پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنىپ، باتىل دايەكتىلەندىرىپ، جاپپاي سوتسياليستىك وسىزاماندانعان مەملەكەت قۇرۋدا جاقسى باستاما اشۋعا شىنايى كەپىلدىك ەتۋ كەرەك
لي كىچياڭ باسقاردى، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتىناستى
1 - ايدىڭ 11 - كۇنى ولكە - مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ - تالقى كۋرسى ورتالىق پارتيا مەكتەبىندە (مەملەكەتتىك اكىمشىلىك شۋەيۋانى) وقۋ باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وقۋ باستاۋ سالتىندا ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
شينحۋا اگەنتتىگىنىڭ 1 - ايدىڭ 11 - كۇنى بەيجيڭنەن بەرگەن حابارى. ولكە - مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ - تالقى كۋرسى 1 - ايدىڭ 11 - كۇنى تۇستەن بۇرىن ورتالىق پارتيا مەكتەبىندە (مەملەكەتتىك اكىمشىلىك شۋەيۋانى) وقۋ باستادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وقۋ باستاۋ سالتىندا ماڭىزدى ءسوز سويلەپ، بىلاي دەپ باسا دارىپتەدى: جاڭا دامۋ كەزەڭىنە ءوتۋدى، جاڭا دامۋ ۇستانىمىن دايەكتىلەندىرۋدى، جاڭا دامۋ ارناسىن قالىپتاستىرۋدى ەلىمىزدىڭ ەكونوميكالىق، قوعامدىق دامۋىنىڭ نازاريالىق لوگيكاسى، تاريحي لوگيكاسى، امالياتتىق لوگيكاسى بەلگىلەگەن. جاڭا دامۋ كەزەڭىنە ءوتۋ ەلىمىز دامۋىنىڭ تاريحي ورنىن ايقىندادى، جاڭا دامۋ ۇستانىمىن دايەكتىلەندىرۋ ەلىمىزدىڭ وسىزامانداندىرۋ قۇرىلىسىنىڭ جەتەكشى پرينسيبىن ايقىندادى، جاڭا دامۋ ارناسىن قالىپتاستىرۋ ەلىمىز ەكونوميكاسىن وسىزامانداندىرۋدىڭ جول تاڭداۋىن ايقىندادى. پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنىپ، باتىل دايەكتىلەندىرىپ، جاڭا دامۋ كەزەڭىن ءدال يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، ”14 - بەسجىلدىق“ مەزگىلدەگى جوعارى ساپالى دامۋدى ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدا جاقسى باستاما اشۋعا، جاقسى قادام تاستاۋعا شىنايى كەپىلدىك ەتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى لي كىچياڭ وقۋ باستاۋ سالتىن باسقاردى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، مەملەكەتتىڭ ورىنباسار ءتوراعاسى ۋاڭ چيشان وقۋ باستاۋ سالتىنا قاتىناستى.
