تيانشان تورى
تيانشان تورى   ›   جاڭالىقتار   ›   شينجياڭ حابارلارى

”ءۇنحات شاعىن ساباقحاناسى“ كىرىستى ارتتىرۋدىڭ جاڭا قوزعاۋشى كۇشىن قاۋلاتتى

انار بۇلت/ شينجياڭ گازەتىنىڭ ءتىلشىسى گى يوۋجۇن

ەرىكتى ءتىلشى لي ۋي

  ”مەن رايونداعى ’ءۇنحات شاعىن ساباقحاناسى‘ ارقىلى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن مۇقيات ۇيرەندىم. قازىر دامۋ بەتالىسىم ونان ارى ايقىندالا ءتۇستى، دامۋعا دەگەن كۇش - قايراتىم ءتىپتى دە تاسقىندادى“. 1 - ايدىڭ 10 - كۇنى قارامايلى قالاسى ورحى رايونى ورحى قالاشىعى قاق قىستاعىنداعى ەگىنشى گو دۇڭلوۋ وسىلاي دەدى.

  گو دۇڭلوۋ ورحىنىڭ ءتول تۋماسى. جۋىقتا ول ءار كۇنى زاكاز قابىلداپ، جەدەل جولداما جولداپ، قاربالاستىقتان تىنىم العان جوق.

  ”ءار كۇنى جۇزدەن استام تەلەفون قابىلدايمىن، ءبارى دە مەنەن الما قاعىن الۋعا كەلەتىندەر“. ءسوز اراسىندا گو دۇڭلوۋدىڭ جۇزىنە شات كۇلكى ءۇيىرىلدى. 2018 - جىلى ول ءوزى الما قاعىن جاساي باستايدى، شيكىزات بۇكىلدەي تابيعي، ۇگىتىلىپ تۇرعان، ءدامدى، باعاسى لايىقتى بولعان سوڭ، شىعارىلعان زامان قاريدارلاردىڭ قارسى الۋىنا بولەندى. سونان باستاپ ورحى قالاشىعىنىڭ كۇش سالا قولداۋىندا ول باستاماشىلدىقپەن ورحى رايونى دۇڭلوۋ جەمىس قاعىن وڭدەۋ شارۋالار سەلبەستىك كووپەراتيۆىن قۇردى.

  3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى ورحى رايونى رايوننىڭ جاڭا ءداۋىر وركەنيەتىن امالياتتا ايگىلەۋ ورتالىعىن تىرەك ەتىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى رۋحى ۇگىت - لەكسيا تۇعىرىن ورناتىپ، بۇقارا وڭاي قابىلداپ تۇسىنەتىن فورمامەن ۇگىت - لەكسيا ورىستەتتى، ”ءۇنحات شاعىن ساباقحاناسى“ انە سونىڭ ءبىر ءتۇرى.

  ورحى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى جاڭ يانجۇن بىلاي دەپ تانىستىردى: ”ءۇنحات شاعىن ساباقحاناسى“ ”جازۋ + سۋرەت + كوپ مەديا“ فورماسىن جان - جاقتىلى قولدانىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ەگجەي - تەگجەيلى ءتۇسىندىردى، سونداي - اق 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى ورحى رايونىنىڭ قوعام ورنىقتىلىعى، ەكونوميكالىق دامۋ، ۇلتتار ىنتىماعى، حالىق تۇرمىسىن جاقسارتۋ جانە مادەنيەتتى گۇلدەندىرۋ جاعىندا قول جەتكىزگەن كورنەكتى تابىستارىن شوعىرلى ايگىلەدى. وسى ءبىر قولايلى فورمالار ارقىلى ۇگىت - لەكسيا قيمىلىنا قاتىناسقان ءاربىر بۇقارانىڭ جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جانە حالىققا ءتيىمدى ءتۇرلى ساياساتتار الا كەلگەن ەرەسەن زور وزگەرىستەر مەن تابىستاردى اناعۇرلىم جاقسى ءتۇسىنۋى مەن سەزىنۋىنە، باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە العا قويعان ”شينجياڭدى زاڭمەن جونگە سالۋ، شينجياڭدى ىنتىماقتاسا ورنىقتىرۋ، شينجياڭدى مادەنيەتپەن نارلەندىرۋ، حالىقتى بايىتىپ، شينجياڭدى گۇلدەندىرۋ، شينجياڭدى باياندى كوركەيتۋدىڭ“ باي ىشكى ءمانىن اناعۇرلىم تەرەڭ يگەرۋىنە مۇمكىندىك جاسادى.

