− 2020 - جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ نەگىزگى ساتىنىڭ اۋىرتپالىعىن جەڭىلدەتۋ قىزمەتىن تەرەڭدەتكەندىگى، كەڭەيتكەندىگى جونىندە ەستەلىك
شينحۋا اگەنتتىگىنىڭ تىلشىلەرى لين حۇي، ۋاڭ چي، سۇن شاۋلۇڭ
2020 - جىلدىڭ اياعىندا «فورماشىلدىق ماسەلەسىن ۇزدىكسىز شەشىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىن تەرەڭدەتۋ، كەڭەيتۋ احۋالى جونىندەگى بايانداما» ورتالىق كوميتەت ساياسي بيۋروسىنىڭ دەموكراتيالىق تۇرمىس جيىنىنا قاتىناسقان جولداستاردىڭ الدىنا قويىلدى.
بۇل − 2019 - جىلدان كەيىن ورتالىق كوميتەت ساياسي بيۋروسىنىڭ دەموكراتيالىق تۇرمىس جيىنىنداعى نەگىزگى ساتىنىڭ اۋىرتپالىعىن جەڭىلدەتۋ قىزمەتىنىڭ احۋالىنا قاتىستى باياندامانى تاعى ءبىر رەت قاراۋى بولىپ تابىلادى.
”پارتيا ورتالىق كوميتەتى فورماشىلدىقتاعى، تورەشىلدىكتەگى كورنەكتى ماسەلەلەردى شەشىپ، نەگىزگى ساتىنىڭ اۋىرتپالىعىن جەڭىلدەتۋدى ستيل قۇرىلىسىنىڭ ءتۇيىنى ەتىپ، نەگىزگى ساتىنىڭ اۋىرتپالىعىن كۇش سالا جەڭىلدەتىپ، دالمە - ءدال شارا اتقارىپ، نىسانالى جونگە سالىپ، كەشەندى شارا قولدانىپ، تاماشا ونىمدىلىككە قول جەتكىزدى“.
ناقتى ءارى نانىمدى باعا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ نەگىزگى ساتىنىڭ اۋىرتپالىعىن جەڭىلدەتۋ قىزمەتىن تەرەڭدەتۋدەگى، كەڭەيتۋدەگى قوماقتى تابىستارىن ايگىلەدى. ءبىر جىلدان بەرى ءبىر قىدىرۋ ورنالاستىرۋلار، شارالار فورماشىلدىق كەسىرىن تالقانداپ، نەگىزگى ساتىنىڭ اۋىرتپالىعىن جەڭىلدەتىپ، نەگىزگى ساتى كادرلارىنىڭ فورماشىلدىقتىڭ بۇعاۋىنان بىرتىندەپ قۇتىلىپ، ونان ارى ەركىن قۇلاش سەرمەپ، ءىس تىندىرىپ ناتيجە شىعارىپ، جاۋاپكەرشىلىك ارقالاپ ىسكەرلىك كورسەتۋ، قامال الىپ قيىندىقتاردى جەڭۋدىڭ قۋاتتى كۇشىن ۇيىستىرۋىنا مۇمكىندىك جاسادى.
قالتقىسىز قامقورلىق: شي جينپيڭ جولداستى ۇيتقى ەتكەن پارتيا ورتالىق كوميتەتى نەگىزگى ساتىنىڭ اۋىرتپالىعىن جەڭىلدەتۋ قىزمەتىنە ايرىقشا ءمان بەردى
ستيل قۇرىلىسى پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانى باسقارۋداعى، پارتيانى جونگە سالۋداعى ماڭىزدى تەتىك بولدى. قامال الۋ ساپارىندا جول ورتاعا جەتىپ، نازاردى فورماشىلدىق، تورەشىلدىك تۋدىرعان نەگىزگى ساتىنىڭ اۋىرتپالىعى تىم اۋىر بولۋ ماسەلەسىنە ونان ارى شوعىرلاندىردى.
وسىدان ءبىر جىلدان استام ۋاقىتتىڭ الدىنا قايىرىلا قارايىق. 2019 - جىل پارتيا ورتالىق كوميتەتى بەلگىلەگەن تۇڭعىش ”نەگىزگى ساتىنىڭ اۋىرتپالىعىن جەڭىلدەتۋ جىلى بولدى“. وسى ءبىر جىلدا نەگىزگى ساتىنى مازالاپ كەلگەن فورماشىلدىق ماسەلەسىن شەشۋدىڭ ونىمدىلىگى كورنەكتى بولدى، بۇل نەگىزگى ساتى كادرلارى اراسىندا قىزۋ اڭىس قوزعادى.
”بۇل قىزمەت ايتارلىقتاي ىستەلدى، ءبىراق ءبىر جىلدىق ءىس بولىپ قالماۋى كەرەك، باستالعان ەكەن، وسىلاي جالعاستىرا بەرۋ كەرەك، حۇجاتباستىلىقتىڭ، جيىنباستىلىقتىڭ قايتا بەلەڭ بەرۋىنە جول قويۋعا بولمايدى، نەگىزگى ساتىنىڭ اۋىرتپالىعىن جەڭىلدەتۋ قىزمەتىن تەرەڭدەتىپ، كەڭەيتىپ، اۋىرتپالىقتى جەڭىلدەتۋ تابىستارى ارقىلى حالىق بۇقاراسىنا اناعۇرلىم جاقسى يگىلىك جەتكىزۋ كەرەك“.
سول جىلدىڭ اياعىنداعى ورتالىق كوميتەت ساياسي بيۋروسىنىڭ ارناۋلى تاقىرىپتاعى دەموكراتيالىق تۇرمىس جيىنىندا باس شۋجي شي جينپيڭ ”نەگىزگى ساتىنىڭ اۋىرتپالىعىن جەڭىلدەتۋ جىلىنىڭ“ سول جىلعى قىزمەت ناتيجەسىن قورىتىندىلادى ءارى 2020 - جىلعى قامال الۋ بەتالىسىن ايقىن كورسەتتى، ءسويتىپ، جاڭا ءبىر جىلداعى نەگىزگى ساتىنىڭ اۋىرتپالىعىن جەڭىلدەتۋ قىزمەتىنىڭ جاڭا ساپارى باستالدى.