شي جينپيڭ بىلاي دەپ اتاپ كورسەتتى: پارتيا مەن مەملەكەت ىستەرىنىڭ تاريحي ورنىن جانە دامۋ كەزەڭىن دۇرىس تانۋ پارتيامىزدىڭ كەزەڭدىك وزەكتى مىندەتتەردى ايقىنداۋىنىڭ، لۋشيان، باعىت - ساياسات بەلگىلەۋىنىڭ ءتۇبىرلى دايەگى، سونداي - اق پارتيامىزدىڭ توڭكەرىس، قۇرىلىس، رەفورما ىستەرىنە باسشىلىق ەتىپ ۇزدىكسىز جەڭىسكە قول جەتكىزۋىنىڭ ماڭىزدى تاجىريبەسى. پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە: جاپپاي دوڭگەلەك داۋلەتتى قوعام ورناتقان، ءبىرىنشى 100 جىلدىق كۇرەس نىساناسىن جۇزەگە اسىرعان سوڭ، ءبىز قولايلى جاعدايدان ۇتىمدى پايدالانىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋىمىز، ەكىنشى 100 جىلدىق كۇرەس نىساناسىنا قاراي جورىق جاساۋىمىز كەرەك، بۇل ەلىمىزدىڭ جاڭا دامۋ كەزەڭىنە وتكەندىگىن كورسەتەدى، - دەپ اتاپ كورسەتىلدى. مۇنداي ستراتەگيالىق تۇجىرىم جاساۋدىڭ تەرەڭ دايەگى بار. جاڭا دامۋ كەزەڭى سوتسياليزمنىڭ العاشقى ساتىسىنىڭ ءبىر كەزەڭى، سونداي - اق وسى بارىستا نەشە ون جىل قوردالانۋدى باستان كەشىرگەن، جاڭا باستاماعا تابان تىرەگەن كەزەڭ سانالادى. جاڭا دامۋ كەزەڭى پارتيامىزدىڭ حالىقتى باستاپ ەڭسە كوتەرۋدەن، بايۋدان قۇدىرەتتەنۋگە دەيىنگى تاريحي شارىقتاۋدى قارسى العان جاڭا كەزەڭ. جاڭا جۇڭگو قۇرىلعاننان بەرگى، اسىرەسە، رەفورما جاساعان، ەسىك اشقان 40 نەشە جىلدان بەرگى قاجىماس كۇرەستەن كەيىن، ءبىز جاڭا ساپار باستايتىن، جاڭا اناعۇرلىم بيىك نىسانالاردى جۇزەگە اسىراتىن مول زاتتىق نەگىزگە يە بولدىق. جاڭا جۇڭگو قۇرىلىپ كوپ وتپەي، پارتيامىز سوتسياليستىك وسىزاماندانعان مەملەكەت قۇرۋ نىساناسىن العا قويدى، الداعى 30 جىل ءبىزدىڭ وسى تاريحي ۇلى ارماندى ورىندايتىن جاڭا دامۋ كەزەڭى بولماق.
شي جينپيڭ بىلاي دەپ باسا دارىپتەدى: جاڭا دامۋ كەزەڭى ەلىمىزدىڭ سوتسياليستىك دامۋ ۇردىسىندەگى ماڭىزدى كەزەڭ بولىپ تابىلادى. سوتسياليزمنىڭ العاشقى ساتىسى تىنىش كۇيدەگى، ءبىر قالىپتان وزگەرمەيتىن، توقىراپ ىلگەرى باسپايتىن كەزەڭ ەمەس، ءوزى بولا سالاتىن، ىرىقسىز، كوپ كۇش جۇمساماي - اق تابيعي تۇردە اتتاي سالاتىن كەزەڭ دە ەمەس، قايتا ديناميكالى، بەلسەندىلىكپەن ءىس تىندىراتىن، قاشاندا قاۋلاعان تىرشىلىك تىنىسى مەن ومىرشەڭ كۇش كەرنەپ تۇراتىن بارىس، ساتىلى تۇردە ۇتىلاپ ىلگەرىلەيتىن، ۇزدىكسىز دامىپ العا باساتىن، ساپالىق شارىقتاۋعا كۇن سايىن جاقىنداي تۇسەتىن قوردالانۋ جانە دامىپ وزگەرۋ بارىسى سانالادى. جاپپاي سوتسياليستىك وسىزاماندانعان مەملەكەت قۇرۋ، سوتسياليستىك وسىزامانداندىرۋدى نەگىزىنەن جۇزەگە اسىرۋ ءارى سوتسياليزمنىڭ العاشقى ساتىسىنداعى ەلىمىز دامۋىنىڭ تالابى، ءارى ەلىمىز سوتسياليزمىنىڭ العاشقى ساتىدان اناعۇرلىم بيىك ساتىعا قادام تاستاۋىنىڭ تالابى بولىپ تابىلادى.
