− 2020 - جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ستيل قۇرىلىسىن ىلگەرىلەتۋ تۋرالى ەستەلىك
شينحۋا اگەنتتىگىنىڭ تىلشىلەرى جۋ جيچاي، حۋاڭ يۋە، ۋاڭ زىميڭ
”تيتتەي دە دامىل المايتىن، استە بوساڭسىمايتىن تاباندىلىقپەن قايتا - قايتا يگەرەتىن، يگەرۋدى قايتا - قايتا جالعاستىراتىن قايسارلىلىقپەن، شەگە قاعۋ رۋحىمەن ورتالىقتىڭ 8 ءتۇرلى بەلگىلەمەسىن جانە ونى اتقارۋ ەگجەي - تەگجەيلى ەرەجەسىن دايەكتىلەندىرىپ، ’ءتورت ءتۇرلى بۇرىس ستيلدى‘ جونگە سالىپ، نەگىزگى ساتىنىڭ اۋىرتپالىعىن جەڭىلدەتۋدىڭ ءتۇرلى بەلگىلەمەلەرىن تياناقتاندىرۋ كەرەك“.
2020 - جىلدىڭ سوڭى، بەيجيڭ جۇڭنانحاي، ءبىر جىلدا ءبىر وتەتىن پارتيا ىشىندەگى ەڭ جوعارى دارەجەلى دەموكراتيالىق تۇرمىس جيىنى اشىلدى.
جيىن نازاردى تاعى دا ستيل قۇرىلىسىنا شوعىرلاندىرىپ، «2020 - جىلعى ورتالىق كوميتەت ساياسي بيۋروسىنىڭ ورتالىقتىڭ 8 ءتۇرلى بەلگىلەمەسىن دايەكتىلەندىرۋ، اتقارۋ جاعدايى جونىندەگى باياندامانى» جانە «فورماشىلدىق ماسەلەلەرىن ۇزدىكسىز شەشىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىن تەرەڭدەتۋ، كەڭەيتۋ جاعدايى جونىندەگى باياندامانى» قارادى.
باس شۋجي شي جينپيڭ جيىندى باسقارىپ ءارى ماڭىزدى ءسوز سويلەپ، ورتالىق كوميتەت ساياسي بيۋروسىنىڭ ستيل جاعىندا ۇزدىكسىز قۇلشىنۋى، بۇكىل پارتياعا جاقسى باستاماشى بولۋى، ۇلگى كورسەتۋى جونىندە تالاپ قويىپ، پارتيانىڭ ورتالىق باسشىلىق كوللەكتيۆىنىڭ ءوز قۇرىلىسىن كۇشەيتەتىن وسكەلەڭ ساياسي سانالىلىعىن تاعى ءبىر مارتە ايگىلەدى.
2020 - جىل جاڭا جۇڭگو تاريحىندا، جۇڭحۋا ۇلتى تاريحىندا، سونداي - اق ادامزات تاريحىندا دا ايرىقشا وزگەشە ءبىر جىل بولدى.
حالىقاراداعى، ەل ىشىندەگى جاعدايدىڭ تەرەڭ، كۇردەلى وزگەرىسى، اسىرەسە، توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى ارەكەت ارقىلى بۇيرىق بەرىپ، وزدەرى ءتالىم بەرىپ، ونەگە كورسەتىپ، ستيل قۇرىلىسىن مىزعىماستان مىقتى يگەرىپ، قامال الاتىن، قيىندىقتاردى جەڭەتىن، ايانباي ايقاسىپ، جىگەرلەنە ىلگەرىلەيتىن قۋاتتى كۇش توپتادى.
حالىقتى بارىنەن جوعارى قويۋ، سۇراپىل شايقاس، ۇلكەن سىناق ستيلدىڭ قاسيەتىن ايگىلەدى
2020 - جىلعى مىنا ءبىر كورىنىس ەلىمىز حالقىنا تەرەڭ اسەر قالدىردى −
”سىزدەر تۇگەل قورعانۋ كيىمدەرىن كيىپ، ماسكى تاعىپ جۇرسىزدەر، سىزدەردىڭ جۇزدەرىڭىزدى تولىق كورە المادىم، دەسەدە، سىزدەر مەنىڭ جۇرەگىمدەگى ەڭ ارداقتى ادامسىزدار!“، 3 - ايدىڭ 10 - كۇنى ۋحان حوشىنشان شيپاحاناسىنىڭ قولباسشىلىق ورتالىعىندا، باس شۋجي شي جينپيڭ ناۋقاستار اۋماعىندا قىزمەت ىستەپ جاتقان مەديتسينا قىزمەتكەرلەرىنىڭ ۋاكىلدەرىمەن بەينە ەكران ارقىلى سويلەستى.
”شيپاگەر رەتىندە، سىزدەر اجالعا اراشاشى، جارالىعا مەدەت بولۋدى، ۇلى سۇيىسپەنشىلىكتە شەك - شەكارا بولمايتىندىعىن شىن مانىندە ورىندادىڭىزدار، پارتيا مۇشەسى رەتىندە، سىزدەر حالىق ءۇشىن قىزمەت ىستەپ قالتقىسىز ۇلەس قوسۋدى ايگىلەدىڭىزدەر، اسكەري ادام رەتىندە، سىزدەر بۇيرىق بەرىلىسىمەن كەلەتىن، كەلە سالىسىمەن شايقاسا الاتىن، شايقاسسا جەڭىپ شىعاتىن اسكەريلەردىڭ قاسيەتىن ايگىلەدىڭىزدەر. مەن سىزدەرگە العىس ايتامىن!“.
ايبىنى اسقاق ءسوز جۇرتتى اسەرلەندىردى.
ۋحانداعى كەزىندە، باس شۋجي شي جينپيڭ شيپاحانالاردا قىزمەت تەكسەرىپ، الەۋمەتتىك اۋماقتاردى ارالاپ، تەلەۆيزور - تەلەفون ءماجىلىسىن باسقارىپ اشىپ ءارى ماڭىزدى ءسوز سويلەپ، الدىڭعى شەپتەگى قولباسىلار مەن جاۋىنگەرلەرگە، ۋحان حالقىنا، بۇكىل ەل حالقىنا ايرىقشا زور شابىت بەردى.
