− اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى حوۋ حانمينمەن سۇحبات
□ گازەتىمىزدىڭ جالپىلىق اقپارات قۇرالدارى ءتىلشىسى رىن جياڭ
”13 - بەسجىلدىق“ كەزىندە شينجياڭنىڭ مادەنيەت جانە ساياحات جۇيەسى باس شۋجي شي جينپيڭنىڭ جەلىلەس ماڭىزدى بايىمداۋلارىن جانە شينجياڭ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، تۋ ۇستاۋ، حالىق تىلەگىن ۇيىستىرۋ، جاڭا ادام تاربيەلەۋ، مادەنيەتتى گۇلدەندىرۋ، وبراز ايگىلەۋ بورىشى مەن مىندەتىن تىعىز ارقاۋ ەتىپ، حالىقتىڭ كۇن سايىن ارتىپ وتىرعان تاماشا تۇرمىسقا دەگەن قاجەتىن ۇزدىكسىز تۇردە قۇلشىنا قاناعاتتاندىردى. ”13 - بەسجىلدىققا“ قايىرىلا قاراساق، شينجياڭنىڭ مادەنيەتى مەن ساياحاتىنىڭ دامۋىندا قانداي جەتىستىكتەرگە قول جەتتى؟ كەلەشەكتە شينجياڭ شينجياڭدى مادەنيەتپەن نارلەندىرۋ ينجەنەرياسىن زور كۇشپەن قالاي ىلگەرىلەتەدى، شينجياڭدى ساياحاتپەن گۇلدەندىرۋ ستراتەگياسىن قالاي اتقارادى؟ تاياۋدا گازەتىمىزدىڭ جالپىلىق اقپارات قۇرالدارى ءتىلشىسى اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى حوۋ حانمينمەن سۇحبات وتكىزدى.
”سەگىز جاڭا“ مادەنيەت پەن ساياحاتتى رەفورمالاۋدىڭ، دامىتۋدىڭ تابىستارىن ايگىلەيمىز
”’13 - بەسجىلدىق‘ كەزىندەگى 5 جىل − مادەنيەت پەن ساياحاتتى رەفورمالاۋ، دامىتۋ تەرەڭدەتىلگەن 5 جىل ءارى شينجياڭداعى ءار ۇلت بۇقاراسىنىڭ رۋحاني بەت - بەينەسىندە ەڭ زور وزگەرىس بولعان 5 جىل، مۇنى ’سەگىز جاڭا‘مەن قورىتىندىلاۋعا بولادى“. حوۋ حانمين بىلاي دەدى: بۇل ”سەگىز جاڭا“ مىنالار: وسى زامانعى الەۋمەتتىك مادەنيەتتىك قىزمەت وتەۋ جۇيەسى قۇرىلىسى جاڭا ورەگە جەتتى، كوركەمونەر سارا تۋىندىلارىن جاساۋدا ”ۇستىرتتەن“ ”شىڭعا“ وتۋدە جاڭا ىلگەرىلەۋشىلىككە قول جەتتى، مادەني ەسكەرتكىشتەردى زەرتتەۋدە، قورعاۋدا، پايدالانۋدا جاڭا العا ىلگەرىلەۋ بولدى، مادەنيەت پەن ساياحاتتىڭ توعىسپالى دامۋىندا جاڭا قادام تاستالدى، مادەنيەت، ساياحات كاسىپ سالاسىنىڭ جوعارى ساپالى دامۋىندا جاڭا ونىمدىلىككە قول جەتتى، مادەنيەت، ساياحات ونىمدەرىمەن قامداۋ قابىلەتى جاڭادان كۇشەيدى، ”شينجياڭ جاقسى جەردىڭ“ ايگىلى بولۋ دەڭگەيى جاڭادان كەڭەيدى، شينجياڭداعى ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمىندە تىڭ جوعارىلاۋ بولدى.
