انار بۇلت / شينجياڭ گازەتىنىڭ ءتىلشىسى لي ياڭ 1 - ايدىڭ 13 - كۇنى ۇرىمجىدەن حابارلايدى. 1 - ايدىڭ 13 - كۇنى تۇستەن بۇرىن اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ 13 - رەتكى ءماجىلىسى اشىلدى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ماجىلىسكە قاتىناستى.
ءماجىلىس وسى رەتكى ءماجىلىستىڭ كەڭەستىك تارتىپتەرىن ماقۇلدادى. ءماجىلىس اۆتونوميالى رايوننىڭ ورىنباسار ءتوراعاسى سۇن حۇڭمەيدىڭ اۆتونوميالى رايوندىق حالىق ۇكىمەتىنىڭ اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - رەتكى ماجىلىسىنەن بەرگى ۇسىنىس جوبالاردى ءبىر جاقتى ەتۋ جاعدايى جونىندەگى حابارلاندىرۋىن، اۆتونوميالى رايوندىق ساياسي كەڭەستىڭ ورىنباسار ءتوراعاسى چىڭ جىنشان جاساعان كادرلارعا قاتىستى ىستەر جونىندەگى تۇسىنىكتى، اۆتونوميالى رايوندىق ساياسي كەڭەستىڭ ورىنباسار ءتوراعاسى، قوسىمشا باس حاتشى جاڭ بو جاساعان ساياسي كەڭەس شينجياڭ ۇيعۇر اۆتونوميالى رايوندىق 12 - كەزەكتى كوميتەتى تۇراقتى كوميتەتىنىڭ قىزمەت بايانداماسىن (جوبا) دايىنداۋ جاعدايى جونىندەگى تۇسىنىكتى، ساياسي كەڭەس شينجياڭ ۇيعۇر اۆتونوميالى رايوندىق كوميتەتى تۇراقتى كوميتەتىنىڭ 12 - كەزەكتى كوميتەتتىڭ 3 - رەتكى ماجىلىسىنەن بەرگى ۇسىنىس جوبا قىزمەتى جاعدايى بايانداماسىن (جوبا) دايىنداۋ جاعدايى جونىندەگى تۇسىنىكتى، «جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق كوميتەتى ارناۋلى كوميتەتتەرىنىڭ جالپى ەرەجەسىنە» (جوبا) وزگەرىس ەنگىزۋ جونىندەگى تۇسىنىكتى تىڭدادى.
ءماجىلىس اۆتونوميالى رايوندىق ساياسي كەڭەس ارناۋلى كوميتەتتەرىنىڭ جانە اۆتونوميالى رايوندىق ساياسي كەڭەس ”كەشەندى شارالاردى“ تياناقتاندىرۋ كەڭسەسىنىڭ جاۋاپتىسىنىڭ 2020 - جىلعى قىزمەت مالىمەتىن دە تىڭدادى.
اۆتونوميالى رايوندىق ساياسي كەڭەستىڭ ورىنباسار ءتوراعاسى ما شيۇڭچىڭ ءماجىلىستى باسقاردى.
اۆتونوميالى رايوندىق ساياسي كەڭەستىڭ ورىنباسار ءتوراعالارى ءجۇرات يمىن، ماعاۋ سەيىتقامزا، ءمۇتالىپ وبۇل، كۇڭ شيڭلۇڭ، ياڭ يۇڭ، يىلحام سابىر، ابدۇرىقىپ ءتومۇرنياز ماجىلىسكە قاتىناستى.
ءارقايسى وبلىستىق، قالالىق ساياسي كەڭەس پارتيا باسشىلىق گرۋپپالارىنىڭ شۋجيلەرى، ءتوراعالارى، ساياسي كەڭەس ءارقايسى ايماقتىق قىزمەت كوميتەتتەرى پارتيا باسشىلىق گرۋپپالارىنىڭ شۋجيلەرى، مەڭگەرۋشىلەرى، شينجياڭ ءوندىرىس - قۇرىلىس بيڭتۋانىنا قاراستى اۋدان دارەجەلى قالالىق ساياسي كەڭەستەردىڭ ءتوراعالارى ماجىلىسكە سىرتتاي قاتىناستى.
