تيانشان تورى   ›   جاڭالىقتار   ›   ەل ءىشى حابارى

2020 - جىلعى ”ەڭ ارداقتى نەگىزگى ساتى حالىق ساقشىلارىنىڭ“ ىزگى ىستەرىن جاريالادى

ورتالىق كوميتەت ۇگىت ءبولىمى، قوعام حاۋىپسىزدىگى مينيسترلىگى

2020 - جىلعى ”ەڭ ارداقتى نەگىزگى ساتى حالىق ساقشىلارىنىڭ“ ىزگى ىستەرىن جاريالادى

شينجياڭنان ءبىر حالىق ساقشىسى سايلاندى، ءبىر حالىق ساقشىسى كورسەتىلۋ سيلىعىنا يە بولدى

  شينحۋا اگەنتتىگىنىڭ 1 - ايدىڭ 18 - كۇنى بەيجيڭنەن بەرگەن حابارى. باس شۋجي شي جينپيڭنىڭ مەملەكەتتىك قوعام حاۋىپسىزدىگى قىزمەتى ماجىلىسىندەگى ماڭىزدى ءسوزىنىڭ رۋحىن جانە جۇڭگو حالىق ساقشىلارىنا ساقشى تۋىن تاپسىرۋ سالتىنداعى ماڭىزدى ءتالىمىنىڭ رۋحىن ىشكەرىلەي دايەكتىلەندىرۋ، تياناقتاندىرۋ، تۇڭعىش رەتكى جۇڭگو حالىق ساقشىلارى مەرەكەسىن قۇتتىقتاۋ ءۇشىن، ورتالىق كوميتەت ۇگىت ءبولىمى، قوعام حاۋىپسىزدىگى مينيسترلىگى جۋىقتا تۇتاس قوعامعا 2020 - جىلعى ”ەڭ ارداقتى نەگىزگى ساتى حالىق ساقشىلارىنىڭ“ ىزگى ىستەرىن ۇگىتتەدى، جاريالادى.

  وسى جولى جاريالانعان 2020 - جىلعى ”ەڭ ارداقتى نەگىزگى ساتى حالىق ساقشىلارى“ فۋ تيانلەي، جاڭ يان، سەرىگىلىڭ، چىن شۋاي، شىن يۇنرۋ، شۋان حىڭ، سۋ حايفۋ، جيا ميڭ - ي، شياۋ جىنيۇي، ليۋ جۇن، ان جى، چىن زىلي (ايەل)، حى چياۋ (ايەل)، شيۇڭ جۇڭحۋا، حى شياۋدۇڭ، رىن جيانحۋا، تاۋ يۇڭشىڭ، جاۋ لين، ياڭ دۇڭۋي، لي چيڭفىڭ قاتارلى 20 سايلانۋشىنى، سونداي - اق يىن گاڭ، لي شۋ ( ايەل)، جاڭ ۋي، ۋاڭ جيانفىڭ، لۇي حۇڭۋي، لي يۇڭ، مەي يۇيشىڭ، دىڭ جۋحۋا، ۋاڭ شياۋشۋاڭ، حۋ لەي، حى لييۋان، سىرىن لاڭجۋ، چىڭ لياڭ، يە جانجۇن، قۋانىش بولات، ۋاڭ يۇيچۇن، لۋ تاۋ قاتارلى كورسەتىلۋ سيلىعىنىڭ 17 يەگەرىن قامتيدى. ولاردىڭ اراسىندا بۇقاراعا تامىر تارتىپ، بۇقاراعا قىزمەت وتەگەن، ماڭگى جار قۇلاعى جاستىققا تيمەيتىن ساقشى بولىمشەسىنىڭ حالىق ساقشىسى؛ قارا كۇشتەردى الاستاۋ، سۇرقيا كۇشتەردى جويۋدا، قىلمىسقا سوققى بەرۋدە اقىلىنا ەرلىگى ساي قىلمىستىق ىستەردى بارلاۋ حالىق ساقشىسى؛ قارسى اتتانىپ، قيىندىقتان قۇتقارعان اتويشى سايلاۋىت ساقشى؛ ءورىس اشا جاڭالىق اشىپ، زاڭ اتقارۋ قىزمەت وتەۋ دەڭگەيىن ۇزدىكسىز جوعارىلاتقان قاتىناس حالىق ساقشىسى بار؛ ەرجۇرەك، ىستىق قانىمەن ادالدىقتى سومداعان زاھارلاۋىشتاردى قۋعىنداعان حالىق ساقشىسى؛ شەكارا وڭىردە مەملەكەت قاقپاسىن كۇزەتكەن كوشى - قون باسقارۋ ساقشىسى؛ بۇقارانىڭ ساپار حاۋىپسىزدىگىن قورعاعان تەمىر جول قوعام حاۋىپسىزدىگى حالىق ساقشىسى؛ ءىرى ەل ساقشى كەلبەتىن ايگىلەگەن شەتەلدە تۇراتىن ساقشى ىستەر بايلانىسشىسى، ت. ب دا بار. ولار جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدىڭ ءبىرىنشى شەبىندە، تاسقىننان ساقتانۋ، تاسقىنعا قارسى اتتانۋدىڭ ەڭ الدىڭعى لەگىندە، كەدەيلىكتەن ارىلتۋدان قامال الۋدىڭ نەگىزگى شايقاس مايدانىندا ەرلىكپەن شايقاس جۇرگىزىپ، جۇمىس ورنى ۇقساماسا دا، قاشاندا تەمىردەي مۇرات - سەنىممەن، تەمىردەي جاۋاپكەرشىلىكپەن، تەمىردەي ىسىلعان قابىلەتپەن، تەمىردەي ءتارتىپ ستيلىمەن ساياسي حاۋىپسىزدىكتى، قوعام تىنىشتىعىن باتىل قورعاپ، حالىقتىڭ تىنىشتىعىن قامتاماسىز ەتىپ، ىستىق قاندارىمەن، ماڭداي تەرلەرىمەن، ءتىپتى، ومىرلەرىمەن پارتياعا ادال بولۋ، حالىققا قىزمەت ەتۋ، زاڭدى ءادىل اتقارۋ، ءتارتىپتى قاتايتۋ باس تالابىن ادالدىقپەن امالياتتا ايگىلەپ، پارتيا باسشىلىعىنداعى سوتسياليستىك مەملەكەتتىڭ حالىق ساقشىلارىنىڭ كوپ قامىن ويلايتىن، قالتقىسىز ۇلەس قوساتىن تاماشا وبرازىن تولىق ايگىلەدى.

  جاريالاۋ سالتى وتكىزىلگەن جەردە بەينە ەكراندا كورسەتۋ، تۇلعالارمەن سۇحباتتاسۋ سياقتى فورمالار قولدانىلىپ، ولاردىڭ ىزگى ىستەرى مەن قىزمەت، تۇرمىس اسەرلەرى ءار قىرىنان باياندالدى. ورتالىق كوميتەت ۇگىت ءبولىمىنىڭ، قوعام حاۋىپسىزدىگى مينيسترلىگىنىڭ قاتىستى جاۋاپتى جولداستارى ولارعا ”ەڭ ارداقتى نەگىزگى ساتى حالىق ساقشىلارى“ كۋالىگىن تاراتتى.

  قالىڭ قوعام حاۋىپسىزدىگى حالىق ساقشىلارى جابال مىنالاردى ءبىلدىردى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ ماڭىزدى ءتالىمىنىڭ رۋحىن جانە مەملەكەتتىك قوعام حاۋىپسىزدىگى قىزمەتى ءماجىلىسىنىڭ رۋحىن دايەكتىلەندىرىپ، تياناقتاندىرىپ، ۇزدىكسىز تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ”ەڭ ارداقتى نەگىزگى ساتى حالىق ساقشىلارىن“ ۇلگى ەتىپ، اۋەلگى ماقساتتى، بورىشتى ەستە بەرىك ساقتاپ، جاۋاپكەرشىلىكتى كۇشەيتىپ، قايراتتانا ءورىس اشا العا ۇمتىلىپ، تىنىش جۇڭگو، زاڭمەن جونگە سالىناتىن جۇڭگو قۇرىلىسىنا بەلسەنە ات سالىسىپ، ”ەكى ۇلكەن كەرەمەتتىڭ“ جاڭا تاراۋىن قايراتتانا جازۋعا جاڭا اناعۇرلىم زور ۇلەس قوسىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن سۇبەلى ناتيجەلەرمەن قارسى الامىز.

  شينجياڭنان 2 حالىق ساقشىسى سيلىق الدى، مۇندا قاشقار قالالىق قوعام حاۋىپسىزدىگى مەكەمەسى نازارباق ساقشى بولىمشەسىنىڭ جەتەكشىسى تاۋ يۇڭشىڭ ”ەڭ ارداقتى نەگىزگى ساتى حالىق ساقشىسى“ بولىپ سايلاندى، بالباعاي تىڭ يگەرۋ رايوندىق قوعام حاۋىپسىزدىگى مەكەمەسى حىدۇڭ ساقشى بولىمشەسىنىڭ ورىنباسار باستىعى قۋانىش بولات كورسەتۋ سيلىعىن الدى.

جاۋاپتى رەداكتور : 热依扎·海米提

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.