تيانشان تورى   ›   جاڭالىقتار   ›   وقۋ-اعارتۋ

بىلتىر رايونىمىزدا 6 ميلليون 216 مىڭنان استام وقۋشى - رەت قارجىلاي كومەككە يە بولدى

  انار بۇلت / شينجياڭ گازەتىنىڭ ءتىلشىسى جاۋ شييا 1 - ايدىڭ 19 - كۇنى ۇرىمجىدەن حابارلايدى. اۆتونوميالى رايوندىق وقۋ - اعارتۋ مەڭگەرمەسىنەن ۇعىسۋعا قاراعاندا، بىلتىر رايونىمىز ءار دارەجەلى، ءار تۇردەگى مەكتەپتەردەگى وقۋشىلارعا 7 ميلليارد 773 ميلليون يۋان قارجىلاي كومەك قاراجاتىن بولگەن، مۇنان يگىلىكتەنگەن وقۋشى 6 ميلليون 216 مىڭ 900 ادام - رەت بولعان.

  بىلتىر اۆتونوميالى رايوندىق وقۋشىلارعا قارجىلاي كومەكتەسۋ ورتالىعى قارجىنى الدىن الا ءبولۋ مەحانيزمىن ورناتىپ، ارحيۆ تۇرعىزىلىپ، كارتچكالاندىرىلعان، وتباسىندا ەكونوميكالىق قيىنشىلىعى بار وقۋشىلارعا قارجىلاي كومەكتەسۋدى جاپپاي قامتۋدى ءتۇيىن ەتىپ، قارجىلاي كومەكتەسۋ ساياساتىن جاپپاي تياناقتاندىرىپ، ۇكىمەت، قوعام، مەكتەپ سياقتىلار بەرەتىن ءتۇرلى قارجىلاي كومەك نىساندارى مەن قارجىلارىن ءبىر تۇتاس جوسپارلاپ، وتباسىندا ەكونوميكالىق قيىنشىلىعى بار وقۋشىلاردىڭ ” كومەكتەسۋگە تيىستىلەرىنە تۇگەل كومەكتەسۋگە“ شىنايى كەپىلدىك ەتىپ، بىردە - ءبىر وقۋشىنىڭ وتباسىنىڭ ەكونوميكالىق قيىنشىلىعى سەبەبىنەن وقۋدان قول ۇزبەۋىنە مۇمكىندىك جاسادى. مۇنىڭ ىشىندە وتباسىندا ەكونوميكالىق قيىنشىلىعى بار 2465 جوعارى مەكتەپ وقۋشىسىنا ”جاسىل وتكەل“ ارقىلى مەكتەپكە كىرۋ، تىزىمگە الدىرۋ راسمياتتارىن ءبىتىردى، 8 ميلليون 900 مىڭ يۋان وقۋ قاراجاتى مەن جاتاق اقىسىن كەشەۋىلدەتىپ تاپسىرۋىنا مۇمكىندىك بەردى.

  ۇعىسۋعا قاراعاندا كەزەكتە رايونىمىزدا ”كەشىرىم ەتۋ، سيلاۋ، كومەكتەسۋ، قارىز اقشا بەرۋ، قوسىمشا قاراجات بەرۋ“ ءبىر تۇلعالانعان وقۋشىلارعا قارجىلاي كومەكتەسۋ ساياساتتىق جۇيەسى قالىپتاسىپ، ءبىلىم الۋ كەزەڭىن تۇتاس قامتۋ، ۇكىمەت باسقارۋىنداعى، حالىق باسقارۋىنداعى مەكتەپتەردى تۇتاس قامتۋ، وتباسىندا ەكونوميكالىق قيىنشىلىعى بار وقۋشىلاردى تۇتاس قامتۋ سىندى ”ءۇشتى تۇتاس قامتۋ“ جۇزەگە اسقان. كەدەيلىكتەن ارىلتۋدان قامال الۋدا ”ءتورتتى توقتاتپاۋ“ تالابىنا ساي، بيىل رايونىمىز ارحيۆ تۇرعىزىلىپ، كارتچكالاندىرىلعان، ت. ب ەكونوميكالىق قيىنشىلىعى بار وقۋشىلاردىڭ وتباسى كەدەيلىكتەن ارىلعاننان كەيىن دە بۇل وقۋشىلارعا سايكەستى قارجىلاي كومەكتەسۋ ساياساتىنان ۇزدىكسىز يگىلىكتەنۋىنە مۇمكىندىك جاسايدى ەكەن.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.