وسى 5 جىلدا شينجياڭنىڭ وسى زامانعى الەۋمەتتىك مادەنيەت قىزمەت وتەۋ جۇيەسى قۇرىلىسى جاپپاي ىلگەرىلەتىلىپ، رايون، ايماق، اۋدان، اۋىل، قىستاقتى قامتىعان 5 دارەجەلى الەۋمەتتىك مادەنيەت قىزمەت وتەۋ تورى قالىپتاستى، نەگىزگى الەۋمەتتىك مادەنيەت قىزمەت وتەۋدىڭ بىركەلكىلەنۋ، ولشەمدەنۋ قۇرىلىسى ىشكەرىلەي ىلگەرىلەتىلدى، مادەنيەت ارقىلى حالىققا تيىمدىلىك جاساۋ ءتۇيىندى ينجەنەرياسىنان ءبىر توبى ىركەس - تىركەس قۇرىلدى، الەۋمەتتىك مادەنيەت قىزمەت وتەۋ ساپاسى ونان ارى جوعارىلادى، مادەنيەت بازارى ونان ارى كىرشىكسىزدەندى، سىرتقا باعىتتالعان مادەنيەت اۋىس - كۇيىسى، سەلبەستىگى ۇزدىكسىز كۇشەيدى.
5 جىلدان بەرى بۇكىل شينجياڭدا 102 كاسىپتىك كوركەمونەر ويىن - ساۋىق ۇجىمى قۇرىلىپ، رايون، ايماق، اۋدان 3 دارەجەنى قامتىپ، ءتۇرى تولىق كوركەمونەر جۇيەسى قالىپتاستى؛ كوركەمونەر جاسامپازدىعى ءوندىرىسىنىڭ تابىسى سۇبەلى بولدى، «كۇن نۇرى استىنداعى ءبي قادامى»، «انار گۇلى اشىلدى»، «التىن توراڭعى» سياقتى نەگىزگى اۋەندى اسقاقتاتىپ، وڭ ەنەرگيانى قاۋلاتاتىن تاڭداۋلى قازىرگى زامان تاقىرىبىنداعى تۋىندىلار ۇلت رۋحىنا شابىت بەردى جانە سەرپىلتتى؛ نەگىزگى ساتىداعى مادەنيەت - كوركەمونەر قيمىلدارى جانداندى، ”13 - بەسجىلدىق“ مەزگىلىندە تەك اۆتونوميالى رايون دارەجەلى تەاتر، ويىن - ساۋىق ۇيىرمەلەرى وڭتۇستىك شينجياڭعا بارىپ ”ۇعىسۋ، تيىمدىلىك جاساۋ، توعىستىرۋ“، ”4 ءبىر توپ“ بويىنشا نەگىزگى ساتىعا ءتۇسىپ حالىققا تيىمدىلىك جاساۋ اياسىندا 20 مىڭنان استام رەت كونسەرت قويىپ، 6 ميلليون 500 مىڭنان استام ادامعا (رەت) يگىلىك جەتكىزدى.
”13 - بەسجىلدىقتان“ بەرى شينجياڭنىڭ مادەني ەسكەرتكىشتەردى زاڭ بويىنشا قورعاۋ دەڭگەيى ءونىمدى تۇردە جوعارىلادى، مادەني ەسكەرتكىشتەردى قورعاۋ - باسقارۋ جۇيەسى العاشقى قادامدا كەمەلدەندى، جىبەك جولىن ارحەولوگيالىق زەرتتەۋ جاعىنداعى سويلەۋ ۇقىعى كۇن سايىن كۇشەيدى، نەگىزگى قۇرىلعىلاردى كورسەتۋ، ودان پايدالانۋ نەگىزىنەن كەمەلدەندى، ”مادەني ەسكەرتكىش + ساياحات“ توعىسپالى دامۋىندا العاشقى قادامدا كولەم قالىپتاستى.