باس شۋجي شي جينپيڭ فورماشىلدىقتىڭ، تورەشىلدىكتىڭ كەسىرىنىڭ ءبىر كۇندە پايدا بولماعاندىعىن، نەگىزگى ساتىنىڭ اۋىرتپالىعىن تۇبىرىنەن جەڭىلدەتۋدىڭ ءبىر كۇننىڭ ءىسى ەمەس ەكەندىگىن، يدەيالىق جاقتا ايرىقشا ءمان بەرگەندە عانا، ارەكەت بارىسىندا ۇزدىكسىز تۇردە شىنايى، مىقتاپ يگەرۋگە بولاتىندىعىن تەرەڭ ءبىلدى. 2020 - جىل كىرىسىمەن باس شۋجي شي جينپيڭ ورتالىقتىڭ ىركەس - تىركەس اشىلعان ەكى رەتكى ماڭىزدى ماجىلىسىندە قالىڭ كادرلارعا فورماشىلدىقتان، تورەشىلدىكتەن ساقتانۋ دابىلىن قاقتى.
2020 - جىلى 1 - ايدىڭ 8 - كۇنى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەنى قورىتىندىلاۋ جينالىسىندا باس شۋجي شي جينپيڭ: ”كەي جەرلەردە فورماشىلدىق، تورەشىلدىك، تەز بىتىرۋگە اسىعۋ، وڭاي ولجا تابۋ، نەگىزگى ساتىنىڭ اۋىرتپالىعىن ارتتىرۋ سياقتىلار ءالى دە ءومىر ءسۇرىپ وتىر“ دەپ ءداپ باسىپ اتاپ كورسەتتى.
بىرنەشە كۇننەن كەيىن 2020 - جىلى 1 - ايدىڭ 13 - كۇنى باس شۋجي شي جينپيڭ 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە تاعى دا بىلاي دەپ باسا دارىپتەدى: ”ايقىن تۇزىمدىك بەتالىس ارقىلى كادرلاردىڭ ءىس تىندىرىپ، ناتيجە شىعارۋىنىڭ قول - اياعىن فورماشىلدىقتىڭ، تورەشىلدىكتىڭ بۇعاۋىنان، ’قۋلىعىنان‘ بوساتىپ، شىندىققا جۇگىنۋ، ناقتى ءىس تىندىرۋ، كىرشىكسىز، پاك بولۋداي جاڭا ستيل، دۇرىس سالتتى قالىپتاستىرۋ كەرەك“.
دابىل قانشا قاتتى سوعىلعان سايىن جەر - الەم سونشا جاڭعىرادى. جىل باسىنداعى ەكى رەتكى ماڭىزدى ءسوز بۇكىل پارتياعا ستيل قۇرىلىسىنىڭ ماڭگى جالعاساتىندىعىن، فورماشىلدىق ماسەلەسىن شەشۋدە، ءسوز جوق، تالماي ۇمتىلىپ، ناقتى، ەگجەي - تەگجەيلى تياناقتاندىرۋ كەرەكتىگىن تاعى دا ايبىندى تۇردە جاريالادى.
شەشۋشى شايقاستىڭ شەشۋشى جەڭىسىنە جەتۋ جىلىندا توسىن تۋىلعان جاڭا تيپتى ايدارشا ۆيرۋس وكپە قابىنۋ ىندەتى ءبىر مەزەت نەگىزگى ساتى كادرلارىن سارساڭعا سالدى، كوپشىلىكتىڭ قىزمەتى اسا جاپالى بولدى. ىندەتكە قارسى اتتانۋدىڭ شەشۋشى ساتىندە كەيبىر فورماشىلدىق، تورەشىلدىك ماسەلەلەرىنىڭ كومەسكىدە وزگەرۋ، قايتا ءورشۋ قىلپى تاعى دا كورىنە باستادى.
”كەي جەرلەردە قالالىق، اۋداندىق دەنساۋلىق ساقتاۋ، سالاماتتىق مەكەمەسى، توتەنشە جاعدايعا توتەپ بەرۋ مەكەمەسى، ۇكىمەت كەڭسەسى، اۋداندىق پارتكوم كەڭسەسى، ايەلدەر بىرلەستىگى، وقۋ - اعارتۋ مەكەمەسى، اۋىل شارۋاشىلىعى، اۋىل - قىستاق مەكەمەسى سياقتىلار ءوز الدىنا ءبىر نەمەسە بىرنەشە كەستە جاساپ الىپ، نەگىزگى ساتى كادرلارىنىڭ كەستەنى تولتىرىپ، جوعارىعا جولداۋىن تالاپ ەتەدى، ءىس جۇزىندە بۇل كەستەلەردەگى مازمۇننىڭ ونشا پارقى جوق، ءبىراق اۋىل - قالاشىقتارعا ءبىر ماسكى، ءبىر قۇمىرا زارارسىزداندىرۋ ەرىتىندىسى شۇعىل قاجەت بولسا دا، ونى ءبىر حۇجات، ءبىر تاراۋ شەشە المادى“.
2 - ايدىڭ 3 - كۇنى ورتالىق كوميتەت ساياسي بيۋروسى تۇراقتى كوميتەتىنىڭ ماجىلىسىندە باس شۋجي شي جينپيڭ ءىشىنارا وڭىرلەردە ىندەتكە قارسى اتتانۋدا جارىققا شىققان فورماشىلدىق ماسەلەلەرىن قاتاڭ سىندادى.
باس شۋجي بىلاي دەپ باسا دارىپتەدى: ”فورماشىلدىق، تورەشىلدىك تاسىلدەرىمەن نەگىزگى ساتىنىڭ اۋىرتپالىعىن اۋىرلاتپاي، نەگىزگى ساتى كادرلارىنىڭ ىندەتكە قارسى اتتانۋداعى كۇش - قايراتىن سارىپ قىلماي، نەگىزگى ساتى كادرلارىنىڭ كۇش - قايراتىن ىندەتتەن ساقتانۋ - تىزگىندەۋدىڭ ءبىرىنشى شەبىنە نەعۇرلىم كوبىرەك جۇمساۋ كەرەك“.
پارتيا ورتالىق كوميتەتىنىڭ، باس شۋجي شي جينپيڭنىڭ شۋاقتى قامقورلىعى ىندەتكە قارسى اتتانۋدىڭ ءبىرىنشى شەبىندە شايقاس جاساپ جاتقان قالىڭ نەگىزگى ساتى كادرلارىنا زور شابىت بەرىپ، اۋرۋمەن سوڭىنا دەيىن ايقاسۋ جىگەرى مەن سەنىمىن كۇشەيتتى.