شي جينپيڭ بىلاي دەپ اتاپ كورسەتتى: قازىر دۇنيە ءجۇزى 100 جىلدا بولماعان زور وزگەرىستى باستان كەشىرۋدە، دەگەنمەن ۋاقىت پەن جاعداي ءبىزدىڭ جاقتا تۇر، بۇل تاباندىلىعىمىز بەن قايراتىمىزدىڭ تياناعى، سونداي - اق بەكىمىمىز بەن سەنىمىمىزدىڭ تياناعى. سونىمەن بىرگە، مىنانى، ءسوز جوق، سەرگەكتىكپەن كورە ءبىلۋ كەرەك: كەزەكتە جانە الداعى ءبىر مەزگىلدە ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇرعانىمەن، وراي مەن سىن - سايىستىڭ بارلىعىندا جاڭا دامۋ، وزگەرىس جارىققا شىعادى، وراي مەن سىن - سايىستىڭ ۇلكەندىگى بۇرىن بولماعان دەڭگەيدە، جالپى تۇلعالىق جاقتان وراي سىن - سايىستان ۇلكەن. بۇكىل پارتيا، ءسوز جوق، ۇزدىكسىز تۇردە كىشى پەيىل، بايسالدى بولىپ، قاجىرلىلىقپەن كۇرەس جۇرگىزىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، ءوز ءىسىمىزدى بار كۇشپەن ويداعىداي ىستەپ، بەلگىلەگەن نىسانالارىمىزدى قاجىماي - تالماي جۇزەگە اسىرۋىمىز كەرەك.
شي جينپيڭ بىلاي دەپ باسا دارىپتەدى: پارتيامىزدىڭ حالىققا باسشىلىق ەتىپ ەل باسقارۋىنىڭ اسا ماڭىزدى ءبىر جاعى قانداي دامۋدى جۇزەگە اسىرۋ، دامۋدى قالاي جۇزەگە اسىرۋ دەگەن كەلەلى ماسەلەگە جاقسى جاۋاپ بەرۋ بولىپ تابىلادى. ۇستانىم − ارەكەتتىڭ جەتەكشىسى، بەلگىلى دامۋ امالياتىنىڭ بارلىعىنا بەلگىلى دامۋ ۇستانىمى جەتەكشىلىك ەتەدى. دامۋ ۇستانىمىنىڭ دۇرىس - بۇرىستىعى دامۋدىڭ ناتيجەسىن، ءتىپتى ءساتتى - ءساتسىز بولۋىن تۇبىرىنەن بەلگىلەيدى. پارتيا 18 - قۇرىلتايىنان بەرى پارتيامىز ەكونوميكالىق جاعدايعا عىلمي تالداۋ جاساپ، ەكونوميكالىق، قوعامدىق دامۋ جونىندە كوپتەگەن ماڭىزدى نازاريالار مەن ۇستانىمداردى ورتاعا قويىپ، دامۋ ۇستانىمىنا جانە وي جەلىسىنە دەر كەزىندە رەتتەۋ جۇرگىزدى، جاڭا دامۋ ۇستانىمى بۇلاردىڭ ىشىندەگى ەڭ ماڭىزدىسى، ەڭ باستىسى، ەلىمىزدىڭ ەكونوميكالىق دامۋىندا تاريحي جەتىستىككە قول جەتكىزۋگە، تاريحي وزگەرىس تۋىلۋعا جەتەكشىلىك ەتەدى. جاڭا دامۋ ۇستانىمى جۇيەلى نازاريالىق جۇيە، ول دامۋدىڭ ماقساتى، قوزعاۋشى كۇشى، ءتاسىلى، جولى سياقتى ءبىرسىپىرا نازاريالىق جانە امالياتتىق ماسەلەلەرگە جاۋاپ بەرىپ، دامۋدىڭ ساياسي تۇرعىسى، قۇن بەتالىسى، دامۋ ۇلگىسى، دامۋ جولى سياقتىلار جونىندەگى پارتيامىزدىڭ كەلەلى ساياسي ماسەلەلەرىن ايقىن بايىمدادى.
