تيانشان تورى   ›   جاڭالىقتار   ›   سۋرەتتى حابار

جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى اۆتونوميالى رايوندىق ماداقتاۋ - سيلاۋ جينالىسى سالتاناتپەن وتكىزىلدى

چىن چۋانگو قاتىناستى ءارى ءسوز سويلەدى

شوكىرات زاكىر باسقاردى، شاۋكەت يمىن، نۇرلان ءابىلماجىن، ۋاڭ جۇنجىڭ قاتىناستى، لي پىڭشين ماداقتاۋ - سيلاۋ قارارىن وقىدى

  1 - ايدىڭ 20 - كۇنى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى اۆتونوميالى رايوندىق ماداقتاۋ - سيلاۋ جينالىسى شينجياڭ حالىق سارايىندا سالتاناتپەن وتكىزىلدى. سۋرەتتە: جينالىس زالى.

□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت / شينجياڭ گازەتىنىڭ تىلشىلەرى ياۋ تۇڭ، ۋاڭ شيڭرۇي 1 - ايدىڭ 20 - كۇنى ۇرىمجىدەن حابارلايدى. 1 - ايدىڭ 20 - كۇنى تۇستەن بۇرىن جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى اۆتونوميالى رايوندىق ماداقتاۋ - سيلاۋ جينالىسى شينجياڭ حالىق سارايىندا سالتاناتپەن وتكىزىلدى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋيى چىن چۋانگو جينالىسقا قاتىناستى ءارى ءسوز سويلەدى. ول بىلاي دەپ باسا دارىپتەدى: باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسىندا سويلەگەن ماڭىزدى ءسوزىنىڭ رۋحىن مۇقيات دايەكتىلەندىرىپ، تياناقتاندىرىپ، ىندەتكە قارسى اتتانۋ ۇلى رۋحىن اسقاقتاتىپ، ىنتىماقتاسا ەكپىندەي ىلگەرىلەۋ كۇشىن ۇيىستىرىپ، قاجىماي - تالماي ەرلىكپەن شايقاسىپ، قاجىرلىلىقپەن كۇرەس جاساپ، جاڭا داۋىردە جۇڭگوشا سوتسياليستىك شينجياڭ قۇرۋ ءۇشىن تالىقپاي كۇرەس جۇرگىزