تيانشان تورى   ›   جاڭالىقتار   ›   ەل ءىشى حابارى

«زاڭمەن جونگە سالىناتىن جۇڭگو قۇرىلىسى جوباسىن (2020 − 2025 - جىل)» باسىپ تاراتتى

  جۇڭگو كوممۋنيستىك پارتياسى ورتالىق كوميتەتى

  «زاڭمەن جونگە سالىناتىن جۇڭگو قۇرىلىسى جوباسىن (2020 − 2025  - جىل)» باسىپ تاراتتى

  شينحۋا اگەنتتىگىنىڭ 1 - ايدىڭ 10 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى «زاڭمەن جونگە سالىناتىن جۇڭگو قۇرىلىسى جوباسىن (2020 − 2025 - جىل)» باسىپ تاراتتى ءارى حابارلاندىرۋ شىعارىپ، وڭىرلەردىڭ، تاراۋلاردىڭ ءىس جۇزىندىك جاعدايىمەن بىرلەستىرىپ، مۇقيات دايەكتىلەندىرۋىن، تياناقتاندىرۋىن تالاپ ەتتى.

  «جوبانىڭ» جەتەكشى يدەياسى: جۇڭگوشا سوتسياليزم ۇلى تۋىن بيىك ۇستاپ، ماركسيزمدى، لەنينيزمدى، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، شي جينپيڭنىڭ زاڭمەن جونگە سالۋ يدەياسىن جاپپاي دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيانىڭ باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىنە تاباندى بولىپ، جۇڭگوشا سوتسياليستىك زاڭمەن جونگە سالۋ جولىمەن بۇلجىماي ءجۇرىپ، سوتسياليستىك وزەكتى قۇن كوزقاراسىن جەتىلدىرىپ جانە ونى امالياتتا ايگىلەپ، زاڭمەن جونگە سالۋ سالاسىنداعى كورنەكتى ماسەلەلەردى شەشۋدى كۇش سالۋ ءتۇيىنى ەتىپ، جۇڭگوشا سوتسياليستىك زاڭمەن جونگە سالۋ جۇيەسىن ورناتىپ، سوتسياليستىك زاڭمەن جونگە سالىناتىن مەملەكەت قۇرىپ، زاڭمەن جونگە سالۋ ارناسىندا مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، پارتيانىڭ مەملەكەتتى زاڭمەن جونگە سالۋ، زاڭ بويىنشا بيلىك جۇرگىزۋ قابىلەتىن جوعارىلاتىپ، جاپپاي سوتسياليستىك وسىزاماندانعان مەملەكەت قۇرۋدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى زاڭمەن جونگە سالۋ جاعىنان پارمەندى قامتاماسىز ەتۋ.

  «جوبانىڭ» جالپى نىساناسى: زاڭمەن جونگە سالىناتىن جۇڭگو قۇرۋدا زاڭ ولشەمدەرىنىڭ عىلمي، كەمەلدى بىرلىگىن، زاڭ اتقارۋدىڭ، ءادىليانىڭ ءادىل، جوعارى ءونىمدى، بەدەلدى بولۋىن، ۇقىق جۇرگىزۋدىڭ ءونىمدى تەجەمدە، باقىلاۋدا بولۋىن، حالىقتىڭ زاڭدى ۇقىق - مۇددەسىنىڭ تولىق قۇرمەتتەلۋىن، قامتاماسىز ەتىلۋىن، زاڭمەن جونگە سالۋ نانىمىنىڭ جالپى بەتتىك ورناتىلۋىن جۇزەگە اسىرىپ، زاڭمەن جونگە سالىناتىن مەملەكەتتى، زاڭمەن جونگە سالىناتىن ۇكىمەتتى، زاڭمەن جونگە سالىناتىن قوعامدى جاپپاي قۇرىپ شىعۋ.

  2025 - جىلعا دەيىن پارتيا مەملەكەتتى جاپپاي زاڭمەن جونگە سالۋعا باسشىلىق ەتۋدىڭ ءتۇزىلىس - مەحانيزمىن اناعۇرلىم اقاۋسىزداندىرۋ، نەگىزگى زاڭدى وزەك ەتكەن جۇڭگوشا سوتسياليستىك زاڭ جۇيەسىن اناعۇرلىم كەمەلدەندىرۋ، قىزمەت جاۋاپكەرشىلىگى ايقىن، زاڭ بويىنشا اكىمشىلىك جۇرگىزەتىن ۇكىمەتتىك جونگە سالۋ جۇيەسىن بارعان سايىن اقاۋسىزداندىرۋ، ءوزارا سايكەسكەن، ءبىرىن - ءبىرى تەجەيتىن ءادىليا ۇقىعىن جۇرگىزۋ مەحانيزمىن اناعۇرلىم عىلمي، ءونىمدى ەتۋ، زاڭمەن جونگە سالىناتىن قوعام قۇرىلىسىندا كەلەلى جەتىستىكتەرگە قول جەتكىزۋ، پارتيا ىشىندەگى زاڭ ەرەجە جۇيەسىن اناعۇرلىم كەمەلدەندىرۋ، جۇڭگوشا سوتسياليستىك زاڭمەن جونگە سالۋ جۇيەسىن العاشقى قادامدا قالىپتاستىرۋ.

