انار بۇلت / شينجياڭ گازەتىنىڭ ءتىلشىسى لي چۇنشيا 1 - ايدىڭ 18 - كۇنى ۇرىمجىدەن حابارلايدى. 2021 - جىلعى 1 - اي اۆتونوميالى رايونىمىزدا جۇمىستانۋعا كومەكتەسەتىن اي، رايونىمىز جۇمىستانۋعا كومەكتەسۋ ايىندا ينتەرنەتتە قىزمەتكەر قابىلداۋ جينالىسىن وتكىزدى، ءتىلشىنىڭ 1 - ايدىڭ 18 - كۇنى اۆتونوميالى رايوندىق الەۋمەتتىك جۇمىستاندىرۋعا قىزمەت وتەۋ ورتالىعىنان ۇعىسۋىنا قاراعاندا، 1 - ايدىڭ 15 - كۇنىنە دەيىن تۇتاس رايون بويىنشا جيىنى 1100دەن استام ادام ىستەتۋشى ورىن ينتەرنەتتە قىزمەتكەر قابىلداۋ جينالىسىنا قاتىناسىپ، 20 مىڭنان استام جۇمىس ورنىن دايىنداعان.
اۆتونوميالى رايوننىڭ 2021 - جىلعى جۇمىستانۋعا كومەكتەسۋ ايى ارناۋلى قيمىلى ”جۇمىستاندىرۋ ارقىلى كومەكتەسۋ - سۇيەمەلدەۋدى، ىزگى نيەتپەن ءوزارا جاردەم بەرۋدى“ نەگىزگى تاقىرىپ ەتىپ، شارتقا ۇيلەسەتىن جۇمىستانۋدا قيىنشىلىعى بارلار، جۇمىسسىز قالعان مۇگەدەكتەر، كەدەيلىكتەن ارىلعاندار، سونداي - اق مەكتەپ ءبىتىرىپ ءالى دە جۇمىستانا الماعان جوعارى مەكتەپ وقۋشىلارى سياقتى ءتۇيىندى جۇمىستانۋعا كومەكتەسۋ - سۇيەمەلدەۋ وبيەكتىلەرىنىڭ قىزمەت تاۋىپ، جۇمىستانۋىنا شوعىرلى كومەكتەسەدى.
اۆتونوميالى رايوندىق الەۋمەتتىك جۇمىستاندىرۋعا قىزمەت وتەۋ ورتالىعى الەۋمەتتىك يگىلىك سيپاتىنداعى قىزمەتكەر قابىلداۋ تۇعىرى جۇڭگو شينجياڭ دارىندىلار تورىندا (www.xjrc365.com) ”اۆتونوميالى رايوننىڭ 2021 - جىلعى جۇمىستانۋعا كومەكتەسۋ ايى ينتەرنەتتە قىزمەتكەر قابىلداۋ جينالىسى“ ارنايى اۋماعىن اشىپ، ءار تۇردەگى قىزمەتكەر قابىلداۋ ورىندارى مەن كاسىپتەنگىسى كەلەتىندەردىڭ جۇمىستانۋىنا قىزمەت وتەدى.
