تيانشان تورى   ›   جاڭالىقتار   ›   شينجياڭ حابارلارى

شينجياڭنان تاعى دا 16 جەر مەملەكەت بويىنشا ”ءبىر قىستاقتا ءبىر ءونىم بولۋدان“ ۇلگى كورسەتەتىن قىستاق، قالاشىق بولىپ تاڭدالدى

  انار بۇلت / شينجياڭ گازەتىنىڭ ءتىلشىسى جاۋ مين 1 - ايدىڭ 13 - كۇنى ۇرىمجىدەن حابارلايدى. جۋىقتا 10 - توپتاعى مەملەكەت بويىنشا ”ءبىر قىستاقتا ءبىر ءونىم بولۋدان“ ۇلگى كورسەتەتىن قىستاق، قالاشىق تىزىمدىگى جاريالاندى، شينجياڭنان (بيڭتۋاندى قامتيدى) 16 جەر (اۆتونوميالى رايوننان 12 جەر، بيڭتۋاننان 4 جەر) تاڭدالدى. سونىمەن، شينجياڭدا ”ءبىر قىستاقتا ءبىر ءونىم بولۋدان“ مەملەكەت بويىنشا ۇلگى كورسەتەتىن قىستاق، قالاشىقتىڭ جالپى سانى 100دەن استى (بيڭتۋاندى قامتيدى)، بۇل جەرگىلىكتى ورىنداعى ”ەرەكشە ماركا“ تۇلعالاپ، شارۋالاردىڭ جۇمىستانىپ، كىرىستەرىن ارتتىرۋىن جەبەۋدە جانە اۋىل - قىستاق كاسىپ سالاسى ميكرو ەكونوميكالىق شەڭبەرىن قالىپتاستىرۋدا كەلەلى ماڭىز الادى.

  ۇعىسۋعا قاراعاندا، بۇل رەت شيجياڭنان شونجى اۋدانىنىڭ شيبەيۋان قالاشىعى شوتۇن قىستاعى (سىپيڭتوۋ قىزىل بۇرىشى)، ونسۋ اۋدانى كوكيار قالاشىعى جاڭعاق جاڭا قىستاعى (ەرەكشە جەمىس ورمانى) سياقتى 16 جەر مەملەكەتتىك ” ءبىر قىستاقتا ءبىر ءونىم بولۋدان“ ۇلگى كورسەتەتىن قىستاق، قالاشىق بولىپ تاڭدالعان. مەملەكەت بويىنشا ”ءبىر قىستاقتا ءبىر ءونىم بولۋدان“ ۇلگى كورسەتەتىن قىستاق، قالاشىقتى باعالاۋدا جەتەكشى كاسىپ سالاسىنىڭ كورنەكتى بولۋى، قىستاق جەتەكشى كاسىپ سالاسى ءونىم قۇنىنىڭ 10 ميلليون يۋاننان اسىپ، تۇتاس قىستاق ءوندىرىس جالپى ءونىم قۇنىنىڭ %50تەن استامىن يەلەۋى؛ قالاشىق جەتەكشى كاسىپ سالاسى ءونىم قۇنىنىڭ 50 ميلليون يۋاننان اسىپ، تۇتاس قالاشىق ءوندىرىس جالپى ءونىم قۇنىنىڭ %30تەن استامىن يەلەۋى تالاپ ەتىلگەن. سونىمەن بىرگە توعىسۋ بەتالىسى كورنەكتى، نازاردى جەتەكشى كاسىپ سالاسىنا شوعىرلاندىرعان، بايلىق فاكتورىن توپتاعان، كاسىپ سالاسى تىزبەگىن ۇزارتقان، ەلەكتروندى ساۋدا ىستەرى، سەيىل - سەرۋەن قۇرۋ، سەزىنۋ، سالاماتتىق، كۇتىنۋ سياقتى جاڭا كاسىپ كۇيلەرىن دامىتقان، اۋىل - قىستاقتىڭ 1 -، 2 -، 3 - كاسىپ سالاسىنىڭ توعىسپالى دامۋىن ىلگەرىلەتكەن بولۋى دا تالاپ ەتىلگەن.

  اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنىڭ اۋىل - قىستاق كاسىپ سالاسىن دامىتۋ باسقارماسىنىڭ قاتىستى جاۋاپتىسى مىنالاردى ءبىلدىردى: مۇنان كەيىن اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى نازاردى ەرەكشە كاسىپ سالالارىنا ۇزدىكسىز شوعىرلاندىرىپ، بايلىق فاكتورىن توپتاپ، جاڭالىق اشۋعا جەتەكشىلىك ەتۋدى كۇشەيتىپ، جاڭا قوزعاۋشى قۋاتتاردى جەتىلدىرىپ، دامىتىپ، ”ءبىر قىستاقتا ءبىر ءونىم بولۋدان“ ۇلگى كورسەتۋدە ەرەكشەلىگى ايقىن، ورنالاسۋى ۇيلەسىمدى، شارۋاشىلىق قۇرۋى تەبىندى، اۋىل شارۋاشىلىعىمەن بايلانىسى تىعىز قىستاق، قالاشىقتى قۇرىپ، اۋىل - قىستاقتى گۇلدەندىرۋدى بەرىك كاسىپ سالاسى تىرەگىمەن قامدايدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.