”پارتيانىڭ ستيلى − پارتيانىڭ وبرازى“. ايرىقشا وزگەشە جىلدا، جاڭا داۋىردەگى جۇڭگو كوممۋنيستەرى مىزعىماس ستيلىن، جارقىراعان وبرازىن اناعۇرلىم ايگىلەدى.
ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسىن، ورتالىق كوميتەتىنىڭ ساياسي بيۋروسىنىڭ ءماجىلىسىن ءۇرتىس 21 رەت باسقارىپ اشىپ، اقىلداسىپ، ورنالاستىرۋ جاساپ، كوپ رەت ماڭىزدى نۇسقاۋ بەرىپ، بەكىتۋ جاسادى؛ وراسان زور ساياسي باتىلدىقپەن ۋحاننان شىعاتىن، حۋبەيدان شىعاتىن ارنالاردى جابۋ تۋرالى شەشىم جاسادى، ۋاقىتقا، جاعدايعا قاراي ەلەۋلى ستراتەگيا، تاكتيكا بەلگىلەدى؛ ىندەتتەن ساقتانۋ - تىزگىندەۋدىڭ شەشۋشى كەزەڭىندە بەيجيڭ، ۋحان سياقتى جەرلەرگە ءوزى بارىپ ىندەتكە قارسى اتتانۋعا قولباسشىلىق ەتتى...
100 جىلدا كەزدەسپەگەن وسى رەتكى ەلەۋلى ىندەت الدىندا باس شۋجي شي جينپيڭ ءوزى قولباسشىلىق ەتىپ، ءوزى ورنالاستىرۋ جاساپ، جالپى جاعدايدى ءبىر تۇتاس مەڭگەرىپ، باتىل شەشىم جاساپ، ايرىقشا شارامەن ايرىقشا ىسكە توتەپ بەرىپ، حالىق كوسەمىنىڭ تەرەڭ سۇيىسپەنشىلىگىن جانە ءىرى ەلدىڭ جول باستاۋشىسىنىڭ ەرەك تۇجىرىمداۋ قابىلەتىن، شەشىم جاساۋ قابىلەتىن، ارەكەت قابىلەتىن ايگىلەدى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭا داۋىردەگى جۇڭگو كوممۋنيستەرى كەۋدە كەرىپ العا شىعىپ، ءولىمدى ەلەڭ قۇرلى كورمەي، باتىرلىقپەن، ەرلىكپەن شايقاس جۇرگىزىپ، ەل بىرلىگىنەن بەرىك قامال تۇرعىزعان، ۋاقىتتىق قيىندىقتى بىلەك بىرىكتىرە جەڭگەن قۋاتتى كۇش توپتادى.
جۇڭگو كوممۋنيستىك پارتياسى ورتالىق كوميتەتى «پارتيانىڭ باسشىلىعىن كۇشەيتۋ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە پارمەندى ساياسي كەپىلدىك ازىرلەۋ جونىندەگى حابارلاندىرۋدى» باسىپ تاراتىپ، ”قاي جەردە مىندەت قاتەرلى، اۋىر بولسا، سول جەردە پارتيا ۇيىمىنىڭ پارمەندى، مىعىم قىزمەتى بولۋى، سول جەردە پارتيا مۇشەلەرى اۆانگارد بولىپ، ونەگە كورسەتۋى كەرەك“ دەپ باسا دارىپتەدى؛ ورتالىق كوميتەت ۇيىمداستىرۋ ءبولىمى حابارلاندىرۋ باسىپ تاراتىپ، ىندەتكە قارسى اتتانۋدىڭ ءبىرىنشى شەبىندە پارتياعا مۇشە قابىلداۋدى ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋدەگى ماڭىزدى ءبىر قىزمەت رەتىندە مىقتى يگەرۋدى تالاپ ەتتى.
”مەن پارتيا مۇشەسىمىن، مەن الدىمەن بارامىن“، ”ىندەتتىڭ بەتى قايتپايىنشا، مەن دە قايتپايمىن“، ”ۇيىمنىڭ مەنى ەڭ قاتەرلى جەرگە جىبەرۋىن وتىنەمىن“... ايبىندى ۋادەلەر بەرىلىپ، ادال جۇرەك، اق نيەت ايگىلەندى. 9 ميلليون 600 مىڭ شارشى كيلومەتر كەلەتىن بايتاق الاپتا 4 ميلليون 600 مىڭنان استام نەگىزگى ساتى پارتيا ۇيىمى بەرىك قامال تۇرعىزدى، 25 مىڭنان استام تاڭداۋلى بەلسەندى شايقاس شەبىندە سەرت بەرىپ پارتياعا مۇشە بولدى، نارت قىزىل پارتيا تۋى ىندەتكە قارسى اتتانۋدىڭ ءبىرىنشى شەبىندە اسقاق جەلبىرەدى.
”لاۋباي، بيىل قانشاعا كەلدىڭىز؟“، ”66 جاسقا“.
”جىلىڭىز نە؟“ ”جىلىم جىلقى“.
”وندا مەنەن ءبىر جاس كىشى ەكەنسىز“.
2020 - جىلى 5 - ايدىڭ 11 - كۇنى تۇستەن كەيىن شانشيدىڭ داتۇڭ قالاسى شيپيڭ قالاشىعى فاڭچىڭ جاڭا قىستاعىندا باس شۋجي شي جينپيڭ قىستاق تۇرعىنى باي گاۋشاننىڭ ۇيىندەگى ساكىنىڭ شەتىندە وتىرىپ اڭگىمە دۇكەن قۇرىپ، ءسوز تيەگى اعىتىلىسىمەن ەرەكشە جاقىندىق سەزىندىردى.
”كوشىپ شىققان سوڭ ۇيدەگىلەر، باستىسى، نە ىستەپ ءجۇر؟“، ”تابىستارىڭىز قالاي؟“ باس شۋجي شي جينپيڭ ەگجەي - تەگجەيلى سۇرادى.
وسى جولى داتۇڭعا قىزمەت تەكسەرە بارعاندا، باس شۋجي شي جينپيڭ كولىكتەن تۇسە سالا اتىز باسىنا توتە تارتىپ، كۇرەڭكەيدىڭ ءوسۋ جاعدايىن كورىپ، ىلە - شالا فاڭچىڭ جاڭا قىستاعىنا بارىپ، قونىس جاڭالاعاننان كەيىنگى كەدەيلىكتەن ارىلتۋدان قامال الۋ ناتيجەسىن بەكەمدەۋ جاعدايىن ۇعىستى.
