تيانشان تورى
تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

رايونىمىز اۋىل - قىستاقتارداعى تومەن كىرىستەگى جان سانىن باقىلاۋدى كۇشەيتەدى

  انار بۇلت/شينجياڭ گازەتىنىڭ ءتىلشىسى لي لين 1 - ايدىڭ 11 - كۇنى ۇرىمجىدەن حابارلايدى. كەدەيلىكتەن ارىلتۋدان قامال الۋدى تومەنگى شەكتەن تۇسىرمەي قامتاماسىز ەتۋ تابىسىن بەكەمدەۋ، كەڭەيتۋ ءۇشىن بيىل رايونىمىز اۋىل - قىستاقتارداعى تومەن كىرىستەگى جان سانىن باقىلاۋدى كۇشەيتىپ، اۋىل - قىستاقتارداعى ەڭ تومەنگى تۇرمىسى قامتاماسىزداندىرىلاتىندارعا، ەرەكشە قيىنشىلىعى بارلارعا، وڭاي قايتالاي كەدەيلەسەتىندەرگە جانە ناۋقاس سەبەبىنەن، اپات سالدارىنان، كەزدەيسوق شىرعالاڭنان، ت. ب نەگىزگى تۇرمىسىندا اۋىر قيىنشىلىق تۋىلعان ادامدارعا يكەمدى باقىلاۋ ورىستەتىپ، ىرىقتىلىقپەن بايقاۋ مەحانيزمىن كەمەلدەندىرىپ، ەرتە بايقاۋدى جانە ەرتە كومەكتەسۋدى، سۇيەمەلدەۋدى ىسكە اسىرادى. مۇنى ءتىلشى 1 - ايدىڭ 11 - كۇنى اشىلعان اۆتونوميالى رايوندىق حالىق ىستەرى قىزمەت ماجىلىسىنەن ۇعىسقان.

   رايونىمىزدىڭ حالىق ىستەرى تاراۋلارى بەلگىلى مەرزىمدە كەدەيلەردى سۇيەمەلدەۋ تاراۋلارىمەن ەڭ تومەنگى تۇرمىسى قامتاماسىزداندىرىلاتىنداردىڭ، ەرەكشە قيىنشىلىعى بارلاردىڭ، ۋاقىتشا قۇتقارىلىپ - كومەككە يە بولاتىنداردىڭ، مۇگەدەكتەردىڭ 2 ءتۇرلى قوسىمشا قاراجاتى سياقتى ساندى مالىمەتتەردى اۋىستىرىپ، سالىستىرىپ، ماسەلە بايقالسا دەر كەزىندە ۇيلەسىمدى ءبىر جايلى ەتەدى، باقىلاۋعا، ساقتاندىرۋعا سالىستىرۋ جۇرگىزۋ جاعدايىنا نەگىزدەلىپ، وتباسىلارىنا، جەكەلەرگە دەيىن انىقتاپ تەكسەرۋ ورىستەتىپ، ەڭ تومەنگى شەكتەن تۇسىرمەي قامتاماسىز ەتۋدە ”بىردە - ءبىر وتباسىن، بىردە - ءبىر ادامدى قاعىس قالدىرماۋعا“ شىنايى كەپىلدىك ەتەدى؛ ەڭ تومەنگى شەكتەن تۇسىرمەي قامتاماسىز ەتۋ ساياساتىنىڭ ۇلاسپالىلىعىن ساقتاپ، ەڭ تومەنگى تۇرمىستى قامتاماسىز ەتۋ ولشەمىن جاساۋدى جانە يكەمدى رەتتەۋ مەحانيزمىن اقاۋسىزداندىرىپ، ”جالعىز كىسىلىك وتباسى“، ”بىرتىندەپ شەگەرۋ مەرزىمى“ جانە جۇمىستاندىرۋ وزىندىك قۇنى، تۇراقتى شىعىستى ۇستاپ - تارتىپ قالۋ، كىرىس سالىعىن كەشىرۋ سياقتى ساياساتتاردى ۇزدىكسىز تياناقتاندىرىپ، كەدەيلىكتەن ارىلعان جان سانى اراسىنداعى ەڭبەك قۋاتىنان بۇكىلدەي نەمەسە ءبىر ءبولىم ەڭبەك قۋاتىنان ايرىلعاندار ءارى كاسىپ سالاسىندا جۇمىستانۋ ارقىلى ورنىقتى كىرىسكە يە بولا المايتىن ادامداردى، بەلگىلەمە بويىنشا اۋىل - قىستاقتارداعى ەڭ تومەنگى تۇرمىسى قامتاماسىزداندىرىلۋ نەمەسە ەرەكشە قيىنشىلىعى بارلاردى قۇتقارۋ - كومەكتەسۋ، باعىپ - قاعۋ كولەمىنە ەنگىزەدى ءارى قيىنشىلىق ءتۇرى بويىنشا ارناۋلى قۇتقارۋ - كومەكتەسۋ، ۋاقىتشا قۇتقارۋ - كومەكتەسۋ جۇرگىزىپ، قامتاماسىز ەتۋگە تيىستىلەرىن تۇگەلدەي قامتاماسىز ەتىپ، ەڭ تومەنگى شەكتەن تۇسىرمەۋگە تيىستىلەرىن تۇگەلدەي تۇسىرمەيدى.

   ۇعىسۋعا قاراعاندا، 2020 - جىلى رايونىمىز باقىلاۋ، ساقتاندىرۋ جانە قۇتقارۋ - كومەكتەسۋ، سۇيەمەلدەۋ قىزمەتىن بەلسەنە ويداعىداي ىستەپ، ىرىقتىلىقپەن بايقاۋ مەحانيزمىن اقاۋسىزداندىرىپ، ىرىقتى تۇردە 15 تاراۋ، 7 فينانس قۇرىلىمىمەن دەر كەزىندە ينفورماتسيا سالىستىرۋدى ورىستەتىپ، باقىلاناتىن وتباسىلاردى جانە كەدەيلەسۋگە تاياپ تۇرعان وتباسىلاردى ەڭ تومەنگى تۇرمىستى قامتاماسىزداندىرۋ كولەمىنە ەنگىزدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.