شينحۋا اگەنتتىگىنىڭ 1 - ايدىڭ 18 - كۇنى بەيجيڭنەن بەرگەن حابارى. 1 - ايدىڭ 18 - كۇنى ورتالىق كوميتەتى ۇگىت ءبولىمى مەملەكەتتىك مۇراجايدا ”100 جىلدىق كۇرەس جولىندا جاڭا ساپارىن اتتانايىق“ ءىرى تاقىرىپتىق تىلشىلىك قيمىلىنىڭ باستالۋ سالتىن وتكىزدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى حۋاڭ كۇنميڭ قاتىناستى ءارى ءسوز سويلەدى، ول بىلاي دەپ باسا دارىپتەدى: پارتيا قۇرىلعاندىعىنىڭ 100 جىلدىعىن سالتاناتتى قۇتتىقتاۋ پارتيا مەن مەملەكەتتىڭ ساياسي تۇرمىسىنداعى كەلەلى ءىس، تاريحي ۇلى ءىستى ەستەلىككە الىپ، 100 جىلدىق ارىندى ايگىلەپ، جۇڭگو كوممۋنيستىك پارتياسىنىڭ حيكاياسىن جاندى دا اسەرلى اڭگىمەلەپ، كوممۋنيستىك پارتياعا دەگەن ماداق جىردىڭ نەگىزگى اۋەنىن بىرگە اسقاقتاتا شىرقاپ، بۇكىل مەملەكەت 100 جىلدىقتى بىرگە تويلاپ، ءبىر نيەتپەن كۇش قوسا وتىرىپ جاڭا جاعداي اشۋدىڭ قويۋ رايىن زور كۇشپەن قالىپتاستىرۋ كەرەك.
حۋاڭ كۇنميڭ بىلاي دەپ اتاپ كورسەتتى: 100 جىلدىق ساپار اسقاق ايبىنمەن ءوتىپ، 100 جىلدىق اۋەلگى ماقسات ۋاقىت وتكەن سايىن بەكەمدەلە ءتۇستى. تاريحتىڭ تەرەڭ قاتپارىنا بويلاپ، بايىرعى حيكايالاردى جاندى اڭگىمەلەپ، جاڭا حيكايالاردى تەرەڭنەن تولعاپ، 100 جىلدىق ۇلى پارتيانىڭ ارمانى مەن تالپىنىسىن، سۇيىسپەنشىلىگى مەن جاۋاپكەرشىلىگىن جان - جاقتى ايگىلەپ، پارتيا 18 - قۇرىلتايىنان بەرى پارتيا حالىققا باسشىلىق ەتىپ ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ىلگەرىلەتۋدە قول جەتكىزگەن تاريحي سيپاتتى ناتيجەنى ايرىقشا ايگىلەۋ كەرەك. حالىقتىڭ كوڭىلىنەن شىعىپ، پارتيامىزدىڭ قاي - قاشان دا حالىقپەن بىرگە ويلاپ، بىرگە ىستەيتىنىن، ماڭگى حالىقپەن تىنىستاس، تاعدىرلاس، تىلەكتەس بولاتىنىن تولىق بەينەلەۋ كەرەك. يدەيانىڭ بيىك بەلەسىنە شىعىپ، ءارقايسى تاريحي مەزگىلدە سومدالعان ۇلى رۋحتى كەڭ كولەمدە اسقاقتاتىپ، قامتىلعان مول مايەگى مەن ءداۋىر قۇنىن تەرەڭ قازۋ كەرەك. كۇرەستىڭ ءبىرىنشى شەبىنە بارىپ، كادر - بۇقارانىڭ ءبىر نيەتپەن ىنتىماقتاسىپ تاماشا تۇرمىس جاراتقان رۋحاني بەت - بەينەسىن ايگىلەپ، جاڭا كەزەڭدى تياناق ەتۋدىڭ، جاڭا ساپاردا ەكپىندەي ىلگەرىلەۋدىڭ قۋاتتى كۇشىن ۇيىستىرۋ كەرەك.
ورتالىقتىڭ جانە جەرگىلىكتى ورىننىڭ نەگىزگى اقپارات قۇرالدارىنىڭ رەداكتور، ءتىلشى ۋاكىلدەرى بەيجيڭدەگى نەگىزگى ءماجىلىس الاڭىندا جانە ءارقايسى ولكە، رايون، قالالاردىڭ بولىمشە ءماجىلىس الاڭىندا باستالۋ سالتىنا قاتىناستى.
