن جاقسارتامىن“، - دەدى.

　　ءبىر شەتتە تۇرعان مالشى جاناربەك كاكەن ءسوزدى جالعاپ: ”وسى بىرنەشە جىلدا ءبىزدىڭ ءۇيدىڭ كىرىسى جىلدان - جىلعا جوعارىلادى، مەن 7 سيىر، 70 نەشە قوي باعىپ وتىرمىن، كەدەي وتباسى قالپاعىن الىپ تاستادىق، مۇنىڭ ءبارى پارتيانىڭ حالىققا ءتيىمدى ساياساتىنان ايرىلا المايدى، ءبىز ماڭگى پارتياعا العىس ايتۋىمىز، پارتيانىڭ سوزىنە قۇلاق اسۋىمىز، پارتياعا ىلەسۋىمىز كەرەك“، - دەدى.

　　”بۇدان كەيىنگى قىزمەتتە ءبىز، ءسوز جوق، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ناقتى قىزمەت بارىسىنا ءسىڭىرىپ، نەگىزگى ساتى پارتيا قۇرىلىسى قىزمەتىن ويداعىداي يگەرىپ، قىستاق دارەجەلى مادەنيەت شەبى قۇرىلىسىن ۇزدىكسىز كۇشەيتىپ، قىستاق تۇرعىندارىنىڭ كىرىسىن ۇزدىكسىز ارتتىرىپ، بۇقارانىڭ تابىس سەزىمىن، باقىت سەزىمىن جانە حاۋىپسىزدىك سەزىمىن ۇزدىكسىز كۇشەيتەمىز“، - دەيدى جۇمابەك بوكەن.

　　نەشە كۇننەن بەرى بۋرىلتوعاي اۋدانى ”دومبىرا شاعىن اترەتى“، ”باقباق ۇگىت - لەكسيا ۇيىرمەسى“، ”اتتىلار ۇگىت - لەكسيا اترەتى“ سياقتى ءتۇرلى ۇگىت - لەكسيا كۇشتەرى ارقىلى جەلدىرمە، دومبىرادا ءان، ءان - ءبيلى تەاتر ويىنى، ولەڭ سياقتىلاردى شىعارىپ، ۇعىنىقتى تاسىلدەرمەن بۇقاراعا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى تۋرالى ۇگىت - لەكسيا جاسادى، مۇنى تىڭداعان بۇقارا 40 نەشە مىڭ ادام - رەت بولدى.

　　”ءبىز ۇگىت - لەكسيا جاساۋمەن بىرگە، تاعى مالشى بۇقارانىڭ لەبىزىن تىڭداپ، ولاردىڭ نەنى ويلايتىندىعىن، نەنى ىستەگىسى كەلەتىندىگىن، نەنى ارماندايتىندىعىن ۇعىسىپ، قىستاقتىڭ بۇدان كەيىنگى دامۋ نىساناسىن بەلگىلەۋگە نەگىز قالايمىز“، - دەدى جۇمابەك بوكەن، - اتتىلار ۇگىت - لەكسيا اترەتى ءاربىر مالشىلىق رايونىنا بارىپ، پارتيانىڭ ءۇنىن ەڭ سوڭعى ءبىر كيلومەترگە، ەڭ شالعايداعى ءبىر وتباسىنا دەيىن جەتكىزەدى.