تيانشان تورى   ›   جاڭالىقتار   ›   شينجياڭ حابارلارى

الۋان فورمادا ناقتى ىستەردى جەتە باياندادى

  انار بۇلت / شينجياڭ گازەتىنىڭ ءتىلشىسى جاڭ رۇيلين

  ”پارتيانىڭ ساياساتى جاقسى بولعاندىقتان، ءبىز تاۋ قويناۋىنان كوشىپ شىعىپ، ەسكى تام ۇيگە قوش ايتىپ، كەڭ دە جارىق قابات ۇيگە كوشىپ كىردىك. قىستا پار بار، ۇيگە قايتىپ كەزكەلگەن ۋاقىتتا جۋىنا الامىز، مەكتەپ، شىپاحانا بارلىعى دا ءۇيىمىزدىڭ ماڭىندا... اينالامىزداعى وزگەرىستەردى ايتىپ تاۋىسا المايمىز“، - دەدى 1 - ايدىڭ 8 - كۇنى جەتپىسكە كەلگەن تۇردىقان تۇردى قارت اسەرلەنىپ.

  تۇردىقان اقتاۋ اۋدانى قىزىلتاۋ اۋىلى ارپالىق قىستاعىنىڭ تۇرعىنى. 2018 - جىلى 11 - ايدا ول وتباسىنداعىلارمەن بىرگە اۋدانعا جاقىن جەردەگى كەدەيلەردى قونىس جاڭالاپ سۇيەمەلدەپ، كوشىرىپ ورنالاستىرۋ ءتۇيىنى − سىلۋجيايۋان الەۋمەتتىك اۋماعىنا كوشىپ باردى. اقتاۋ اۋدانىندا تۇردىقان قارت سياقتى تاۋ قويناۋىنان كوشىپ شىققان 1000نان استام وتباسى بار، وسى سەبەپتى ولاردىڭ تۇرمىسىندا وراسان زور وزگەرىستەر تۋىلدى.

  3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ، پارتيانىڭ ءۇنىن سانسىزداعان وتباسىلارعا جەتكىزۋ، پارتيانىڭ حالىققا ءتيىمدى ساياساتتارىن نەگىزگى ساتىدا تياناقتاندىرۋ ءۇشىن اقتاۋ اۋدانى باي مازمۇندى ۇگىت - لەكسيا قيمىلىن ورىستەتتى.

  ”ۇگىت - لەكسيا جاساۋشى بىلاي دەدى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە قايتالاي كەدەيلەسۋدەن ساقتانۋدى قاداعالاۋ جانە كومەكتەسۋ - سۇيەمەلدەۋ ءتۇزىمى مەحانيزمىن اقاۋسىزداندىرىپ، كەمەلدەندىرىپ، دامۋدىڭ ىشكى قوزعاۋشى كۇشىن جانە دامۋدىڭ ومىرشەڭدىگىن ايرىقشا كۇشەيتىپ، كەدەيلىكتەن ارىلعاننان كەيىن دە دامي الۋعا، باياندى بولۋعا شىنايى كەپىلدىك ەتۋ كەرەكتىگى ورتاعا قويىلدى. مەن تەك كوپشىلىك پارتياعا ىلەسسە عانا بولعانى، ىستەيتىن ەڭبەگى، تاباتىن اقشاسى بولىپ، دوڭگەلەك داۋلەتتى تۇرمىس كەشىرە الاتىندىعىنا كامىل سەنەمىن“، - دەدى تۇردىقان، ول ءوزىنىڭ پارتياعا دەگەن العىس ايتۋ سەزىمى مەن باقىتتى تۇرمىسىن انگە اينالدىرىپ، ۇنەمى ماڭىنداعى ادامدارعا ايتىپ بەرەدى، ”مەن وسىنداي ءتاسىل ارقىلى ءتىپتى دە كوپ ادامعا پارتيانىڭ جاقسى ساياساتىن جەتكىزىپ، پارتيانىڭ قامقورلىعىن ەستە ساقتاۋدى ءۇمىت ەتەمىن“.

  تامباسى قىستاعىنان كوشىپ كەلگەن ايشام مامەت ۇگىت - لەكسياشىنىڭ ”جاقىن ماڭدا، سول جەردە جۇمىستاندىرۋ مەن ءتارتىپتى تۇردە ويىستىرىپ، سىرتقا شىعارىپ جۇمىستاندىرۋدى ورگانيكالى ۇشتاستىرۋعا تاباندى بولۋ كەرەك“ دەگەن ءسوزىن ەستىگەن كەزدەگى اسەرى وزگەشە بولدى. ول بىلاي دەدى: ”كوشۋدەن ىلگەرى مەن كەدەي شارۋا بولاتىنمىن، كوشكەننەن كەيىن الەۋمەتتىك اۋماق كادرلارىنىڭ دەم بەرۋىندە، كەستەشىلىك سەلبەستىك كووپەراتيۆىنىڭ قىزمەتكەرى بولدىم، وتباسىمنىڭ كىرىسى جىلدان - جىلعا مولايدى. پارتيانىڭ جاقسى ساياساتى ءبىزدىڭ تۇرمىسىمىزعا دەيىن تياناقتاندى، مەن بۇدان كەيىن تەحنيكادا قۇلشىنا ىزدەنىپ، قوس قولىما سۇيەنىپ ءتىپتى دە جاقسى تۇرمىس كەشىرەمىن“.

  ءقامبار قاري سىلۋجيايۋان الەۋمەتتىك اۋماعىنىڭ ماڭىنان ءبىر اسحانا اشقان. قازىرگى تۇرمىسى جايلى ءسوز بولعاندا ءقامباردىڭ ءجۇزى قۋانىشتان جايناپ كەتتى: ”ۇگىت - لەكسياشىنىڭ ايتقان جاقسى ساياساتتارىنىڭ يگىلىگىن تۇگەل كوردىك، مەنىڭ ايىنا 1000 يۋاننان اساتىن كىرىسىم بار. كەلەسى قادامدا مەن كوپ ارنامەن دامۋعا كىرىسەمىن، اۋىل - قىستاقتى گۇلدەندىرۋ ورايىن مىقتى يگەرىپ، تۇرمىسىمدى ءتىپتى دە جاقسارتامىن“.

  قىزىلتاۋ اۋىلدىق پارتكومنىڭ مۇشەسى ازىمگۇل مامەت بىلاي دەپ تانىستىردى: 2020 - جىلى 12 - ايدىڭ باسىنان قازىرگە دەيىن اۋىل الۋان فورماداعى ۇگىت - لەكسيا قيمىلىن ورىستەتۋگە ۇيىمداستىردى، باسشىلار باستاماشىلدىقپەن توپقا ءبولىنىپ ۇگىت - لەكسيا جاساۋ، ۇگىت - لەكسياشىلار اۋىل - قىستاق وتباسىلارىنا دەيىن بارىپ ”بىرگە ءبىر“ ۇگىت - لەكسيا جاساۋ فورماسىمەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ءاربىر بۇقارا وتباسىنا جەتكىزدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.