2020 - جىل جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتەتىن، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزەتىن جىل، سونداي - اق ”13 - بەسجىلدىق“ جوبا اياقتالاتىن جىل. ءبىرسىپىرا قيىنشىلىقتار مەن سىن - سايىستاردى جەڭىپ، بەلگىلەنگەن نىسانا - مىندەتتەردى ۋاعىندا جۇزەگە اسىرۋ ءۇشىن باس شۋجي شي جينپيڭ تەكسەرۋ - زەرتتەۋدىڭ كوپ كەزىكپەگەن ءجيى ريتىمىن باستادى.
وڭتۇستىكتە جىجياڭعا بارىپ، جاۋىپ تۇرعان جاڭبىرعا قاراماي پورتتىڭ جۇمىستى، ءوندىرىستى قالپىنا كەلتىرۋىن تەكسەردى؛ باتىستا شانشيگە بارىپ، چينليڭ تاۋىنىڭ تەرەڭ قويناۋىن ارالاپ، كاسىپ سالاسى ارقىلى كەدەيلەردى سۇيەمەلدەۋدى تەكسەردى؛ سولتۇستىكتە جيلينگە بارىپ، قارا توپىراقتى جەرگە قادام باسىپ، استىق ءوندىرىسىن تەكسەردى؛ شىلىڭگىر ىستىقتا انحۇيعا بارىپ، تاسقىن ىركىلگەن اۋماقتى ارالاپ، اپاتقا ۇشىراعان بۇقارانىڭ ءوندىرىسىنىڭ، تۇرمىسىنىڭ قالپىنا كەلۋ جاعدايىن ۇعىستى... باس شۋجي شي جينپيڭ ىركەس - تىركەس 13 ولكە، رايون، قالاعا بارىپ قىزمەت تەكسەرىپ، ءبىرسىپىرا ماڭىزدى ماجىلىستەرگە، ماڭىزدى قيمىلدارعا قاتىناسىپ، ”ىندەتپەن شايقاسقا“، ”تاسقىنمەن شايقاسقا“، ”كەدەيلىكپەن شايقاسقا“ ءوزى قولباسشىلىق ەتىپ، شارشاپ - شالدىققانىنا قاراماستان، بار زەيىن - قۋاتىن سالدى.
”دۇرىس جول قايدان كەلەدى؟ بۇقارادان كەلەدى“. ”14 - بەسجىلدىق“ جوبا «ۇسىنىسىن» ويداعىداي جاساۋ ءۇشىن، باس شۋجي شي جينپيڭ 7 رەت ارناۋلى تاقىرىپتىق اڭگىمە ءماجىلىسىن باسقارىپ اشىپ، ەكونوميكا، قوعام سالاسىنداعى مامانداردان وقۋ - اعارتۋ، عىلىم، مادەنيەت، دەنساۋلىق ساقتاۋ، دەنە تاربيە سالاسىنىڭ ۋاكىلدەرىنە دەيىن، جەرگىلىكتى پارتيا، ۇكىمەت كادرلارىنان اۋىل - قىستاق وقىتۋشىلارىنا، استىق ەگەتىن ءىرى وتباسىلارىنا، جۇك اۆتوموبيلى شوفەرلەرىنە، جەدەل جەتكىزۋشىگە، اسحانا قوجايىندارىنا دەيىن، ءار جاقتىڭ ۋاكىلدەرىمەن بەتپە - بەت وتىرىپ حالىقتان اقىل - پاراسات قابىلدادى.
اشىق پىكىر - كەڭەس الۋ تاسىلىندە جاڭالىق اشقان باس شۋجي شي جينپيڭ ينتەرنەت ارقىلى بۇكىل قوعامنان پىكىر جانە ۇسىنىس جيناۋدى ارنايى تۇردە تالاپ ەتتى، بۇل ەلىمىزدىڭ بەسجىلدىق جوسپار جانە جوبا جاساۋ تاريحىندا ءبىرىنشى رەت بولىپ وتىر. قىسقا عانا 2 اپتادا جيىنى ءبىر ميلليون 18 مىڭ ۇسىنىس كەلىپ ءتۇسىپ، نەگىزگى ساتى بۇقاراسىنىڭ اڭساعانى، ويلاعانى، كۇتكەن ءۇمىت - تىلەگى جۇڭنانحايعا توتە جەتتى.
2020 - جىلى 100 جىلدىق وزگەرىستىڭ جەدەل ۇدەۋى جانە سىرتقى ورتاداعى الاسۇرعان قىم - قۋىت جاعداي الدىندا، ءتوراعا شي جينپيڭ بەينە ەكراندا 23 رەت ديپلوماتيالىق قىزمەت ورىستەتىپ، قاتىستى مەملەكەتتىڭ باسشىلارىمەن جانە حالىقارالىق ۇيىمداردىڭ جاۋاپتىلارىمەن 81 رەت تەلەفوندا سويلەستى، تەك 11 - ايدىڭ وزىندە بەينە ەكران تاسىلىمەن كوپ جاقتى ديپلوماتيالىق ماجىلىسكە 4 رەت قاتىناسىپ، ىندەتكە قارسى اتتانۋدىڭ حالىقارالىق سەلبەستىگى، ەكونوميكانىڭ قالپىنا كەلۋىن جەبەۋ سياقتىلار جونىندە ءار ەلمەن ۇلكەن ىستەردى اقىلداسۋدى ”بۇلت تەرمينالىندا“ ورىستەتىپ، ءىرى ەل كوسەمىنىڭ ستراتەگيالىق تاباندىلىعى مەن ارقالاعان جاۋاپكەرشىلىگىن تولىق ايگىلەدى.
قيىن - قىستاۋ جاعدايدا مىزعىماس تىرەكتىك رولىن اناعۇرلىم ايگىلەدى، سۇراپىل شايقاس، ۇلكەن سىناق قابىلەتتى، ستيلدى شىڭدايدى. شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتياعا، بۇكىل ەلدەگى ءار ۇلت حالقىنا باسشىلىق ەتىپ، تاريحتا سيرەك كەزدەسەتىن حاۋىپ - قاتەرلەر مەن سىن - سايىستاردى جەڭىپ شىعۋدا، جاڭا داۋىردەگى جۇڭگوشا سوتسياليزم ىستەرىن قايراتتانا ىلگەرىلەتۋدە شەشۋشى رول اتقارىپ، ايرىقشا وزگەشە جىلدا ايرىقشا وزگەشە شۇعىلالى ناتيجە جاراتتى.
