تيانشان تورى   ›   جاڭالىقتار   ›   شينجياڭ حابارلارى

شينجياڭداعى كوپتەگەن جەدەل جولداما سەرىكتەستىكتەرى كوكتەم مەرەكەسىندە ”دەمالمايتىندارىن“ ءبىلدىردى

  تيانشان تورىنىڭ حابارى. (ءتىلشى يۇي جياڭيان حابارلايدى) 1 - ايدىڭ 11 - كۇنى، ءتىلشىنىڭ شينجياڭداعى كوپتەگەن جەدەل جولداما سەرىكتەستىكتەرىنەن ۇعىسۋىنشا، بيىلعى كوكتەم مەرەكەسىندە ولار جۇمىستى”توقتاتپايدى“ ەكەن، كوكتەم مەرەكەسى كەزىندە ءارقايسى جەدەل جولداما، زات اينالىمى سەرىكتەستىكتەرى بەكەت تۇيىنىندەگى اينالىمدى ۇيلەسىمدى ورنالاستىرادى.

  ”كوكتەم مەرەكەسى كەزىندە جۇمىس قالىپتى جۇرگىزىلەدى، ءىشىنارا وڭىرلەردەن سىرت، تۇتاس شينجياڭدا جەدەل جولدامالار قالىپتى جونەلتىلەدى“. شينجياڭ شۇنفىڭ جەدەل تاسىمالداۋ شەكتى جاۋاپكەرشىلىك سەرىكتەستىگىنىڭ الەۋمەتتىك ىستەر باس باقىلاۋشىسى لي شوۋگو تانىستىرىپ بىلاي دەدى: كوكتەم مەرەكەسى كەزىندە شينجياڭدا حالىق تۇرمىسىنا قاجەتتى زاتتىق ماتەريالداردىڭ قالىپتى جەتكىزىلۋىنە كەپىلدىك ەتۋ ءۇشىن، شۇنفىڭ جەدەل جولداماسىنىڭ كوپتەگەن قىزمەتكەرلەرى قىزمەت ورنىندا تاباندى بولىپ، قىزمەت ىستەگەن جەرىندە شاعان وتكىزىپ، قىزمەتتى قالىپتى ورىستەتەدى. ىندەتتىڭ ىقپالىندا، قازىر ەلىمىزدەگى ورتا، جوعارى دارەجەلى حاۋىپ - قاتەرلى وڭىردەن كەلگەن جەدەل جولدامالارعا %100تىك نۋكلەين قىشقىلىن تەكسەرۋ قىزمەتىن ىستەيدى، ەلىمىز ىشىندەگى تومەن حاۋىپ - قاتەرلى وڭىردەن كەلگەن جەدەل جولدامالارعا %30تىك سالىستىرما بويىنشا تاڭداپ الىپ نۋكلەين قىشقىلىن تەكسەرۋ قىزمەتىن ىستەيدى، ”ءىشىنارا جەدەل جولدامالاردىڭ نۋكلەين قىشقىلىن تەكسەرۋ ناتيجەسىن كۇتۋ قاجەت، سوندىقتان جەدەل جولداما، زات اينالىمى ۋاقىتى ءبىر دە ەكى كۇن كەشىگەدى“ .

  سونىمەن بىرگە، ءتىلشىنىڭ جيڭدۇڭ توبىنىڭ شينجياڭ بولىمشە سەرىكتەستىگىنەن ۇعىسۋىنشا، كوكتەم مەرەكەسى كەزىندە جيڭدۇڭ جەدەل جولداماسىنىڭ شينجياڭداعى تاسىمالى توقتامايدى ەكەن. ”كوكتەم مەرەكەسى كەزىندە، تۇتاس شينجياڭداعى 200 نەشە بەكەتتىك تۇيىنىندەگى 3000نان استام قىزمەتكەر تۇگەلدەي قىزمەت ورنىندا بولىپ، قىزمەت ورنىندا شاعان وتكىزەدى ەكەن. مۇنىڭ ىشىندە، ۇرىمجىدەگى بولىمشەسى كوكتەم مەرەكەسىندە ’دەمالمايدى‘ ، جەدەل جولدامالار قالىپتى جونەلتەدى، ۇرىمجىدەن باسقا قالا - قالاشىقتارداعى بولىمشەلەر ەسكىشە كالەندار بويىنشا 1 - ايدىڭ 1 - كۇنىنەن،1 - ايدىڭ 3 - كۇنىنە دەيىن دەمالادى، 1 - ايدىڭ 4 - كۇنى تيجاراتتارىن باستاپ، جەدەل جولدامالاردى قالىپتى جونەلتەدى“،- دەدى جيڭدۇڭ توبى شينجياڭ بولىمشە سەرىكتەستىگىنىڭ ورىنباسار باس مەڭگەرۋشىسى مۇياسار ۋاپادار.

  مۇنان سىرت، يۋانتۇڭ، شىنتۇڭ سياقتى جەدەل جولداما، زات اينالىمى سەرىكتەستىكتەرى رەسمي تورىندا كوكتەم مەرەكەسىندە دەمالمايتىن حابارلاندىرۋىن جاريالادى. يۋانتۇڭ سەرىكتەستىگى حابارلاندىرۋ جاريالاپ بىلاي دەدى: كوكتەم مەرەكەسى كەزىندە، تور جەلىسى، تاسىمال كۇشى، قىزمەتكەر، ساتۋدان كەيىنگى قىزمەت وتەۋ سياقتى جاقتارداعى كەپىلدىك قىزمەتىن ويداعىداي ىستەۋ كەرەك. شيزاڭنان سىرتقى، بۇكىل ەلدىڭ ءارقايسى ولكەلەرىنە (رايون، قالا) قالىپتى جەتكىزەدى (شينجياڭنىڭ ءۇرىمجى قالاسىمەن عانا شەكتەلەدى، چيڭحايدىڭ شينيڭ قالاسىمەن عانا شەكتەلەدى)، بەيجيڭ، شاڭحاي سياقتى 209 قالاداعى ءتۇيىندى وڭىرلەرگە ۋاعىندا كەپىلدىك ەتۋ قىزمەت وتەۋىن جولعا قويادى.

  ءتىلشى دىباڭ جەدەل جولداما سەرىكتەستىگىنىڭ قاريدالارعا قىزمەت وتەۋ ىستىق لەنياسىنا تەلەفون شالىپ، ولاردىڭ بيىلعى كوكتەم مەرەكەسىندە دەمالمايتىندىعىن انىقتادى، كوكتەم مەرەكەسى كەزىندە، ءۇرىمجى قالاسى، التاي ايماعى، ىلە قازاق اۆتونوميالى وبلىسى سياقتى باسىم كوپ ايماق، وبلىس، اۋدان، قالالارعا، جەدەل جولداما قالىپتى جەتكىزىلەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى