تيانشان تورى   ›   جاڭالىقتار   ›   وقۋ-اعارتۋ

بيىلعى جوعارى تەحنيكۋمنان تولىق كۋرسقا ورلەۋ ەمتيحانىنا قاتىناساتىندار بۇل ىستەردى بىلۋگە ءتيىستى

  تيانشان تورىنىڭ حابارى. (ءتىلشى شىن زۋشياۋ حابارلايدى) تاياۋدا، اۆتونوميالى رايوندىق وقۋ - اعارتۋ مەڭگەرمەسى «2021 - جىلعى اۆتونوميالى رايوننىڭ ادەتتەگى جوعارى وقۋ - اعارتۋى جوعارى تەحنيكۋمنان تولىق كۋرسقا ورلەۋ ەمتيحانى، وقۋشى قابىلداۋ قىزمەتىن ويداعىداي ىستەۋ جونىندەگى ۇقتىرۋدى» جاريالاپ، بيىلعى ەمتيحان، وقۋشى قابىلداۋ قىزمەتىنە ورنالاستىرۋ جاسادى.

  1 - ايدىڭ 18 - كۇنى، ءتىلشىنىڭ اۆتونوميالى رايوندىق وقۋ - اعارتۋ مەڭگەرمەسىنەن ۇعىسۋىنشا، جوعارى تەحنيكۋمنان تولىق كۋرسقا وقۋشى قابىلداۋ وبيەكتىلەرى شينجياڭداعى (بيڭتۋاندى قامتيدى) جوعارى مەكتەپتەردە رەسمي وقۋشىلىق سالاۋاتى بار 2021 - جىلعى ادەتتەگى جوعارى تەحنيكۋمدى (ارناۋلى كۋرس) ءبىتىرۋ الدىنداعى وقۋشىلار، باعىتتالعان وقۋشىلار قامتىلمايدى؛ حالىقتىق وقۋ - اعارتۋ لەگىندەگى ادەتتەگى جوعارى تەحنيكۋم (ارناۋلى ماماندىق) ماعلۇماتىنا يە بولىپ، شينجياڭ (بيڭتۋاندى قامتيدى) نوپوسىنداعى اسكەردەن قايتقاندار.

  ەمتيحانعا تىزىمدەلۋشىلەرگە مىنالار تالاپ ەتىلدى: يدەيا، ساياسي ورەسى جاقسى بولۋ، جوعارى تەحنيكۋمدا (ارناۋلى ماماندىق) وقۋ مەزگىلىندەگى ەمتيحانداردا قارالىق ءىس - ارەكەتى بولماۋ، شارا كورۋ ەستەلىگى جوق بولۋ كەرەك؛ جوعارى تەحنيكۋمدا (ارناۋلى ماماندىق) وقۋ مەزگىلىندە ناتيجەسى تولىمدى بولۋ كەرەك؛ 2021 - جىلى 8 - ايدىڭ سوڭىنان بۇرىن ادەتتەگى جوعارى تەحنيكۋم (ارناۋلى كۋرس) وقۋ تاۋىسۋ كۋالىگىنە يە بولۋى كەرەك.

  ۇعىسۋعا قاراعاندا، 2021 - جىلى جوعارى تەحنيكۋمنان تولىق كۋرسقا وقۋشى قابىلدايتىن مەكتەپتەردى، كاسىپتەر مەن قابىلدايتىن وقۋشى سانىن وقۋ - اعارتۋ مينيسترلىگى جوسپاردى تۇسىرگەننەن كەيىن جاريالايدى، ەمتيحان تاپسىراتىن وقۋشىلار اۆتونوميالى رايوننىڭ وقۋ - اعارتۋ، ەمتيحان مەكەمەسى تور بەكەتىنە كىرىپ تەكسەرۋگە بولادى. سول كەزدە، ەمتيحانعا تىزىمدەلۋ شارت - جاعدايىنا ۇيلەسەتىن وقۋشىلار توردا تىزىمدەلۋىنە بولادى، كوپ بولعاندا 6 تالاپ تولتىرۋىنا بولادى.

  جوعارى تەحنيكۋمنان تولىق كۋرسقا ورلەۋ ءبىر تۇتاس ەمتيحانى «ساياسات» پەن «ادەبيەت» سياقتى 2 الەۋمەتتىك نەگىزگى ساباقتى قامتيدى، قابىلداعاندا، اۆتونوميالى رايوندىق وقۋ - اعارتۋ، ەمتيحان مەكەمەسى ارحيۆ بەرۋ مەڭگەرىلمەلى ءنومىر شەگىن قاراپ بەلگىلەيدى، ”ەڭ اۋەلى ناتيجەگە قاراۋ، تولتىرعان تالاپ بويىنشا بولۋ“ پرينسيبىنە نەگىزدەلىپ، پاراللەل تالاپ بويىنشا ارحيۆ بەرۋ ەرەجەسى ارقىلى قابىلدايدى، وقۋشى قابىلداعان مەكتەپتەردىڭ جوسپارى ورىندالماعانى اشىق تالاپ تولتىرۋعا شاقىرۋدى اتقارادى.

  جوعارى تەحنيكۋمنان تولىق كۋرسقا ورلەپ وقيتىن وقۋشىلار كاسىپ تەڭشەۋگە ءوتىنىش تاپسىرۋىنا بولمايدى، نەگىزگى وقۋ مەرزىمى ادەتتە 2 جىل بولادى، مەكتەپ وقىتۋ جوسپارى بويىنشا بەلگىلەنگەن ساباقتاردى وقىپ تاۋىسىپ، ناتيجەسى تولىمدى بولعان وقۋشىلارعا ادەتتەگى جوعارى وقۋ - اعارتۋ تولىق كۋرس وقۋ تاۋىسۋ كۋالىگىن بەرەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى