تيانشان تورى   ›   جاڭالىقتار   ›   شينجياڭ حابارلارى

بيىلعى ”حالىق تۇرمىسى قۇرىلىسىنداعى 10 ءىرى ناقتى ءىس“ تۇراقتاندى

  انار بۇلت / شينجياڭ گازەتىنىڭ ءتىلشىسى يۇي شي 1 - ايدىڭ 12 - كۇنى ۇرىمجىدەن حابارلايدى. قالا تۇرعىندارىنان حالىق تۇرمىسى ناقتى ىستەرى جونىندە اشىق ۇسىنىس - پىكىر جيناۋ نەگىزىندە، ءۇرىمجى قالالىق پارتكوم مەن قالالىق ۇكىمەت 99 مىڭ 36 پىكىر - ۇسىنىس ىشىنەن 2021 - جىلعى حالىق تۇرمىسى قۇرىلىسىنداعى 10 ءىرى ناقتى ءىستى تۇراقتاندىردى. مۇنى ءتىلشى 1 - ايدىڭ 12 - كۇنى اشىلعان ءۇرىمجى قالالىق 16 - كەزەكتى حالىق قۇرىلتايىنىڭ 5 - ماجىلىسىنەن ۇعىستى.

  10 ءىرى ناقتى ءىس جەكە - جەكە مىنالار: كولىك توقتاتۋ تۇراعى ينجەنەرياسى، كوشەلەردى رەتتەۋ - جونگە سالۋ ينجەنەرياسى، دارەتحانا توڭكەرىسى ينجەنەرياسى، الەۋمەتتىك قاتىناستى ىركىلىسسىزدەندىرۋ ينجەنەرياسى، شارۋاشىلىق قۇرۋدى سۇيەمەلدەۋ ينجەنەرياسى، الەۋمەتتىك اۋماق زەينەتكەرلىك ينجەنەرياسى، ۇكىمەت ىستەرىن قولايلىلاستىرۋ ينجەنەرياسى، قوجالىق ىستەرى ساپاسىن جوعارىلاتۋ ينجەنەرياسى، تىكە ساتۋدا حالىققا قولايلىلىق جاساۋ ينجەنەرياسى، جالپى حالىقتىق دەنە شىنىقتىرۋ ينجەنەرياسى.

  سان ءتۇرلى حالىق تۇرمىسى ناقتى ىستەرىنىڭ تىڭعىلىقتى ىلگەرىلەۋىنە شىنايى كەپىلدىك ەتۋ ءۇشىن، ءۇرىمجى قالالىق پارتكوم مەن قالالىق ۇكىمەت قاتىستى تاراۋلاردى مۇقيات اقىلداسۋعا كوپ رەت ۇيىمداستىرىپ، اتقارۋ جوباسىن ناقتىلاندىرىپ، قارجى قاينارىن ايقىنداپ، اتقارۋ ساتىلارىن اشالاپ، حالىق تۇرمىسىنا قاتىستى ءاربىر ناقتى ىستەردىڭ جاقسى ىستەلۋىنە، ناقتى ىستەلۋىنە، ونىمدىلىك جاراتۋىنا شىنايى كەپىلدىك ەتتى.

  ۇعىسۋعا قاراعاندا، بۇل ءۇرىمجى قالاسىنىڭ ءۇرتىس 3 جىل بويى حالىق تۇرمىسىنداعى ناقتى ىستەردى اشىق جيناۋ قيمىلىن ورىستەتۋى ەكەن، جينالعان مازمۇندار ءار ۇلت بۇقاراسىنىڭ وندىرىسىمەن، تۇرمىسىمەن تىعىز قاتىستى سالالارداعى جۇمىستانۋ، شارۋاشىلىق قۇرۋ، قوعامدىق قامتاماسىزداندىرۋ، قورشاعان ورتانى قورعاۋ، دەنساۋلىق ساقتاۋ، سالاماتتىق، قالا قۇرىلىسىن باسقارۋ، قالا قاتىناسى، تۇرعىن ۇيمەن قامتاماسىز ەتۋ، وقۋ - اعارتۋ، مادەنيەت، دەنە تاربيە، كەدەيلەردى سۇيەمەلدەۋ، قۇتقارۋ - كومەكتەسۋ، ازىق - تۇلىق حاۋىپسىزدىگى، الەۋمەتتىك حاۋىپسىزدىك، زەينەتكەرلىك قىزمەت وتەۋى، ۇكىمەت ىستەرى قىزمەت وتەۋى، حالىققا قولايلى قىزمەت وتەۋ، تاعى باسقا 17 جاقتى قامتىدى. اشىق جيناۋدا جالپى 99 مىڭ 36 نۇسقا پىكىر - ۇسىنىس جينالىپ، بىلتىرعى 21 مىڭ 234 نۇسقادان 6.3 ەسەدەي كوبەيدى، قالا تۇرعىندارىنىڭ ات سالىسۋ مولشەرى، تاپسىرعان پىكىر - ۇسىنىس سانى تۇگەلدەي زور دارەجەدە جوعارىلادى. ساناققا الىپ، تالداۋ جاساۋ ارقىلى ءار ۇلت بۇقاراسى جالپى بەتتىك اڭىس ەتكەن، ايرىقشا كوڭىل بولگەن، شارپۋ اۋماعى كەڭ جالپىلىق سيپاتتى ماسەلەلەرگە مەڭزەس، ءبىر - بىرلەپ اشالاي زەرتتەۋ جۇرگىزۋ ارقىلى 2021 - جىلى ”حالىق تۇرمىسى قۇرىلىسىنداعى 10 ءىرى ناقتى ءىس“ عىلمي تۇردە تۇراقتاندى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.