”’13 - بەسجىلدىق‘ مەزگىلى شينجياڭنىڭ ساياحاتىندا بۇرىن بولماعان زور دامۋ مەزگىلى بولدى. اسىرەسە، 2018 - جىلى اۆتونوميالى رايوننىڭ ساياحاتتى دامىتۋ جينالىسى اشىلعاننان كەيىن، شينجياڭ ساياحاتتى ستراتەگيالىق تىرەكتى كاسىپ سالاسى جانە ەكونوميكانىڭ جوعارى ساپالى دامۋىنىڭ ماڭىزدى قوزعالتقىشى ەتىپ، شاپشاڭ دامۋ جاعدايى جارىققا شىقتى“، - دەدى حوۋ حانمين.
شينجياڭ ساياحاتىندا جوبا جەتەكشى ەتىلىپ، ساياحات نەگىزدىك قۇرىلعىلارى ۇزدىكسىز كەمەلدەندى، ەرەكشە ساياحاتتا تىڭ دامۋعا قول جەتتى، مادەنيەت، ساياحات كاسىپ سالاسى جەدەل دامىدى. 2016 - جىلدان 2019 - جىلعا دەيىن شينجياڭ قابىلداعان ساياحاتشى سانى 60 ميلليون ادامنان (رەت) 210 ميلليون ادامعا (رەت) جەتىپ، ورتاشا ارتۋ جىلدامدىعى ％36.76 بولدى، ساياحات كىرىسى 102 ميلليارد 200 ميلليون يۋاننان 363 ميلليارد 300 ميلليون يۋانعا ارتتى، شينجياڭنىڭ قوعامى كەلەلى جاعدايىنىڭ ورنىقتى بولۋىنىڭ پايداسى، ەكولوگيالىق ورتانىڭ پايداسى، تەبىندەۋ ارتىقشىلىعى تولىق ايگىلەندى.
”ۇشكە كۇش سالۋ“، ”شينجياڭدى مادەنيەتپەن نارلەندىرۋ“ ينجەنەرياسىن ىلگەرىلەتەمىز
”’14 - بەسجىلدىق‘ مەزگىلىندە شينجياڭنىڭ مادەنيەت، ساياحات ىستەرىنىڭ زور دامۋىن جاڭا تاريحي باستاماعا قويامىز، ءبىز جۇڭحۋا ۇلتى ۇلى گۇلدەنۋى ستراتەگياسىنىڭ جالپى جاعدايى مەن دۇنيە جۇزىندە 100 جىلدا بولماعان زور وزگەرىستىڭ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىنىڭ، حالىق بۇقاراسىنىڭ تاماشا تۇرمىسقا دەگەن قاجەتىن قاناعاتتاندىرۋدىڭ بيىگىندە تۇرىپ، ستراتەگيالىق سيپاتقا ءمان بەرىپ، زاڭدىلىعىن يگەرىپ، جاسامپازدىقتى ايگىلەپ، امالياتتى ايگىلەۋدى كورنەكتىلەندىرىپ، ’14 - بەسجىلدىق‘ مەزگىلىندە شينجياڭنىڭ مادەنيەتى مەن ساياحاتىنىڭ دامۋىن جوعارى ساپامەن ويداعىداي جوبالاۋىمىز كەرەك“، - دەدى حوۋ حانمين.
”شينجياڭدى مادەنيەتپەن نارلەندىرۋدىڭ ءوزى جۇڭحۋانىڭ تاڭداۋلى ءداستۇرلى مادەنيەتىنىڭ، توڭكەرىستىك مادەنيەتىنىڭ، سوتسياليستىك وزىق مادەنيەتتىڭ تاربيەلەۋ، جەتەكتەۋ رولىن تولىق ساۋلەلەندىرىپ، ادامدى مادەنيەتپەن وزگەرتۋ، ادامدى مادەنيەتپەن تاربيەلەۋ، مادەنيەت ارقىلى جۇرەكتەرگە ءنار بەرۋ، جۇرت تىلەگىن ۇيىستىرۋ كەرەك“، - دەدى حوۋ حانمين.
