تيانشان تورى
تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

تيانشان الابىندا كەدەيلىكتەن ارىلتۋدىڭ اسقاق سيمفونياسى شارىقتادى

  ”رەداكتوردان“

  پارتيا 18 - قۇرىلتايىنان بەرى اۆتونوميالى رايوندىق پارتكوم شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شينجياڭ قىزمەتىنىڭ باس نىساناسىن مىقتاپ يگەرىپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ نەگىزگى جالپى جوباسىن دايەكتىلەندىرىپ، ”ەكىدەن تارىقتىرماۋ، ءۇشتى قامتاماسىز ەتۋمەن“ تىعىز بايلانستىرىپ، ”التى دالمە - ءدال بولۋدى“ تياناقتاندىرىپ، ”جەتى ءبىر توپتى“، ”ۇشتە سەرپىندى ارتتىرۋدى“ تىڭعىلىقتى ىلگەرىلەتىپ، جىگەرلەنە شايقاس جاساپ، قامال الىپ، قيىندىقتاردى جەڭىپ، كەدەيلىكتەن ارىلتۋدان قامال الۋ شايقاسىنىڭ شەشۋشى جەڭىسىنە قول جەتكىزدى. گازەتىمىز بۇگىننەن باستاپ ”100 جىلدىق كۇرەس جولىندا جاڭا ساپارعا اتتانايىق“ ايدارىن اشىپ، ”كەدەيلىكتەن ارىلتۋدان قامال الۋ جاۋاپناماسى“ جەلىلەس حابارىپ بەرىپ، پارتيا 18 - قۇرىلتايىنان بەرى رايونىمىزدىڭ كەدەيلىكتەن ارىلتۋدان قامال الۋ شايقاسىنىڭ شەشۋشى شايقاسىنىڭ شەشۋشى جەڭىسى جاعىندا قول جەتكىزگەن تابىستارىن جان - جاقتى ايگىلەيدى.

□ انار بۇلت / شينجياڭ گازەتىنىڭ ءتىلشىسى ليۋ شياڭ

  2020 - جىلى 11 - ايدىڭ 14 - كۇنى اۆتونوميالى رايوندىق حالىق ۇكىمەتى بۇكىل رايونداعى قازىرگى ولشەمدەگى 3 ميلليون 64 مىڭ 900 كەدەي حالىقتىڭ تۇگەلدەي كەدەيلىكتەن ارىلعاندىعى، 3666 كەدەي قىستاقتىڭ تۇگەلدەي كەدەيلىك تىزىمىنەن شىققاندىعى، 32 كەدەي اۋداننىڭ تۇگەلدەي كەدەيلىك قالپاعىن الىپ تاستاعاندىعى، شينجياڭداعى مۇلدە كەدەيلىك ماسەلەسىنىڭ تاريحي شەشىم تاپقاندىعى جونىندە حابارلاندىرۋ جاريالادى.

  كوك تىرەگەن ءزاۋلىم بايتەرەكتىڭ، ءسوزسىز، تەرەڭگە تارتقان تامىرى بولادى؛ كۇركىرەپ اققان سۋىنىڭ، ءسوزسىز، قاينار بۇلاعى بولادى. پارتيا 18 - قۇرىلتايىنان بەرى، اسىرەسە، 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭنىڭ كەدەيلىكتەن ارىلتۋدان قامال الۋ قىزمەتىنە ايرىقشا ءمان بەرىپ، ساياسات، قارجى، نىسان سياقتى جاقتاردان بەيىمدەلۋ، قولداۋ سەرپىنىن ارتتىرىپ، شينجياڭنىڭ، اسىرەسە، وڭتۇستىك شينجياڭنىڭ كەدەيلىكتەن ارىلتۋدان قامال الۋدا ەلەۋلى ناتيجەگە قول جەتكىزۋىن ىلگەرىلەتىپ، تيانشان الابىندا كەدەيلىكتەن ارىلتۋدىڭ اسقاق سيمفونياسىن شارىقتاتتى.

كەدەيلىكتەن ارىلتۋدىڭ تابىستارى تيانشان الابىنا يگىلىك جەتكىزدى

  ”ۇيىمدە 2 سيىر، 8 قوي عانا بار ەدى، ۇيدەگىلەردىڭ ءىشىپ - جەمى مەن كيىم - كەشەگىن بىلاي قويعاندا، 3 بالانى وقىتۋ كەرەك، مۇنداي كۇندەر ەندى قانشاعا جالعاسار ەكەن؟“ بۇرىن كۇنلۇن تاۋىنىڭ تەرەڭ ساي، قاتەرلى اڭعارىندا تۇرىپ كەلگەن ابىلەمەت ابىليكىم ايەلىنىڭ وسىلاي دەگەنىن ەستىپ، لاجىسىزدان تەك كۇرسىنىپ، باس شايقاۋمەن عانا بولاتىن.

