تيانشان تورى   ›   جاڭالىقتار   ›   ەل ءىشى حابارى

ۇستەم جەڭىستى بەكەمدەدى، دامىتتى

− جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋى − ”شىرىكتەسۋگە قارسى تۇرۋ تاراۋى“

□ شينحۋا اگەنتتىگىنىڭ ءتىلشىسى جۋ جيچاي

  2021 - جىلى 1 - ايدىڭ 4 - كۇنى جاڭا جىلدىڭ العاشقى قىزمەت كۇنى.

  تۇستەن بۇرىن ساعات 11دە ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ سايتىندا چۇڭچيڭ قالاسىنىڭ بۇرىنعى ورىنباسار باستىعى، قوعام حاۋىپسىزدىگى مەكەمەسىنىڭ بۇرىنعى باستىعى دىڭ حۇيلينگە، چيڭحاي ولكەسىنىڭ بۇرىنعى ورىنباسار باستىعى، حايشي وبلىستىق پارتكومنىڭ بۇرىنعى شۋجيى ۋىن گودۇڭعا، جۇڭگو كەمە اۋىر ونەركاسىبى توبى شەكتى سەرىكتەستىگىنىڭ بۇرىنعى القا باستىعى حوۋ ۋىنميڭگە، جۇڭلياڭ توبى شەكتى سەرىكتەستىگىنىڭ بۇرىنعى باس بۇعالتىرى لو جياماڭعا پارتيا ءتارتىبى جازاسى، اكىمشىلىك جازا بەرىلگەندىگى جونىندەگى حابارلاندىرۋلار ءبىر ۋاقىتتا جاريالاندى.

  جىل باسىندا 4 ”جولبارىستىڭ“ ءبىر ۋاقىتتا ”ايدالۋى“ شىرىكتەسۋدى جازالاۋدا نولدىك توزىمدىلىك كورسەتەتىن، بوساڭسىتپايتىن كۇشتى سيگنال تاراتتى.

  2020 - جىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى جانە جەرگىلىكتى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى شىرىكتەسۋگە باتىلدىق ەتپەيتىن، شىرىكتەسۋگە مۇمكىندىك بولمايتىن، شىرىكتەسۋدى ويىنا المايتىن ۇستانىمدى، وي جەلىسىن جانە ءادىسىن ءبىر تۇلعادا ىلگەرىلەتۋ ارقىلى ۇستىنەن وڭاۋ مەن تۇبىرىنەن وڭاۋدى قاتار يگەرۋدى تەرەڭدەتىپ، شىرىكتەسۋگە قارسى تۇرۋ كۇرەسىنىڭ ۇستەم جەڭىسى ۇزدىكسىز بەكەمدەلىپ، دامىپ، شىرىكتەسۋدى جونگە سالۋدىڭ ونىمدىلىگى ونان ارى جوعارىلادى.

”قاتاڭ بولۋ“ نەگىزگى اۋەنىنە تاباندى بولىپ، ءتۇيىندى سالالار مەن شەشۋشى بۋىندارداعى شىرىكتەسۋگە قارسى تۇرۋ تەبىنى ۇزدىكسىز كۇشەيدى

  1 - تەرگەۋدە ءولىم جازاسىنا كەسىلدى!

  2021 - جىلى 1 - ايدىڭ 5 - كۇنى تيانجين قالالىق 2 - ورتا حالىق سوتى مەكەمەسى حۋارۇڭ سەرىكتەستىگىنىڭ بۇرىنعى القا باستىعى لاي شياۋميننىڭ پارا الۋ، جەمقورلىق، ۇيلەنۋ ۇستىنە ۇيلەنۋ دەلوسىنا اشىق ۇكىم شىعاردى. تەكسەرۋ، انىقتاۋ ارقىلى 2008 - جىلدان 2018 - جىلعا دەيىن لاي شياۋمين تىكەلەي نەمەسە بەلگىلى بايلانىستى ادام ارقىلى قاتىستى ورىندار مەن جەكە ادامدار بەرگەن مال - مۇلىكتى زاڭسىز العان، سۇراعان، حالىق اقشاسىنا شاققاندا جيىنى ءبىر ميلليارد 788 ميلليون يۋاننان اسقان. مۇنىڭ ىشىندە 104 ميلليون يۋاننان استامىن ءالى ناقتى الا قويماعان، بۇل قىلمىس وتكىزۋ ماقساتىنا جەتە الماۋعا جاتادى. سوت مەكەمەسى 1 - تەرگەۋدە لاي شياۋميندى ءولىم جازاسىنا كەستى.

