تيانشان تورى   ›   جاڭالىقتار   ›   شينجياڭ حابارلارى

”وتباسى شيپاگەرلەرى“ سان مىڭداعان وتباسىلارعا بارىپ، سالاماتتىقتى قورعادى

  بۋىرشىن:

  ”وتباسى شيپاگەرلەرى“ سان مىڭداعان وتباسىلارعا بارىپ، سالاماتتىقتى قورعادى

  انار بۇلت / شينجياڭ گازەتىنىڭ ءتىلشىسى جاڭ تيڭ

   1 - ايدىڭ 4 - كۇنى كەلىسىم جاساسقان ەگىنشى - مالشىلار وتباسىنا بارىپ قىزمەت وتەيتىن كۇن تاعى دا كەلدى، بۋىرشىن اۋدانى ەگىزتوبە اۋىلى قىزىلتوعاي قىستاعىنىڭ قىستاق شيپاگەرى بۇلبۇلگۇل جەڭىسحان تاڭەرتەڭ ەرتە ءدارى - دارمەكتەرىن دايىنداپ، ەمدەۋ ساندىقشاسىن كوتەرىپ جولعا شىقتى.

  قىزىلتوعاي قىستاعى اۋدان قالاشىعىنان 30 نەشە كيلومەتر جەردە، تۇتاس قىستاقتا 464 وتباسى، 1374 ادام بار، قىستاق ەمحاناسى قىستاق تۇرعىندارىنىڭ باستى ەمدەلەتىن ورنى. قىستاقتا جان سانى كوپ، ونىمەن قوسا مالشىلار جىل بويى سىرتتا ماۋسىمعا قاراي كوشىپ - قونىپ جۇرەتىندىكتەن سالاماتتىق تانىمدارى ءالسىز ەدى، سوندىقتان مەرزىم سايىن تەكسەرۋ جۇرگىزىپ وتىرۋ ولار ءۇشىن ەرەكشە ماڭىزدى بولاتىن.

  2016 - جىلى بۋىرشىن اۋدانى وتباسى شيپاگەرلەرىنىڭ كەلىسىم بويىنشا قىزمەت وتەۋىن جولعا قويىپ، توتاس اۋدانداعى 67 قىستاقتى سىناق ءتۇيىنى ەتتى، اۋىل - قالاشىق، قىستاق دارەجەلى ەمدەۋ - دەنساۋلىق ساقتاۋ ورىندارىندا قىزمەت وتەۋ، جەتەكشىلىك ەتۋ ۇجىمدارى قۇرىلىپ، جايشىلىقتا 2 − 3 ادامنان قۇرالدى. وتباسىلىق شيپاگەر كەدەي جان سانىنىڭ، ءجۇرىپ - تۇرۋى قولايسىز ەرەكشە ادامدار شوعىرىنىڭ جىلىنا ءبىر رەت دەنساۋلىعىن تەگىن تەكسەرۋىنە جاۋاپتى بولۋدان سىرت، سوزىلمالى اۋرۋلارعا قارايلاسىپ، بالالاردىڭ، جۇكتى ايەلدەردىڭ ۇيىنە بارىپ قىزمەت وتەدى.

  تۇيىندە سىناق ەتىلگەننەن كەيىن، قىستاقتاعى 955 قىستاق تۇرعىنىنىڭ كەلىسىم جاساعان شيپاگەرى رەتىندە، بۇلبۇلگۇل ەمحانانىڭ كۇندەلىكتى قىزمەتىن ءبىر جاقتى ەتكەننەن كەيىن، كۇنى دەرلىكتەي كەلىسىم جاساعان ءتۇيىندى ادامدار شوعىرىنىڭ ۇيىنە بارىپ، اۋرۋلارىن ەمدەپ، تەكسەرۋ جۇرگىزدى.

  ”قان قىسىمىڭىز ءالى دە جوعارى ەكەن، ۋاعىندا ءدارى ءىشىڭىز، تاماقتانۋدا تۇزدى از تۇتىنىڭىز“. 77 جاستاعى اشكەن قويشىباي قارتتىڭ ۇيىنە بارىپ امانداسقاننان كەيىن، بۇلبۇلگۇل الىپ جۇرگەن تاقتاشا كومپيۋتەرىن اشىپ، ناۋقاستىڭ حال - جايى ينفورماتسياسىن ەستەلىككە العاننان كەيىن، قارتقا ءدارى جازىپ بەردى. ”قازىر شيپاگەرلەر ۇيگە كەلىپ اۋرۋ كورەدى، وتە جاقسى بولدى“، - دەدى اشكەن.

  وتباسىلىق شيپاگەرمەن «سالاماتتىقتى باسقارۋ جونىنەن قىزمەت وتەۋ كەلىسىمىنە» قول قويعاننان بەرى، ەمحانا اشكەنگە سالاماتتىق ارحيۆىن تۇرعىزىپ، سالاماتتىعىنا ساراپتاۋ جۇرگىزىپ، سالاماتتىق جوسپارىن جاساۋدان تىس، ۇيىنە بارىپ جاعدايىن ۇعىسىپ، جىلىنا ءبىر رەت دەنساۋلىعىن تەكسەرىپ تۇردى.

