تيانشان تورى   ›   جاڭالىقتار   ›   ساياحات

شينجياڭ ساياحاتىنىڭ زەردەلى قىزمەت وتەۋ دەڭگەيى جوعارىلادى

  كورە الاتىن، شاقىرا الاتىن، جالعاي الاتىن بولدى

  شينجياڭ ساياحاتىنىڭ زەردەلى قىزمەت وتەۋ دەڭگەيى جوعارىلادى

  انار بۇلت/ شينجياڭ گازەتىنىڭ ءتىلشىسى رىن جياڭ 1 - ايدىڭ 16 - كۇنى ۇرىمجىدەن حابارلايدى. ”2020 - جىل − شينجياڭنىڭ زەردەلى ساياحاتى جەدەل دامىعان جىل بولدى، شينجياڭنىڭ زەردەلى ساياحات ۇلكەن ساندى مالىمەت ورتالىعى مەن شينجياڭ زەردەلى ساياحات باسقارۋ تۇعىرىن،’شينجياڭدى ساياحاتتاۋ‘ تۇعىرىن وزەك ەتكەن ’ءبىر ورتالىق، ەكى تۇعىر‘رەسمي ىسكە قوسىلىپ، قالىڭ ساياحاتشىلار مەن قاتىستى شارۋاشىلىق باسقارۋ تاراۋلارىنىڭ ءتۇرلى قىزمەت وتەۋ قاجەتىن قاناعاتتاندىردى. قازىر ءبىز ’كورە الۋ، شاقىرا الۋ، جالعاي الۋ، باسقارا الۋ‘ نىساناسىن جۇزەگە اسىردىق“، - دەدى 1 - ايدىڭ 13 - كۇنى اۆتونوميالى رايوندىق مادەنيەت جانە ساياحات مەڭگەرمەسى ساياحات ۇگىتتەۋ - جالپىلاستىرۋ ورتالىعىنىڭ مەڭگەرۋشىسى لي مىڭ تانىستىرىپ.

  شينجياڭ مادەنيەت جانە ساياحات جالپىلىق باقىلاۋ - ولشەۋ جانە قولباسشىلىق تۇعىرىنا كىرسەڭىز، قارسى الدىڭىزدا ەلەكتروندى ۇلكەن ەكران كورىنەدى، ءاربىر كورىنىس وڭىرلەرىن ءتۇرتۋ ارقىلى وسى كورىنىس وڭىرلەرىندەگى سول ۋاقىتتاعى ساياحاتشىلار شوعىرىن، ساياحاتشىلار سانىن، سونداي - اق عالامتورشىلار باعاسىن، شاعىم ايتۋ، ت.ب جاعدايلاردى كورۋگە بولادى.

  قازىر شينجياڭ زەردەلى ساياحات ۇلكەن ساندى مالىمەت ورتالىعى ءار ءتۇرلى ساياحات ينفورماتسيالارىن توپتاۋ ورتالىعىنا اينالدى، بۇكىل شينجياڭداعى ساياحاتقا قاتىستى نەگىزگى ساندى مالىمەتتەر، قاتىناس - تاسىمال، اۋا رايى، قورشاعان ورتانى قورعاۋ سياقتى تاراۋلاردىڭ قاتىستى ساندى مالىمەتتەرى، مادەنيەت كورمە سارايلارى ينفورماتسيالارى، ساياحات ۇيىرمەلەرىنىڭ ساندى مالىمەتتەرى، ارىز - شاعىم ساندى مالىمەتتەرى سياقتىلاردىڭ بارلىعى جالعانعان، كۇندىك ءبىر جاقتى ەتىلەتىن ساندى مالىمەت 55 ميلليونعا جەتىپ، باسقارۋعا، شەشىم جاساۋعا پارمەندى ساندى مالىمەت تىرەگىن ازىرلەدى. ۇلكەن ساندى مالىمەت ورتالىعىندا تاعى ولشەمدەندىرىلگەن ساندى مالىمەتتەردى جالعاۋ تۇيىندەرى قالدىرىلىپ، شينجياڭداعى ءارقايسى تاراۋلاردىڭ ساندى مالىمەتتەن بىرگە يگىلىكتەنۋ، اۋىستىرۋ قاجەتىن قاناعاتتاندىراتىن بولدى.