  2017 - جىلى مەملەكەت شينجياڭعا قونىس جاڭالاپ كەدەيلەردى سۇيەمەلدەۋ ارناۋلى قارجىسىنان 8 ميلليارد 500 ميلليون يۋاننان استام اقشا ءبولدى، ىزىنشە قاعىلىق اۋدانى اقتاش قونىس جاڭالاپ كەدەيلەردى سۇيەمەلدەۋ اۋماعىنىڭ قۇرىلىسى باستالدى. تولىق تەكسەرۋ - زەرتتەۋ جۇرگىزۋ، ەگجەي - تەگجەيلى انىقتاۋدان كەيىن ابىلەمەت وتباسىن قامتىعان 14 مىڭنان استام كەدەي بۇقارا كوشىرىلەتىن وبيەكتى بولىپ بەلگىلەندى.

  ءشول دالادان ءۇمىت قالاسى بوي كوتەردى. اقتاش قالاشىعى ىلگەرى - كەيىن قولعاپ زاۆودى، ەلەكتروندى بۇيىمدار زاۆودى، كيىم - كەشەك زاۆودى سياقتىلاردى ەنگىزىپ، 1000نان استام كەدەي بۇقارانى جاقىن جەردە جۇمىستانۋعا باۋرادى.

  تاۋدان كوشىپ تۇسكەن سوڭ ابىلەمەت جەرگىلىكتى ۇكىمەت ۇيىمداستىرعان جۇمىستاندىرۋ كۋرسىنا قاتىناسىپ، دانەكەرلەپ جالعاۋ، توكشى سياقتى قاتىستى جۇمىسپەن شۇعىلدانۋ تولىمدىلىگى كۋالىگىن الدى. ول قۇرىلىس ورنىنان ءساتتى تۇردە جۇمىس تاۋىپ ىستەپ، ايىنا، كەمىندە، 4000 يۋان كىرىس كىرگىزىپ، ءبىر ءۇيلى جان بولاشاق ومىرگە نىق سەنىم بايلادى.

  جاپپاي دوڭگەلەك داۋلەتتىلىككە جەتۋ جولىندا بىردە - بىرەۋىنىڭ قاتاردان قالۋىنا بولمايدى. ىقىلاستى تىلەك، شىنايى، تەرەڭ قامقورلىق تيانشان الابىن جىلى شۋاققا شومىلدىرىپ، جويقىن قوزعاۋشى كۇشكە اينالدى.

  2014 - جىلدان 2019 - جىلعا دەيىن ورتالىق قازىنا اۆتونوميالى رايون مەن شينجياڭ ءوندىرىس - قۇرىلىس بيڭتۋانىنا اۋىستىرىپ تولەگەن سوما 263 ميلليارد 690 ميلليون يۋاننان 422 ميلليارد 480 ميلليون يۋانعا كوتەرىلىپ، جىلىنا ورتا ەسەپپەن %10.4 ارتىپ، 6 جىلدا جيىنى شينجياڭعا 2 تريلليون يۋاننان استام قولداۋ كورسەتىلىپ، قارجىنىڭ ءتۇيىنى وڭتۇستىك شينجياڭعا بەيىمدەلدى.

  اۆتونوميالى رايوندىق پارتكوم مەن حالىق ۇكىمەتى قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، كەدەيلىكتەن ارىلتۋدان قامال الۋدى شينجياڭداعى ەڭ ۇلكەن حالىق تۇرمىسى ينجەنەرياسى جانە ماڭىزدى ساياسي مىندەت ەتە وتىرىپ بار كۇشپەن ىلگەرىلەتتى. ءبىر ميلليون 660 مىڭ شارشى كيلومەتر كەلەتىن بايتاق دالادا كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزەتىن، شەشۋشى جەڭىسىنە جەتەتىن قۋاتتى كۇش ۇيىستىرىلدى.

كاسىپ سالاسىن سۇيەمەلدەپ، كۇشەيتىپ، اۋىل - قىستاقتىڭ ومىرشەڭدىك كۇشى قاۋلادى

  قىسقى سايابىر مەزگىل قىسقى قاربالاستىققا وزگەرىپ، تۇرمىس بارعان سايىن شالقي ءتۇستى. قىس كەزىندەگى يىڭسار اۋدانى وچا قالاشىعى تومەنجارباق قىستاعىندا تىگىن ماشينالارىنىڭ سارتىلداعان داۋىسى قىستاق باسىنداعى قولعاپ زاۆودىنان ەمىس - ەمىس ەستىلىپ تۇردى.

