انار بۇلت / شينجياڭ گازەتىنىڭ تىلشىلەرى چاۋ جين، سۋ لۋپيڭ 1 - ايدىڭ 12 - كۇنى ۇرىمجىدەن حابارلايدى. كوكتەم مەرەكەسى تاياپ قالدى، الەۋمەتتىك ورىنداردا ىندەتتەن قالاي ساقتانۋ كەرەك؟ كاسىپورىندار، ءىسورىندارى ءماجىلىس اشقان كەزدە نەلەرگە كوڭىل بولگەنى ءجون؟ تىلشىلەر اۆتونوميالى رايوندىق اۋرۋدان ساقتانۋ - تىزگىندەۋ ورتالىعى زارارسىزداندىرۋ، جۇعىمدالۋدى تىزگىندەۋ ورتالىعىنىڭ مەڭگەرۋشىسى ياڭ حۇڭسايعا تىلشىلىك جاسادى.
ياڭ حۇڭساي بىلاي دەدى: قىزمەتكەرلەردى باسقارۋدى كۇشەيتۋ كەرەك. الەۋمەتتىك ورىندارعا كىرىپ - شىققان قىزمەتكەرلەرگە ءجۇرىپ - تۇرۋ كودى، نۋكلەين قىشقىلىن تەكسەرۋ، دەنە تەمپەراتۋراسىن ولشەۋ ءتۇزىمىن قاتاڭ اتقارۋ كەرەك. ماجىلىسكە قاتىناساتىن ادام سانىن قاتاڭ تىزگىندەپ، مۇمكىندىگىنشە ينتەرنەت جەلىسى ءماجىلىسىن نەمەسە بەينە ەكران ءماجىلىسىن اشۋ، 50 ادامنان اساتىن قيمىل جونىندە ساقتانۋ - تىزگىندەۋ جوباسىن جاساپ، قاتىستى ساقتانۋ - تىزگىندەۋ شارالارىن قاتاڭ تياناقتاندىرۋ كەرەك.
ياڭ حۇڭساي بىلاي دەپ ەسكەرتتى: قورشاعان ورتانى باسقارۋدى كۇشەيتىپ، اۋانىڭ تازالىعىن ساقتاۋ كەرەك. ءماجىلىسحانادا ياكي باسقا دا الەۋمەتتىك وڭىرلەردە تابيعي اۋا الماستىرۋ نەمەسە اۋا ىعىستىرعىش ورناتۋ سياقتى مەحانيكالىق اۋا الماستىرۋ ءتاسىلىن قولدانىپ، بولمەدە اۋانىڭ الماسۋىن ساقتاپ، اۋانىڭ الماسۋىنا، تازا بولۋىنا شىنايى كەپىلدىك ەتۋ، كۇنىنە كەم دەگەندە 3 رەت اۋا الماستىرۋ قاجەت. ايتالىق، شوعىرلى اۋا رەتتەگىشتەن پايدالانعاندا اۋا رەتتەگىشتىڭ جۇمىسىنىڭ قالىپتى بولۋىنا كەپىلدىك ەتۋ، جۇمىس بارىسىندا ەڭ ۇلكەن جاڭا جەل مولشەرىمەن جۇمىس جۇرگىزۋ، اۋا جەتكىزگىش سياقتى جابدىقتاردى بەلگىلى مەرزىمدە جۋۋ، زارارسىزداندىرۋ نەمەسە الماستىرۋ ءتيىس.
سونىمەن بىرگە، الەۋمەتتىك وڭىرلەردى تازالاۋ مەن زارارسىزداندىرۋدى كۇشەيتۋ كەرەك. تۇتقا، ليفت كنوپكاسى سياقتى قول ءجيى تيەتىن زاتتاردى ءسۇرتىپ زارارسىزداندىرۋ، تازالىق ءۇيىن نەمەسە ەدەندى بۇركىپ زارارسىزداندىرۋ كەرەك، ءونىمدى حلور مولشەرى L/250mgنان L/500mgعا دەيىنگى حلورلى زارارسىزداندىرعىشتى تاڭداپ پايدالانۋعا بولادى ءارى ويداعىداي ەستەلىككە الۋ كەرەك.
ياڭ حۇڭساي بىلاي دەدى: قول تازالىعىن ويداعىداي ىستەۋ كەرەك. بارلىق وڭىرلەردىڭ كىرە بەرىسىنە، ءار قاباتتاعى ليفت اۋىزدارىنا، سۋمەن جۋۋدى قاجەت ەتپەيتىن زارارسىزداندىرۋ سۇيىقتىعىن قويۋ، الەۋمەتتىك تازالىق ۇيىنە قول جۋۋ سۇيىقتىعىن نەمەسە جۋۋدى قاجەت ەتپەيتىن زارارسىزداندىرۋ سۇيىقتىعىن قويىپ، كىرىپ - شىققان ادامداردىڭ قاي - قاشان دا پايدالانۋىنا ازىرلەۋ كەرەك.