اۆتونوميالى رايوندىق الەۋمەتتىك جۇمىستاندىرۋعا قىزمەت وتەۋ ورتالىعى ادام كۇشى بايلىعى قىزمەت وتەۋ ءبولىمىنىڭ قىزمەتكەرى ما يانليڭنىڭ تانىستىرۋىنا قاراعاندا، رايونىمىزداعى كوپتەگەن ادام ىستەتۋشى ورىن ينتەرنەتتە قىزمەتكەر قابىلداۋعا جابال قاتىناسقان، 20 مىڭنان استام جۇمىستانۋدا قيىنشىلىعى بارلارعا ۇيلەسەتىن 8800دەن استام جۇمىس ورنى دايىندالعان، مۇندا رەمونتشى، دانەكەرلەۋشى، شوفەر، ءورت ءسوندىرۋشى، ايىرلى تيەگىش جۇرگىزۋشىسى، تەكسەرۋ - ولشەۋ قىزمەتكەرى سياقتى تەحنيك جۇمىس ورىندارى، سونداي - اق تازالىقشى، اماندىق قورعاۋشى، كۇتۋشى، قىزمەت وتەۋشى، تەلەفونشى سياقتى قىزمەت وتەۋ تۇرىندەگى جۇمىس ورىندار كوپ بولعان؛ كەدەيلىكتەن ارىلعاندارعا ۇيلەسەتىن 6800دەن استام جۇمىس ورنى دايىندالعان، مۇندا سۋ، توك جۇمىسشىسى، ساعاتتىق جۇمىسشى، اعاششى، تيەۋ - ءتۇسىرۋ جۇمىسشىسى، اشەكەيلەۋشى، ناۋباي، سەح جۇمىسشىسى، ەگىمشىلىك جۇمسىشىسى سياقتى ادەتتەگى جۇمىس ورنى مەن شەبەرلىك سيپاتتى قىزمەت ورىندارى نەگىز ەتىلگەن؛ مەكتەپ ءبىتىرىپ ءالى دە جۇمىستانا الماعان جوعارى مەكتەپ وقۋشىلارىنا ۇيلەسەتىن 3000نان استام جۇمىس ورنى دايىندالعان، مۇندا وقىتۋشى، كادرلار قىزمەتى، اكىمشىلىك، ىشكى جۇمىس، اقشا الۋشى، جازىقتىق بەت جوبالاۋشى، مەجە ەسەپ جاساۋشى، ينتەرنەت ينجەنەرى سياقتى جۇمىس ورىندارى نەگىز ەتىلگەن؛ جۇمىسسىزدىققا تىركەلگەن مۇگەدەكتەرگە ۇيلەسەتىن 400دەن استام قىزمەت ورنى دايىندالعان، مۇندا ينتەرنەتتە زات ساتۋشى، اماندىق قورعاۋشى، ىشكى جۇمىس، تىگىنشى سياقتى جۇمىس ورىندارى نەگىز ەتىلگەن.
”ءبىز ءتۇيىندى كومەكتەسۋ - سۇيەمەلدەۋ وبيەكتىلەرىنە ۇيلەسەتىن جۇمىس ورىندارى ينفورماتسياسىن ۇزدىكسىز قاراستىرىپ، اپتا سايىن جاڭا جۇمىس ورىندارىن جاريالاپ وتىرامىز“. ما يانليڭ بىلاي دەدى: ورتالىعىمىز كاسىپورىنداردى قامتاماسىز ەتۋى بار، جاس شەكتەمەسىن قويمايتىن، شەبەرلىك تالابى جوق، وقۋ تاريحى شەكتەمەسى جوق ءبىر توپ جۇمىس ورىندارىن دايىنداۋعا بەلسەنە جۇمىلدىرىپ، قيىنشىلىعى بار بۇقارانىڭ جۇمىستانۋ ارناسىن كەڭەيتپەكشى؛ اۋىل - قىستاق سەيىل - سەرۋەن ساياحاتى، اۋىل - قىستاق ەلەكتروندى ساۋداسى سياقتى جاڭا كاسىپ كۇيلەرىنە ۇشتاستىرا وتىرىپ، اۋىل - قىستاق ەڭبەككۇشتەرىنىڭ جۇمىستانۋىنا ۇيلەسەتىن جۇمىس ورىندارى ينفورماتسياسىن جينايدى؛ تازالاۋ، جاسىلداندىرۋ، نەگىزگى ساتىعا كومەكشى بولۋ سياقتى الەۋمەتتىك يگىلىك سيپاتىنداعى جۇمىس ورىندارىنان ءبىر توبىن ازىرلەپ، بازار ارناسى ارقىلى جۇمىستانۋى قيىن بولعان قيىنشىلىعى بار بۇقارانى تياناقتى ورنالاستىرادى.