  ءىرى ساندى مالىمەت ينفورماتسيالارىنا سۇيەنىپ، شينجياڭ زەردەلى ساياحات باسقارۋ تۇعىرى قۇرىلىسى ساياحات كاسىپ سالاسىن باقىلاۋ - ولشەۋ جۇيەسى، قوعامدىق پىكىر جاعدايىن باسقارۋ جۇيەسى، ساياحات كاسىبىن باسقارۋ جۇيەسى، ساياحات ارىز - شاعىمىن باسقارۋ جۇيەسى سياقتى 10 فۋنكتسيالىق بولەكتى قۇرىپ شىعۋمەن بىرگە، بۇكىل شينجياڭداعى 4A دارەجەلىدەن جوعارى كورىنىس وڭىرلەرىن، ەسىك كۇزەتۋ، بەلەت ىستەرى، اۆتوكولىك توقتاتۋ الاڭى جانە S دارەجەلى قارشاڭعى الاڭى سياقتى تەكسەرۋ - باقىلاۋ ساندى مالىمەتتەرىن بىرتىندەپ ەنگىزىپ، شينجياڭنىڭ ساياحاتىنا، اسىرەسە، مەرەكە - مەيرامداردا كورىنىس وڭىرلەرىن باسقارۋ، جايعاستىرۋ سياقتىلاردى ساندى مالىمەت تىرەگىمەن قامداپ جانە تەحنيكامەن قامتاماسىز ەتىپ، شينجياڭ ساياحات كاسىبىن زەردەلىلەندىرىپ باقىلاۋ - باسقارۋعا قىزمەت وتەدى.

  بيىل اۆتونوميالى رايوندىق مادەنيەت، ساياحات مەڭگەرمەسى مەملەكەتتىڭ 10 تاراۋى بىرلەسىپ باسىپ تاراتقان «’ينتەرنەت + ساياحاتتى‘ تەرەڭدەتىپ، ساياحات شارۋاشىلىعىنىڭ جوعارى ساپالى دامۋىن ىلگەرىلەتۋ جونىندەگى پىكىردى» ىشكەرىلەي دايەكتىلەندىرىپ، تياناقتاندىرىپ، ”ينتەرنەت + ساياحات“ دامۋ مەحانيزمىن ونان ارى كەمەلدەندىرىپ، شينجياڭ زەردەلى ساياحات قۇرىلىسىن جەدەلدەتىپ، ساياحات كورىنىس وڭىرلەرىنىڭ ينتەرنەت قولدانىلىم دەڭگەيىن بارىنشا جوعارىلاتۋدى جەبەيدى. زەردەلى ساياحات كورىنىس ءوڭىرى، ساياحات ينفورماتسيا نەگىزدىك قۇرىلعىلارىن كەمەلدەندىرۋ، ساياحات الەۋمەتتىك قىزمەت وتەۋ ۇلگىسىنە جاڭالىق ەنگىزۋ، ينتەرنەت جەلىسىندە ساياحات جوسپارلاۋ - ساتۋ سەرپىنىن ارتتىرۋ، ساياحاتتى باقىلاۋ - باسقارۋعا قىزمەت وتەۋدى كۇشەيتۋ، ساياحاتتى جونگە سالۋ قابىلەتىن جوعارىلاتۋ، ساياحاتتا جاڭالىق اشۋعا، ساياحاتتىق شارۋاشىلىق قۇرۋعا دەم بەرۋ، ساياحات ساندى مالىمەتىنىڭ حاۋىپسىزدىگىنە كەپىلدىك ەتۋ سياقتىلاردى جەدەل قۇرىپ، شينجياڭدى مادەنيەتپەن نارلەندىرۋ ينجەنەرياسىن ىشكەرىلەي ورىستەتىپ، ساياحات ارقىلى شينجياڭدى گۇلدەندىرۋ ستراتەگياسىنىڭ ىشكەرىلەي اتقارىلۋىنا كۇش ۇستەيدى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.