تيانشان تورى
تيانشان تورى   ›   جاڭالىقتار   ›   سپورت الەمى

شينجياڭدىق ازامات جۇڭگو اۆتوكولىك شەبەرلەرىنىڭ داكارداعى راللي جارىسىنىڭ رەكوردتىن جاڭالادى

  شينجياڭ گازەتىنىڭ 1 - ايدىڭ 17 - كۇنى ۇرىمجىدەن بەرگەن حابارى. انار بۇلت / شينجياڭ گازەتىنىڭ ءتىلشىسى جيڭ بو حابارلايدى. 1 - ايدىڭ 15 - كۇنى، ساۋد ارابياسىندا اياقتالعان 2021 داكار راللي جارىسىنان جاقسى حابار كەلدى، جۇڭگولىق اۆتوكولىك شەبەرى زاكىر ياقۇپ، جاۋ حۇڭي قاتارلىلاردان قۇرالعان ”قاراءدوۋا داحايداۋ داكار راللي جارىسى اۆتوكولىك كومانداسى“ موتوتسيكل گرۋپپا جارىسىندا ۇزدىك ناتيجەگە قول جەتكىزدى. مۇنىڭ ىشىندە، شينجياڭدىق ازامات زاكىردىڭ جالپى ناتيجەسى 33 - ورىندى يەلەپ، جۇڭگو اۆتوكولىك شەبەرلەرى قاتىناسقان بۇل جارىستىڭ رەكوردتىن تاعى دا جاڭالادى، جاۋ حۇڭيدىڭ جالپى ناتيجەسى 45 - ورىندى يەلەدى.

  داكار راللي جارىسى ەرجۇرەكتىلەردىڭ ويىنى دەگەن اتاققا يە، ول دۇنيە جۇزىندەگى ەڭ ماشاقاتتى اۆتوكولىك، موتوتسيكل راللي جارىسى. وسى كەزەكتى جارىس 1 - ايدىڭ 3 - كۇنى باستالىپ، 1 - ايدىڭ 15 - كۇنى اياقتالدى، جارىس جالپى 13 كۇن وتكىزىلىپ، 12 جارىس باسقىشى ورنالاستىرىلدى. بيىلعى جارىستىڭ قيىندىعى تاعى ءبىر دارەجە جوعارىلاتىلدى، جارىستىڭ جالپى بارىسى 7646 كيلومەتر، ەرەكشە جارىس بارىسىنىڭ ارالىعى 4767 كيلومەترگە جەتەدى.

  ۇعىسۋعا قاراعاندا، 2020 داكار راللي جارىسىندا تۇڭعىش رەت جارىسقا قاتىناسقان شينجياڭدىق اۆتوكولىك شەبەرى زاكىردىڭ جالپى ناتيجەسى 42 - ورىندى يەلەپ، جۇڭگو موتوتسيكل شەبەرلەرىنىڭ بۇل جارىستاعى ەڭ تاماشا ناتيجەسىن جاراتتى. بيىل تاعى دا جارىسقا قاتىناسقاندا زاكىر كوپتىڭ قالاۋىنان شىعىپ، باسەكەگە تۇسكەن رەكوردتىن تاعى ءبىر رەت جاڭالادى. جاۋ حۇڭيدىڭ بىلتىرعى جارىستا جالپى ناتيجەسى 64 - ورىندى يەلەگەن، بيىلعى ەسىم رەتى دە ەداۋىر جوعارىلادى.

  زاكىر قۇمىل قالاسىنىڭ قاراءدوۋا قالاشىعىندا تۋىلعان. داكار راللي جارىسىنا قاتىناسۋدان ىلگەرى، ول ەل ىشىندە وتكىزىلگەن جارىستا 10 جىل بويى سانسىز شىنىعۋلاردى باستان وتكەرىپ، مول جارىس تاجىريبەسىن توپتادى، 2007 - جىلى، 19 جاستاعى زاكىر موتوتسيكل سپورتىنا دەگەن قىزعىندىلىعىمەن، موتوتسيكل جارىس شەڭبەرىنە كىرىپ، جارىس ارقىلى شىنىعىپ، بىرتىندەپ جەتىلدى. 2010 - جىلى، ول جۇڭگو تاكلاماكان ءشولىن اينالۋ (حالىقارالىق) اۆتوكولىك، موتوتسيكل راللي جارىسى موتوتسيكل گرۋپپاسىنىڭ ەكىنشىلىگىن ەنشىلەدى، 2015 - جىلى، ول تاعى دا جۇڭگو تاكلاماكان ءشولىن اينالۋ راللي جارىسىنىڭ ەكىنشىلىگىن يەلەدى، 2019 - جىلى جۇڭگو تاكلاماكان ءشولىن اينالۋ راللي جارىسىنىڭ ۇشىنشىلىگىن يەلەدى، جانە دە 5 كەزەكتى ايدىنكول (حالىقارالىق) موتوتسيكل راللي جارىسىنىڭ اعا جۇلدەگەرلىگىن يەلەدى، 30 نەشە موتوتسيكل ۇلكەن جارىسىنىڭ سيلىعىن تۇگەلدەي ءوزى ەنشىلەدى.

  2017 - جىلعى تاكلاماكان ءشولىن اينالۋ راللي جارىسىنان كەيىن، شينجياڭ داميڭ كەن كاسىبى توبى جارنا شەكتى سەرىكتەستىگى زاكىردىڭ رەسمي دەمەۋشىسىنە اينالدى، ءارى ارناۋلى اۆتوكولىك جارىسى ىستەرى ءبولىمىن قۇردى، سەرىكتەستىك وعان ءتىپتى دە تاماشا جەتىلۋ ورتاسىن جاراتىپ، داكار راللي جارىسى جورىعىنا اتتانۋعا بەرىك نەگىز قالادى.

  شينجياڭ داميڭ كەن كاسىبى توبى جارنا شەكتى سەرىكتەستىگىنىڭ باس القاسى شۇي ميڭ بىلاي دەدى: زاكىردىڭ داكار راللي جارىسىنداعى ۇزدىك ناتيجەسى، ءتىپتى دە كوپ شەتەل اۆتوكولىك شەبەرلەرىنە جۇڭگونىڭ شينجياڭىن تانىتتى ءارى جۇڭگو موتوتسيكل شەبەرلەرىنىڭ دەڭگەيىن جوعارىلاتۋدى جەبەدى. بۇدان كەيىن، كاسىپورىن موتوتسيكل جارىستارىن جالعاستى تەرەڭدەي اشىپ، شينجياڭدى ۇگىتتەيتىن دەنە تاربيە تانىسقىسىن تۇلعالاپ، كوركەم شينجياڭدى ءتىپتى دە كوپ ادامدارعا تانىستىرادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.