شي جينپيڭ بىلاي دەپ اتاپ كورسەتتى: بۇكىل پارتيا، ءسوز جوق، جاڭا دامۋ ۇستانىمىن تولىق، دالمە - ءدال، جالپى بەتتىك دايەكتىلەندىرۋ كەرەك. ءبىرىنشى، جاڭا دامۋ ۇستانىمىن ءتۇبىرلى ماقسات جاعىنان يگەرۋ كەرەك. حالىق − پارتيامىزدىڭ بيلىك جۇرگىزۋدەگى ەڭ مىعىم نەگىزى جانە ەڭ ۇلكەن قايراتى. حالىقتى باقىتقا كەنەلتۋ، ۇلتتىڭ گۇلدەنۋىن جۇزەگە اسىرۋ پارتيامىزدىڭ وسىزامانداندىرۋ قۇرىلىسىنا باسشىلىق ەتۋىنىڭ شىعار ءتۇيىنى جانە تابان تىرەر تياناعى ءارى جاڭا دامۋ ۇستانىمىنىڭ ”تامىرى“ مەن ”جانى“ سانالادى. حالىقتى وزەك ەتەتىن دامۋ يدەياسىنا تاباندى بولىپ، دامۋ حالىق ءۇشىن بولۋعا، دامۋدا حالىققا سۇيەنۋگە، حالىقتى دامۋ جەتىستىكتەرىنەن بىرگە يگىلىكتەندىرۋگە تاباندى بولعاندا عانا، دۇرىس دامۋ كوزقاراسىنا، وسىزامانداندىرۋ كوزقاراسىنا يە بولۋعا بولادى. بىرگە بايۋدى جۇزەگە اسىرۋ ەكونوميكالىق ماسەلە عانا ەمەس، قايتا پارتيانىڭ بيلىك جۇرگىزۋ نەگىزىنە ساياتىن كەلەلى ساياسي ماسەلە. قاجەتتىلىك پەن مۇمكىندىكتى ءبىر تۇتاس جوسپارلاپ ويلاستىرىپ، ەكونوميكالىق، قوعامدىق دامۋدىڭ زاڭدىلىعى بويىنشا بىرتىندەي ىلگەرىلەپ، وڭىرلىك پارىق، قالا، اۋىل پارقى، كىرىس پارقى سياقتى ماسەلەلەردى سانالى، ىرىقتى تۇردە شەشىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز نىعايتۋ كەرەك. ەكىنشى، جاڭا دامۋ ۇستانىمىن ماسەلەنى باعدار ەتۋ جاعىنان يگەرۋ كەرەك. ەلىمىزدىڭ دامۋى جاڭا تاريحي باستامادا تۇر، جاڭا دامۋ كەزەڭىنىڭ جاڭا تالابىنا نەگىزدەلە وتىرىپ، ماسەلەنى باعدار ەتۋگە تاباندى بولىپ، جاڭا دامۋ ۇستانىمىن اناعۇرلىم ءدال دايەكتىلەندىرۋ، شارالار اناعۇرلىم ءدال، ناقتى بولۋ، دامۋدىڭ بىركەلكى بولماۋ، تولىق بولماۋ ماسەلەسىن شىنايى شەشىپ، جوعارى ساپالى دامۋدى شىن مانىندە جۇزەگە اسىرۋ كەرەك. ءۇشىنشى، جاڭا دامۋ ۇستانىمىن تاۋقىمەت تانىمى جاعىنان يگەرۋ كەرەك. ەلىمىز قوعامىنداعى باستى قايشىلىقتىڭ وزگەرۋىنە جانە حالىقارالىق كۇشتەر سالىستىرماسىنىڭ تەرەڭ رەتتەلۋىنە مەڭزەس، ءسوز جوق، تاۋقىمەت تانىمىن كۇشەيتىپ، تومەنگى شەكتە ويلاۋعا تاباندى بولىپ، اناعۇرلىم كۇردەلى، قيىن جاعدايعا توتەپ بەرۋگە قاي - قاشان دا دايىن تۇرۋ كەرەك. ساياسي حاۋىپسىزدىكتىڭ، حالىقتىڭ حاۋىپسىزدىگىنىڭ، مەملەكەتتىڭ مۇددەسىن بارىنەن جوعارى قويۋدىڭ ورگانيكالى بىرلىگىنە تاباندى بولىپ، جۇرەكتىلىكپەن كۇرەس جۇرگىزۋمەن بىرگە، كۇرەس جۇرگىزۋگە شەبەر بولىپ، ءوزىمىزدى جاپپاي كۇشەيتۋىمىز كەرەك.