  مۇنداي قىزمەت وتەۋلەردەن يگىلىكتەنگەن اشكەن ءبىر تيىن دا اقشا تولەمەيدى. بۋىرشىن اۋداندىق دەنساۋلىق ساقتاۋ، سالاماتتىق كوميتەتىنىڭ كادرى جاۋ يىنحۋا بىلاي دەدى: اۋدانداعى وتباسىلىق شيپاگەرلەر كەلىسىم بويىنشا قىزمەت وتەۋدە، باستىسى، نەگىزدىك الەۋمەتتىك دەنساۋلىق ساقتاۋ قىزمەت وتەۋ نىساندارىنا سۇيەنە وتىرىپ، بۇقارانىڭ وتباسىنا بارىپ تەگىن اۋرۋ جاعدايىن تەكسەرۋ، سالاماتتىق تاربيەسىن جۇرگىزۋ، جۇڭگوشا ءدارى - دارمەكتەردى پارىقتاۋ سياقتى نەگىزدىك ەمدەۋ بويىنشا قىزمەت وتەيدى.

  ”وتباسىلىق شيپاگەر ءتۇزىمى قىستاق تۇرعىندارىنىڭ اۋرۋ كورسەتۋىنە قولايلى بولۋدان سىرت، ساتىلاي دياگنوز قويىپ، ەمدەۋدى ىلگەرىلەتۋگە دە ءتيىمدى بولدى“، جاۋ يىنحۋا بىلاي دەدى: مۇنداي ىستەگەندە ەمدەۋ بايلىعىن ۇنەمدەۋمەن بىرگە، بۇقارانىڭ اۋرۋ كورسەتۋ قاجەتى نەگىزىندە پارىقتى قىزمەت وتەۋمەن قامداۋعا دا بولادى.

  قازىر بۋىرشىن اۋدانى 65 وتباسىلىق شيپاگەرى ۇجىمىن قۇردى، كەلىسىم بويىنشا قىزمەت وتەۋگە 233 ەمدەۋ قىزمەتكەرى قاتىناستى، قول تەلەفون APP نەگىزگى الەۋمەتتىك دەنساۋلىق ساقتاۋ جۇيەسىندە ازاماتتىق كۋالىكتى، نەگىزگى الەۋمەتتىك دەنساۋلىق ساقتاۋ ەكى كارتچكاسىن سۇيكەپ، كەلىسىم جاساۋ ءتاسىلى ارقىلى جىل سايىن كەلىسىم جاسايدى، ەگىنشى - مالشىلاردىڭ ۇيىنە كەلىسىم جاساعان وتباسىلىق شيپاگەردىڭ بايلانىس جاساۋ كارتچكاسى قويىلادى. تۇتاس اۋداندا 42 مىڭ 936 ادام وتباسىلىق شيپاگەرمەن كەلىسىم جاسادى، مۇندا كەلىسىم جاسالعان ءتۇيىندى ادامدار شوعىرى 20 مىڭ 725 ادام بولىپ، ءتۇيىندى ادامدار شوعىرىنىڭ كەلىسىم جاساۋ مولشەرى %100، جاي ادامدار شوعىرىنىڭ كەلىسىم جاساۋ مولشەرى %43.67 بولدى.

  ”13 - بەسجىلدىق“ كەزىندە بۋىرشىن اۋدانى 389 ميلليون يۋان قارجى قوسىپ، اۋدان، اۋىل، قىستاق ءۇش دارەجەلى ەمدەۋ - دەنساۋلىق ساقتاۋ نەگىزدىك قۇرىلعى قۇرىلىستارىن كۇشەيتتى. ”قازىر قىستاق ەمحانالارىنىڭ جابدىقتارى بارعان سايىن كەمەلدەندى، دەنساۋلىقتى تەكسەرۋ ءبىر تۇلعالى ماشيناسى، قانداعى قانت قۇرامىن تەكسەرۋ اسپابى، بالالاردىڭ دەنە سالماعىن ولشەۋ تارازىسى سياقتى اۋرۋ جاعدايىن تەكسەرۋ جابدىقتارى تولىق، ديناگنوز قويۋ ءۇيى، باقىلاۋ ءۇيى، ءدارىحانا، ەمدەۋ ءۇيى سياقتىلار سالىندى“، - دەدى بۇلبۇلگۇل.

  قىزىلتوعاي قىستاعى ەمحاناسى ءدارىحاناسىنىڭ سورەسىنە 105 تۇردەن استام ءدارى - دارمەك قويىلعان، مۇندا جوعارى قان قىسىمنىڭ 20 ءتۇرلى ءدارىسى، ديابەت اۋرۋىنىڭ 5 ءتۇرلى ءدارىسى بار، قىستاق دارەجەلى ەمحانادا اۋدان دارەجەلى ەمدەۋدى قامسىزداندىرۋ سىناق ءتۇيىنى ەمدەۋ قۇرىلىمىنا كىرگىزىلگەن. قىستاق تۇرعىندارى قىستاقتان ءدارى ساتىپ العاندا ەمدەۋ قامسىزداندىرۋىنىڭ ءتۇرلى ەسەپتەن كوتەرۋ ساياساتىنان يگىلىكتەنە الادى.

  جاۋ يىنحۋا بىلاي دەدى: قازىر بۋىرشىن اۋدانى ەمدەۋ بىرلەستىگىنىڭ جاپپاي قامتۋىن ىلگەرىلەتىپ، جوعارى دارەجەلى شيپاحانالارداعى مامانداردى وتباسىلىق شيپاگەرلەر ۇجىمىنا قاتىناسۋعا شابىتتاندىرىپ، الىس ارالىقتا دياگنوز قويۋ، قارا قاعازدى شوعىرلى كورۋ سياقتىلاردى ىلگەرىلەتىپ، ەگىنشى - مالشىلاردىڭ جاقىن ماڭنان ساپالى قىزمەت وتەۋدەن يگىلىكتەنۋىنە مۇمكىندىك جاسادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.