  ”ءۇنحات شاعىن ساباقحاناسى“ ارقىلى ۇيرەنگەننەن كەيىن، گو دۇڭلوۋ اڭگىمە ءماجىلىستىڭ رۋحىن اناعۇرلىم تەرەڭ ءتۇسىندى. 2020 - جىلى 10 - ايدا ونىڭ سەلبەستىك كووپەراتيۆى قۇنى ميلليون يۋاندىق بۇكىلدەي اۆتوماتتى ءبىر تۇلعالانعان الما قاعىن جاساۋ ءوندىرىس جەلىسىن ەنگىزىپ، ءوندىرىس كولەمىن اناعۇرلىم كەڭەيتە ءتۇستى.

  ”باس شۋجي شي جينپيڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە شينجياڭنىڭ ەرەكشە ابزال كاسىپ سالاسىن جەتىلدىرىپ، ۇلعايتىپ، جەرگىلىكتى ورىن بۇقاراسىن كىرىستى ارتتىرىپ، بايۋعا جەتەكتەۋدى اتاپ كورسەتتى، مەنىڭ جۇرەكتىلىكپەن كىرىسىپ ىستەۋىمدەگى ەڭ ۇلكەن سەنىمىم وسى بولدى. بۇدان بىلاي ۇزدىكسىز جاڭا ونىمدەر شىعارىپ، تيجارات كولەمىن ۇزدىكسىز كەڭەيتىپ، اۋىلداستاردى بىرگە كىرىستى ارتتىرىپ بايۋعا جەتەكتەيمىن“، - دەدى گو دۇڭلوۋ.

  ”ءبىز پارتياعا العىس ايتۋىمىز، پارتيانىڭ سوزىنە قۇلاق اسۋىمىز، پارتياعا ىلەسۋىمىز، پارتيا مەن ۇكىمەتتىڭ ۇندەۋىنە بەلسەنە ءۇن قوسىپ، تۇتاس وڭىرلىك ساياحاتتى دامىتىپ، اناعۇرلىم تاماشا تۇرمىستى جاراتۋىمىز كەرەك“، - دەدى ورحى قالاشىعى قاق قىستاعىنىڭ تۇرعىنى زورگۇل عازى بەكەم سەنىممەن.

  ”ءۇنحات شاعىن ساباقحاناسى“ ارقىلى اڭگىمە ءماجىلىس رۋحىن ۇيرەنۋ زورگۇلدى ساياساتتىق جاقتان كوڭىلىن ورنىقتىرىپ، ونىڭ ساياحات كاسىپ سالاسىنا ارالاسۋ ارقىلى كىرىستى ارتتىرىپ بايۋ سەنىمىن بەكەمدەي ءتۇستى. وتكەن 2 جىلدا زورگۇل ءوز اۋلاسىندا شاعىن كولەمدە شارۋالار شاتتىعى ساياجايىن اشىپ، جىلىنا 30 − 40 مىڭ يۋان تازا كىرىس تاپتى.

  2020 - جىلى ورحى رايونى جالپى 2 ميلليارد 90 ميلليون يۋان قارجى قوسىپ، ساياحات حالىقتىق تۇسەلحاناسى، سالت - سانا مادەنيەتى، سەيىل - سەرۋەن اۋىل شارۋاشىلىعى، ەرەكشە باعىمشىلىق ءبىر تۇلعالاندىرىلعان اۋىل - قىستاقتى گۇلدەندىرۋ ۋنيۆەرسال نىسانىن − ”باتىس بولىكتەگى ۋجىن قالاشىعىن“ باستاپ جۇرگىزدى. جەرگىلىكتى ۇكىمەت قىستاق تۇرعىندارىن ءوز اۋلاسى ارقىلى جارناگەر بولىپ نىسانعا قاتىناسۋعا جەتەكتەدى، زورگۇل نىسان قۇرىلىسىنا كەلىسىم ارقىلى قاتىناستى، ”باتىس بولىكتەگى ۋجىن قالاشىعى“ نىسانىنا قاتىناسقاننان كەيىن ونىڭ اۋلاسىنان تۇسكەن پايدادان ورحىداعى نەگىزگى قالا رايونىنان ساتىپ العان 98 شارشى مەترلىك عيمارات ءۇيىنىڭ قاراجاتى مەن ونى اشەكەيلەۋ قاراجاتىن شىعارىپ تاستاعاننان كەيىن دە اي سايىن تاعى 2480 يۋان كىرىس تاپتى، ونىڭ ۇستىنە ءار 5 جىلدا بۇل %10 ءوسىپ وتىرادى.