شي جينپيڭ بىلاي دەپ باسا دارىپتەدى: ەل ءىشى ۇلكەن اينالىمىن نەگىزگى تۇلعا ەتەتىن، ەل ءىشى، حالىقارا قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرۋ ”14 - بەسجىلدىق“ جوبا «ۇسىنىسىندا» ورتاعا قويىلعان ەلىمىز دامۋىنىڭ جالپى جاعدايىنا ساياتىن كەلەلى ستراتەگيالىق مىندەت، جالپى جاعداي بيىگىنەن ءدال يگەرۋ جانە بەلسەنە ىلگەرىلەتۋ قاجەت. ءوزىمىزدى تياناق ەتىپ، ەل ءىشى ۇلكەن اينالىمىن ىركىلىسسىزدەندىرگەندە عانا، حالىقارالىق جاعداي قالاي قۇبىلىپ وزگەرسە دە قاشاندا كوكىرەك كەرنەگەن جالىنمەن ءومىر سۇرۋگە جانە دامي بەرۋگە بولادى. الدىن الا بايقاۋعا بولاتىن جانە الدىن الا بايقاۋ قيىن دولى داۋىل، سۇراپىل نوسەر، دۇلەي تولقىن ىشىندە ءوزىمىزدىڭ ءومىر ءسۇرۋ قابىلەتىمىزدى، باسەكەلىك قابىلەتىمىزدى، دامۋ قابىلەتىمىزدى، جالعاستىرۋ قابىلەتىمىزدى كۇشەيتۋىمىز كەرەك.
شي جينپيڭ بىلاي دەپ اتاپ كورسەتتى: جاڭا دامۋ ارناسىن قالىپتاستىرۋدىڭ تەتىگى − ەكونوميكالىق اينالىمنىڭ ىركىلىسسىز، بوگەتسىز بولۋىندا. ءسوز جوق، قامداۋ جاعىنداعى قۇرىلىمدىق رەفورمانى تەرەڭدەتۋ سىندى نەگىزگى جەلىگە تاباندى بولىپ، ”ءۇشتى ازايتۋ، ءبىردى تومەندەتۋ، ءبىردى تولىقتاۋدىڭ“ ماڭىزدى مىندەتتەرىن ۇزدىكسىز ورىنداپ، كاسىپ سالاسى قۇرىلىمىن جاپپاي ساپالىلاندىرىپ جانە دەڭگەيىن جوعارىلاتىپ، جاڭالىق اشۋ قابىلەتىن، باسەكەلىك قابىلەتتى جانە جالپىلىق قۋاتتى ءوسىرىپ، قامداۋ جۇيەسىنىڭ سەرپىمدىلىگىن كۇشەيتىپ، اناعۇرلىم جوعارى ءونىمدى جانە اناعۇرلىم جوعارى ساپالى ۇسىنىلىم - شىعارىلىم قاتىناسىن قالىپتاستىرىپ، ەكونوميكانىڭ جوعارى دەڭگەيدەگى ديناميكالىق تەپە - تەڭدىگىن جۇزەگە اسىرۋ كەرەك. جاڭا دامۋ ارناسىن قالىپتاستىرۋدىڭ ەڭ ماندىك ەرەكشەلىگى − جوعارى دەڭگەيدەگى ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋ، ءسوز جوق، دەربەس جاڭالىق اشۋدى اناعۇرلىم دارىپتەپ، عىلىم - تەحنيكالىق جاڭالىق اشۋ جونىندەگى ورنالاستىرۋلاردى جالپى بەتتىك كۇشەيتىپ، باسىم بايلىقتاردى بىرىكتىرىپ، جاڭالىق اشۋدان قامال الۋدىڭ ”باستاماشى تاعايىنداۋ“ ءتۇزىلىسىن، مەحانيزمىن پارمەندى، ءتارتىپتى ىلگەرىلەتىپ، جاڭالىق اشۋ تىزبەگى مەن كاسىپ سالاسى تىزبەگىنىڭ ۇشتاسۋىن كۇشەيتۋ كەرەك. ىشكى سۇرانىستى كەڭەيتۋدىڭ ءونىمدى ءتۇزىمىن ورناتىپ، ىشكى سۇرانىستىڭ كومەسكى كۇشىن ىسكە قوسىپ، كەمەلدى ىشكى سۇرانىس جۇيەسىن جەدەل جەتىلدىرىپ، سۇرانىس جاعىن باسقارۋدى كۇشەيتىپ، تۇرعىنداردىڭ تۇتىنۋىن كەڭەيتىپ، تۇتىنۋدىڭ دەڭگەيىن جوعارىلاتىپ، اسا ءىرى كولەمدەگى ەل ءىشى بازارىن قۇرۋدى باياندى تاريحي ۇردىسكە اينالدىرۋ كەرەك. جاڭا دامۋ ارناسىن قالىپتاستىرىپ، جوعارى دەڭگەيدە سىرتقا ەسىك اشۋدا، ءسوز