تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى ورتالىق كوميتەتى تەلەگرامما جولداپ، لاوس حالىق توڭكەرىستىك پارتياسى مەملەكەتتىك 11 - قۇرىلتايىنىڭ اشىلعاندىعىن قۇتتىقتادى

  شينحۋا اگەنتتىگىنىڭ 1 - ايدىڭ 13 - كۇنى بەيجيڭنەن بەرگەن حابارى. 1 - ايدىڭ 13 - كۇنى جۇڭگو كوممۋنيستىك پارتياسى ورتالىق كوميتەتى تەلەگرامما جولداپ، لاوس حالىق توڭكەرىستىك پارتياسى مەملەكەتتىك 11 - قۇرىلتايىنىڭ اشىلعاندىعىن قۇتتىقتادى. قۇتتىقتاۋ تەلەگرامماسىندا بىلاي دەلىنگەن:

  لاوس حالىق توڭكەرىستىك پارتياسى 10 - قۇرىلتايىنان بەرى، باس شۋجي بىنياڭ باسشىلىق ەتكەن لاوس پارتياسى ورتالىق كوميتەتى پارتيا قۇرىلىسىنا ءمان بەرىپ، پارتيانىڭ باسشىلىعىن ۇزدىكسىز بەكەمدەپ جانە كۇشەيتىپ، تۇتاس پارتيانى، بۇكىل مەملەكەت حالقىن ىنتىماقتاستىرىپ، باستاپ، سوتسياليستىك قۇرىلىس پەن جاڭارتۋ ىستەرىن ىلگەرىلەتتى ءارى ءبىر قىدىرۋ ماڭىزدى تابىستارعا قول جەتكىزدى. توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا، لاوس پارتياسى ورتالىق كوميتەتى باسشىلىق ۇيتقىلىق رولىن ساۋلەلەندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، ساياسي ورنىقتىلىقتى ساقتاپ، ەكونوميكانى دامىتىپ، حالىق تۇرمىسىن جاقسارتتى. ءبىز بۇعان شىن جۇرەكتەن قۋانامىز.

  لاوس حالىق توڭكەرىستىك پارتياسى مەملەكەتتىك 11 - قۇرىلتايى − لاوس پارتياسى مەن مەملەكەتىنىڭ ءتۇرلى ىستەرىنىڭ جاڭا تاريحي كەزەڭدە اشىلعان ءبىر رەتكى ماڭىزدى ءماجىلىس، لاوستىڭ سوتسياليستىك قۇرىلىس ىستەرىن ىلگەرىلەتۋگە تەرەڭ ىقپال جاسايتىنى ءسوزسىز. ءبىز لاوس حالىق توڭكەرىستىك پارتياسى ورتالىق كوميتەتىنىڭ پارمەندى باسشىلىعىندا، وسى رەتكى قۇرىلتاي لاوستىڭ سوتسياليستىك ىستەرىنىڭ دامۋىن ىلگەرىلەتۋگە، ءسوز جوق، جاڭا جەتەكشىلىك جانە العا ىلگەرىلەيتىن قوزعاۋشى كۇش ازىرلەيتىنىنە كامىل سەنەمىز.

  جۇڭگو پارتياسى مەن ۇكىمەتى جۇڭگو مەن لاوس ەكى پارتيانىڭ، ەكى ەلدىڭ قارىم - قاتىناسىنا وسكەلەڭ ءمان بەرەدى، لاوس جاقپەن بىرگە ”ۇزاق ۋاقىت ورنىقتى بولعان، دوس كورشى، ءوزارا سەنىمدى، جاپپاي سەلبەستىك ورناتقان“ باعىت جانە ”جاقسى كورشى، جاقسى دوس، جاقسى جولداس، جاقسى سەرىك“ رۋحىنىڭ جەتەكشىلىگىندە ەكى پارتيانىڭ، ەكى ەلدىڭ ەڭ جوعارعى باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، جۇڭگو مەن لاوستىڭ جان - جاقتى ستراتەگيالىق سەلبەستىگىن تەرەڭدەتىپ، ەكى جاقتى قارىم - قاتىناستىڭ جانە تاعدىرلاس ورتاق تۇلعا قۇرىلىسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكى ەلگە جانە ەكى ەل حالقىنا اناعۇرلىم باقىت جاراتىپ، ءوڭىردىڭ بەيبىتشىلىگىنە، ورنىقتىلىعىنا جانە دامۋىنا، گۇلدەنىپ - كوركەيۋىنە اناعۇرلىم زور ۇلەس قوسۋدى قالايدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.