  ”فينانستاعى دوكەي جەمقور“ لاي شياۋميننىڭ وماقاسۋى فينانس سالاسىنداعى شىرىكتەسۋگە قارسى تۇرۋدىڭ تەرەڭدەي ىلگەرىلەگەندىگىن كورسەتەدى.

  جۇڭگو قۇرىلىس بانكەسى چيڭحاي ولكەلىك بولىمشە بانكەسىنىڭ بۇرىنعى باستىعى گو جيجۋاڭ، بۇرىنعى بانكە كاسىبىن باقىلاۋ - باسقارۋ كوميتەتى سانشي ولكەلىك باقىلاۋ - باسقارۋ مەكەمەسى پارتكومىنىڭ شۋجيى جاڭ انشۇن، مەملەكەتتىك وركەندەتۋ بانكەسى سانشي ولكەلىك بولىمشە بانكەسىنىڭ بۇرىنعى باستىعى ۋاڭ شۋەفىڭ، قاتىناس بانكەسى حىبەي ولكەلىك بولىمشە بانكەسىنىڭ ورىنباسار باستىعى ما شياۋ، بانكەنى، قامسىزداندىرۋدى باقىلاۋ - باسقارۋ كوميتەتى لياۋنيڭ باقىلاۋ - باسقارۋ مەكەمەسىنىڭ 2 - دارەجەلى شارلاۋشىسى ليۋ ۋىن - ي، باعالى قاعازداردى باقىلاۋ - باسقارۋ كوميتەتى چۇڭچيڭ باقىلاۋ - باسقارۋ مەكەمەسى پارتكومىنىڭ بۇرىنعى شۋجيى ماۋ بيحۋا، جۇڭگو اۋىل شارۋاشىلىعى بانكەسى سىچۋان ولكەلىك بولىمشە بانكەسىنىڭ بۇرىنعى ورىنباسار باستىعى ۋ رۇي... ءبىر جىلدان بەرى فينانستى باقىلاۋ - باسقارۋ، مەملەكەت مەنشىگىندەگى بانكە سياقتى سالالارداعى ءبىرتالاي ءمانساپتىلار تەكسەرۋگە الىنىپ، فينانس سالاسىنداعى شىرىكتەسۋگە قارسى تۇرۋدىڭ تەبىنى ۇزدىكسىز كۇشەيدى.

  2020 - جىلى 10 - ايدىڭ 27 - كۇنى ىشكى موڭعۇل اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ىشكى موڭعۇل اۆتونوميالى رايوندىق توتەنشە جاعدايلاردى مەڭگەرۋ مەڭگەرمەسى پارتكومىنىڭ شۋجيى، مەڭگەرمە باستىعى ۋاڭ جۇنفىڭ قاتارلى مەڭگەرمە دارەجەلى 4 كادردىڭ تەكتەۋ - تەكسەرۋگە الىنعاندىعى جونىندەگى حاباردى ءبىر ۋاقىتتا جاريالاپ، قوعامدىق پىكىردىڭ كەڭ نازارىن اۋداردى.

  ىشكى موڭعۇل كومىر بايلىعى سالاسىنداعى ەرەجەگە قايشى، زاڭعا قايشى ماسەلەلەردى ارناۋلى رەتتەۋ - جونگە سالۋ قىزمەتىن ورىستەتىپ، كومىر سالاسىنا ساياتىن شىرىكتەسۋلەردى ”20 جىل شەگەرىپ تەكسەردى“؛ سىچۋان، شانشي قاتارلى جەرلەر مەردىگەر شاقىرۋ، مەردىگەرلىككە مالىمدەلۋ سالاسىنداعى شىرىكتەسۋ ماسەلەلەرىن تەرەڭ قازىپ، تۇبەگەيلى تەكسەردى؛ كوپ جەردەگى حالىقتىق اۋە قورعانىسى جۇيەسىندەگى تارتىپكە قايشىلىق جاساعان، زاڭعا قايشىلىق جاساعان كادرلار تەكسەرۋگە الىندى... 2020 - جىلى ءتارتىپ تەكسەرۋ، باقىلاۋ - تەكسەرۋ ورگاندارى بايلىق، جەر، جوسپار، قۇرىلىس، ينجەنەريا سياقتى ءتۇيىندى سالالارداعى شىرىكتەسۋ ماسەلەلەرىن باتىل تەكسەرىپ ءبىر جاقتى ەتىپ، قۋاتتى تىكسىندىرۋ اسەرىن قالىپتاستىردى.