جوق، قۋاتتى ەل ءىشى ەكونوميكالىق اينالىم جۇيەسىنە جانە ورنىقتى، بەكەم نەگىزگى اۋقىمعا يە بولۋ كەرەك. ەلىمىزدىڭ حالىقارالىق سەلبەستىك پەن باسەكەگە ارالاسۋىنىڭ جاڭا باسىمدىعىن تۇلعالاپ، حالىقارالىق اينالىم ارقىلى ەل ءىشى ۇلكەن اينالىمىنىڭ ونىمدىلىگى مەن دەڭگەيىن جوعارىلاتۋعا ءمان بەرىپ، ەلىمىزدىڭ ءوندىرىس فاكتورلارىنىڭ ساپاسىن جانە سەپتەلۋ دەڭگەيىن جاقسارتىپ، ەلىمىز كاسىپ سالاسىنىڭ تيبىن وزگەرتۋدى، دارەجەسىن جوعارىلاتۋدى ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: پارتيانىڭ سوتسياليستىك وسىزامانداندىرۋ قۇرىلىسىنا جالپى بەتتىك باسشىلىعىن كۇشەيتۋ كەرەك. پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن دايەكتىلەندىرۋدى، تياناقتاندىرۋدى پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن دايەكتىلەندىرۋمەن، تياناقتاندىرۋمەن تىعىز بىرلەستىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ۇزدىكسىز ىلگەرىلەتىپ، پارتيانىڭ سوتسياليستىك وسىزامانداندىرۋ قۇرىلىسىنا باسشىلىعىنىڭ فۋنكتسيالىق سەپتەلۋ جاعىندا اناعۇرلىم عىلمي، ۇيلەسىمدى بولۋىن، ءتۇزىلىس - مەحانيزم جاعىندا اناعۇرلىم تولىق، كەمەلدى بولۋىن، جۇمىس جۇرگىزۋ، باسقارۋ جاعىندا اناعۇرلىم جوعارى ءونىمدى بولۋىن ىلگەرىلەتۋ كەرەك. پارتيا 19 - كەزەكتى ورتالىق كوميتەتى بەسىنشى جالپى ماجىلىسىندە ماقۇلدانعان ”14 - بەسجىلدىق“ جوبا «ۇسىنىسىن» ءار دارەجەلى باسشى كادرلار، اسىرەسە، جوعارى دارەجەلى كادرلار قاز - قالپىندا ۇيرەنۋ، تارماق - تارماق بويىنشا، ابزاتس - ابزاتس بويىنشا ءتۇسىنۋ، جالپى تۇلعالىق جاقتان يگەرۋ العى شارتىندا، ماڭىزدى تۇيىندەر مەن جاڭالىق اشۋ تۇيىندەرىن كورنەكتىلەندىرىپ، ويداعىداي ۇعىنۋ، نازاريانى امالياتپەن ۇشتاستىراتىن تاماشا ۇيرەنۋ ستيلىن ساۋلەلەندىرىپ، قازىرگى جاعدايدى تياناق ەتىپ، ۇزاق بولاشاقتى كوزدەپ، قىزمەتتەگى بەلسەندىلىكتى، ىرىقتىلىقتى، جاسامپازدىقتى كۇشەيتۋ كەرەك. ءار دارەجەلى باسشى كادرلار، اسىرەسە، جوعارى دارەجەلى كادرلار، ءسوز جوق، جۇڭحۋا ۇلتىنىڭ ۇلى گۇلدەنۋ ستراتەگياسىنىڭ جالپى جاعدايىن جانە دۇنيە جۇزىندەگى 100 جىلدا بولماعان زور وزگەرىستى تياناق ەتىپ، ”مەملەكەتتىڭ زور ىستەرىن“ كوكەيدە ساقتاپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، جاڭا دامۋ كەزەڭىن يگەرەتىن، جاڭا دامۋ ۇستانىمىن دايەكتىلەندىرەتىن، جاڭا دامۋ ارناسىن قالىپتاستىراتىن ساياسي قابىلەتتى، ستراتەگيالىق كوز ايانى، كاسىبي دەڭگەيدى ۇزدىكسىز جوعارىلاتىپ، باتىلدىقپەن جاۋاپكەرلىك ارقالاپ، شەبەرلىكپەن ىسكەرلىك كورسەتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ويداعىداي دايەكتىلەندىرۋ، تياناقتاندىرۋ كەرەك.