2020 - جىل وتە وزگەشە ءبىر جىل بولدى. ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋدا بولسىن، الدە كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋدە، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋدە بولسىن، ءاربىر مىندەتتىڭ ماشاقاتى اۋىر، قالىڭ نەگىزگى ساتى كادرلارىنىڭ تاڭداۋلى ستيل ارقىلى ەرلىكپەن جاۋاپكەرشىلىك ارقالاۋىن، جەڭىسكە جەتپەي شەپتەن قايتپاۋىن قاجەت ەتەدى.
2020 - جىلى 3 - ايدىڭ اياعىندا باس شۋجي شي جينپيڭ جىجياڭدا قىزمەت تەكسەردى.
”جىجياڭدا ءوندىرىس، تۇرمىس ءتارتىبىنىڭ جەدەل قالپىنا كەلىپ، ءىشىنارالارىندا قالىپتى گۇلدەنۋ بەينەسى جارىققا شىققانىنا“ سۇيىنۋمەن قاتار، باس شۋجي شي جينپيڭ: ”وسى رەتكى ىندەتتەن ساقتانۋ - تىزگىندەۋ كۇرەسى وڭىرلەردىڭ، ورىنداردىڭ پارتيانى باسقارۋ، پارتيانى جونگە سالۋ ورەسىنە، باسشىلىق القالارى مەن پارتيالى كادرلار قوسىنى قۇرىلىسى ورەسىنە دەگەن ناقتى سىن“، - دەپ تاعى دا باسا دارىپتەدى، ”نازاردى فورماشىلدىق، تورەشىلدىك ماسەلەلەرىنە شوعىرلاندىرا وتىرىپ جاپپاي قاداعالاۋ، نىسانالى جونگە سالۋدى ورىستەتىپ، نەگىزگى ساتىنىڭ اۋىرتپالىعىن شىن مانىندە جەڭىلدەتىپ، كادرلاردىڭ ءتىپتى دە كوپ ۋاقىتى مەن زەيىن - كۇشىن تياناقتاندىرۋدى يگەرۋىنە جۇمساۋىنا مۇمكىندىك جاساۋ كەرەك“.
”كادرلاردىڭ ءتىپتى دە كوپ ۋاقىتى مەن زەيىن - كۇشىن تياناقتاندىرۋدى يگەرۋىنە جۇمساۋىنا مۇمكىندىك جاساۋ“ وسىدان كەيىن 2020 - جىلى نەگىزگى ساتىنىڭ اۋىرتپالىعىن جەڭىلدەتۋ قىزمەتىن تەرەڭدەتۋگە، كەڭەيتۋگە ارقاۋ بولعان نەگىزگى جەلىگە اينالدى.
ءبىر جىلدان بەرى ماڭىزدى ماجىلىستەرگە قاتىناسقاندا بولسىن، الدە جەرگىلىكتى ورىندارعا بارىپ قىزمەت تەكسەرگەندە بولسىن، باس شۋجي شي جينپيڭ نەگىزگى ساتىنىڭ اۋىرتپالىعىن جەڭىلدەتۋ قىزمەتىنە باستان - اياق كوڭىل ءبولدى −
ىندەتتەن ساقتانۋ - تىزگىندەۋ قىزمەتى الدىندا، باس شۋجي مىنالاردى تالاپ ەتتى: ”ءار شەپتىڭ جان - جاقتان قايتا - قايتا نەگىزگى ساتىعا مىندەت بەرۋىنەن، كەستە الۋىنان ساقتانىپ، فورماشىلدىق، تورەشىلدىك ىستەرىن باتىل تۇزەتىپ، قالىڭ نەگىزگى ساتى كادرلارىنىڭ ءتىپتى دە كوپ زەيىن - كۇشىن ىندەتتەن ساقتانۋ - تىزگىندەۋدىڭ جانە جۇمىستى، ءوندىرىستى قالپىنا كەلتىرۋدىڭ ءبىرىنشى شەبىندەگى قىزمەتكە جۇمساۋىنا مۇمكىندىك جاساۋ كەرەك“.
كەدەيلىكتەن ارىلتۋدان قامال الۋدىڭ شەشۋشى شايقاسى جونىندە باس شۋجي بىلاي دەپ باسا دارىپتەدى: ”نەگىزگى ساتىنىڭ اۋىرتپالىعىن جەڭىلدەتۋدە قىزمەت، تۇرمىس، حاۋىپسىزدىك جاقتارىنداعى قامتاماسىز ەتۋ قىزمەتىن جاقسى ىستەپ، نەگىزگى ساتىداعى كەدەيلەردى سۇيەمەلدەۋ كادرلارىنىڭ بۇكىل ىنتا - پەيىلىمەن ىندەتتەن ساقتانۋ - تىزگىندەۋ جانە كەدەيلىكتەن ارىلتۋدان قامال الۋ قىزمەتىنە ات سالىسۋىنا مۇمكىندىك جاساۋ كەرەك“.
جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ جونىندە باس شۋجي: ”حالىقتى باقىتقا كەنەلتۋدى ەڭ ماڭىزدى ساياسي ناتيجە ەتىپ، كادرلاردى جاۋاپكەرشىلىك ارقالاپ ىسكەرلىك كورسەتۋگە شابىتتاندىرۋ مەحانيزمىن ورناتىپ، اقاۋسىزداندىرىپ، فورماشىلدىققا، تورەشىلدىككە باتىل قارسى تۇرۋ كەرەك“... دەپ ۇندەۋ تاستادى.
نەگىزگى ساتىداعى كەي كادرلار تەبىرەنە بىلاي دەدى: ”باس شۋجي شي جينپيڭنىڭ نەگىزگى ساتىنىڭ اۋىرتپالىعىنىڭ شەكتەن تىس اۋىر بولۋ ماسەلەسىن شەشۋگە دايەكتى تۇردە ءمان بەرۋى بىزگە پارتيا ورتالىق كوميتەتىنىڭ سەنىمى مەن قامقورلىعىن سەزىندىرىپ، پارتيا ورتالىق كوميتەتىنىڭ فورماشىلدىق، تورەشىلدىك كورنەكتى ماسەلەلەرىن شەشۋدى سوڭىنا دەيىن يگەرۋدەگى پارمەندى بەكىمى مەن تاباندى ەرىك - جىگەرىن كورسەتتى“.
سوڭىنا دەيىن يگەردى: نەگىزگى ساتىنىڭ اۋىرتپالىعىن جەڭىلدەتۋ قىزمەتىن ۇزدىكسىز تەرەڭدەتتى، كەڭەيتتى
”’نەگىزگى ساتىنىڭ اۋىرتپالىعىن جەڭىلدەتۋ جىلى‘ شىنىندا نەگىزگى ساتىنىڭ ءبىرتالاي جۇگىن جەڭىلدەتتى، دەسەدە ناۋقان وتكەن سوڭ، قايتا جارىققا شىقپاي ما؟“ دەگەن ماسەلە ءبىر مەزەت نەگىزگى ساتىداعى ءبىرتالاي كادرلاردى قوبالجىتقان ەدى.
