تيانشان تورى   ›   جاڭالىقتار   ›   شينجياڭ حابارلارى

رايونىمىزدىڭ تۇڭعىش مەملەكەتتىك دالالىق عىلمي باقىلاۋ، زەرتتەۋ پۋنكتى بەكتىلدى

  انار بۇلت / شينجياڭ گازەتىنىڭ ءتىلشىسى جىڭ جو 1 - ايدىڭ 13 - كۇنى ۇرىمجىدەن حابارلايدى. جۋىقتا عىلىم - تەحنيكا مينيسترلىگى جاڭادان قۇرىپ بەكىتىلگەن 69 مەملەكەتتىك دالالىق عىلمي باقىلاۋ، زەرتتەۋ پۋنكتىنىڭ ەسىمدىگىن جاريالادى، تۇرپان اتموسفەرا ورتاسىندا ماتەريالداردىڭ ءشىرۋىن دالالىق عىلمي باقىلاۋ، زەرتتەۋ پۋنكتى ەسىمدىكتەن ورىن الىپ، رايونىمىزداعى تۇڭعىش پۋنكتكە اينالدى.

  مەملەكەتتىك دالالىق عىلمي باقىلاۋ، زەرتتەۋ پۋنكتى − مەملەكەتتىك عىلىم - تەحنيكادان جاڭالىق اشۋ بازاسىنىڭ ماڭىزدى قۇرامداس بولىگى، جاراتىلىستىق شارت - جاعدايداعى جاعراپيالىق ورنالاسۋ زاڭدىلىعىنا نەگىزدەلىپ، ۇزاق ۋاقىت دالالىق ورنىن تۇراقتاندىرۋ ارقىلى باقىلاۋ ساندى مالىمەتىن الىپ ءارى جوعارى ورەدەگى عىلمي زەرتتەۋدى ورىستەتىپ، ەكولوگيا ءىلىمى، ماتەريال عىلىمى سياقتى سالالارعا قىزمەت وتەيدى. اۆتونوميالى رايوندىق عىلىم - تەحنيكا مەڭگەرمەسى قوعامدىق دامۋ جانە نەگىزدىك زەرتتەۋ باسقارماسىنىڭ باستىعى يۇي يىڭرۇڭ بىلاي دەپ تانىستىردى: بۇرىن شينجياڭ وڭىرىندەگى مەملەكەتتىك دالالىق عىلمي باقىلاۋ، زەرتتەۋ پۋنكتتەرىن مەملەكەت دارەجەلى عىلمي زەرتتەۋ ورىندارى مەن اكادەميا - ورىندار ءوتىنىش ەتىپ بەكىتتىرەتىن، بۇل رەت تۇرپان اتموسفەرا ورتاسىندا ماتەريالداردىڭ ءشىرۋىن دالالىق عىلمي باقىلاۋ، زەرتتەۋ پۋنكتى اۆتونوميالى رايوننىڭ كورسەتۋىمەن تاڭداپ بەكىتىلدى، دەمەك، رايونىمىزدا مەملەكەتتىك دالالىق عىلمي باقىلاۋ، زەرتتەۋ پۋنكتى قۇرىلىسىنىڭ جوق بولۋ جاعدايى وزگەردى دەۋگە بولادى.

  تۇرپان اتموسفەرا ورتاسىندا ماتەريالداردىڭ ءشىرۋىن دالالىق عىلمي باقىلاۋ، زەرتتەۋ پۋنكتى تۇرپان تابيعي ورتادا تاجىريبە جاساۋ، زەرتتەۋ جۇرگىزۋ ورتالىعى قۇرىلىسىن سۇيەنىش ەتىپ، ءتۇرلى ونىمدەرگە، ماتەريالدارعا، كاۋچۇكتەرگە، تۇلعالىق بولشەكتەر مەن ۇساق بولشەكتەرگە، اۆتوموبيل تۇلعاسىنا جانە ۇساق بولشەكتەرگە جاراتىلىستىق ورتادا تاجىريبە جاساۋ، جاراتىلىستىق ورتادا ۇدەمەلى تاجىريبە جاساۋ، ءشىرىتۋ تاجىريبەسىن جاساۋ سياقتى قابىلەتتەردى ازىرلەگەن، ونىمدەردىڭ ساپاسىن، يقۋاتىن جانە پايدالانىلۋ عۇمىرىن جوعارىلاتۋ، جاڭا ماتەريالداردى زەرتتەپ اشىپ پايدالانۋ، قاتىستى ولشەمدەردى، جۇيەلەردى جاساۋ، وزگەرتۋ سياقتىلاردى عىلمي نەگىزبەن قامدايدى. وسى ورتالىقتىڭ مەڭگەرۋشىسى گو شۇنيۇن بىلاي دەپ تانىستىردى: قازىر ورتالىقتىڭ جالپى جەر اۋدانى 2000 مۋ، تاجىريبەحانا مەن 15 مىڭ شارشى مەترلىك تىنىش كۇيدەگى تاجىريبە الاڭىن، سونداي - اق ءتۇرلى اۆتوموبيل سىناۋ جولدارىن جانە جابدىقتاردى قامتيدى، ول قازىر الەمدەگى ەكىنشى ۇلكەن قۇرعاق ىستىق تاجىريبە پۋنكتى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.