”شينجياڭدى مادەنيەتپەن نارلەندىرۋ“ ينجەنەرياسىن زور كۇشپەن ىلگەرىلەتۋدە سارا تۋىندىلاردى جارىققا شىعارىپ، ساپاسى مەن دەڭگەيىن ءوسىرۋ؛ جالپى قاۋىمدى بەتكە الىپ، ءار ۇلت بۇقاراسىن اناعۇرلىم كوپ، اناعۇرلىم جاقسى، ءتىپتى، قۋانا قابىل الاتىن رۋحاني مادەنيەت ونىمدەرىمەن قامداۋ؛ شەتەلدەردى بەتكە الىپ، جۇڭگو حيكاياسىن، شينجياڭ حيكاياسىن جاقسى بايانداپ، جۇڭحۋا مادەنيەتىنىڭ باۋراۋ قۋاتى مەن ىقپالىن كۇشەيتۋ كەرەك.
حوۋ حانمين بىلاي دەپ قارادى: شينجياڭدى مادەنيەتپەن نارلەندىرۋدە ”ۇشكە كۇش سالۋدى“ ورىنداۋ كەرەك: جۇڭحۋانىڭ تاڭداۋلى ءداستۇرلى مادەنيەتىنىڭ كەڭىنەن جالپىلاسۋىن ىلگەرىلەتۋگە كۇش سالۋ. الەۋمەتتىك مادەنيەت بازاسى قۇرىلىسىن كۇشەيتۋ، الەۋمەتتىك مادەنيەت بازاسىنان ويداعىداي پايدالانۋ جونىندەگى پىكىردى اقىلداسىپ بەلگىلەپ، جۇڭحۋا مادەنيەتىن كەڭىنەن جالپىلاستىرۋ ارقىلى ءار ۇلت بۇقاراسىنىڭ ”كورە الۋىنا“، ”تىڭداي الۋىنا“، ”قاتىناسا الۋىنا“ مۇمكىندىك جاساۋ، جۇڭحۋانىڭ تاڭداۋلى ءداستۇرلى مادەنيەتىنىڭ وبراز ينجەنەرياسىن اتقارۋ، جۇڭحۋانىڭ تاڭداۋلى ءداستۇرلى مادەنيەتىن ايگىلەيتىن ءبىر توپ مادەنيەت ونىمدەرى مەن قيمىلىن ۇسىنۋ، ءداستۇرلى مەرەكە مادەنيەتىن جالپىلاستىرۋ ينجەنەرياسىن اتقارۋ، بەيزاتتىق مادەني مۇرالاردى قورعاۋ جانە وعان مۇراگەرلىك ەتۋ ينجەنەرياسىن اتقارۋ، الەۋمەتتىك سيفرلى مادەنيەت قۇرىلىسى ينجەنەرياسىن اتقارۋ سياقتى 5 جاقتاعى قىزمەتتى جاقسى ىستەۋ.
حالىقتى وزەك ەتكەن ادەبيەت - كوركەمونەر سارا تۋىندىلارىنان ءبىر توبىن جارىققا شىعارۋعا كۇش سالۋ. ادەبيەت - كوركەمونەر سارا تۋىندىلارى ستراتەگياسىن اتقارۋ، ادەبيەت - كوركەمونەر سارا تۋىندىلارىن، تارتىمدى شىعارمالارىن جارىققا شىعارۋ جونىندەگى پىكىردى اقىلداسىپ بەلگىلەپ، مەملەكەت مەنشىگىندەگى ادەبيەت - كوركەمونەر مەكەمەلەرىنىڭ، ۇيىرمەلەرىنىڭ رەفورماسىن بايىپتى ىلگەرىلەتىپ، ءتۇزىلىستى، مەحانيزمدى جاڭالاپ، تۇتاس قوعامدىق كۇشتەردى ۇيىستىرىپ، ادەبيەت - كوركەمونەر تۋىندىلارىن شىعارۋدى، جالپىلاستىرۋدى جانە ساپاسىن ءوسىرۋدى كۇشەيتۋ. سارا تۋىندى ادەبيەت - كوركەمونەر ستراتەگياسى ينجەنەرياسىن، جۇڭحۋانىڭ تاڭداۋلى ءداستۇرلى مادەنيەتىن جالعاستىرۋ ينجەنەرياسىن، شەتەلدەرگە باعىتتالعان مادەنيەت اۋىس - كۇيىس جوسپارىن اتقارۋ.
