تيانشان تورى   ›   جاڭالىقتار   ›   شينجياڭ حابارلارى

بيىل رايونىمىزدىڭ قاتىناس - تاسىمال تۇراقتى مۇلكىنە قوسىلاتىن قارجى 60 ميلليارد يۋانعا تايايدى

  انار بۇلت / شينجياڭ گازەتىنىڭ ءتىلشىسى لۋ فىڭباۋ 1 - ايدىڭ 12 - كۇنى ۇرىمجىدەن حابارلايدى. 1 - ايدىڭ 11 - كۇنى اشىلعان اۆتونوميالى رايوننىڭ قاتىناس - تاسىمال قىزمەتى جونىندەگى تەلەۆيزور - تەلەفون ماجىلىسىنەن ۇعىسۋعا قاراعاندا، بيىل رايونىمىز قاتىناس نەگىزدىك قۇرىلعىلار قۇرىلىسى سەرپىنىن ۇزدىكسىز ارتتىرىپ، قاتىناس - تاسىمال تۇراقتى مۇلكىنە قوسىلاتىن قارجى مەجەمەن 60 ميلليارد يۋانعا تايايدى ەكەن.

  ۇعىسۋعا قاراعاندا بيىل بۇكىل رايوننىڭ جوعارى جىلدامدىقتى تاس جولىنىڭ جالپى ۇزىندىعى 6000 كيلومەتردەن اسىپ، جوعارى جىلدامدىقتى (1 - دارەجەلى) تاس جولعا تۇتاسقان اۋدان قالاشىعىنان 9ى كوبەيىپ، 89عا جەتىپ، جاڭادان سالىناتىن، جاڭالاناتىن اۋىل - قىستاق تاس جولى 5700 كيلومەتر بولادى ەكەن. نىسان قۇرىلىسى جاعىندا، رايونىمىز بيىل قاتىناس قۇرىلىسى نىسانىنان 67سىن جۇرگىزەدى، مۇنىڭ ىشىندە قۇرىلىسى جالعاستى جۇرىلەتىن نىسان 56، جاڭادان قۇرىلىس باستايتىن نىسان 11 ەكەن. G7 ۋتۇڭ داچۋان - موري جوعارى قارقىندى تاس جولى، چارقىلىق - نيە جوعارى قارقىندى تاس جولى سياقتى 25 نىساندى سالىپ، اۆتوكولىك قاتىناۋعا كۇش سالادى؛ G0711 ءۇرىمجى - لوپنۇر،S21 التاي - ءۇرىمجى سياقتى 31 نىسان قۇرىلىسىن جەدەل ىلگەرىلەتەدى؛ G3003 ءۇرىمجى قالا اينالما جوعارى قارقىندى (باتىس جەلى) قۇرىلىسى، G218 جەلىسىنىڭ نارات - بالعىنتاي سياقتى 9 نىسان قۇرىلىسىن جاڭادان باستايدى؛ اۋىل - قىستاق تاس جولى مەن جولاۋشى بەكەتى، جۇك الاڭى نىسان قۇرىلىستارىن جەدەل ىلگەرىلەتەدى ەكەن.

  اۋىل - قىستاق تاس جول قۇرىلىسى ءالى دە ماڭىزدى ءتۇيىن. بيىل رايونىمىز اۋىل - قىستاق تاس جولى قۇرىلىسىنىڭ كوبىرەك قىستاقتارعا، وتباسىلارعا تۇتاسۋعا بەيىمدەلۋىن ىلگەرىلەتىپ، جەرگىلىكتى جاعدايعا قاراي ىستەپ، جان سانى ءبىرشاما كوپ كولەمدەنگەن تابيعي قىستاقتارعا (گرۋپپا) قاتايتىلعان جول تۇتاستىرىپ، شارت - جاعدايى بار اۋىل - قالاشىقتارعا 3 - دارەجەلى تاس جول تۇتاستىرۋدى، قۇرىلىمدىق قىستاقتارعا 2 اۆتوكولىك قاتار جۇرەتىن جول سالۋدى تارتىپپەن اتقارادى ءارى اۋىل - قىستاق تاس جولىنىڭ دارەجەسىن جوعارىلاتۋدى جەدەل ىلگەرىلەتەدى.

  ”قاتىناس + ساياحاتتىڭ“ توعىسا دامۋىن ۇزدىكسىز تەرەڭدەتەدى. بيىل رايونىمىز قۇمدى ءشول كورىنىس جولىنان ەكەۋىن سالىپ، نەگىزگى تاقىرىپتىق ەرەكشەلىككە يە قىزمەت وتەۋ رايونىنان ەكەۋىن قالىپتاستىرادى؛ بىرەگەي ساياحات كورىنىس جولى مەن جەكە كولىكپەن ساياحاتتاۋ جەلىسىن ارقاۋ ەتىپ، اۆتوكولىكتەردىڭ قاتىناۋ ساپاسىن جانە قىزمەت وتەۋ دەڭگەيىن جوعارىلاتادى؛ تاس جول قاتىناسىنىڭ ساياحات كاسىبىنىڭ دامۋىنا قىزمەت وتەۋدەگى حاۋىپسىزدىكتى قامتاماسىزداندىرۋ قۋاتىن جوعارىلاتىپ، قىزمەت وتەۋدى جوعارىلاتۋ ارناۋلى ارەكەتىن ۇزدىكسىز ورىستەتەدى؛ اۋىل - قىستاق ساياحات جولدارىنان، بايلىق جولدارىنان، كاسىپ سالاسى جولدارىنان ءبىر توبىن سالادى.

  ۇعىسۋعا قاراعاندا، جاڭا ەنەرگيالى اۆتوكولىكتەردىڭ الىس ارالىققا قاتىناۋ قاجەتىن قاناعاتتاندىرۋ ءۇشىن بيىل رايونىمىز 16 ورىنداعى جوعارى قارقىندى تاس جول قىزمەت وتەۋ رايونىندا گاز قۇيۋ پۋنكتى، ەلەكترلەۋىش باعانا سياقتى قۇرىلعىلاردى سالادى ەكەن.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.