جوعارى ارقىلى تومەنگە جەتەكشىلىك ەتىپ، ستيل قۇرىلىسىنىڭ ۇزاققا سوزىلاتىن شايقاسىن ويداعىداي جۇرگىزدى
2020 - جىلى 3 - ايدىڭ 29 - كۇنى نيڭبوداعى جوۋشان پورتى چۋانشان پورت اۋماعىنداعى كەمەتۇراق، جاڭبىر سىبەرلەپ جاۋىپ تۇر، باس شۋجي شي جينپيڭ قولىنا شاتىر ۇستاپ، جاڭبىر سۋى كولكىپ تۇرعان جاعالاۋعا بارىپ، كەمەتۇراقتاعى جۇمىس جۇرگىزۋ جاعدايىن ەگجەي - تەگجەيلى تەكسەرىپ شىقتى. جۇمىسشىلاردىڭ جاۋىنعا مالشىنباۋى ءۇشىن، باس شۋجي كەزدەسەتىن جەردى قىزمەت وتەۋ ورتالىعىنىڭ زالىنا اۋىستىرۋدى ارنايى تاپسىردى.
بۇقارامەن ەتەنە ارالاسىپ، بار پەيىلىن، بار كۇشىن سالا حالىقتى ۋايىمنان ارىلتتى، باس شۋجي شي جينپيڭ باستان - اياق حالىقپەن بىرگە ويلاپ، بىرگە ىستەدى.
”باس شۋجي، سالەمەتسىز بە!“ 2020 - جىلى 4 - ايدىڭ 22 - كۇنى كەشقۇرىم، شي - انداعى داتاڭ بۋيەچىڭ جاياۋلار كوشەسى ايرىقشا دۋماندى، كوشەدەگى ساياحاتشىلار باس شۋجي شي جينپيڭنىڭ وسى اراعا كەلگەندىگىن تاڭدانا دا شاتتانا بايقاپ، قۋانا الاقايلادى.
باس شۋجي شي جينپيڭ بايىرعى شي - ان اسحاناسىنا كىرگەندە، تاماقتانىپ وتىرعان قاريدارلار، قاربالاس جۇرگەن اسحانا قىزمەتكەرلەرى تۇس - تۇستان قاۋمالاي كەلدى. ياڭروۋپاۋ، حۋلۋجي، روۋجيامو، شۇيپىن ياڭروۋ، شانبەي ميزىگاۋ... باس شۋجي كۇلىمسىرەپ: ”بۇلاردىڭ ءبارى اۋىلدىڭ ءدامى - عوي“، - دەدى.
يۇنناننىڭ تىڭچۇڭىنداعى حىشۇن بايىرعى قالاشىعىنان سانشيدىڭ تاييۋانىنداعى فىنحى وزەنىنىڭ جاعالاۋىنا دەيىن، حۋنان داشۋەسىنىڭ اۋلاسىنان گۋاڭدۇڭنىڭ چاۋشانىنداعى قالىڭ ادام قايشالىسقان كونە كوشە اۋماعىنا دەيىن... تەكسەرۋ - زەرتتەۋ بارىسىندا باس شۋجي شي جينپيڭ جەرگىلىكتى بۇقارامەن تالاي رەت جولشىباي كەزدەسىپ، شىن ىقىلاسپەن اڭگىمەلەستى.
”تاماق اقىسىن تاپسىردىڭىزدار ما؟“ تەكسەرۋ - زەرتتەۋ كەزىندە باس شۋجي شي جينپيڭ ۇنەمى وسىنى سۇراپ وتىردى ءارى ايتقانىن ىستەيتىن قۇنتتى پوزيتسيامەن باستاماشىلدىقپەن اتقاردى.
2020 - جىلى 8 - ايدا باس شۋجي شي جينپيڭ تاعى دا اس - سۋ ىسىراپشىلدىق ارەكەتىن تيۋ جونىندە ماڭىزدى نۇسقاۋ بەرىپ، اس - سۋ ىسىراپشىلدىق ارەكەتىن باتىل تيىپ، ۇنەمشىلدىك ادەتىن شىن مانىندە جەتىلدىرىپ، تۇتاس قوعامدا ىسىراپشىلدىقتى نامىس، ۇنەمشىلدىكتى داڭق سانايتىن راي قالىپتاستىرۋدى باسا دارىپتەدى.
پارتيا ورتالىق كوميتەتىنىڭ جالپى ءماجىلىسى − پارتيا ستيلىن، ۇكىمەت ستيلىن باقىلايتىن ماڭىزدى تەرەزە.
2020 - جىلى 10 - ايدىڭ 25 - كۇنى تۇستەن كەيىن جيڭشي قوناق ءۇيى. پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىنە قاتىناسىپ جاتقان جيلين ولكەسى چاڭچۇن قالاسى چاڭشان حۋايۋان الەۋمەتتىك اۋماعى پارتكومىنىڭ شۋجي-ى ۋ ياچين قوناق بولمەسىنە كىرىسىمەن كىتاپ ۇستەلىندەگى ”قىزمەت وتەۋ باعدارلاماسىندا“ دارىپتەلگەن ”اس اسىرماۋ قيمىلىنىڭ“ ەسكەرتۋىنە كوزى ءتۇستى.
ۇگىتتەۋ، ەسكەرتۋدى كۇشەيتۋدەن ماجىلىستە تاماقتانۋ ولشەمىن قاتاڭ مەڭگەرۋگە دەيىن، تاماقتاناتىن ادام سانىنا دالمە - ءدال ساناق جاساۋدان اس ماتەريالدارىن ساتىپ الۋدى باسقارۋدى كۇشەيتۋگە دەيىن، اسىپ قالعان اس ماتەريالدارىن جيناپ الىپ پايدالانۋعا ءمان بەرۋدەن ۇيلەسىمدى قىزمەت وتەۋدى باستاماشىلدىقپەن دارىپتەۋگە دەيىن... ماجىلىستەگى ۇنەمشىلدىك ىستەۋدىڭ شىنايى رايى ۋ ياچينعا تەرەڭ اسەر قالدىردى.