  نۇرلاگۇل تۇرعۇن زاۆودتا ءبىر گرۋپپانىڭ باستىعى. ول وسى جەردە زاۆود قۇرىلعاننان بەرى جۇمىستا، ايىنا 2500 يۋان ەڭبەكاقى الادى ءارى بۇل جىل سايىن ءوسىپ كەلەدى. ”قازىرگى تابىسىم وتە تۇراقتى، كۇندەرىم وتە الاڭسىز ءوتىپ جاتىر“، - دەيدى ول.

  كەدەيلەردى سۇيەمەلدەۋدىڭ باياندى بولۋىنىڭ تەتىگى − كاسىپ سالاسىندا. كاسىپ سالاسى ارقىلى كەدەيلەردى سۇيەمەلدەۋ كەدەي بۇقارانى كەدەيلىكتەن ارىلۋعا، كىرىسىن ارتتىرۋعا جەتەكتەيتىن باستى جولعا اينالدى.

  2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى پارتيا ورتالىق كوميتەتىنىڭ قامقورلىعى مەن قولداۋىندا، وڭتۇستىك شينجياڭداعى 4 ايماق - وبلىستىڭ كاسىپ سالالارى كىشكەنەدەن زورايىپ، السىزدەن كۇشەيىپ، قارىشتاپ دامۋدىڭ تاماشا بەتالىسىن بايقاتتى. مەملەكەتتىك كەڭەس كەڭسەسى «شينجياڭنىڭ توقىماشىلىق، كيىم - كەشەك كاسىپ سالاسىن دامىتۋدى قولداپ، جۇمىستاندىرۋدى جەبەۋ جونىندەگى جەتەكشى پىكىردى» باسىپ تاراتىپ، توقىماشىلىق، كيىم - كەشەك كاسىپ سالاسىن دامىتۋ ارناۋلى قارجىسىن بەلگىلەپ، ورتالىق قازىنا ءار جىلى 2 ميلليارد يۋان ورنالاستىردى ءارى ارتقان قۇن سالىعىن قايتارىپ بەرۋ، قوعامدىق قامسىزداندىرۋ جانە باۋلۋ جاردەماقىسى، تاسىمالداۋ قوسىمشا قاراجاتى، ەلەكتر اقىسى سياقتى جاقتاردا تيىمدىلىك جاساۋ ساياساتىن اتقاردى. 2019 - جىلى شينجياڭنىڭ توقىماشىلىق، كيىم - كەشەك كاسىپ سالاسىن دامىتۋدىڭ قاتىستى تيىمدىلىك جاساۋ ساياساتتارىنىڭ اتقارىلۋ مەرزىمىن 2023 - جىلعا دەيىن ۇزارتتى ءارى تيىمدىلىك جاساۋ كولەمىن باسقا دا قاتىستى ەڭبەك شوعىرلانعان كاسىپ سالالارىنا دەيىن كەڭەيتتى.

  2014 - جىلدان 2019 - جىلعا دەيىن تەك شينجياڭنىڭ توقىماشىلىق، كيىم - كەشەك كاسىپ سالاسىندا جيىنى تۇراقتى مۇلىككە 170 نەشە ميلليارد يۋان قارجى قوسۋدى ورىنداپ، 2200دەن استام توقىماشىلىق، كيىم - كەشەك كاسىپورنى جاڭادان ارتىپ، جيىنى 450 مىڭنان استام ادام تىڭنان جۇمىستاندى.

  كاسىپ سالاسىنىڭ دامۋىنا ارقا سۇيەگەن كەدەيلىكتەن ارىلتۋدىڭ ”قان جاساۋ“ مەحانيزمى مەن باسقا كاسىپكە ويىستىرىپ جۇمىستاندىرۋ جاعدايى قالىپتاستى، شينجياڭ بارلىق ەڭبەك قابىلەتى بار كەدەي وتباسىلارىنىڭ، كەم دەگەندە، ءبىر ادامىن جۇمىستاندىرۋدى ورىندادى. شەبەرلىگى، ىستەيتىن جۇمىسى، تاپقاق اقشاسى بار بولۋ ءار ۇلت حالقى تۇرمىسىنىڭ ەرەكشەلىگنە اينالدى.