2020 - جىلى 4 - ايدا جۇڭگو كوممۋنيستىك پارتياسى ورتالىق كوميتەتى كەڭسەسى باسىپ تاراتقان «نەگىزگى ساتىنى مازالاپ وتىرعان فورماشىلدىق ماسەلەسىن ۇزدىكسىز شەشىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە پارمەندى ستيلدىك كەپىلدىك ازىرلەۋ جونىندەگى حابارلاندىرۋى» قالىڭ نەگىزگى ساتى كادرلارىنىڭ كوڭىلىن ورنىقتىردى.
”فورماشىلدىقتى، تورەشىلدىكتى جويۋدىڭ يدەيالىق - ساياسي نەگىزىن ۇزدىكسىز بەكەمدەۋ“، ”پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدەگى، تياناقتاندىرۋداعى فورماشىلدىق ماسەلەلەردى باتىل تۇزەتۋ - جونگە سالۋ“، ”حۇجاتباستىلىقتىڭ، جيىنباستىلىقتىڭ قايتالانۋىنان، قايتا ورشۋىنەن شىن مانىندە ساقتانۋ“...
8 جاقتاعى نىقتاپ قويىلعان تالاپتار پارتيا ورتالىق كوميتەتىنىڭ نەگىزگى ساتىنىڭ اۋىرتپالىعىن جەڭىلدەتۋ قىزمەتىن شەگە قاعۋ رۋحىمەن تەرەڭدەتۋ، كەڭەيتۋ باتىل بەكىمىن كورسەتتى.
”حابارلاندىرۋ تاراتىلىسىمەن، كاسىپتەستەردىڭ دوستار شەڭبەرىندە «كەڭىنەن تارالدى»“. حۋبەي ولكەسى شياننيڭ قالالىق قوعام حاۋىپسىزدىگى مەكەمەسىندەگى ءبىر نەگىزگى ساتى كادرى ىندەتتەن ساقتانۋ - تىزگىندەۋدىڭ جانە جۇمىستى، ءوندىرىستى قالپىنا كەلتىرۋدىڭ ءبىرىنشى شەبىندە شايقاس جاساپ جاتقان نەگىزگى ساتىداعى پارتيالى كادرلار جونىنەن العاندا، مۇنىڭ، ءسوز جوق، ”دەر كەزىندە جاۋعان جاڭبىر“ بولعانىن ايتتى.
”دەر كەزىندە جاۋعان جاڭبىر“ − نەگىزگى ساتى كادرلارىنىڭ ەڭ كوڭىل ءبولىپ وتىرعان ماسەلەلەرىن شەشۋ ءۇشىن بولدى.
يۇننان كۇنميڭ قالاسى ۋحۋا رايونىنىڭ نەگىزگى ساتى كادرى چىن يانكۇن: ”2020 - جىلدىڭ الدىڭعى جارتىسىندا رايونعا ەكى - اق رەت ماجىلىسكە باردىم“، - دەدى.
حۇجاتباستىلىق، جيىنباستىلىق نەگىزگى ساتىداعى ءبىرتالاي كادردىڭ بۇرىننان كەلە جاتقان ”باسىن قاتىرعان ءىس“. بۇرىن چىن يانكۇن تۇسكە دەيىنگى ۋاقىتتىڭ وزىندە 3 رەت ماجىلىسكە قاتىناساتىن، ماجىلىسكە قاتىناسۋعا رۇقسات سۇراۋعا باسى قاتاتىن. قازىر جيىن ازايدى، الەۋمەتتىك اۋماققا بارۋ، حالىق جاعدايىن ۇعىسۋ ۋاقىتى دا تابيعي تۇردە كوبەيە ءتۇستى.
”ەسەپ تۇرعىزۋ، قاتاڭ باسقارۋ، اعاتتىقتى تۇزەتۋ، حابارلاندىرۋ“ ءادىسىن ورناتتى؛ حۇجات تاراتۋ، جيىن اشۋدىڭ ”ۇنامسىز ءتىزىمىن“ شىعاردى؛ سانىن ازايتۋ، ادامداردى ازايتۋ، كەڭەستىك ءتارتىپتى ازايتۋ، ۋاقىتىن قىسقارتۋ، كولەمىن ازايتۋ“ سىندى ”بەستى ازايتۋ“ تالابىن العا قويدى... ءبىر جىلدان بەرى وڭىرلەر، تاراۋلار تۇس - تۇستان ىسكە كىرىسىپ، ”حۇجاتباستىلىقتىڭ، جيىنباستىلىقتىڭ“ قايتا ءورشۋىن باتىل تەجەپ، حۇجاتتار مەن ماجىلىستەردىڭ ساپاسىن، ءونىمىن ۇزدىكسىز ءوسىردى.
ءبىر قىدىرۋ ساندى مالىمەتتەر وزگەرىستەردى شىنايى بەينەلەدى: 2020 - جىلى 11 - ايدىڭ اياعىنا دەيىن پارتيا ورتالىق كوميتەتى نەمەسە ورتالىق كوميتەت كەڭسەسى اتىندا جاريالانعان حۇجات سايكەس مەزگىلدەگىدەن ％33.7 ازايدى؛ ولكە، رايون، قالالاردىڭ حۇجاتتارى مەن ماجىلىستەرىنىڭ سانى سايكەس مەزگىلدەگىدەن ％27.7جانە ％29.5 ازايدى؛ ورتالىق پەن مەملەكەت ورگاندارىنىڭ حۇجاتتارى مەن ماجىلىستەرىنىڭ سانى سايكەس مەزگىلدەگىدەن ％14.3 جانە ％59.7 ازايدى.
حۇجاتتاردى ىقشامداپ، جيىنداردى ازايتۋدىڭ قاتاڭدىعىن مىقتى ۇستاپ، نەگىزگى ساتى كادرلارىنىڭ ءىس تىندىرىپ، ناتيجە شىعارۋ رۋحاني كۇشىن ونان ارى جالىنداتتى.
گانسۋ مينچين اۋدانىنىڭ نەگىزگى ساتى كادرى چيۋ شۇيمەي جونىنەن العاندا، اۋىرتپالىقتى جەڭىلدەتۋدىڭ ”تابىس سەزىمى“ ءتۇرلى قۋزاۋ، تەكسەرۋ، باعالاۋ تۇرلەرىنىڭ ازايۋى مەن ارناعا تۇسۋىنەن كەلدى.