پارتيا ورتالىق كوميتەتى جالپى ءماجىلىسىنىڭ ەڭ الدىمەن ۇنەمشىلدىكپەن ءماجىلىس اشۋ رۋحىن سانالىلىقپەن دايەكتىلەندىرۋى، تياناقتاندىرۋى ايرىقشا كۇشتى ۇلگى كورسەتۋ رولىن جارىققا شىعاردى.
جوعارىنىڭ تومەنگە جەتەكشىلىك ەتۋى سالتقا اينالدى. باس شۋجي شي جينپيڭ باستان - اياق ورتالىقتىڭ 8 ءتۇرلى بەلگىلەمەسىن دايەكتى اتقارۋدى، ستيل قۇرىلىسىن كۇشەيتۋدى كورنەكتى ورىنعا قويىپ يگەرىپ، ءوزى ونەگە كورسەتۋگە تاباندى بولىپ، بۇكىل پارتياعا ۇلگى بولدى.
ءبىر جىلدان بەرى باس شۋجي شي جينپيڭ پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى، 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ءماجىلىسى، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسى سياقتى ماجىلىستەردە ماڭىزدى ءسوز سويلەپ، ستيل قۇرىلىسى جونىندە ايقىن تالاپ قويدى؛ باسقارىپ اشقان ورتالىق كوميتەت ساياسي بيۋروسى تۇراقتى كوميتەتىنىڭ ماجىلىسىندەگى، ورتالىق كوميتەت ساياسي بيۋروسىنىڭ ماجىلىسىندەگى جەكە - جەكە 18، 11 تالقى تاقىرىبى ستيل قۇرىلىسىنا سايدى؛ پارتيا ورتالىق كوميتەتىنەن نۇسقاۋ سۇراۋ، مالىمدەۋ ءتۇزىمى، پارتيا ستيلى، پاكتىك قۇرىلىسى جانە ءىرىپ - شىرۋگە قارسى تۇرۋ كۇرەسى، ”تۇرپايى قىزىلدىقتى“، ”اسىرە قارالىقتى“ شەكتەۋ، فورماشىلدىقتى، تورەشىلدىكتى جونگە سالۋ، اس - سۋ ىسىراپشىلدىق ارەكەتىن تيۋ سياقتىلاردى دايەكتىلەندىرۋ، تياناقتاندىرۋ جونىندە 50 نەشە رەت ماڭىزدى بەكىتۋ جاساپ، پارتيانىڭ ستيل قۇرىلىسىن تاباندىلىقپەن كۇشەيتۋگە ايقىن بەتالىس كورسەتتى.
لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ جولداستار جانە ورتالىق كوميتەت ساياسي بيۋروسىنداعى باسقا دا جولداستار باس شۋجي شي جينپيڭ ورتاعا قويعان تالاپتاردى مۇقيات دايەكتىلەندىرىپ، تياناقتاندىرىپ، وزدەرىنەن باستاپ ىستەپ، باسقارعان وڭىرلەردەن، جاۋاپتى سالالاردان جانە تاراۋلاردان باستاپ يگەرىپ، ورتالىقتىڭ 8 ءتۇرلى بەلگىلەمەسىن جوعارى ولشەممەن، قاتاڭ تالاپپەن دايەكتىلەندىردى، اتقاردى −
تەكسەرۋ - زەرتتەۋدى جاقسارتۋ جاعىندا، ورتالىق كوميتەت ساياسي بيۋروسىنداعى جولداستار ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدى جوسپارلاۋ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋ شەشۋشى شايقاسىن جۇرگىزۋ سياقتى كەلەلى ماسەلەلەردى ارقاۋ ەتىپ، نەگىزگى ساتىنى ارالاپ تەكسەرۋ - زەرتتەۋ جۇرگىزدى. تەكسەرۋ - زەرتتەۋ بارىسىندا قاتىستى جاقتاردى كۇتىپ الۋدى قاراپايىم وتكىزۋگە، ۇنەمشىل دە ۇقىپتى بولۋدى بۇلجىتپاي ورىنداۋعا، بىرگە جۇرەتىن ادامداردى قىسقارتۋعا قۋزادى.
ءماجىلىس قيمىلدارىن ىقشامداۋ جاعىندا، مەملەكەتتىك ماجىلىستەردى قاتاڭ يگەردى. ينفورماتسيالاندىرۋ تاسىلىنەن تولىق پايدالانىپ، تەلەۆيزور - تەلەفون نەمەسە بەينە ەكران ءماجىلىس فورماسىندا اشۋعا بولاتىن بولسا، جۇمىس باسىندا ءماجىلىس اشپادى، ساتىلار بوينشا ءماجىلىس اشۋ، دارەجە بويىنشا ماجىلىستە بىرگە بولۋ جايتتەرىن ازايتتى. مەملەكەتتىك ەكى ءماجىلىستىڭ ءماجىلىس مەرزىمىن ءبىر اپتاعا قىسقارتتى، كەڭەستىك ءتارتىبىن مۇمكىندىگىنشە ىقشامدادى، ءار رەتكى جالپى ءماجىلىستىڭ ۋاقىتىن 5.1 ساعات ىشىندە مەڭگەردى، ۇيىرمە، گرۋپپا تالقىسىندا توپتالۋدى بارىنشا ازايتتى.
حۇجاتتى، قىسقاشا مالىمەتتى ىقشامداۋ جاعىندا، «ورتالىقتىڭ حۇجات شىعارۋ جانە دارەجەمەن ءبىتىرۋ ولشەمىن» جاساۋعا جەتەكشىلىك ەتىپ، حۇجات شىعارۋ جالپى مولشەرى مەن دارەجەسىن ۇزدىكسىز قاتاڭ مەڭگەردى، پارتيا ورتالىق كوميتەتى نەمەسە ورتالىق كوميتەت كەڭسەسى اتىنان حۇجات شىعارۋ سايكەس مەزگىلدەگىدەن ％28 ازايدى، مەملەكەتتىك كەڭەس نەمەسە مەملەكەتتىك كەڭەس كەڭسەسى اتىنان حۇجات شىعارۋ سايكەس مەزگىلدەگىدەن ％18.4 ازايدى. پارتيا ورتالىق كوميتەتى ءبىر تۇتاس ورنالاستىرعاننان تىس، ورتالىق كوميتەت ساياسي بيۋروسىنداعى جولداستاردىڭ وزىندە شىعارماسى، سوزدەرىنىڭ جەكە كىتاپشاسى، سونداي - اق قۇتتىقتاۋ حاتى، قۇتتىقتاۋ تەلەگرامماسى، ارناۋ ءسوزى، كوركەم جازۋ، العى ءسوز سياقتىلاردى اشىق باسپادان شىعارۋ جاعدايى بولمادى.
