تيانشان تورى   ›   جاڭالىقتار   ›   ماڭىزدى حابارلار

ءتوراعا شي جينپيڭ امەريكا ستارباكس سەرىكتەستىگى جورالار القاسىنىڭ قۇرمەتتى ءتوراعاسى گوۆارد شۇلتسقا جاۋاپ حات قايتاردى

  شينحۋا اگەنتتىگىنىڭ 1 - ايدىڭ 14 - كۇنى بەيجيڭنەن بەرگەن حابارى. 1 - ايدىڭ 6 - كۇنى مەملەكەت ءتوراعاسى شي جينپيڭ امەريكا ستارباكس سەرىكتەستىگى جورالار القاسىنىڭ قۇرمەتتى ءتوراعاسى گوۆارد شۇلتسقا جاۋاپ حات قايتارىپ، ول جانە ستارباكس سەرىكتەستىگىن جۇڭگو مەن امەريكا ەكونوميكا - ساۋدا سەلبەستىگىنىڭ جانە ەكى ەل قارىم - قاتىناسىنىڭ دامۋىن جەبەۋدە ۇزدىكسىز بەلسەندى رول اتقارۋعا جىگەرلەندىردى.

  شي جينپيڭ جاۋاپ حاتىندا مىنانى باسا دارىپتەدى: جۇڭگو كوممۋنيستىك پارتياسىنىڭ باسشىلىعىندا ءبىر ميلليارد 400 ميلليون جۇڭگو حالقى جاپپاي دوڭگەلەك داۋلەتتى قوعام ورناتۋ، سوتسياليستىك وسىزامانداندىرۋ جولىندا ۇزاق ۋاقىت قاجىرلىلىقپەن قۇلشىنىس جاسادى. جۇڭگو جاپپاي سوتسياليستىك وسىزاماندانعان مەملەكەت قۇرۋدىڭ تىڭ ساپارىن باستادى، ستارباكس سياقتى امەريكا كاسىپورىندارىن قامتىعان دۇنيە جۇزىندەگى ءار ەل كاسىپورىندارىنىڭ جۇڭگودا دامۋىن اناعۇرلىم كەڭ ورىسپەن قامدايدى. ستارباكس سەرىكتەستىگىنىڭ جۇڭگو مەن امەريكانىڭ ەكونوميكا - ساۋدا سەلبەستىگىنىڭ جانە ەكى ەل قارىم - قاتىناسىنىڭ دامۋىن ىلگەرىلەتۋدە بەلسەندى قۇلشىنىس جاساۋىن ءۇمىت ەتەمىن.

  وسىدان بۇرىن شۇلتس ءتوراعا شي جينپيڭگە حات جازىپ، جۇڭگونىڭ ءتوراعا شي جينپيڭنىڭ باسشىلىعىندا جاپپاي دوڭگەلەك داۋلەتتى قوعام ورناتۋ الدىندا تۇرعاندىعىن قۇتتىقتاپ، ءوزىنىڭ جۇڭگو حالقى مەن جۇڭحۋا مادەنيەتىنە دەگەن قۇرمەتىن جەتكىزگەن بولاتىن.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.