مادەني ەسكەرتكىشتەردى قورعاۋدى، زەرتتەۋدى، پايدالانۋدى كۇشەيتۋگە كۇش سالۋ. باتىس ءوڭىر باسقاقتىعى، بەسبالىق باسقاقتىعى، انشي باسقاقتىعى سياقتى كولەمدى جۇرتتاردىڭ ارحەولوگيالىق قازبا جانە عىلمي زەرتتەۋ جۇمىستارىن ءتۇيىندى تۇردە ىلگەرىلەتۋ، قىزىل، تۇيۇق تاس ۇڭگىر، بۇتحانا شوعىرلارى سياقتىلاردىڭ ارحەولوگيالىق تەكسەرۋ - زەرتتەۋ نىساندارىن اتقارۋ، شينجياڭنىڭ كەلەلى تاريحي ماسەلەلەرىن زەرتتەۋ نىساندارىن ورىستەتۋ. كۇسان بايىرعى قالاسى، كروران بايىرعى قالاسى سياقتى 6 جۇرت باقشا قۇرىلىسىن ءتۇيىندى تۇردە ىلگەرىلەتۋ، مادەنيەتتىك، ساياحاتتىق كورىنىس وڭىرلەرى، قىزىل ساياحاتتىق كورىنىس وڭىرلەرى، تاريحي، مادەنيەت كوشە اۋماقتارى سياقتى مادەنيەت پەن ساياحاتتى توعىستىرۋ نىساندارىنان ءبىر توبىن اتقارۋ، ءبىر توپ مۇراجايدىڭ، مادەني ەسكەرتكىش جۇرتىنىڭ ينتەرنەت جەلىسىندەگى ”بۇلت كورمەسىن“ جانە مادەني ەسكەرتكىش، كىتاپ، مەرزىمدى باسىلىمداردىڭ ”بۇلت تور شولعىشىن“ ۇسىنۋ، مادەني ەسكەرتكىشتەر ارقىلى تاريحتى تۇسىندىرەتىن جالپىعا تۇسىنىكتى ادەبيەتتەردى جازۋ، نەگىزگى تاقىرىپتىق كورمەنى جوبالاۋ، ۇگىت تاربيەسىنىڭ باياندى مەحانيزمىن ورناتۋ، ىقپالدى مادەنيەت، ساياحات جاسامپاز ونىمدەرى سياقتىلاردى تۇلعالاۋ، ت. ب.