”2019 - جىلى ءتۇرلى قۋزاۋ، تەكسەرۋ، باعالاۋ تۇرلەرىنەن 41ى بار بولاتىن، 2020 - جىلى تەك 30ى عانا قالدى“. چيۋ شۇيمەي بىلاي دەدى: قازىر قۋزاۋ، تەكسەرۋ گرۋپپاسى كەلسە، مالىمەت تىڭدامايدى، ماتەريال كورمەيدى، وزدەرى تەكسەرۋ - زەرتتەۋ جۇرگىزىپ قىزمەتتىڭ اياق الىسىن، ماسەلەلەردى يەلەيدى، قۋزاۋ، تەكسەرۋ جاعدايىنىڭ شىنايى بولۋىنا شىنايى كەپىلدىك ەتۋمەن بىرگە، باعالاناتىن تاراۋدىڭ اۋىرتپالىعىن اسىرمايدى.
ءىشىنارا بەينەسىنەن جالپى بەينەسىن بىلۋگە بولادى. 2020 - جىلدىڭ باسىندا جوسپارعا كىرگىزىلگەن ورتالىق جانە مەملەكەت ورگاندارى قۋزاۋ، تەكسەرۋ، باعالاۋ ىستەرى 2019 - جىلعى 96 تۇردەن 50 تۇرگە ازايدى؛ ولكە، رايون، قالالاردىڭ جىلدىق جوسپارىنا كىرگىزىلگەن ىستەر سايكەس مەزگىلدەگىدەن ％30 ازايدى؛ كەيبىر ”ورتالىق كوميتەت باس بولعان“، ”مەملەكەتتىك كەڭەس باس بولعان“ قۋزاۋ، تەكسەرۋ، باعالاۋلاردا جاسىرىن جاعداي ۇعىسىپ، ءىشىنارا تەكسەرۋ، جەكەلەي جاعداي ۇعىسۋ تەبىنى ارتتىرىلىپ، ”ينتەرنەت + قۋزاۋ“ ارقىلى ماسەلەلەردىڭ ءىز - دەرەگىن اداقتاپ تەكسەرىپ ءبىتىرۋ كۇشەيتىلىپ، قىزمەتتىڭ ناقتى ونىمدىلىگى جوعارىلادى.
نەگىزگى ساتىنىڭ اۋىرتپالىعىن شىن مانىندە جەڭىلدەتۋدە تەك قانا حابارلاندىرۋ شىعارىپ، اۋىزشا ايتىپ قانا قويۋعا بولمايدى، ءسوز جوق، شىنايى دا پارمەندى ءىس جۇزىندىك ارەكەت بولۋ كەرەك.
2020 - جىلى جاڭا جىلدان باستاپ، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى ماسەلەلەردى ءبىر جاقتى ەتۋدىڭ ”ايلىق مالىمەتىن“ جاريالاعاندا فورماشىلدىق، تورەشىلدىك ماسەلەلەرىنىڭ ساندى مالىمەتى سىندى ماڭىزدى ساندى مالىمەتتى تۇڭعىش رەت جاريالاپ، فورماشىلدىق، تورەشىلدىك كورنەكتى بولعان ماسەلەلەرگە قاراتا وكتەم ءۇن قاتۋدىڭ ايقىن سيگنالىن تاراتتى.
بۇل ورتالىق ساتىسىنان فورماشىلدىقتى رەتتەپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ ارنايى قىزمەت مەحانيزمىنە مۇشە ورىنداردىڭ دالمە - ءدال شارا قولدانىپ، نىسانالى جونگە سالۋىنىڭ شاعىن كورىنىسى.
پارتيامىز تاريحىنداعى فورماشىلدىق، تورەشىلدىك ماسەلەلەرىن جويۋ ءۇشىن تۇڭعىش ورناتىلعان ارنايى قىزمەت مەحانيزمىندە ءبىر جىلدان بەرى مۇشە ورىندار ءارقايسىسى ءوز جاۋاپكەرشىلىكتەرىن وتەپ، كۇش ۇلاستىرىپ سايكەسىپ، فورماشىلدىقتى رەتتەۋ - جونگە سالۋدىڭ كەشەندى شاراسىن شىعاردى − ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ىندەتتەن ساقتانۋ - تىزگىندەۋگە جانە جۇمىستى، ءوندىرىستى قالپىنا كەلتىرۋگە تىعىز ىلەسىپ تەڭ قادامدا ورنالاستىرۋ جاساپ، ساياسي باقىلاۋدى كۇشەيتىپ، نەگىزگى ساتىنىڭ اۋىرتپالىعىن جەڭىلدەتۋدى ءتارتىپ تەكسەرۋ، باقىلاۋ - تەكسەرۋ قىزمەتىنىڭ ءار بۋىنىنا كىرىستىرىپ، تەكسەرىپ ءبىر جاقتى ەتۋ، اشكەرەلەۋ تەبىنىن ارتتىردى؛
ورتالىق كوميتەت كەڭسەسى، مەملەكەتتىك كەڭەس كەڭسەسى جۇمىستى، ءوندىرىستى قالپىنا كەلتىرۋگە تەكسەرۋ - زەرتتەۋ ۇيىمداستىرىپ ورىستەتىپ، ماسەلەنى بايقاۋعا كوڭىل بولۋمەن بىرگە، ماسەلەنى شەشۋگە كومەكتەسۋگە اناعۇرلىم ءمان بەردى؛
ورتالىق كوميتەت ۇيىمداستىرۋ ءبولىمى ىندەتتەن ساقتانۋ - تىزگىندەۋ، كەدەيلىكتەن ارىلتۋدان قامال الۋ ءبىرىنشى شەبىندەگى كادرلاردى تەكسەرۋ، انىقتاۋ جانە ءوسىرۋ تەبىنىن كۇشەيتتى؛
ورتالىق كوميتەت ۇگىت ءبولىمى قاتىستى اقپارات ورىندارىن ۇيىمداستىرىپ، كوپ ءتۇرلى اقپارات قۇرالدارى تۇعىرلارىنان كەشەندى پايدالانىپ، ۇگىتتەۋدى، جەتەكتەۋدى جانە قوعامدىق پىكىر باقىلاۋىن كۇشەيتتى.
