شينحۋا اگەنتتىگىنىڭ 1 - ايدىڭ 11 - كۇنى ۇرىمجىدەن بەرگەن حابارى (تىلشىلەر گۋان چياۋچياۋ، جاۋ گى). جاڭا جىلدى ەندى عانا اتتاي سالىسىمەن انديڭ تىشقان جابىساتىن جەلىم جاساۋ زاۆودىنىڭ قوجايىنى وبۇلقاسىم ايىت ”ساتىلۋ مولشەرى ميلليون يۋاننان اسقان“ ”ناتيجە تىزىمدىگىنە“ قاراپ تارتىنشاقتاي كۇلدى ءارى ءبىراز نە ىستەرىن بىلمەي قالدى. جەر ورتاسى جاسقا تاياپ قالعان ول اسەرلەنىپ: ”قولىمنان مۇنداي ءىس كەلەتىنىن ويلاپ كورمەپپىن“، - دەدى.
جاقسى ناتيجەگە قول جەتكىزگەنىمەن، وبۇلقاسىم سالعىرتتىققا سالىنباي، بىرنەشە ۇلكەن شارۋالاردى ەرتەرەك ءبىتىردى: 100 مىڭ قاتتى قاعاز ساندىققا، 2 توننا ارناۋلى پايدالاناتىن جەلىمگە جانە 2000 جاشىككە تاپسىرىس بەردى. ”زات جەتكىزۋگە قولايلى بولۋ ءۇشىن ءبىر جۇك ماشيناسىن ساتىپ الدىم“، - دەدى ول، - ”ساۋدام بارعان سايىن كۇسەت بولدى، نەگىزىنەن ءار كۇنى جاڭا تاپسىرىس بار، ءونىم قاجەتتى قامداي الماي قالدى“.
وڭتۇستىك شينجياڭنىڭ 4 ايماق - وبلىسىنداعى قاراقاش اۋدانى اقساراي اۋىلى ۇزىنارىق قىستاعى 2020 - جىلى ۋاعىندا كەدەيلىكتەن ارىلدى. وبۇلقاسىم ءۇشىن الىپ ايتقاندا، ”ەڭسەسىن اقىرى كوتەردى“، ول دا، قىستاق تۇرعىندارى دا اڭساعانىنا قول جەتكىزە باستادى.
”بۇرىن قىستاق كەدەي، اۋىلداستار ءتىپتى دە كەدەي بولاتىن، ەلدەر ۇنەمى ءبىزدى ’جالاڭاياق قىستاق‘ دەپ مازاقتايتىن“. وبۇلقاسىم نىق سەنىممەن بىلاي دەدى: ”قازىر مۇلدە ولاي ەمەس“. 2 جىلدىڭ الدىندا وبۇلقاسىم تىشقان جابىساتىن تاقتانى تولايىم ساتۋعا سۇيەنىپ ارەڭ كۇن كورەتىن، قىستاقتا تۇراتىن كادرلار وعان ”شاعىن تولايىم ساتۋدى“ ”ۇلكەن زاۆودقا“ اينالدىرۋ جونىندە ۇسىنىس بەرگەندە، ول شوشىپ كەتكەن بولاتىن. ”مەن ءبىر ديقان اداممىن، مەنىڭ قولىمنان نە كەلەدى؟“
وبۇلقاسىمدى باس بولىپ زاۆود قۇرۋعا جىگەرلەندىرۋ ءۇشىن، قىستاقتا تۇراتىن ءبىرىنشى شۋجي ورازالى قاشقارباي ونى ەرتىپ فۋجيان، شاندۇڭ سياقتى جەرلەرگە بارىپ تەحنيكا ۇيرەنىپ، جابدىق جانە ماتەريال قۇراپ اكەلدى.
قىستاق تۇرعىندار كوميتەتى مەن قىستاقتا تۇراتىن كادرلاردىڭ كومەكتەسۋى، شابىتتاندىرۋىنىڭ ارقاسىندا، وبۇلقاسىمنىڭ انديڭ تىشقان جابىساتىن جەلىم جاساۋ زاۆودى قۇرىلدى. ءبىر ءوندىرىس جەلىسى، 12 ءتۇرلى ۇقساماعان قالىپتاعى، ۇقساماعان جەلىلەس تىشقان جابىساتىن تاقتا ونىمدەرى وڭتۇستىك شينجياڭداعى تۇڭعىش تىشقان جابىساتىن جەلىم جاساۋ زاۆودىنا اينالدى.
”زاۆود قۇرىلعاننان بەرى كۇنىنە 5000 دانا تىشقان جابىساتىن تاقتا ءوندىرىپ جاتىرمىز“. وبۇلقاسىم بىلاي دەدى: ءبىر ايداعى ءونىم مولشەرى 3000 ساندىققا جەتىپ، ونىمدەر وڭتۇستىك شينجياڭداعى حوتان، قاشقار، اقسۋ سياقتى جەرلەرگە ساتىلدى.
زاۆود قىستاقتاعى مۇگەدەكتەر مەن ايەلدەردى جۇمىستاندىردى، كەيبىر جاستار سىرتتاعى بازارلاردا ساتۋدا. قازىر زاۆودتا 11 جۇمىسشى بار، وڭدەۋ، ساتۋ جانە زات جەتكىزۋگە دەيىن جۇمىس ءبولىسى تىڭعىلىقتى ورنالاسقان، جۇمىسشىلاردىڭ ەڭبەكاقىسى، ەڭ جوعارى بولعاندا، ايىنا 3500 يۋان.
”زاۆود قۇرىپ، ونىڭ ساتىلۋ سوماسىن ميلليون يۋاننان اسىرا الاتىنىمدى ويلاپ كورمەپپىن“، - دەدى وبۇلقاسىم قايتا - قايتا تىلگە الىپ، بۇل ونى كۇشتى تابىس سەزىمىنە جانە باقىت سەزىمىنە بولەدى.
بازاردان كوپ تاجىريبە جيناعان سوڭ وبۇلقاسىمنىڭ سەنىمى بارعان سايىن كۇشەيدى. وبۇلقاسىم بىلاي دەدى: بيىل بازاردىڭ قاجەتى بويىنشا ونىمدەردىڭ ءتۇرىن ۇزدىكسىز كەمەلدەندىرىپ، ءوندىرىس تەحنولوگياسىن جوعارىلاتۋمەن بىرگە، ءونىمدى ساتۋ ارناسىن ۇزدىكسىز كەڭەيتىپ، تۇتاس شينجياڭدا ساتۋعا تالپىنىپ جاتىرمىن.