  ”جولبارىس سوعۋدا“ شەكتەلگەن رايون بولمادى: 2020 - جىلى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى سايتىندا ورتالىق كوميتەت ۇيىمداستىرۋ ءبولىمىنىڭ تىزىمىندەگى 18 كادردىڭ تەكتەۋ - تەكسەرۋگە الىنعاندىعى جونىندە حابار جاريالاندى: فۋجيان ولكەلىك پارتكومنىڭ تۇراقتى مۇشەسى، ولكەلىك ۇكىمەتتىڭ ورىنباسار باستىعى جاڭ جىنان، قوعام حاۋىپسىزدىگى مينيسترلىگى پارتكومىنىڭ مۇشەسى، ورىنباسار مينيستر سۇن ليجۇن، مادەنيەت جانە ساياحات مينيسترلىگى پارتيا باسشىلىق گرۋپپاسىنىڭ ورىنباسار شۋجيى، ورىنباسار مينيستر لي جينزاۋ قاتارلىلار ىركەس - تىركەس وماقاستى.

  ”شىبىن قاعۋدا“ جۇمساقتىق ىستەمەدى: 2020 - جىلى 1 - ايدان 11 - ايعا دەيىن بۇكىل ەلدە حالىق تۇرمىسى سالاسىنداعى شىرىكتەسۋ جانە ستيل ماسەلەسىنەن جيىنى 104 مىڭ 600 ءىس تەكسەرىپ ءبىر جاقتى ەتىلىپ، 149 مىڭ 500 ادامعا سىن، تاربيە، كومەك بەردى جانە ءبىر جاقتى ەتتى، مۇنىڭ ىشىندە 92 مىڭ ادامعا پارتيا ءتارتىبى، اكىمشىلىك جازاسى بەرىلدى.

  ”تۇلكى اۋلاۋ“ توقتامادى: 2020 - جىلى ىندەت قاشقاندار مەن جەلىنگەن اقشا - مۇلىكتى قۋعىنداۋ قادامىنا تۇساۋ بولا العان جوق، 1 - ايدان 11 - ايعا دەيىن ”اسپان تورى 2020“ ارەكەتى شەتەلدە قاشقان 1229 ادامدى قايتارىپ اكەلدى، مۇنىڭ ىشىندە ”قىزىل ءتۇستى قۋعىنداۋ شىعارىلعانداردان“ 28 ادام بار بولىپ، جەلىنگەن اقشادان 2 ميلليارد 445 ميلليون يۋان قايتارىپ الىندى.

شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتىپ، تەكتەۋ - تەكسەرۋدىڭ ”سوڭعى جۇمىستارىن“ ويداعىداي ىستەدى

  2020 - جىلى 11 - ايدىڭ 13 - كۇنى بەيجيڭ بۇكىل قالانىڭ ”دەلودان عيبىرات الۋ، دەلو ارقىلى تۇزەلۋدى جەبەۋ“ ساقتىق تاربيەسى جينالىسىن اشتى.

  جينالىستا ساقتاندىرۋ تاربيەسى فيلمى «ادىلەت الداسپانى − بەيجيڭ قالاسىنىڭ قارا كۇشتەردى الاستاۋ، سۇرقيا كۇشتەردى جويۋ ارناۋلى كۇرەسىنىڭ شىرىكتەسۋ تۋرالى ەسكەرتۋى» جانە «الجاسۋ − شۇن - يدەگى جەلىلەس شىرىكتەسۋ دەلولارىنىڭ ەسكەرتۋى» قويىلىپ، 2019 - جىلعى ساقتاندىرۋ تاربيەسى جينالىسىنان بەرى جازا بەرىلگەن مەكەمە دارەجەلى 46 كادردىڭ اتىن اتاپ جاريا ەتتى، سونداي - اق 8 جاقتاعى كورنەكتى ماسەلەلەرگە قاتىستى تيپتىك دەلولاردى حابارلاندىردى، بەيجيڭ قالاسىنان باسقارما دارەجەلى مىندەتتەن جوعارى 13 مىڭنان استام كادر ساقتاندىرۋدى جانە تاربيەنى قابىلدادى. 2017 - جىلدان باستاپ بەيجيڭ قالالىق پارتكوم ساقتاندىرۋ تاربيەسىن ۇدايىلاندىرۋدى، تۇزىمدەندىرۋدى ىلگەرىلەتىپ، ۇدايى 4 جىل بۇكىل قالادا ساقتاندىرۋ تاربيەسى جينالىسىن اشتى.

  شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋ شىرىكتەسۋگە قارسى تۇرۋ كۇرەسىنىڭ نەگىزگى باعدارى بولىپ قويماي، جاڭا داۋىردەگى پارتيانى جاپپاي قاتاڭ جونگە سالۋدىڭ ماڭىزدى جالپى جوباسى سانالادى. ساقتاندىرۋ تاربيەسىن ورىستەتىپ، تەكتەۋ - تەكسەرۋدىڭ ”سوڭعى جۇمىستارىن“ ويداعىداي ىستەۋ شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋدىڭ پارمەندى تۇتقاسى بولىپ تابىلادى.

  تاياۋ جىلداردان بەرى ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ۇستىنەن وڭاۋ مەن تۇبىرىنەن وڭاۋدى قاتار يگەرۋدى ءۇرتىس تەرەڭدەتىپ، دەلو ارقىلى تۇزەلۋدى جەبەۋ مەحانيزمىن ورناتىپ، كەمەلدەندىرىپ، دەلو ءبىتىرۋدى تۇزىمدەگى ساڭلاۋلاردى بىتەۋمەن، باقىلاۋدى، باقىلاۋ - باسقارۋدى كۇشەيتۋمەن ورگانيكالى ۇشتاستىردى −

  ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورتالىق كوميتەت ۇيىمداستىرۋ ءبولىمىنىڭ تىزىمىندەگى كادرلاردىڭ قىزمەتتىك قىلمىس دەلولارىنا ”ءبىر دەلونى ءبىر قورىتىندىلاۋ“ ءتۇزىمىن ورناتىپ، دەر كەزىندە تاجىريبەلەردى قورىتىندىلادى، ماسەلەلەردى بايقادى، ءتالىم الدى، رەتتەۋ - تۇزەتۋدى جوعارىلاتتى؛

  چىن گاڭ دەلوسىن تەكسەرىپ ءبىر جاقتى ەتىپ، بەيجيڭ قالاسىنىڭ جوبا جانە جاراتىلستىق بايلىق سالاسىنداعى ماسەلەلەردى رەتتەپ - تۇزەتۋدى ىلگەرىلەتتى، يۇن گۋاڭجۇڭ، شيڭ يۇن سياقتى دەلولاردى تەكسەرىپ ءبىر جاقتى ەتىپ، ىشكى موڭعۇلدىڭ كومىر بايلىعى سالاسىنداعى شىرىكتەسۋدى رەتتەۋ - جونگە سالۋدى ىلگەرىلەتتى، جاڭ چي دەلوسىن تەكسەرىپ ءبىر جاقتى ەتىپ، حايناننىڭ جەر باسقارۋدى ولشەمدەندىرۋىن ىلگەرىلەتتى.

  ءىشىنارا دەلولاردىڭ استارىنداعى تەرەڭ قاتپارلى ماسەلەلەردى بايقاۋعا باسا ءمان بەرىپ، فينانس قۇرىلىمدارىن باقىلاۋ - باسقارۋدى كەمەلدەندىرۋ، ءادىليالىق ءتۇزىلىس رەفورماسىن ىلگەرىلەتۋ سياقتىلار جونىندە باقىلاۋ - تەكسەرۋ ۇسىنىسىن العا قويىپ، ىندەتتەن ساقتانۋ - تىزگىندەۋ بويىنشا باقىلاۋ، جاۋاپقا تارتۋ ارقىلى دەنساۋلىق ساقتاۋدا توتەنشە جاعدايلار بويىنشا باسقارۋ جۇيەسى قۇرىلىسىن ىلگەرىلەتتى.