بۇقارانىڭ ءتول مۇددەسىنە ساياتىن ءتۇيىندى سالالار مەن قاتىستى كورنەكتى ماسەلەلەردى ارنايى رەتتەپ - جونگە سالىپ، جىلجىمالى ينتەرنەت قولدانبالى پروگراممالاردى ارناعا ءتۇسىرىپ، ساۋساقتاعى فورماشىلدىقتى رەتتەپ - جونگە سالىپ، قىستاق دارەجەلى ۇيىمداردىڭ اۋىرتپالىعى تىم اۋىر بولۋ ماسەلەسىن رەتتەۋ - جونگە سالۋدى تىڭعىلىقتى ىلگەرىلەتتى... ءبىر جىلدان بەرى نەگىزگى ساتىنىڭ اۋىرتپالىعىن جەڭىلدەتۋ قىزمەتى ۇزدىكسىز تەرەڭدەي كەڭەيىپ، تالاي - تالاي ماشاقاتتى تۇيىندەردى شەشتى.
سونىمەن بىرگە، ارنايى قىزمەت مەحانيزمىنە مۇشە ورىندار بەلسەندىلىكپەن شارا قولدانىپ، كادرلاردى جاۋاپكەرشىلىك ارقالاپ، ىسكەرلىك كورسەتۋگە ىنتالاندىردى. كوپتەگەن جەرلەر قاتاڭ جاۋاپقا تارتۋ مەن دۇرىس باعدارلى ىنتالاندىرۋدىڭ بىرلىگىنە تاباندى بولىپ، قاتەلىككە كەشىرىممەن قاراي وتىرىپ قاتەلىكتى تۇزەتۋ، جاڭالىق اشىپ ناتيجە جاراتۋعا ىنتالاندىرۋ، كادرلاردى اقتاۋ، ات - اتاعىن قالپىنا كەلتىرۋ جاقتارىندا ارنايى حۇجات شىعارىپ، كادرلاردىڭ جاۋاپكەرشىلىك ارقالاپ، ىسكەرلىك كورسەتۋىنىڭ ىشكى قوزعاۋشى كۇشىن ۇزدىكسىز قاۋلاتتى.
اۋىرتپالىقتى جەڭىلدەتۋدىڭ ونىمدىلىگى جاقسى بولعان - بولماعاندىعى جونىندە نەگىزگى ساتى كادرلارى ءسوز سويلەۋ ۇقىعىنا ەڭ يە.
2020 - جىلى 9 - ايدا ورتالىق كوميتەت كەڭسەسى فورماشىلدىقتى رەتتەپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋدى باقىلاۋ - ولشەۋ تۇيىندەرىنە، تۇرۋ تۇيىندەرىنە تەكسەرۋ - زەرتتەۋ ورىستەتۋدى ۇيىمداستىردى، تەكسەرۋ ساۋالناماسىنىڭ ناتيجەسىندە كورسەتىلۋىنشە، جاعداي ۇعىسىلعان ％85تەن استام كادر فورماشىلدىق الا كەلگەن اۋىرتپالىق ۇزدىكسىز جەڭىلدەدى دەپ قاراعان.
كوپشىلىك جالپى بەتتىك مىنالاردى اڭىس ەتتى: قازىر جەر - جەردىڭ فورماشىلدىقتى، تورەشىلدىكتى تيۋ تانىمى ىشكەرىلەي كۇشەيىپ، ءار دارەجەلى باسشى كادرلار بۇل ارقاۋدى مىقتاپ شيراتىپ، نەگىزگى ساتىداعى كادر - بۇقارانىڭ كوڭىلىنە دە وسى تارازى ورنادى. نەگىزگى ساتىداعى كادرلاردىڭ ءىس تىندىرىپ، ناتيجە جاراتۋىنا بۇعاۋ بولعان بۇل ”بۇعالىق“ شەشىلىپ، ءتىپتى دە كوپ ماسەلە نەگىزگى ساتىدا شەشىلىپ، ءتىپتى دە كوپ قيىنشىلىق ءبىرىنشى شەپتە جويىلدى.
ۇزدىكسىز قاجىماي كۇش سالدى: تاماشا ستيلمەن جاپپاي سوتسياليستىك وسىزاماندانعان مەملەكەت قۇرۋعا جاقسى باستاما اشتى، جاقسى قادام تاستادى
2020 - جىلى 12 - ايدىڭ اياعىندا ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساعانداردى تەكسەرىپ ءبىر جاقتى ەتۋدىڭ ەڭ جاڭا ساندى مالىمەتىن جاريالادى. مۇنىڭ ىشىندە ”حۇجاتباستىلىق، جيىنباستىلىقتىڭ قايتا ءورشۋى، حۇجات ستيلى، جيىن ستيلى ناقتى، دۇرىس بولماۋ، قۋزاۋ، تەكسەرۋ، باعالاۋ شەكتەن تىس كوپ، ءجيى بولۋ، شەكتەن تىس دەرەك قالدىرۋ، نەگىزگى ساتىعا اۋىر اۋىرتپالىق اكەلۋ“ ماسەلەلەرىنەن جيىنى 580ى تەكسەرىپ ءبىر جاقتى ەتىلدى.
ۇستاعان سالىستىرماسى جوعارى بولماعانىمەن، كەيبىر فورماشىلدىقتىڭ جاڭا وزگەرگەن تۇرلەرى، جاڭا بەتالىستارىنا اسا قىراعى بولعان ءجون.
قازىر نەگىزگى ساتىنىڭ اۋىرتپالىعىن جەڭىلدەتۋ قىزمەتىن تەرەڭدەتۋ، كەڭەيتۋ بەلگىلى ونىمدىلىككە قول جەتكىزدى، دەسەدە، كەيبىر جەرلەردىڭ، كەيبىر سالالاردىڭ، كەيبىر كادرلاردىڭ فورماشىلدىق، تورەشىلدىك ايىقپاس اۋرۋى ءالى دە تۇبەگەيلى جويىلعان جوق:
كەيبىرەۋلەر فورماشىلدىقتى رەتتەپ - جونگە سالىپ نەگىزگى ساتىنىڭ اۋىرتپالىعىن جەڭىلدەتۋدى قاراپايىم تۇردە حۇجاتتى ىقشامداپ، جيىندى ازايتۋ، قۋزاۋ، تەكسەرۋ، باعالاۋ سانىن ازايتۋ دەپ ءتۇسىنىپ، ساپانى جوعارىلاتىپ، ونىمدىلىكتى ارتتىرۋ جاعىنا جەتكىلىكتى كۇش سالماي، شارا كوپ بولماي وتىر؛
كەيبىرەۋلەرىندە وزىنە توڭكەرىس جاساۋ رۋحى كەمشىل، يدەيالىق تامىرىن تەرەڭدەي قازۋ جەتكىلىكتى ەمەس، سانالى، ساناسىز تۇردە فورماشىلدىق ءتاسىلىن قولدانىپ فورماشىلدىق ماسەلەسىن شەشپەك بولادى؛
كەيبىرەۋلەردە فورماشىلدىقتى، تورەشىلدىكتى رەتتەۋ - جونگە سالۋدىڭ جاپالىلىعى، كۇردەلىلىگى جونىندەگى تانىم جەتكىلىكتى ەمەس، سالعىرتتىق يدەياسى مەن بوساڭسۋ كوڭىل كۇيى تۋىلدى.