مادەنيەت پەن ساياحاتتى توعىستىرۋ، ساياحات ارقىلى شينجياڭدى گۇلدەندىرۋ زور ءىسىن ويداعىداي ىستەيمىز
پارتيا 19 - كەزەكتى ورتالىق كوميتەتى بەسىنشى جالپى ماجىلىسىندە مىنالار العا قويىلدى: مادەنيەت استارىنا باي الەمدىك دەڭگەيدەگى ساياحات كورىنىس وڭىرلەرى مەن دەمالىس وڭىرلەرىنەن ءبىر توبىن قۇرىپ، ءبىر توپ مادەنيەت ەرەكشەلىگى ايقىن مەملەكەتتىك دەڭگەيدەگى ساياحات، سەيىل - سەرۋەن قالالارى مەن كوشە - اۋماقتارىن قۇرىپ، قىزىل ساياحات پەن اۋىل - قىستاق ساياحاتىن دامىتۋ كەرەك. ”وسى تالاپتارعا ساي، ءبىز ساياحات ارقىلى شينجياڭدى گۇلدەندىرۋ جوباسى مەن مادەنيەت، ساياحات ارقىلى شينجياڭعا كومەكتەسۋ مەحانيزمىن قۇرۋ، كەمەلدەندىرۋ پىكىرىن اقىلداسىپ جاساپ، ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى، حالىقارا سىندى قوس اينالىم ءبىر - ءبىرىن جەبەيتىن جاڭا دامۋ ارناسى استارىندا ەل ءىشى تۇتىنۋىنىڭ تيبىن وزگەرتىپ، دارەجەسىن جوعارىلاتۋدى، جىبەك جولى ەكونوميكالىق بەلدەۋى وزەكتى رايونىن قۇرۋ ورايىن يگەرىپ، شينجياڭ ساياحاتىنىڭ نەگىزدىك قۇرىلعى قۇرىلىستارىنا قارجى قوسۋ تەبىنىن ارتتىرىپ، ”شينجياڭ جاقسى جەر“ مادەنيەت پەن ساياحات توعىسقان ماركاسىن اناعۇرلىم قالىپتاستىرىپ، بازار تانىمىن، زاڭمەن جونگە سالۋ تانىمىن، قىزمەت وتەۋ تانىمىن كۇشەيتىپ، بازاردىڭ تۇلعالىق ومىرشەڭدىك كۇشىن قاۋلاتىپ، بازار تۇلعاسىن جەتىلدىرىپ، كاسىپورىنشىلار رۋحىن اسقاقتاتىپ، مادەنيەت - ساياحات بازارىنىڭ ورتاسى مەن ءتۇزىم ورتاسىن ۇزدىكسىز جاقسارتامىز“، - دەدى حوۋ حانمين.
”14 - بەسجىلدىق“ مەزگىلىندە شينجياڭ ساياحات ماركالارىن جوعارىلاتۋ ينجەنەرياسىن ۇزدىكسىز زور كۇشپەن اتقارادى. تاڭداۋلى كورىنىس وڭىرلەرى مەن ساياحات لەنيالارىن كۇش سالا اشادى. جەر - جەردىڭ دۇنيە جۇزىلىك مۇرالارىن، مەملەكەتتىك كورىنىس ايگىلى وڭىرلەرىن، تاريحي، مادەنيەت ايگىلى قالالاردى، ايگىلى قالاشىقتاردى، ايگىلى قىستاقتاردى، تاريحي، مادەنيەت كوشە اۋماقتارىن، مادەنيەت، سەيىل - سەرۋەن تاقىرىپتىق باقشالارىن، تاڭداۋلى كورىنىس وڭىرلەرىن، مەملەكەتتىك ساياحات دەمالىس وڭىرلەرىن، تۇتاس وڭىرلىك ساياحاتتان ۇلگى كورسەتۋ وڭىرلەرىن ءوتىنىش ەتىپ قۇرۋىن ىلگەرىلەتۋدى تەزدەتىپ، كوپ نەگىزدى ساياحات ماركاسى وزەكتى باۋراۋ ورىندارىن قۇرىپ، ەرەكشە ساياحات كوزەۋلى جەرى جۇيەسىن قۇرادى.
