تيانشان تورى   ›   جاڭالىقتار   ›   شينجياڭ حابارلارى

شينجياڭداعى شاعىن، ۇساق كاسىپورىنداردىڭ كوپ ءتۇرلى قارىز اقشا كورسەتكىشى كورنەكتى جاقساردى

  انار بۇلت / شينجياڭ گازەتىنىڭ ءتىلشىسى ۋاڭ يۇڭفەي 1 - ايدىڭ 12 - كۇنى ۇرىمجىدەن حابارلايدى. 2020 - جىلى جۇڭگو حالىق بانكەسى ءۇرىمجى ورتالىق تارماق بانكەسى فينانس كاسىبىنىڭ ناقتى ەكونوميكانى، وتە - موتە، شاعىن، ۇساق كاسىپورىنداردى قولداۋ تەبىنىن ارتتىرىپ، شينجياڭداعى شاعىن، ۇساق كاسىپورىنداردىڭ قارىز اقشا الۋ قولايلىلىعى، قارىز الۋ شارتى، قارىز اقشا ورتاشا ءوسىمى سياقتى كوپتەگەن كورسەتكىشتەرى كورنەكتى جاقسارعان.

  جۇڭگو حالىق بانكەسى ءۇرىمجى ورتالىق تارماق بانكەسىنىڭ جۋىقتاعى تەكسەرۋىنە قاراعاندا، شينجياڭداعى شاعىن، ۇساق كاسىپورىنداردىڭ قارجى قۇراۋ قيىندىعى تومەندەپ، قارىز اقشا الۋعا قولايلىلىق جاسالعان. 2020 - جىلدىڭ ءتورتىنشى توقسانىندا تەكسەرۋگە قاتىناسقان كاسىپورىنداردىڭ قارجى قۇراۋ قيىندىعى كورسەتكىشى الدىڭعى توقسانعا سالىستىرعاندا 1.8 پايىز تومەندەپ، قارىز اقشا الۋدىڭ قولايلىلىق كورسەتكىشى الدىڭعى توقسانعا سالىستىرعاندا 9.6 پايىز ارتقان.

  2020 - جىلى جۇڭگو حالىق بانكەسى ءۇرىمجى ورتالىق تارماق بانكەسى قايتالاي قارىز اقشا بەرۋ، قايتالاي ءوسىمسىز قايىرۋ سياقتى كوپ ءتۇرلى اقشا ساياساتى قۇرالىن رەتتەپ پايدالانعان، وتە - موتە، ”جالپىعا ءتيىمدى شاعىن، ۇساق كاسىپورىنداردىڭ قارىز اقشاسىنىڭ ۋاقىتىن ۇزارتىپ اقشاسىن وسىمىمەن قوسا قايتارۋ ساياساتى“ مەن ”جالپىعا ءتيىمدى شاعىن، ۇساق كاسىپورىنداردى امانات - قارىزبەن قولداۋ ساياساتى“ سياقتى ەكى ءتۇرلى تىكە اقشا ساياساتى قۇرالىن جاسامپازدىقپەن اتقارىپ، ءارقايسى فينانس قۇرىلىمدارىنان دامۋ بولاشاعى بار، ءبىراق ۋاقىتشا تيجارات جۇرگىزۋ قيىنشىلىعىنا جولىققان كاسىپورىنداردىڭ، وتە - موتە، حالىقتىق شاعىن، ۇساق كاسىپورىنداردىڭ قارىز الۋىن كەلسە - كەلمەس قىسقارتىپ تاستاماۋدى، ءۇزىپ تاستاماۋدى، جالعاستى قارىز اقشا بەرۋ، كەشەۋىلدەتۋ سياقتى تاسىلدەر ارقىلى كاسىپورىنداردىڭ تيجارات جۇرگىزۋدەگى ۋاقىتتىق قيىنشىلىعىن جەڭىلدەتىپ، كاسىپورىنداردىڭ قالىپتى ءوندىرىسىن قامتاماسىز ەتۋدى تالاپ ەتتى.

