تيانشان تورى   ›   جاڭالىقتار   ›   شينجياڭ حابارلارى

ميلليون كيلوۆاتتىق جاڭا ەنەرگيا نىسانى گەنەراتور اگراگاتىن قۇراستىرۋ مىندەتىن ورىندايمىز

  اڭگىمەلەۋشى: مەملەكەت ەلەكتر قۋاتى قارجى قوسۋ توبى شينجياڭ ەنەرگيا، حيميا ونەركاسىبى موري جاڭا ەنەرگيا شەكتى سەرىكتەستىگىنىڭ باس ديرەكتورى ۋاڭ ۋيدۇڭ

  5 جىلدىڭ الدىندا سەرىكتەستىگىمىز موري قازاق اۆتونوميالى اۋدانىنا ىرگە تەۋىپ، ءبىر قىدىرۋ جاڭا ەنەرگيا نىساندارىن اشىپ، قۇرىپ، شارۋاشىلىق جۇرگىزگەن بولاتىن، قازىر موري اۋدانىنان 400 مىڭ كيلوۆاتتىق جەل ەلەكتر نىسانىن سالدىق. اسىرەسە، 2020 - جىلى ءبىز ىندەتتىڭ ىقپالىن جەڭىپ، موري لاۋجۇنمياۋ جەلدى وڭىرىنەن 4 - مەرزىمدىك 200 مىڭ كيلوۆاتتىق جەل ەلەكتر نىسانىن سالۋ جۇمىسىن قاۋىرت جۇرگىزىپ، بىلتىر جىل سوڭىندا جەلىگە قوسىپ ەلەكتر تاراتتىق. 4 - مەرزىمدىك نىسان قۇرىلىسى سالىنعاننان كەيىن جەلىگە شىعارىلعان جىلدىق ەلەكتر مولشەرى شامامەن 510 ميلليون كيلوۆات - ساعات بولدى. اۆتونوميالى رايون ”14 - بەسجىلدىق“ جوبا ۇسىنىسىندا جاڭا ەنەرگيا كاسىپ سالاسىن جەدەل زورايتۋ العا قويىلدى، بۇل ءبىزدىڭ جاڭا ەنەرگيا كاسىپورنىمىزدىڭ دامۋى جونىنەن كەلەلى يگى ءىس بولدى. توپ سەرىكتەستىگىمىز مەملەكەتتىڭ جەل ەلەكترى، جارىق ەلەكترى جالپىلىق ەنەرگيا بويىنشا ۇلگى كورسەتۋ بازاسىن قۇرۋ سياقتى ماڭىزدى ورايىن مىقتى يگەرىپ، شينجياڭ كولەمىندە جاڭا ەنەرگيا بازارىن ورنالاستىرۋدى جەدەلدەتتى. قازىر ءبىز جەرگىلىكتى ۇكىمەتپەن جانە بيڭتۋانمەن ءبىرسىپىرا سەلبەستىك نيەتناماسىنا كەلىستىك. الداعى 5 جىلدا، سەرىكتەستىگىمىزدەگى قىزمەتكەرلەردى باستاپ، ميلليون كيلوۆاتتان اساتىن جاڭا ەنەرگيا نىسانى اگراگاتتارى جۇمىسىن ورىنداۋعا سەنىمىم كامىل.

  (انار بۇلت / شينجياڭ گازەتىنىڭ ءتىلشىسى جاۋ يۋە رەتتەگەن)

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.