تيانشان تورى   ›   جاڭالىقتار   ›   ءۇرىمجى

اسىلگى وندىرىلگەن جەر كۋالىگىن جاساندى زەردە ارقىلى ءاپ - ساتتە بەكىتتى

ءۇرىمجى كەدەنى

اسىلگى وندىرىلگەن جەر كۋالىگىن جاساندى زەردە ارقىلى ءاپ - ساتتە بەكىتتى

  انار بۇلت / شينجياڭ گازەتىنىڭ ءتىلشىسى چىن چياڭۋي 1 - ايدىڭ 18 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋعا قاراعاندا، 1 - ايدىڭ 18 - كۇنى رايونىمىزداعى ءمالىم سىرتقى ساۋدا كاسىپورنىنىڭ قىزمەتكەرى كومپيۋتەردە حالىقارالىق ساۋدا جونىنەن ءبىر تەرەزەلىك قىزمەت وتەۋ ارقىلى ءۇرىمجى كەدەنىنە اسىلگى وندىرىلگەن جەر كۋالىگىنىڭ ەلەكتروندى ءوتىنىشىن جولداعان، كوپ وتپەي - اق ”تەكسەرۋدەن ءوتتى، كۋالىك الۋعا بولادى“ دەگەن قايتارما حۇجاتتى تاپسىرىپ الدى، ونان سوڭ اۆتوماتتى باسىپ شىعارۋ ارقىلى ءبىر مينۋتقا جەتپەيتىن ۋاقىت ىشىندە - اق اسىلگى وندىرىلگەن جەر كۋالىگى دايىن بولدى.

  2020 - جىلى 12 - ايدىڭ 10 - كۇنىنەن باستاپ كەدەن باس مەكەمەسى بۇكىل ەلدە اسىلگى وندىرىلگەن جەر كۋالىگىن زەردەلى تەكسەرۋدى جاپپاي جالپىلاستىرا باستادى. كاسىپورىندارعا ءتيىمدى وسى ساياسات اتقارىلعاننان كەيىن، اسىلگى وندىرىلگەن جەر كۋالىگىن كەدەن قىزمەتكەرلەرى ادام كۇشىمەن تەكسەرەتىن بۇرىنعىداي جايت وزگەردى. اسىلگى وندىرىلگەن جەر كۋالىگىن زەردەلى تەكسەرۋ انىقتاما حاۋىپ - قاتەرىنە تالداۋ جاساۋدى جانە ءىرى ساندى مالىمەتتەردى تۇجىرىمداۋدى نەگىز ەتە وتىرىپ، اسىلگى وندىرىلگەن جەر كۋالىگىن تولتىرۋ - جاساۋ جانە تەكسەرۋ تالابىن زەردەلى تەكسەرۋ قاعيداسىنا اينالدىرىپ، حاۋىپ - قاتەردى قاداعالاۋ پارامەترىن جاسايدى، ”جاساندى زەردە“ ”ادام ميىنىڭ“ ورنىن باسىپ، ساندى مالىمەتتەردى تەكسەرىپ، 16 تۇردەگى اسىلگى وندىرىلگەن جەر كۋالىگىنە 24×7 ساعات - تاۋلىكتىك ”ءاپ - ساتتە بەكىتۋ“ جۇرگىزەدى، بۇل اسىلگى وندىرىلگەن جەر كۋالىگىن ”ءاپ - ساتتە بەكىتۋدىڭ“ جالپى بەتتىك باستالعاندىعىن اڭعارتتى.

  ”ءبىز اۋىل شارۋاشىلىعى ونىمدەرىن مانەرلەيتىن كاسىپورىنبىز، اسىلگى وندىرىلگەن جەر كۋالىگى ونىمدەرىمىزدى ەكسپورت ەتۋدى جۇزەگە اسىرۋداعى ماڭىزدى دالەل - ىسپاتىمىز. بىلتىر 5 - ايدا كەدەن اسىلگى وندىرىلگەن جەر كۋالىگىن اۆتوماتتى باسىپ شىعارۋدى اتقاردى، ءبىز ەندىگارى كۋالىك الۋ ءۇشىن كەدەننىڭ ءىس ءبىتىرۋ تەرەزەسىنە قايتا - قايتا سابىلمايتىن بولدىق. 12 - ايعا بارعاندا اسىلگى وندىرىلگەن جەر كۋالىگىن تەكسەرۋ بارىسىنىڭ ءتىپتى دە زەردەلىلەنىپ، كۋالىكتى ءاپ - ساتتە تەكسەرۋ جۇزەگە اساتىندىعىن ويلاماعان ەكەنمىن، ەسەپتەپ كورسەم، اسىلگى وندىرىلگەن جەر كۋالىگىن تەكسەرۋ سىندى وسى ءبىر ءتۇردىڭ وزىندە - اق ءبىر جارىم كۇندىك جۇمىس ءبىتىرۋ ۋاقىتىمىز ۇنەمدەلەدى ەكەن“، - دەدى شينجياڭداعى قىزاناق مانەرلەيتىن ءمالىم كاسىپورىننىڭ ءبىر قىزمەتكەرى.

  كەدەن اسىلگى وندىرىلگەن جەر كۋالىگىن زەردەلى تەكسەرۋدى اتقارعان ءبىر ايدان استام ۋاقىتتان بەرى، ءۇرىمجى كەدەنى 500 گە تاياۋ اسىلگى وندىرىلگەن جەر كۋالىگىن ”ءاپ - ساتتە بەكىتىپ“ ماقۇلدادى. ءۇرىمجى كەدەنى كەدەن باجى باسقارماسىنىڭ باستىعى قايسار تۇرسۇن مىنالاردى ءبىلدىردى: زەردەلى تەكسەرۋ اسىلگى وندىرىلگەن جەر كۋالىگى ۇلگىسىندەگى كەلەلى رەفورما، 16 ءتۇرلى اسىلگى وندىرىلگەن جەر كۋالىگىن جۇيەلى، دۇرىس جولداعان كاسىپورىنداردىڭ كۋالىگىن جولداعان زاماتتا - اق تەكسەرىپ، سول زاماتتا - اق قولىنا الۋىنا بولادى.

  اسىلگى وندىرىلگەن جەر كۋالىگى ەكسپورت ەتىلگەن ونىمدەردىڭ شەتەلدە كەدەن باجىسىن ازايتۋ، كەشىرىم ەتۋ جانە باسقا دا ءتيىمدى مامىلەدەن يگىلىكتەنۋدەگى ماڭىزدى ىسپات، ەكسپورت ەتىلەتىن ونىمدەردىڭ ەكونوميكالىق ”پاسپورتى“ ءارى حالىقارالىق بازاردى اشۋداعى ”التىن كىلت“. 2020 - جىلى ءۇرىمجى كەدەنى ءتۇرلى اسىلگى وندىرىلگەن جەر كۋالىگىنەن جالپى 7017سىنە قول قويىپ تاراتتى، قول قويىلعان سوما 3 ميلليارد 738 ميلليون يۋان حالىق اقشاسى بولىپ، ەكسپورت كاسىپورىندارىنا كەدەن باجى سوماسىنان شامامەن 100 ميلليون يۋان حالىق اقشاسى تيىمدىلىگى جاسالدى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.