شەتەلگە ساپارلاۋ قيمىلدارىن ارناعا ءتۇسىرۋ جاعىندا، ىندەتتىڭ ىقپالىنا ۇشىراعاندىقتان، بەينە ەكران ديپلوماتياسى، باسشىلاردىڭ تەلەفوندا سويلەسۋى سياقتىلار ءجيى بولدى؛ شەتەلگە ساپارلاۋ ازايدى، ورتالىق كوميتەت ساياسي بيۋروسىنداعى جولداستاردىڭ شەتەلگە ساپارلاۋ رەت سانى زور كولەمدە ازايىپ، شەتەلگە ساپارلاۋ كەزىندە ساپارى مەن ۇيىرمە مۇشەلەرى ىقشامدالدى.
اقپاراتتىق حابارلاۋدى جاقسارتۋ جاعىندا، ماقالانىڭ كولەمى، ءارىپ سانى، بەتكە ورنالاستىرىلۋى، ۋاقىت كەزەڭى، ۋاقىت ۇزىندىعى سياقتىلاردا وتكەل قاتاڭ يگەرىلدى. توعىسپالى اقپارات قۇرالدارى تاراتۋ ونىمدىلىگىن تولىق ساۋلەلەندىرىپ، حابار ساپاسىن جوعارىلاتتى.
قورعاۋ قىزمەتىن جاقسارتۋ جاعىندا، ىندەتتەن ساقتانۋ - تىزگىندەۋ جاعدايىندا قورعاۋ قىزمەتىنىڭ ءادىسى، ءتاسىلى جونىندە بەلسەنە ىزدەنىس جاساپ، باسقارۋعا الۋدى ازايتىپ، جولداردى بەكىتپەدى، ساقتىق كولەمىن كىشىرەيتىپ، الاڭدى جيناستىرمادى، سارايدى جاۋىپ تاستامادى.
ۇنەمشىل دە ۇقىپتى بولۋدى بۇلجىتپاي اتقارۋ جاعىندا، ورتالىق كوميتەت ساياسي بيۋروسىنداعى جولداستار وزدەرىنەن باستاپ ىستەپ، كەڭسە ۇيلەرى، تۇرعىن ءۇي، كولىكتەن پايدالانۋ سياقتى قىزمەت، تۇرمىس مامىلەسى بەلگىلەمەلەرىن قاتاڭ اتقارىپ، اس - سۋ ىسىراپشىلدىق ارەكەتىن قاتاڭ تيۋ جاعىندا ۇلگى بولدى. ورتالىقتىڭ قاتىستى ماجىلىستەرىنە دايىندىق كورۋگە قىزمەت وتەۋ قىزمەتىندە قاراپايىم، ۇنەمدى، حاۋىپسىز، جوعارى ءونىمدى بولۋ پرينسيبىن قاتاڭ تياناقتاندىرۋعا قۋزاپ، ءماجىلىس قاراجاتى شىعىنىن قاتاڭ تىزگىندەدى؛ ۇكىمەتتىڭ ۇنەمشىل بولۋىن ايقىن تالاپ ەتىپ، ورتالىقتىڭ ءوز دارەجەسىندەگى شىعىستى كەرى ارتۋ بويىنشا ورنالاستىرىپ، شۇعىل قاجەت ەمەس، شىعارماسا دا بولاتىن شىعىستى ％50تەن استام ازايتتى.
ورتالىق كوميتەت ساياسي بيۋروسى ەل ءىشى، حالىقارا سىندى ەكى كەلەلى جاعدايدى ءبىر تۇتاس جوسپارلاپ، پارتيانىڭ بيلىك جۇرگىزۋ بورىشىنىڭ ستيل قۇرىلىسىنا قويعان اناعۇرلىم جوعارى تالاپتارىن جۇزەگە اسىرۋدى كوزدەپ، ءبىر قىدىرۋ كەلەلى شەشىم، ورنالاستىرۋلاردى ىلگەرىلەتۋ بارىسىندا قاتاڭ جانە ناقتى ستيلدى كۇشەيتىپ، پارتيا مەن مەملەكەت قىزمەتىندە جاڭا جاعداي اشۋ، جاڭا ساپار باستاۋ ءۇشىن پارمەندى ساياسي جانە ستيلدىك كەپىلدىك ازىرلەدى.
توقتاۋسىز العا ۇمتىلىپ، حالىق رازى بولارلىق جاۋاپناما تاپسىردى
2020 - جىلى 12 - ايدىڭ 28 - كۇنى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورتالىقتىڭ 8 ءتۇرلى بەلگىلەمەسىنىڭ رۋحىنا قايشى 6 تيپتىك ماسەلەنى اشىق حابارلاندىرىپ، جاڭا جىل، كوكتەم مەرەكەسى قارساڭىندا ”ءتورت ءتۇرلى بۇرىس ستيل“ ماسەلەسىن ءجىتى قاداعالاۋدىڭ، تۇبەگەيلى يگەرۋدىڭ كۇشتى سيگنالىن تاراتتى.
”ۋاقىت ءتۇيىنى“ دەگەنىمىز ”سىناۋ ءتۇيىنى“، ستيلدىڭ ءوزى جارناما.
”ورتالىقتىڭ 8 ءتۇرلى بەلگىلەمەسىنىڭ رۋحىن باتىل دايەكتىلەندىرىپ، تاباندىلىقتى ساقتاپ، تيتتەي دە جول بەرمەي، كونە ماسەلەلەردىڭ قايتا قوزداۋىنان، جاڭا ماسەلەلەردىڭ بەلەڭ بەرۋىنەن، ۇساق ماسەلەلەردىڭ ۇلعايۋىنان ساقتانۋ كەرەك“. 2020 - جىلى 1 - ايدىڭ 13 - كۇنى اشىلعان 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە باس شۋجي شي جينپيڭ مۇنى تاعى دا باسا دارىپتەدى.