  ”ءتورت ءتۇرلى فورماتسيا“ ازىرلەگەن ساياساتتىق تاكتيكادان تولىق پايدالانىپ، ساقتالۋ مولشەرىن ءونىمدى ءبىر جاقتى ەتىپ، شەشىپ، ارتۋ مولشەرىن باقىلاۋدى، تەجەۋدى كۇشەيتىپ، ەرەكشە از ساندى تارتىپكە، زاڭعا اۋىر قايشىلىق جاساعان ەلەمەنتتەردى قاتاڭ جازالاۋمەن بىرگە، كادرلاردى كۇندەلىكتى باقىلاۋ - باسقارۋدى كۇشەيتتى −

  ساناققا قاراعاندا، 2020 - جىلى 1 - ايدان 9 - ايعا دەيىن بۇكىل ەلدىڭ ءتارتىپ تەكسەرۋ، باقىلاۋ - تەكسەرۋ ورگاندارى ” ءتورت ءتۇرلى فورماتسيانى“ قولدانىپ جالپى ءبىر ميلليون 330 مىڭ ادام - رەت سىن ايتتى، تاربيە بەردى، كومەكتەستى جانە ءبىر جاقتى ەتتى. مۇنىڭ ىشىندە 1 - ءتۇرلى فورماتسيانى قولدانىپ 928 مىڭ ادام - رەت سىن ايتتى، تاربيە بەردى، كومەكتەستى، بۇل جالپى ادام - رەتتىڭ %69.8ىن ۇستايدى؛ 2 - ءتۇرلى فورماتسيانى قولدانىپ 311 مىڭ ادام - رەت ءبىر جاقتى ەتتى، بۇل %23.4تى ۇستايدى؛ 3 - ءتۇرلى فورماتسيانى قولدانىپ 45 مىڭ ادام - رەت ءبىر جاقتى ەتتى، بۇل %3.4تى ۇستايدى؛ 4 - ءتۇرلى فورماتسيانى قولدانىپ 46 مىڭ ادام - رەت ءبىر جاقتى ەتتى، بۇل %3.5تى ۇستايدى.

  وسى ساندى مالىمەتتەر ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارىنىڭ 1 - ءتۇرلى فورماتسيانى قولدانىپ سىن ايتۋ، تاربيە بەرۋ، كومەكتەسۋ تەبىنىنىڭ ءۇرتىس ارتقاندىعىن، ”بەت قىزارتىپ، تەر شىعارۋ“ قالىپتى كۇيگە اينالعاندىعىن ايگىلەدى؛ شىرىكتەسۋدى جازالاۋ - جونگە سالۋدى ءونىمدى باقىلاۋدىڭ قۋاتتى قالقانى ەتىپ، باستان - اياق تەگەۋرىندى كۇيدى ساقتاپ، تومەنگى شەكتىڭ ۇنەمى ساقتالۋىنا، ”ارتقى قورعاننىڭ“ بەرىك بولۋىنا شىنايى كەپىلدىك ەتتى.

  2020 - جىلى ”ىرىقتىلىقپەن ءوزى كەلىپ مالىمدەلۋ“ دەلو حابارلاندىرۋىنداعى جوعارى جيىلىكتى سوزگە اينالدى.

  قۋاتتى سەس كورسەتۋ مەن ساياساتتىق ۇندەۋدىڭ ارقاسىندا جياڭسۋ ولكەلىك پارتكومنىڭ تۇراقتى مۇشەسى، ساياسي - زاڭ كوميتەتىنىڭ شۋجيى ۋاڭ ليكى، چيڭحاي ولكەسىنىڭ ورىنباسار باستىعى ۋىن گودۇڭ قاتارلى قىرۋار تارتىپكە، زاڭعا قايشىلىق جاساعان ماسەلەسى بار كادرلار ىرىقتىلىقپەن ءوزى كەلىپ مالىمدەلدى، بۇل شىرىكتەسۋگە قارسى تۇرۋدىڭ تەگەۋرىندى كۇيى ءۇرتىس سەس كورسەتكەندىگىن، شىرىكتەسۋدى جونگە سالۋ رولىنىڭ ۇزدىكسىز جوعارىلاعاندىعىن، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇتاس ىلگەرىلەتۋدىڭ ونىمدىلىگى ۇزدىكسىز كورىنگەندىگىن ايگىلەدى.