  كەپىلگە قويىپ قارىز اقشا الۋدىڭ شارتتارى ازايىپ، امانات - قارىز تاراتۋ تەبىنى ارتقان. تەكسەرۋگە قاراعاندا، تەكسەرۋگە قاتىناسقان كاسىپورىنداردىڭ كەپىلگە قويۋ، كەپىلدىك ەتۋ شارت كورسەتكىشى ءۇرتىس قۇلدىراۋ ارالىعىندا تۇرعان 2020 - جىلى ءتورتىنشى توقساندا %47 بولىپ، الدىڭعى جىلعى ۇقساس مەزگىلدەگىدەن 1.1 پايىز تومەندەگەن؛ تۇتاس جىلدا جيىنى جاڭادان تاراتىلعان قارىز اقشانىڭ %45.7ى امانات - قارىز اقشا بولىپ، شاعىن، ۇساق كاسىپورىنداردىڭ جەڭىل مال - مۇلىك ارقىلى امانات - قارىزدىڭ قولداۋىنا يە بولۋى قيىن بولۋ جاعدايىن ءونىمدى شەشتى. بىلتىر 9 - ايدا شاپشال سىبە اۆتونوميالى اۋدانى يوۋ - ي اعاش كاسىبى دامىتۋ شەكتى سەرىكتەستىگى شيكىزات ساتىپ الۋعا 4 ميلليون يۋان اقشا شۇعىل قاجەت بولعان، دەسەدە كەپىلگە قوياتىن مال - مۇلكى از بولعان، جەرگىلىكتى ورىنداعى اۋىل شارۋاشىلىق امانات - قارىز كووپەراتيۆى كاسىپورىننىڭ سالىق تاپسىرۋ جاعدايىنا نەگىزدەلە وتىرىپ، وعان 4 ميلليون يۋان امانات - قارىز اقشا بەرەدى.

  قارىز اقشانىڭ ورتاشا ءوسىمى ورنىقتىلىق بارىسىندا تومەندەدى، قارجى قۇراۋ اقىسى سايكەس مەزگىلدەگىدەن ازايدى. 2020 - جىلى 11 - ايدىڭ سوڭىنا دەيىن، تەكسەرۋگە قاتىناسقان كاسىپورىندار العان قارجى قۇراۋ جىلدىق ءوسىم مولشەرى %5.43 بولىپ، الدىڭعى جىلعى ۇقساس مەزگىلدەگىدەن 0.17 پايىز تومەندەگەن؛ امانات - قارىز اقشاعا يە بولۋ ۇقىعىنىڭ ورتاشا جىلدىق ءوسىم مولشەرى %5.15 بولىپ، الدىڭعى جىلعى ۇقساس مەزگىلدەگىدەن 2.03 پايىز تومەندەگەن. قارجى قۇراۋدان تۋىلعان اقى 180 مىڭ يۋان بولىپ، الدىڭعى جىلعى ۇقساس مەزگىلدەگىدەن %54.5 تومەندەگەن. فۋكاڭ قالاسى حاۋجيامەي ساۋدا - ساتتىق شەكتى جاۋاپكەرشىلىك سەرىكتەستىگى شاعىن ساۋدا - ساتتىق سەرىكتەستىگى، ىندەتتىڭ ىقپالىنا ۇشىراپ، كۇندەلىكتى قارجى اينالىمى جەتكىلىكسىز بولىپ، فۋكاڭ اۋىل شارۋاشىلىق ساۋدا بانكەسىنە قارىز اقشا الۋ ءوتىنىشىن تاپسىرادى، بۇل بانكە كاسىپورىننىڭ تيجارات جاعدايى جانە سەنىمدىلىك جاعدايىنا ساي، وسى كاسىپورىنعا 3 ميلليون يۋان تومەن ءوسىمدى قارىز اقشا بەرەدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.