  2035 - جىلعا دەيىن زاڭمەن جونگە سالىناتىن مەملەكەتتى، زاڭمەن جونگە سالىناتىن ۇكىمەتتى، زاڭمەن جونگە سالىناتىن قوعامدى نەگىزىنەن ورناتىپ، جۇڭگوشا سوتسياليستىك زاڭمەن جونگە سالۋ جۇيەسىن نەگىزىنەن قالىپتاستىرۋ، حالىقتىڭ تەڭ قاتىناسۋ، تەڭ دامۋ ۇقىعىن تولىق قامتاماسىز ەتۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى، نەگىزىنەن، جۇزەگە اسىرۋ.

  «جوبا» جالپى 9 بولىكتەن قۇرالادى. ءبىرىنشى، جۇڭگوشا سوتسياليستىك زاڭمەن جونگە سالۋ جولىمەن بۇلجىماي ءجۇرىپ، كەمەلدى زاڭمەن شەبەرلىكپەن باسقارىلاتىن، زاڭمەن جونگە سالىناتىن جۇڭگو قۇرۋعا ۇمتىلۋ. ەكىنشى، نەگىزگى زاڭدى جاپپاي دايەكتى اتقارىپ، نەگىزگى زاڭنىڭ ابىرويى مەن بەدەلىن باتىل قورعاۋ. ءۇشىنشى، كەمەلدى زاڭ ولشەمدەرى جۇيەسىن ورناتىپ، كەمەلدى زاڭ ارقىلى دامۋدى جەبەۋگە، شەبەرلىكپەن باسقارۋعا كەپىلدىك ەتۋ. ءتورتىنشى، جوعارى ءونىمدى زاڭمەن جونگە سالۋدى اتقارۋ جۇيەسىن ورناتىپ، زاڭدى قاتاڭ اتقارۋدى، ءادىليانىڭ ادىلدىگىن، جالپى حالىقتىڭ زاڭعا بويسۇنۋىن ىشكەرىلەي ىلگەرىلەتۋ. بەسىنشى، زاڭمەن جونگە سالۋدى باقىلاۋدىڭ قاتاڭ جۇيەسىن ورناتىپ، زاڭ شىعارۋ، زاڭ اتقارۋ، ءادىليا قىزمەتىنە باقىلاۋ جۇرگىزۋدى شىنايى كۇشەيتۋ. التىنشى، زاڭمەن جونگە سالۋدى قامتاماسىز ەتۋدىڭ پارمەندى جۇيەسىن قۇرىپ، زاڭمەن جونگە سالىناتىن جۇڭگو قۇرىلىسىنىڭ بەرىك تىرەگىن ورناتۋ. جەتىنشى، پارتيا ىشىندەگى كەمەلدى زاڭ ەرەجە جۇيەسىن ورناتىپ، كەمەلدەندىرىپ، پارتيانى ەرەجەمەن جونگە سالۋدى بۇلجىماي ىلگەرىلەتۋ. سەگىزىنشى، جاڭا داۋىردەگى پارتيا مەن مەملەكەتتىڭ قىزمەت كەلەلى جاعدايىن مىقتاپ ارقاۋ ەتىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن زاڭ بويىنشا قورعاۋ. توعىزىنشى، پارتيانىڭ زاڭمەن جونگە سالىناتىن جۇڭگو قۇرىلىسىنا ورتالىقتانعان ءبىر تۇتاس باسشىلىعىن كۇشەيتىپ، پارتيانىڭ جالپى جاعدايدى جالپىلاي مەڭگەرەتىن، ءار جاقتى سايكەستىرەتىن باسشىلىق ۇيتقىلىق رولىن تولىق ساۋلەلەندىرۋ.

  «جوبادا» مىنالار اتاپ كورسەتىلدى: وڭىرلەر، تاراۋلار وسى جوبانىڭ رۋحى مەن تالابىن جاپپاي، دالمە - ءدال دايەكتىلەندىرىپ، تياناقتاندىرىپ، ءىس جۇزىندىك جاعدايمەن بىرلەستىرىپ اتقارۋ جوباسىن جاساپ، جۇمىس ءبولىسىن ايقىنداپ، جاۋاپكەرشىلىكتى قاتايتىپ، تياناقتاندىرۋدى مىقتاپ يگەرىپ، ناقتى ونىمدىلىككە ۇمتىلىپ، فورماشىلدىقتى، تورەشىلدىكتى تيۋ كەرەك. ورتالىق مەملەكەتتى زاڭمەن جونگە سالۋ كەڭسەسى ءبىر تۇتاس جوسپارلاپ سايكەستىرۋدى كۇشەيتىپ، اتقارىلۋىن باقىلاۋدى كۇشەيتىپ، تياناقتاندىرۋدى ىلگەرىلەتىپ، جوبانىڭ ءارقايسى مىندەتتەرىنىڭ، شارالارىنىڭ ناقتى تياناقتانۋىنا شىنايى كەپىلدىك ەتۋ كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.