سونىمەن بىرگە، ىندەتتەن ساقتانۋ - تىزگىندەۋدى ۇدايىلاندىرۋ، نەگىزگى ساتىنى جونگە سالۋ جۇيەسى مەن جونگە سالۋ قابىلەتى دەرلىكتەي كۇشتى بولماۋ، ءتۇزىلىس - مەحانيزمدە ءالى دە ولقىلىق، ءالسىز تۇس ساقتالۋ سەبەبىنەن كەيبىر فورماشىلدىق، تورەشىلدىك ماسەلەلەرىنىڭ قايتا ءورشۋ حاۋىپ - قاتەرى مەن ىقتيمالدىعى ارتۋدا، بۇل ۇزدىكسىز تۇزەتۋ - جونگە سالۋ قىزمەتىنە تىڭ دا اناعۇرلىم جوعارى ولشەمدەر مەن تالاپتاردى قويدى.
پارتيانى قاتاڭ جونگە سالۋدىڭ توقتار شەگى جوق، ستيل قۇرىلىسى ماڭگى جالعاسادى.
”كەسىر - كەساپاتتى جويۋعا شەبەر كىسى ونىڭ ءتۇپ قاينارىن تابا الادى، اۋرۋدى جازۋعا شەبەر ادام اۋرۋدىڭ سەبەبىن ءبىلىپ ءتۇبىن ۇزە الادى“. فورماشىلدىقتى، تورەشىلدىكتى تيۋدا، ءسوز جوق، يدەيالىق تۇيىنشەگىن ءداپ باسىپ تاۋىپ، ماسەلەنى تۇبىرىنەن شەشۋ كەرەك.
2020 - جىلى 5 - ايدا فورماشىلدىقتى، تورەشىلدىكتى تيۋ جونىندەگى ءبىر ماڭىزدى نازاريالىق كىتاپ بۇكىل ەلدەگى كىتاپ دۇكەندەرىنىڭ سورەسىنە شىعارىلدى.
9 ارناۋلى تاقىرىپقا قاتىستى 182 بولىك ماڭىزدى بايىمداۋ كىرگىزىلىپ، 70تەن استام ماڭىزدى حۇجاتتان ءۇزىندى الىنىپ، كوپتەگەن ماڭىزدى بايىمداۋلار العاش رەت اشىق جاريالاندى...
ورتالىق ساتىسىنان فورماشىلدىقتى رەتتەپ - جونگە سالىپ، نەگىزگى ساتىنىڭ اۋىرتپالىعىن جەڭىلدەتۋ ارنايى قىزمەت مەحانيزمى ىلگەرىلەتىپ رەداكسيالاپ باسپادان شىعارعان «شي جينپيڭنىڭ فورماشىلدىقتى، تورەشىلدىكتى تيۋ جونىندەگى ماڭىزدى بايىمداۋلارىنان تاڭدامالىلار» كادرلاردى تاربيەلەۋدەگى، باۋلۋداعى مىندەتتى ساباققا جانە ءار دارەجەلى نازاريا ۇيرەنۋ وزەكتى گرۋپپالارى ۇيرەنەتىن ماڭىزدى مازمۇنعا اينالدى.
ءتۇبىردى بەكەمدەپ، نەگىزدى جەتىلدىرگەندە عانا، رۋح ۇيىستىرىپ، كۇش توپتاۋعا بولادى. نەگىزگى ساتىنىڭ اۋىرتپالىعىن جەڭىلدەتۋ قىزمەتىن تەرەڭدەتۋدە، كەڭەيتۋدە، ءسوز جوق، نازاريامەن قارۋلانۋدى ۇزدىكسىز كۇشەيتىپ، ءار دارەجەلى پارتيا ۇيىمدارىنىڭ پارتيانىڭ تۇرلىشە تاريحي مەزگىلدەردەگى فورماشىلدىققا، تورەشىلدىككە قارسى تۇرۋداعى تاجىريبە تولعانىستارىن ىشكەرىلەي ۇيرەنۋىن ىلگەرىلەتىپ، قالىڭ پارتيالى كادرلاردى دۇرىس بيلىك كوزقاراسىن، ساياسي ناتيجە كوزقاراسىن، ءىس كوزقاراسىن بەرىك ورناتۋعا تاربيەلەۋ، جەتەكتەۋ كەرەك.
جوعارى مەن تومەن ءبىر نيەتتە بولعان جەڭىسكە جەتەدى، جوعارى ارقىلى تومەنگە ونەگە كورسەتكەن كۇشەيەدى.
2020 - جىلى 2 - ايدىڭ 23 - كۇنى پارتيا ورتالىق كوميتەتى اشقان ءبىر رەتكى ءماجىلىس جەر - جەرگە ۇلگى كورسەتتى.
وسى كۇنى پارتيا ورتالىق كوميتەتى بەينە ەكران ءماجىلىسى تاسىلىمەن جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ قىزمەتىن ورنالاستىرۋ ءماجىلىسىن اشتى، باس شۋجي شي جينپيڭ ماڭىزدى ءسوز سويلەدى.
بۇل جاڭا جۇڭگو قۇرىلعاننان بەرگى كولەمى ەڭ زور تەلەۆيزور - تەلەفون ءماجىلىسى، ءماجىلىس زالدارى ورتالىق تاراۋلاردان اۋدان، تۋان دارەجەلى ورىندارعا دەيىن تۇگەلدەي قۇرىلىپ، قاتىناسقان ادام سانى 170 مىڭعا جەتتى. نەگىزگى ساتىداعى جولداستار باس شۋجيدىڭ ماڭىزدى ءسوزىن قاز - قالپىندا تىڭدادى، كوپشىلىك جالپى بەتتىك مۇنداي ءماجىلىس ءتاسىلى جاقسى، ناتيجەسى جاقسى دەپ اڭىس ەتتى.