لي كىچياڭ وقۋ باستاۋ سالتىن باسقارعان كەزدە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى ءسوزى نازاريا مەن امالياتتى، تاريح پەن رەالدىقتى، ەل ءىشى مەن حالىقارانى بىرلەستىرۋ بيىگىنەن جاڭا دامۋ كەزەڭىنە ءوتۋدىڭ نازاريالىق دايەگىنە، تاريحي دايەگىنە، رەال دايەگىنە تالداۋ جاساپ، جاڭا دامۋ ۇستانىمىن ىشكەرىلەي دايەكتىلەندىرۋدىڭ جاڭا تالابىن بايىمدادى، جاڭا دامۋ ارناسىن جەدەل قالىپتاستىرۋدىڭ نەگىزگى قامال الۋ بەتالىسىن ءتۇسىندىردى، بۇكىل پارتيانىڭ، اسىرەسە، جوعارى دارەجەلى كادرلاردىڭ يدەيانى ونان ارى بىرلىككە كەلتىرۋىندە، دەڭگەيدى جوعارىلاتۋىندا، كوز ايانى كەڭەيتۋىندە، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرۋدە، جاپپاي سوتسياليستىك وسىزاماندانعان مەملەكەت قۇرۋدا جاقسى باستاما اشۋعا، جاقسى قادام تاستاۋعا شىنايى كەپىلدىك ەتۋدە كەلەلى ءارى تەرەڭ جەتەكشى مانگە يە. ىشكەرىلەي ۇيرەنىپ، ءتۇسىنىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا ورتالىق كوميتەتىنىڭ رۋحىن ۇيرەنۋمەن بىرلەستىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ۇيرەنگەندى قولدانا ءبىلىپ، تانىم مەن ارەكەتتىڭ بىرلىگىن جۇزەگە اسىرىپ، پارتيا ورتالىق كوميتەتىنىڭ ”14 - بەسجىلدىق“ مەزگىلدەگى دامۋ جونىندەگى كەلەلى شەشىمدەرىنىڭ، ورنالاستىرۋلارىنىڭ تىڭعىلىقتى تياناقتانۋىن شىنايى ىلگەرىلەتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ پارتيالى ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ پارتيالى ورىنباسار ءتوراعالارى جانە ورتالىق اسكەري ىستەر كوميتەتىنىڭ مۇشەلەرى وقۋ باستاۋ سالتىنا قاتىناستى.
ءارقايسى ولكە، اۆتونوميالى رايون، قالالارداعى جانە شينجياڭ ءوندىرىس - قۇرىلىس بيڭتۋانىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى نەگىزگى جاۋاپتى جولداستار، ارميانىڭ ءارقايسى ۇلكەن ورىندارىنداعى، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى نەگىزگى جاۋاپتى جولداستار زەرتتەۋ - تالقى كۋرسىنا قاتىناستى. ءارقايسى دەموكراتيالىق پارتيا - توپتاردىڭ ورتالىق كوميتەتتەرىندەگى، مەملەكەتتىك ساۋدا - ونەركاسىپشىلەر بىرلەستىگىندەگى جانە قاتىستى جاقتارداعى جاۋاپتى جولداستار وقۋ باستاۋ سالتىنا سىرتتاي قاتىناستى.