ءبىر جىلدان بەرى وڭىرلەر، تاراۋلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ورتالىقتىڭ 8 ءتۇرلى بەلگىلەمەسىنىڭ رۋحىن دايەكتىلەندىرۋدى، تياناقتاندىرۋدى پارتيانى جاپپاي قاتاڭ باسقارۋ كەلەلى جاعدايىنا ەنگىزىپ، ستيل قۇرىلىسىن ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ قىزمەت امالياتىمەن توعىستىرۋدى تالاپ ەتىپ، پارتيا ستيلىنىڭ، ۇكىمەت ستيلىنىڭ جاقسارۋىن، قوعامدىق سالتتا، حالىقتىق سالتتا بۇرىلىس بولۋىن باتىل دا پارمەندى ارەكەتپەن ىلگەرىلەتىپ، پارتيا تىلەگىنىڭ، ارميا تىلەگىنىڭ، حالىق تىلەگىنىڭ بارىنشا ۇيىسۋىن جۇزەگە اسىردى.
− پارتيانىڭ ساياسي قۇرىلىسى ارقىلى ستيل قۇرىلىسىنا ءبىر تۇتاس باسشىلىق ەتتى.
وڭىرلەر، تاراۋلار «شي جينپيڭ: ەل باسقارۋ جونىندەنىڭ» 3 - تومىن جانە باس شۋجي شي جينپيڭنىڭ ەڭ جاڭا ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ۇيرەنۋمەن ۇشتاستىرىپ، وعان سىڭىرىلگەن ساياسي قاسيەت، قۇن تالپىنىسى، رۋحاني ورە، ستيلدىك قۇلىق تالاپتارىن تەرەڭ ۇعىنىپ، ۇيرەنۋ تابىستارىن ستيل قۇرىلىسىنىڭ جاڭا جاعدايىن تەرەڭدەتۋدىڭ، كەڭەيتۋدىڭ وي جەلىسىنە، ادىسىنە اينالدىردى.
قاشاندا ”ەكىنى قورعاۋدى“ ەڭ جوعارى ساياسي پرينسيپ جانە ءتۇبىرلى ساياسي قاعيدا ەتىپ، باس شۋجي شي جينپيڭنىڭ ستيل قۇرىلىسى جونىندەگى ماڭىزدى نۇسقاۋىن، بەكىتۋىن، پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، بۇيرىقتى بۇلجىتپاي اتقارىپ، تيىم سالىنعان ىستەردەن تيىلدى.
2020 - جىلى 3 - ايدا ورتالىق كوميتەت كەڭسەسى باسىپ تاراتقان «پارتكومداردىڭ (پارتيا باسشىلىق گرۋپپاسى) پارتيانى جاپپاي قاتاڭ جونگە سالۋ تۇلعالىق جاۋاپكەرشىلىگىن تياناقتاندىرۋ بەلگىلەمەسىندە» ”ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرىپ، ’ءتورت ءتۇرلى بۇرىس ستيلدى‘، اسىرەسە، فورماشىلدىقتى، تورەشىلدىكتى ۇزدىكسىز جونگە سالۋدى“ پارتكومنىڭ (پارتيا باسشىلىق گرۋپپاسى) ماڭىزدى قىزمەت جاۋاپكەرشىلىگى ەتىپ، جاۋاپكەرشىلىكتى تياناقتاندىرۋ ارقىلى پارتيانى قاتاڭ باسقارۋ، جونگە سالۋ تالابىنىڭ تياناقتانۋىنا شىنايى كەپىلدىك ەتۋ ايقىندالدى.
− ”قاتاڭدىق“ نەگىزگى ارناسى ارقىلى ”ءتورت ءتۇرلى بۇرىس ستيل“ جاعىنداعى كورنەكتى ماسەلەلەردى تۇزەتتى، جونگە سالدى.
”ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساعان 12 مىڭ 472 ماسەلەنى تەكسەرىپ، 17 مىڭ 989 ادامدى ءبىر جاقتى ەتتى“. 2020 - جىلى 12 - ايدىڭ 24 - كۇنى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى 2020 - جىلى 11 - ايداعى بۇكىل ەل بويىنشا ورتالىقتىڭ 8 ءتۇرلى بەلگىلەمەسىنىڭ رۋحىنا قايشىلىق جاساۋ ماسەلەلەرىن تەكسەرىپ ءبىر جاقتى ەتۋ جونىندەگى ايلىق ساندى مالىمەتتى جاريالادى. بۇل ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ ءۇرتىس 87 اي بويى ايلىق ساندى مالىمەت جاريالاۋى.
تاباندىلىقپەن قۇلشىنعاندا، قانداي قيىن ءىس بولسا دا ىستەۋگە بولادى. العان بەتىنەن قايتپاي ۇمتىلعاندا، سالتتى وڭاۋعا بولادى.
اس - سۋ ىسىراپشىلدىعى ارەكەتتەرىن باتىل تەجەۋدى ورتالىقتىڭ 8 ءتۇرلى بەلگىلەمەسىنىڭ رۋحىن تياناقتاندىرۋدىڭ، ”ءتورت ءتۇرلى بۇرىس ستيلدى“ تۇزەتىپ جونگە سالۋدىڭ ماڭىزدى جاعى ەتۋدەن راحاتقۇمارلىقتىڭ، استا - توكتىكتىڭ كومەسكىدە وزگەرگەن ماسەلەلەرىن قىلپى بىلىنگەندە - اق ۇزدىكسىز ەرتە باستان، كىشكەنەدەن يگەرۋگە، جورگەگىندە جويۋعا دەيىن... ءبىر جىلدان بەرى وڭىرلەر، تاراۋلار ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىنىڭ ارناۋلى جونگە سالۋ تابىستارىن بەكەمدەۋمەن ۇشتاستىرىپ، ”ءتورت ءتۇرلى بۇرىس ستيل“ ماسەلەلەرىن بىرگە تۇزەتىپ جونگە سالىپ، ستيل قۇرىلىسىن شەگە قاعۋ رۋحىمەن ءبىر - بىردەن جالعاستىرىپ ىلگەرىلەتىپ، شاعىن جەڭىستەردى ۇلكەن جەڭىسكە اينالدىردى، سان وزگەرىسىن ساپا وزگەرىسىنە اينالدىردى.