  زورگۇل بىلاي دەدى: ورحى رايونى وڭىرلىك ساياحاتتى دامىتۋداي ەرەكشە وڭىرلىك ابزالدىلىققا يە، وعان ”باتىس بولىكتەگى ۋجىن قالاشىعى“ نىسانى قوسىلعاندا، بۇدان بىلاي كوپتەگەن ساياحاتشى ساياحاتتاي كەلىپ، تۇتىنۋدى ارتتىراتىن بولادى، بيىل مەن قالا رايونىنان دۇكەن ءۇيدى جالعا الىپ اسحانا اشپاقشىمىن، ”ءار جىلى نىساننان تۇسەتىن پايدا بولىسىنە اسحانانى جۇرگىزۋدەن تاباتىن اقشانى قوسساق، بۇرىنعىدان كوپ كىرىس تاباتىندىعىم داۋسىز“.

  وسى كۇندەرى ورحى رايونى جاڭا ءداۋىر وركەنيەت اماليات ورتالىعى ”ساۋساق ۇشىنداعى مادەنيەت“ فۋنكتسيالىق ۇيىندە حالىقتىق قولونەر كيىم - كەشەك تىگىنشىسى يدىمجاپ. التىنشيميك شاكىرتتەرىن ەرتىپ موڭعۇل ۇلتىنىڭ توي كويلەگى سەكىلدى ۇلتتىق ءداستۇرلى كيىمدەردى تىگىپ جاتتى.

  2020 - جىلدىڭ سوڭىندا يدىمجاپ. التىنشيميك ”ءۇنحات شاعىن ساباقحاناسى“ ارقىلى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەندى، باس شۋجي شي جينپيڭنىڭ ماڭىزدى سوزىنەن ول زور شابىت الدى. ”باس شۋجي 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە ۇلتتاردىڭ كەڭ كولەمدە ارالاسۋىن، جالپى بەتتىك ىشتەسۋىن، تەرەڭدەي توعىسۋىن جەبەپ، مادەنيەتپەن شينجياڭدى نارلەندىرۋ ينجەنەرياسىن ىشكەرىلەي ورىستەتۋ كەرەك دەدى. مەن دە وسى جاعىندا ۇلەس قوسۋدى ءۇمىت ەتەمىن“، - دەدى يدىمجاپ. التىنشيميك.

  يدىمجاپ. التىنشيميكتىڭ موڭعۇل ۇلتتىق ءداستۇرلى كيىمدەرىن تىگۋ ونەرى بار، ورحى رايونى ونىڭ ورتالىقتان ”ساۋساق ۇشىنداعى مادەنيەت“ فۋنكتسيالىق ءۇيىن اشۋىن قولدادى ءارى وعان 2 شاكىرت قابىلداپ بەردى. يدىمجاپ. التىنشيميك حالىقتىق قولونەرگە مۇراگەر بولۋدان سىرت، زاكاز قابىلداپ اقشا تاۋىپ وتىر.

  ”’ءۇنحات شاعىن ساباقحاناسى‘ ارقىلى ءبىز 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى ۇگىت - لەكسياسىن نەگىزگى ساتىعا دەيىن دايەكتىلەندىرىپ، تياناقتاندىرىپ، قالىڭ بۇقارانى رۋحتى كوكەيگە ۇيالاتىپ، امالياتتا ايگىلەپ، ىشكى دامۋ قوزعاۋشى كۇشىن قاۋلاتىپ، ءىس جۇزىندىك ارەكەت ارقىلى اناعۇرلىم تاماشا تۇرمىس جاراتۋعا جەتەكتەدىك“، - دەدى جاڭ يانجۇن.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.