  ءبىرسىپىرا تيىمدىلىك جاساۋ ساياساتتارى تەز ارادا تياناقتاندى، ءارقايسى كەدەيلىكتەن ارىلتۋدان قامال الۋدىڭ نەگىزگى شايقاس مايدانى ”ەكىدەن تارىقتىرماۋ، ءۇشتى قامتاماسىز ەتۋدى“، ءالسىز تۇستاردى كۇشەيتىپ، ولقىلىقتاردى تولىقتاۋدى توڭىرەكتەي وتىرىپ، اۋىل - قىستاق كاسىپ سالاسى قۇرىلىمىن رەتتەۋدى توڭىرەكتەي وتىرىپ ۇزدىكسىز قۇلشىنىس جاسادى.

  2020 - جىلى تومەنجارباق قىستاعىنىڭ ادام باسىنا شاققانداعى ورتاشا كىرىسى 11 مىڭ يۋان بولىپ، 2019 - جىلداعىدان 2000 يۋاننىڭ اينالاسىندا ارتتى. قىستاق تۇرعىندارىنىڭ تۇرمىسى بارعان سايىن جاقسارا ءتۇستى.

قامال الىپ، تاريحي جاۋاپناما جازدى

  ورتالىقتىڭ شينجياڭنىڭ نەگىزدىك قۇرىلعى قۇرىلىستارىن قولداۋى ماكرولىق جاقتان ايتقاندا كەدەي وڭىرلەردىڭ بولاشاقتىق دامۋىنا تاماشا نەگىز قالاپ، دامۋدىڭ ارىنىن قاۋلاتتى.

  جەر - جەر ”ەكىدەن تارىقتىرماۋ، ءۇشتى قامتاماسىز ەتۋدى“ تىعىز ۇشتاستىرىپ، ”التى دالمە - ءدال بولۋدى“ تياناقتاندىرىپ، ”جەتى ءبىر توپتى“، ”ۇشتە سەرپىندى ارتتىرۋدى“ ىلگەرىلەتىپ، ءبىر - بىرلەگەن ”كەدەيلىك قامالدارىن“ ىركەس - تىركەس الدى.

  2019 - جىلدىڭ سوڭىندا شينجياڭ اۋىل - قىستاقتارداعى كەدەي حالىقتىڭ قاتەرلى ۇيدە وتىرۋ تاريحىن تۇبەگەيلى اياقتاتىپ، 675 مىڭ 600 كەدەي وتباسىنىڭ تۇرعىن ءۇي حاۋىپسىزدىك ماسەلەسىن شەشىپ، 170 مىڭعا جۋىق كەدەي بۇقارا قونىس جاڭالاپ جاڭا ۇيگە قۋانا كوشىپ كىردى.

  2020 - جىلى 6 - ايدا ءپايزاۋات اۋدانىندا قالا، اۋىل اۋىز سۋ حاۋىپسىزدىگى ينجەنەرياسى بويىنشا جاپپاي سۋ جەتكىزىلۋگە ىلەسە بۇكىل اۋدانداعى 15 مىڭ 300 كەدەي حالىق ”الاڭسىز سۋ“ ىشە الدى. وسىمەن شينجياڭداعى بارلىق كەدەي حالىق اشتى سۋعا تۇبەگەيلى قوش ايتىپ، اۋىز سۋ حاۋىپسىزدىگىن جالپى بەتتىك جۇزەگە اسىردى.

  قىسقا عانا بىرنەشە جىلدا تۇتاس رايونداعى 3666 كەدەي قىستاقتىڭ بارلىعىنا قاتايتىلعان جول، قوزعاۋشى كۇش ەلەكترى، راديو - تەلەۆيزيا، كەڭ بەلدەۋلى توراپ تۇتاستىرىلىپ، كەدەي بۇقارانىڭ تۇرمىس شارت - جاعدايىندا وراسان زور وزگەرىس تۋىلىپ، ولارعا ءتىپتى دە كوپ كەدەيلىكتەن ارىلىپ بايۋ جولىنا ءتۇسۋدىڭ ورايىن الا كەلدى.

  بۇل كۇندەرى تيانشان الابىنا كوز جىبەرسەڭىز، ۇشاقتار بۇلتتى ءتىلىپ سامعاعان، اۆتوموبيلدەر قۇلا تۇزدە زاۋلاعان، قالالاردىڭ شىت جاڭا بەينەسىن، اۋىل - قىستاقتاردىڭ سۋرەتتەي كوركەم كەستەسىن كورە الاسىز... ”14 - بەسجىلدىق“ باستالعان جىلى شينجياڭداعى ءار ۇلت كادر - بۇقاراسى العان بەتتەن قايتپاي، تاباندى دا تىڭعىلىقتى تۇردە قايراتتانا ىستەپ، اۋىل - قىستاقتى گۇلدەندىرۋ نىساناسىنا قاراي ۇزدىكسىز ارشىندى قادام تاستاماق.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.