ىسكە بىردەن كىرىسەتىن ىسكەر بولۋ، وتىرىپ الىپ كوپىرتە سويلەيتىن ءسوز جادىلىققا سالىنباۋ كەرەك. ”شەشۋشى ازشىلىق“ رەتىندە، باسشى كادرلار ءوز بويلارىنان ونەگە ورناتىپ، ۇلگى كورسەتىپ، ”ءبىر دارەجە ءبىر دارەجەگە ايتۋدى“ ”ءبىر دارەجە ءبىر دارەجەگە ىستەپ كورسەتۋگە“ وزگەرتىپ، ”ساتى سايىن جيىن اشۋدى يگەرۋدى“ ”ساتى سايىن تياناقتاندىرۋدى يگەرۋگە“ وزگەرتىپ، نەگىزگى ساتىداعى كادرلاردىڭ قالىڭ حۇجات پەن قاپتاعان جوسىننان، حۇجاتباستىلىقتان، جيىنباستىلىقتان، قارسى الۋ مەن شىعارىپ سالۋدان قۇتىلىپ شىعۋىنا شىن مانىندە مۇمكىندىك جاساۋ كەرەك.
جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدە پارمەندى بولماۋ، جاۋاپكەرشىلىگىن وتەمەۋ، جاۋاپكەرشىلىك ارقالاماۋ، ءىس تىندىرماۋ؛ اۋىل - قىستاقتاعى قاتەرلى ۇيلەردى وزگەرتىپ سالۋ قىزمەتىن ورنالاستىرۋ، تياناقتاندىرۋ بارىسىندا ستيلى تۇرلاۋسىز بولۋ، ءىس جۇزىندىكتەن الشاقتاۋ؛ ەكولوگيالىق ورتانى قورعاۋ قىزمەتىن تياناقتاندىرۋدا نەمقۇرايدىلىق ىستەۋ، مىندەت اتقارماۋ...
2020 - جىلى 4 - ايدىڭ 26 - كۇنى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى فورماشىلدىققا، تورەشىلدىككە ساياتىن 8 تيپتىك ماسەلەنى حابارلاندىرىپ، قوعامدا قىزۋ تالقى قوزعادى. وسىدان كەيىن حۋنان، لياۋنيڭ، فۋجيان سياقتى جەرلەر دە كوپ رەتكى تيپتىك ماسەلەلەردى حابارلاندىردى.
ەل باسقارىپ، حالىقتى تارتىپكە شاقىرۋ ءۇشىن، ءتۇزىمدى اقاۋسىزداندىرۋ كەرەك. تيپتىك دەلولاردى حابارلاندىرۋ ءدال ءتۇزىمنىڭ كۇشىنەن پايدالانىپ، فورماشىلدىقتى تۇزەتۋ - جونگە سالۋداعى ءبىر ناقتى شارا.
2021 - جىلى نەگىزگى ساتىنىڭ اۋىرتپالىعىن جەڭىلدەتۋدى ۇدايىلاندىرۋ مەحانيزمى ىشكەرىلەي اقاۋسىزداندىرىلادى، نەگىزگى ساتىنىڭ اۋىرتپالىعىن جەڭىلدەتۋدى ديناميكالى قاداعالاۋ جانە ناتيجەسىن باعالاۋ مەحانيزمى، نەگىزگى ساتىنىڭ اۋىرتپالىعىن جەڭىلدەتۋدەگى ۇنامسىز تيپتىك دەلولاردى حابارلاندىرۋ، اشكەرەلەۋ مەحانيزمى ورناتىلادى، ت. ب. سونىمەن بىرگە كورنەكتى ماسەلەلەردى رەتتەۋ - جونگە سالۋ تەبىنى ۇزدىكسىز ارتتىرىلىپ، تەرەڭ قاتپارلى قاينارلىق سيپاتتى ماسەلەلەردى زەرتتەۋ جانە رەتتەۋ - جونگە سالۋ ىلگەرىلەتىلىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىنىڭ دەڭگەيى ۇزدىكسىز جوعارىلاتىلادى.
2 ايدان استام ۋاقىتتىڭ الدىندا ەسكەرتكىشتىك مانگە يە پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى جەڭىسپەن اشىلدى. جالپى ءماجىلىس قاراپ ماقۇلداعان ”14 - بەسجىلدىق“ جوبا «ۇسىنىسىندا» ”فورماشىلدىقتى، تورەشىلدىكتى ۇزدىكسىز تۇزەتىپ - جونگە سالىپ، نەگىزگى ساتىنىڭ اۋىرتپالىعىن شىن مانىندە جەڭىلدەتۋ كەرەك“ دەپ ايقىن العا قويىلدى.
2021 - جىل ”14 - بەسجىلدىقتىڭ“ باستالاتىن جىلى ءارى جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىنىڭ باستالاتىن جىلى.
جاڭا جاعداي جاڭا جاۋاپكەرشىلىك ارقالاۋدى قاجەت ەتەدى، جاڭا ساپار جاڭا ىسكەرلىككە شاقىرادى.
جاپالى دا اۋىر رەفورما، دامۋ، ورنىقتىلىق مىندەتى الدىندا، نەگىزگى ساتىداعى كادرلاردىڭ تاسقىنداعان رۋحاني كۇيى، ىسىلعان قىزمەت ستيلى قامال الىپ، قيىنشىلىقتى شەشۋدىڭ قۋاتتى قامتاماسىزدىعى.
100 جىلدىق ۇلى پارتيا تولىسىپ جالىنداي تۇسۋدە، ومىرشەڭدىك كۇشى نەگىزگى ساتىدان، كۇش - قۋاتى حالىقتان كەلگەن. نەگىزگى ساتىنىڭ اۋىرتپالىعىن جەڭىلدەتۋ قىزمەتىن تەرەڭدەتۋدى، كەڭەيتۋدى شەگە قاعۋ رۋحىمەن سوڭىنا دەيىن يگەرۋدە، ءسوز جوق، پارتيا بەكىمىن، حالىق تىلەگىن ءتىپتى دە ۇيىستىرىپ، كادرلاردىڭ ستيلىن ءتىپتى دە ناقتى ەتىپ، ءىس تىندىرىپ، ناتيجە جاراتۋ ورتاسىن ءتىپتى دە جاقسارتىپ، جاپپاي سوتسياليستىك وسىزاماندانعان مەملەكەت قۇرۋعا جاقسى باستاما اشادى، جاقسى قادام تاستايدى!
(شينحۋا اگەنتتىگىنىڭ 1 - ايدىڭ 14 - كۇنى بەيجيڭنەن بەرگەن حابارى)