2020 - جىلى 1 - ايدان 11 - ايعا دەيىن بۇكىل ەل بويىنشا تەكسەرىلىپ ءبىر جاقتى ەتىلگەن راحاتقۇمارلىق، استا - توكتىك ماسەلەسى 48 مىڭ 343 بولىپ، 2019 - جىلعى سايكەس مەزگىلدەگىدەن ％5.4 تومەندەدى؛ تەكسەرىلىپ ءبىر جاقتى ەتىلگەن فورماشىلدىق، تورەشىلدىك ماسەلەسى 69 مىڭ 355 بولىپ، 2019 - جىلعى سايكەس مەزگىلدەگىدەن ％10.5 ارتتى.
− پارتيا ستيلىن، ۇكىمەت ستيلىن جاقسارتۋ ارقىلى قوعامدىق سالتتىڭ، حالىق سالتىنىڭ ورگە باسۋىنا، جاقسارۋىنا جەتەكشىلىك ەتتى.
”ءتورت ءتۇرلى بۇرىس ستيلدى“ تۇزەتىپ جونگە سالۋعا ۇزاق ۋاقىت كۇش سالىپ، ناشار سالتتى تۇزەپ، جاقسى سالتتى اسقاقتاتىپ، جاڭا سالت ورناتتى.
”توي ىستەرىن جاڭاشا وتكىزۋ، ءولىم - ءجىتىم ىستەرىن قاراپايىم وتكىزۋ“ سياقتى تاماشا سالت بىرتىندەپ قالىپتاسۋدا، ”جەتسە بولدى، ىسىراپشىلدىق ىستەمەۋ“، ”جاقسى تاماقتانسا بولدى، استا - توكتىك ىستەمەۋ“ بۇقارانىڭ داستارقان جايۋ، تۋىس - تۋعان، دوس - جاراندارىمەن باس قوسۋدا ايتاتىن داعدىلى سوزىنە اينالدى، بۇرىن ۇكىمەت اقشاسىمەن تۇتىنۋ ءوندىرىس تىزبەگىندەگى كومەسكى مۇددەلەر الاستالىپ، استا - توكتىك استارىنا پارازيتتەنگەن جالعان كوپىرشىكتەر سىپىرىپ تاستالدى...
وڭىرلەر، تاراۋلار پارتيا، ۇكىمەت ورگاندارىنىڭ، پارتيالى كادرلاردىڭ قوعامدىق سالتتى كىرشىكسىزدەندىرۋ، وركەنيەتتى سالتتى اسقاقتاتۋ جاعىنداعى ۇلگىلىك، باستاماشىلدىق رولىن ونان ارى ساۋلەلەندىرىپ، پارتيالى كادرلاردىڭ ۇقىپتى، ۇنەمشىل بولۋ ءداستۇرلى تاماشا ءمورالىن باستاماشىلدىقپەن دارىپتەپ، تاماشا وتباسى تاربيەسىن، وتباسى سالتىن ورناتىپ، ءتىپتى كوپ ادامدى وركەنيەتتى جاڭا سالتتى امالياتتا ايگىلەۋگە جەتەكتەدى.
− باقىلاۋدى، زاڭ اتقارۋدى، جاۋاپقا تارتۋدى قاتايتىپ، سۇراپىل شايقاس، ۇلكەن سىناققا قامتاماسىزدىق ازىرلەدى.
ىندەت تۋىلعان العاشقى كەزدە ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى حابارلاندىرۋ باسىپ تاراتىپ، ىندەتتەن ساقتانۋ - تىزگىندەۋ قىزمەتىندە جاۋاپكەرشىلىك ارقالاماۋ، ءىس تىندىرماۋ، بەتالدى ىستەۋ، فورماشىلدىق، تورەشىلدىك ىستەۋ سياقتى ماسەلەلەردى قاتاڭ تەكسەرىپ ءبىر جاقتى ەتۋدى ايقىن تالاپ ەتتى. ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى پارتيا ىشىندەگى باقىلاۋعا ارنايى جاۋاپتى ورگاندىق قىزمەت جاۋاپكەرشىلىگىن باتىل اتقارىپ، ءبىرىنشى شەپكە بارىپ باقىلاۋدى كۇشەيتىپ، ىندەتتەن ساقتانۋ - تىزگىندەۋ قىزمەتىندەگى ستيل ماسەلەلەرىن باتىل تەكسەرىپ ءبىر جاقتى ەتتى.
وڭىرلەر، تاراۋلار ىندەتتەن ساقتانۋ - تىزگىندەۋ، كەدەيلىكتەن ارىلتۋدان قامال الۋ سياقتى كۇرەستەردىڭ ءبىرىنشى شەبىن پارتيالى كادرلاردىڭ ستيلىن تەكسەرۋدىڭ ”تارازىسى“ ەتىپ، پارتيالى كادرلاردى ەرلىكپەن كۇرەسىپ، قىزمەتتى تىڭعىلىقتى ىستەپ، سىننان ءوتىپ، تىڭعىلىقتى، قاتاڭ ستيل ارقىلى پارتيا ورتالىق كوميتەتىنىڭ ماڭىزدى تاپسىرماسىن ورىندايتىن، حالىق بۇقاراسىنىڭ ءۇمىتىن اقتايتىن ۇزدىك جاۋاپ تاپسىرۋعا جىگەرلەندىردى، جەتەكتەدى.
سالت كىرشىكسىز بولسا، ستيل دۇرىس بولادى، ستيل دۇرىس بولسا، تىلەك بىرىگەدى، تىلەك بىرىكسە، ىستەن ناتيجە شىعادى.
2021 - جىلعا قادام تاستالىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ارىنى اسقاقتاعان 100 جىلدىق ءىرى پارتيا ۇلى وزىندىك توڭكەرىس ارقىلى ۇلى قوعامدىق توڭكەرىسكە جەتەكشىلىك ەتۋگە تاباندى بولعاندا، ءسوز جوق، جۇڭگو حالقىن باستاپ، قاتاڭ شايقاستاردى جەڭىستى جۇرگىزىپ، جەڭىستەن - جەڭىسكە قول جەتكىزە الادى.
(شينحۋا اگەنتتىگىنىڭ 1 - ايدىڭ 13 - كۇنى بەيجيڭنەن بەرگەن حابارى)
