تيانشان تورى   ›   جاڭالىقتار   ›   اۋىل تىنىسى

”شۇيموگوۋ وزەنىندە“ اسىر سالعان تاپال سۋ قۇزعىندارى

تاپال سۋ قۇزعىندارى ”شارپىسۋدا“. (1 - ايدىڭ 19 - كۇنى تۇسىرىلگەن) سۋرەتتى جۋ شىڭچي تۇسىرگەن

  شينجياڭ گازەتىنىڭ 1 - ايدىڭ 19 - كۇنى ۇرىمجىدەن بەرگەن حابارى. انار بۇلت / شينجياڭ گازەتىنىڭ ءتىلشىسى جاۋ مەي حابارلايدى. ءۇرىمجى قالاسى شۇيموگوۋ وزەنىنىڭ ەكولوگيالىق ورتاسىنىڭ جىل سايىن جاقسارۋىنا ىلەسە، كول بويى كورىنىس بەلدەۋى توپ - توپ جىل قۇستارىن بۇل اراعا ”مەكەندەپ“ قىستاپ شىعۋعا باۋرادى. 1 - ايدىڭ 19 - كۇنى، شينجياڭداعى فوتو اپپارات اۋەسكەرى جۋ شىڭچي شۇيموگوۋ كورىنىس بەلدەۋىندە تاپال سۋ قۇزعىندارىنىڭ اسىر سالىپ، دامىلداعان كورىنىسىن سۋرەتكە ءتۇسىردى.

  جۋ شىڭچيدىڭ تانىستىرۋىنشا، جاقىندا توردا بىرەۋلەردىڭ ”شۇيموگوۋ وزەنىنە ءبىر توپ سۋ قۇزعىنى ۇشىپ كەلدى“ دەپ شىعارعان مازمۇنىن كورىپ، كوڭىلدەنە بارىپ اپپاراتقا العان، سۋرەتكە ءتۇسىرۋ بارىسىندا بۇل قارا قۇستاردىڭ ادەتتەگى سۋ قۇزعىنى ەمەس ەكەنىن بايقايدى، ”بۇلار تاپال سۋ قۇزعىندارى، بۇرىن ماناستا ءجۇرىپ مۇنداي قۇستاردى سۋرەتكە تۇسىرگەن ەدىم، ولار باعالى قۇستار“،-دەدى ول.

  ۇعىسۋعا قاراعاندا، ءۇرىمجى قالاسى 2012 - جىلدان باستاپ شۇيموگوۋ وزەنىنىڭ ەكولوگياسىن جونگە سالۋدى باستادى. قازىر، شۇيموگوۋ وزەنىنىڭ ەكولوگيالىق ورتاسى كوپ جاقسارىپ، ورتا، جوعارى اعار سۋ ساپاسى كورنەكتى جاقسارعان.

  تاپال سۋ قۇزعىنىنىڭ ءوسىپ - ءوربيتىن جەرى نەگىزىنەن ەۆروپانىڭ شىعىس وڭتۇستىگى مەن ورتا ازيا سياقتى وڭىرلەر، البانيا، گرەتسيا، يراق سياقتى جەرلەردى قىستايدى، قازاقستاندا دا ءبىر ءبولىمى بار، جۇڭگودا ەستەلىككە الۋىنشا شينجياڭدا عانا بار.

  ءتىلشىنىڭ قۇستاردى تاماشالاۋ جينالىسىنان ۇعىسۋىنشا، 2018 - جىلى 11 - ايدان قازىرگە دەيىن، شينجياڭ قۇستاردى تاماشالاۋ جينالىسىنىڭ اۋەسكەرلەرى ماناس اۋدانى، شىحىزى قالاسى قۇلجا قالاسى، قاراقاش اۋدانى جانە ءۇرىمجى قالاسىنا كورشىلەس چيڭگىداحۋ، سۋ ءۇستى باقشاسى سياقتى كوپتەگەن جەرلەردەن تاپال سۋ قۇزعىنىن بايقاعان.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.