زاڭ ەرەجە، ءتۇزىم جۇيەسىن كەمەلدەندىرىپ، شىرىكتەسۋگە قارسى تۇرۋ قىزمەتىنىڭ ولشەمدەنۋىن، زاڭمەن جونگە سالىنۋىن ىلگەرىلەتتى

  2021 - جىلى 1 - ايدىڭ 4 - كۇنى جاڭادان وزگەرىس ەنگىزىلگەن «جۇڭگو كوممۋنيستىك پارتياسى پارتيا مۇشەلەرىنىڭ ۇقىعىن قامتاماسىز ەتۋ ەرەجەسىنىڭ» تولىق مازمۇنى جاريالاندى. بۇل 2004 - جىلى ەرەجەگە وزگەرىس ەنگىزىلگەننەن بەرى پارتيا ورتالىق كوميتەتىنىڭ اتاۋلى ەرەجەگە تاعى ءبىر رەت وزگەرىس ەنگىزۋى بولىپ تابىلادى.

  ەرەجەدە پارتيا مۇشەلەرىنىڭ پارتيا ىشىندە باقىلاۋ ۇقىعى بار ەكەندىگى بەلگىلەنىپ، پارتيا مۇشەلەرىنىڭ سىن ايتۋ، اشكەرەلەۋ، اشۋ سياقتى تاسىلدەر ارقىلى دەموكراتيالىق باقىلاۋ ورىستەتىپ، پارتيا ۇيىمىنا جاۋاپتى بولۋ تۇرعىسىنان پارتيانىڭ ءارقانداي ۇيىمدارىنىڭ جانە ءارقانداي پارتيا مۇشەلەرىنىڭ تارتىپكە، زاڭعا قايشىلىق جاساۋ فاكتىن اشكەرەلەۋىنە، اشۋىنا بولاتىندىعىن، تارتىپكە، زاڭعا قايشىلىق جاساۋ ارەكەتى بار پارتيا ۇيىمدارىن جانە پارتيا مۇشەلەرىن ءبىر جاقتى ەتۋ، جازالاۋ تالابىن ورتاعا قويۋىنا بولاتىندىعىن ايقىندادى.

  كەسىر - كەساپاتتى جويۋعا شەبەر كىسى ونىڭ ءتۇپ قاينارىن تابا الادى، اۋرۋدى جازۋعا شەبەر ادام اۋرۋدىڭ سەبەبىن ءبىلىپ ءتۇبىن ۇزە الادى. شىرىكتەسۋگە قارسى تۇرۋ كۇرەسىندە ءبىر جاعىنان، باتىل شاراعا سۇيەنۋ، ەندى ءبىر جاعىنان، رەفورمانى تەرەڭدەتۋ، ءتۇزىمدى كەمەلدەندىرۋ كەرەك.

  2020 - جىلى 1 - ايدا ورتالىق كوميتەت كەڭسەسى «ءتارتىپ تەكسەرۋ، باقىلاۋ - تەكسەرۋ ورگاندارىنىڭ اشۋ مەن شاعىم بەرۋدى ءبىر جاقتى ەتۋ قىزمەت ەرەجەسىن» باسىپ تاراتتى. ەرەجە ولشەمدەنۋ، زاڭمەن جونگە سالۋ ۇستانىمىن ءتارتىپ تەكسەرۋ، باقىلاۋ - تەكسەرۋ ورگاندارىنىڭ اشۋدى، شاعىم ايتۋدى ءبىر جاقتى ەتۋ قىزمەتىنىڭ باس - اياعىنا ءسىڭىرىپ، اشۋ مەن شاعىم ايتۋدى مۇقيات ءبىر جاقتى ەتىپ، بۇقارا ءجىتى قاداعالاپ وتىرعان ىستەرگە جاۋاپ بەرىپ، ءتارتىپ تەكسەرۋ، باقىلاۋ - تەكسەرۋ جۇيەسىن قامتىعان اشۋ، مالىمدەۋ تۇعىرىن قۇرىپ، شىن اتىمەن مالىمدەۋگە شابىتتاندىرىپ، تەكسەرۋ، باقىلاۋ مەحانيزمىن ورناتۋدى تالاپ ەتتى.

  ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ ساناعىندا كورسەتىلگەندەي، 2020 - جىلى 1 - ايدان 9 - ايعا دەيىن بۇكىل ەلدىڭ تارتىپ تەكسەرۋ، باقىلاۋ - تەكسەرۋ ورگاندارى جالپى 2 ميلليون 371 مىڭ رەت ارىز - ارمان مالىمدەۋىن تاپسىرىپ الىپ، ءبىر ميلليون 233 مىڭ ماسەلە دەرەگىن ءبىر جاقتى ەتتى، 267 مىڭ رەت شاقىرىپ الىپ سويلەستى، حات ارقىلى سۇراستىردى، 443 مىڭ دەلو تۇرعىزدى، 390 مىڭ ادامدى جازالادى (مۇنىڭ ىشىندە 337 مىڭ ادامعا پارتيا ءتارتىبى جازاسى بەرىلدى).

  2020 - جىلى 6 - ايدىڭ 20 - كۇنى 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 19 - رەتكى ءماجىلىسى «جۇڭحۋا حالىق رەسپۋبليكاسى ۇكىمەت قىزمەتكەرلەرىنىڭ اكىمشىلىك ىستەر جازا زاڭىن» ماقۇلدادى.

  جاڭا جۇڭگو قۇرىلعاننان بەرگى ۇكىمەت قىزمەتكەرلەرىنىڭ اكىمشىلىك ىستەر جازاسى قىزمەتىن جالپى بەتتىك جۇيەلى ارناعا تۇسىرگەن تۇڭعىش مەملەكەت زاڭى رەتىندە، اكىمشىلىك ىستەر جازاسى زاڭى باقىلاۋ - تەكسەرۋدى جاپپاي قامتۋ تالابىن ناقتىلاندىرىپ، ۇكىمەت قىزمەتكەرلەرىنىڭ اكىمشىلىك ىستەر جازاسىن قابىلداۋىنداعى زاڭعا قايشىلىق جاساۋ جاعدايىن ايقىندادى، ۇكىمەت قىزمەتكەرلەرىنىڭ ارەكەت تومەنگى شەگىن بەلگىلەپ، ۇكىمەت قىزمەتكەرلەرىنىڭ نەگىزگى زاڭدا جانە زاڭدارعا جۇكتەلگەن قىزمەت جاۋاپكەرشىلىگىن ادالدىقپەن اتقارۋىن جەبەدى، سونىمەن بىرگە اكىمشىلىك ىستەر جازالاۋ ۇقىعىن، ءسوز جوق، زاڭ بويىنشا قاتاڭ تۇردە ولشەمدى جۇرگىزىپ، اكىمشىلىك جازالاۋ ۇقىعىن ءتۇزىم تورىنا شىنايى اينالدىرۋدى تالاپ ەتتى، بۇل اكىمشىلىك ىستەر جازالاۋ قىزمەتىنىڭ ولشەمدەنۋىن، زاڭمەن جونگە سالىنۋىن ىلگەرىلەتۋدىڭ ماڭىزدى كەپىلى.

  2020 - جىلى 12 - ايدىڭ 22 - كۇنى باقىلاۋ - تەكسەرۋ ءمانساپتىلارى زاڭ جوباسى العاش رەت 13 - كەزەكتى مەملەكەتتىك حالىق قۇرىلتايى تۇراقتى كوميتەتى 24 - رەتكى ءماجىلىسىنىڭ قاراۋىنا ۇسىنىلدى. ءبىر قىدىرۋ ءتارتىپ تەكسەرۋ، باقىلاۋ - تەكسەرۋ قىزمەتى سالاسىنداعى زاڭ ەرەجە، ءتۇزىم ىركەس - تىركەس جاريالانىپ، شىرىكتەسۋگە قارسى تۇرۋ قىزمەتىنىڭ ولشەمدەنۋ، زاڭمەن جونگە سالىنۋ ارناسىندا ورنىقتى، باياندى بولۋىنا شىنايى كەپىلدىك ەتتى.

(شينحۋا اگەنتتىگىنىڭ 1 - ايدىڭ 17 - كۇنى بەيجيڭنەن بەرگەن حابارى)

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.