سونىمەن بىرگە ساياحات نەگىزگى قۇرىلعى قۇرىلىستارىنىڭ دارەجەسىن جوعارىلاتۋ ينجەنەرياسىن ىشكەرىلەي اتقارادى. ساياحات نەگىزدىك قۇرىلعى قۇرىلىستارىنا قارجى قوسۋدى، ۇسىنىلىم قوسۋدى ارتتىرىپ، ساياحات تاڭداۋلى كورىنىس وڭىرلەرى، مەملەكەتتىك ساياحات دەمالىس وڭىرلەرى، ءوز كولىكتەرىمەن ساياحاتتاۋ قونالقىسى، اۋىل - قىستاق ساياحات ءتۇيىندى قىستاقتارى، ساياحات كورىنىس جولدارى، ءوز كولىكتەرىمەن ساياحاتتاۋ جەلىلەرى سياقتى ساياحات وزەكتى باۋراۋ ورىندارىنىڭ نەگىزدىك قۇرىلعى قۇرىلىستارىن كەمەلدەندىرىپ، جوعارىلاتىپ، سۋ، توك، جول، اۆتو تۇراعىن، ساياحات دارەتحاناسىن جانە ساياحات قىزمەت وتەۋ ورتالىعىن قۇرۋ سياقتى ساياحات نەگىزدىك قۇرىلعى قۇرىلىستارىن عىلمي ورنالاستىرادى.
بولاشاقتا شينجياڭ ءتۇيىندى تۇردە ءبىر توپ مادەنيەت، ساياحات ونىمدەرىن قالىپتاستىرادى، وتە - موتە، قىسقى ساياحاتتى، قىزىل ساياحاتتى، اۋىل - قىستاق ساياحاتىن زور كۇشپەن دامىتىپ، جاڭا كۇيدەگى مادەنيەت، ساياحات ونىمدەرىن جەتىلدىرىپ، ءبىر توپ مادەنيەت، ساياحات ونىمدەرىن اشىپ، ەرەكشە ساياحات حالىقتىق تۇسەلحانالاردى دامىتادى. سونىمەن ءبىر ۋاقىتتا مادەنيەت، ساياحات كاسىپ سالالارىن اناعۇرلىم جەتىلدىرىپ، زورايتىپ، سيفرلى مادەنيەت، ساياحات قىزمەت وتەۋ جۇيەسىن قۇرۋدى تەزدەتىپ، ”شينجياڭ جاقسى جەر“ مادەنيەت، ساياحات توعىسقان ماركالارىنىڭ ىقپال كۇشىن اناعۇرلىم جوعارىلاتادى.
”ءبىز تابيعي ەكولوگيا مەن ەرەكشە مادەنيەتتى توڭىرەكتەي وتىرىپ، ءبىر توپ مەملەكەتتىك دەڭگەيدەگى، الەمدىك دەڭگەيدەگى ايگىلى ساياحات ماركالارىن ۇسىنىپ، شينجياڭ ساياحاتىنىڭ كورنەكتى بەلگىلەرىن قالىپتاستىرىپ، شينجياڭ ساياحاتىنىڭ تۇلعالىق وبرازىن جوعارىلاتامىز؛ ’شينجياڭ جاقسى جەردى‘ سەركە ەتىپ، 1 -، 2 -، 3 - كاسىپ سالاسىن قامتىعان كوپ قاتتامدى، تۇتاس كاسىپ سالاسى تىزبەگى ماركالارى جۇيەسىن قۇرىپ، ءارقايسى ايماق - وبلىستاردىڭ كوزەۋلى جەر ساياحات ماركالارىن قۇرۋىنا جەتەكشىلىك ەتىپ جانە ىلگەرىلەتىپ، 14 ايماق، وبلىس، قالانىڭ ساياحات وبرازى ماركالارىن ايقىندايمىز؛ ساياحات وبرازىن مىقتى يگەرە وتىرىپ ونىمدەردى اشۋ مەن ۇگىتتەۋ، ساتۋ قىزمەتىن ورىستەتىپ، سالىستىرمالى ورنىقتى بولعان شينجياڭ ساياحاتىنىڭ تۇلعالىق وبرازى مەن ۇگىتتەۋ، ساتۋ جۇيەسىن قالىپتاستىرامىز“، - دەدى حوۋ حانمين.
