تيانشان تورى   ›   جاڭالىقتار   ›   انار گۇلى قىپ - قىزىل بولىپ اشىلدى

تۋادا كوزى كورمەيتىن تالات وقۋعا ءتۇستى

  تارباعاتاي ايماقتىق تىلشىلەر بەكەتىنەن ليۋ پىڭ

  جاڭا جىلدىڭ ءبىرىنشى كۇنى، قىرباق قار جاۋىپ، تەمپەراتۋرا كۇرت تومەندەدى، ءدوربىلجىن اۋدانى كوشبيكە سورتتى تۇقىم الاڭى بەستال قىستاعىنىڭ تۇرعىنى نۇرلان ءتۇسىپ وتباسى شات-شادىمان قۋانىشقا بولەندى. اۋداندىق اۋىل شارۋاشىلىعى، اۋىل - قىستاق مەكەمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا بەستال قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجيى ليۋ جيڭمين جانە ونىڭ جۇبايى حۋاڭ جيە، قىزى ليۋ يۋان تۋعان كۇن بالكۇلشەسى، ويىنشىق سياقتى ساۋعالاردى الىپ، نۇرلاننىڭ نەمەرەسى تالات ارداقتىڭ 7 جاسقا تولعان تۋعان كۇنىن بىرگە قۇتتىقتادى.

  ”نۇرلان اعا، تالات كوزىنە وپەراتسيا جاساتقاننان كەيىن، قازىر كورۋ قۋاتى بىرتىندەپ قالپىنا كەلدى، مەرەكەدەن بۇرىن، مەن اۋداندىق مۇگەدەكتەر بىرلەستىگىنە تالاتقا 2500 يۋان تۇرمىستىق قوسىمشا قاراجاتىن بەرۋدى ءوتىنىش ەتتىم، الداعى ەكى كۇندە بۇل اقشا بانكە كارتچكاڭىزعا تۇسەدى؛ تالاتتىڭ وقۋعا ءتۇسۋ جۇمىستارىنا دا بايلانىس جاساپ قويدىم“،-دەدى ليۋ جيڭمين ىقىلاسپەن.

  ”نۇرلان اعا“ دەگەن جاقىننا بالاعان ءتاتتى ءسوزدى ەستىگەن نۇرلاننىڭ كوڭىلى جادىراپ: ”ليۋ شۋجي، سەن جاڭا جىلدىڭ باسىندا بىزگە وسىنشاما كوپ قۋانىشتى حاباردى جەتكىزدىڭ، قۋانىشىم قوينىما سيماي تۇر “،-دەدى .

  ”تالات، بۇل ساعان ارناپ العان ويىنشىق، اياق كيىم، بالكۇلشە ... ۇناتتىڭ با؟“ اتاسىنىڭ قۇشاعىندا وتىرعان تالات ساۋعالاردى كورىپ، كۇلىمسىرەپ، توقتاۋسىز باسىن يزەدى. حۋاڭ جيە مەن قىزى ليۋ يۋان تالاتتىڭ كوڭىلىن اۋلادى، ونى بەينەەكرانعا ءتۇسىردى، وعان ارناعان تۋعان كۇن بالكۇلشەسىنىڭ بالاۋىزشامىن جاعىپ، تۋعان كۇن ءانىن شىرقاپ، باقىت تىلەپ، بالاۋىزشامدى ۇرلەگەن سوڭ بالكۇلشەنى كەستى. سالتاناتقا تولى تۋعان كۇن راسىمىندە ءبىرىنشى رەت تۋىلعان كۇن بالكۇلشەسىن جەگەن تالاتتىڭ قۋانىشى قوينىنا سيمادى، ونىڭ اتاسى، اجەسى جانە اكەسى ارداق نۇرلان تەبىرەنگەنىنەن كوزىنە ىستىق جاس الدى.

  جۇرەككە جىلى تيەتىن وسى اڭگىمەنى باسىنان بايانداۋعا تۋرا كەلەدى.

  تالاتتىڭ كوزى تۋادا سوقىر، اكە - شەشەسى اجىراسىپ كەتكەن. ارداق كۇنكورىس ٴۇشىن سىرتقا شىعىپ قىزمەت ىستەيدى، وسىلايشا تالاتقا قارايلاسۋدىڭ اۋىر جۇگى جوعارى قان قىسىم، جۇرەك اۋرۋى بار اتاسى نۇرلان مەن بۇيرەك اۋرۋى بار اجەسى نۇردىقانعا قالدى.

  2019 - جىلى، ليۋ جيڭمين قىستاققا تۇسكەننەن كەيىن، بۇل وتباسىمەن ءوز ەركىمەن تۋىس بولادى. ولاردىڭ ەرەكشە شارت - جاعدايىنا قاراپ، ليۋ جيڭمين نۇرلان وتباسى ءۇشىن ۇكىمەتكە 45 شارشى مەترلىك 2 بەيقۇت ءۇي جانە ەڭ تومەنگى تۇرمىستى قامتاماسىزداندىرۋ قارجىسىن ءوتىنىش ەتەدى، ليۋ جيڭمين مەن قىزمەت اترەتى تاعى 1500 يۋان جىلۋ جيناپ ولاردىڭ اس ءۇيىن جوندەسەدى، ءارى قۇنى 1000 يۋاندىق سۇرىپتاۋسىز كومىر بەلەتىن اكەلىپ بەرەدى، ت.ب.

  سول جىلى 8 - ايدىڭ 16 - كۇنى، ليۋ جيڭمين شينجياڭعا باعىتتامالى كومەكتەسۋگە كەلگەن كوز ءبولىمىنىڭ دوكتورى ياڭ جينمەن بايلانىس جاساپ، تالاتتىڭ كوزىنە وپەراتسيا جاساتىپ، قوس جانارى جارىق دۇنيەنى كورە الاتىن بولادى.

  شيپاحانادان شىققاننان كەيىن، ليۋ جيڭمين جۇبايىمەن بىرگە 400 يۋانعا كيىم - كەشەك ساتىپ الادى، ءارى ارداققا قىستاقتىڭ قۇرعاتۋ زاۆودىنان ايلىق كىرىسى 2500 يۋاندىق ءبىر جۇمىس ورنىن قاراستىرادى.

  2020 - جىلدىڭ باسىندا، ليۋ جيڭمين تۋىسىنا كومەكتەسىپ بۇرىن سىرتقا كوتەرمەگە بەرگەن 50 مۋ جەردى قايتارىپ الادى، قازىر اقشا الىپ، 30 مۋ جەرگە قارا شەكىلدەۋىكتى قاربىز، 20 مۋ جەرگە جۇگەرى ەگەدى ءارى ارداققا ەگىستىكتى كۇتىپ - باپتاۋ مەن سوڭعى مەزگىلدە سۇيىق تىڭايتقىشتى تەڭشەۋ جونىندە ٴجون سىلتەيدى، سول جىلعى تازا كىرىسى 40 مىڭ يۋاننان اسادى.

  ”قازىر، تالات ءوز بەتىنشە جۇرە الاتىن، ءارى ويىنشىقتارمەن ويناي الاتىن، تاماعىن ٴوزى جەي الاتىن بولدى، كەيىن وقۋعا دا باراتىن بولادى!“ وسى قويۋ سۇيىسپەنشىلىكتى اۋىزعا العاندا، 63 جاستاعى نۇرلان تەبىرەنە: ”مۇنداي تۋىستىڭ بولعانى قانداي جاقسى“،-دەدى.

  ليۋ جيڭمين: ”بۇل تۋىستىقتى جالعاستىرا بەرەمىز“،-دەدى .

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى