تيانشان تورى
تيانشان تورى   ›   جاڭالىقتار   ›   شينجياڭ حابارلارى

رايونىمىزداعى مەملەكەتتىك حالىق قۇرىلتايىنىڭ ۋاكىلدەرى زاڭعا وزگەرىس ەنگىزۋ جوباسىن توپتىق زەرتتەپ وقىدى

  انار بۇلت/ شينجياڭ گازەتىنىڭ ءتىلشىسى جاۋ جىيۇن 1 - ايدىڭ 13 - كۇنى ۇرىمجىدەن حابارلايدى. 1 - ايدىڭ 13 - كۇنى تۇستەن بۇرىن اۆتونوميالى رايوندىق حالىق قۇرىلتايى تۇراقتى كوميتەتى بەينە ەكران ءماجىلىسىن اشىپ، رايونىمىزداعى ءبىر ءبولىم مەملەكەتتىك حالىق قۇرىلتايىنىڭ ۋاكىلدەرىن «جۇڭحۋا حالىق رەسپۋبليكاسى مەملەكەتتىك حالىق قۇرىلتايىنىڭ ۇيىمدىق زاڭىن (وزگەرىس ەنگىزىلگەن نۇسقا)»، «جۇڭحۋا حالىق رەسپۋبليكاسى مەملەكەتتىك حالىق قۇرىلتايىنىڭ اقىلداسۋ ەرەجەسىن (وزگەرىس ەنگىزىلگەن نۇسقا)» توپتىق زەرتتەپ وقۋعا ۇيىمداستىرىپ، ۋاكىلدەردىڭ پىكىرلەرى مەن ۇسىنىستارىن تولىق تىڭدادى.

      اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى لي شۋەجۇن ماجىلىسكە قاتىناستى ءارى ءسوز سويلەدى.

  «جۇڭحۋا حالىق رەسپۋبليكاسى مەملەكەتتىك حالىق قۇرىلتايىنىڭ ۇيىمدىق زاڭى»، «جۇڭحۋا حالىق رەسپۋبليكاسى مەملەكەتتىك حالىق قۇرىلتايىنىڭ اقىلداسۋ ەرەجەسى» − مەملەكەتتىك حالىق قۇرىلتايى جانە ونىڭ تۇراقتى كوميتەتىنىڭ زاڭ بويىنشا قىزمەت ۇقىعىن اتقارۋىنداعى ماڭىزدى تۇزىمدىك كەپىل. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن دايەكتىلەندىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تياناقتاندىرىپ، نەگىزگى زاڭعا وزگەرىس ەنگىزۋدىڭ، پارتيا مەن مەملەكەت قۇرىلىمدارى رەفورماسىن تەرەڭدەتۋدىڭ جاڭا جاعدايلارىن، جاڭا مىندەتتەرىن، جاڭا تالاپتارىن ايگىلەۋ ءۇشىن، مەملەكەتتىك حالىق قۇرىلتايى تۇراقتى كوميتەتىنىڭ زاڭ شىعارۋ قىزمەتىنىڭ ورنالاستىرۋى بويىنشا، زاڭ - ءتۇزىم قىزمەتى كوميتەتى 2019 - جىلدىڭ باسىندا وسى ەكى زاڭعا وزگەرىس ەنگىزۋ قىزمەتىن باستاعان بولاتىن.

  ءماجىلىس مىنالاردى اتاپ كورسەتتى: 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى جوعارىداعى ەكى زاڭعا وزگەرىس ەنگىزۋ جوباسىن قارايدى. رايونىمىزداعى مەملەكەتتىك حالىق قۇرىلتايى ۋاكىلدەرى شىن مانىندە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، وسكەلەڭ ساياسي جاۋاپكەرشىلىك سەزىممەن جانە بورىشتىلىق سەزىممەن وسى رەتكى زاڭعا وزگەرىس ەنگىزۋ جوباسىن زەرتتەپ وقۋ قىزمەتىن مۇقيات، ويداعىداي ىستەپ، شي جينپيڭنىڭ زاڭمەن جونگە سالۋ يدەياسىن جانە باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ۇزدىكسىز ىشكەرىلەي ۇيرەنىپ، مۇقيات زەرتتەپ وقىپ، تانىمدى تەرەڭدەتىپ، دەر كەزىندە پىكىر، ۇسىنىس ايتۋى كەرەك.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.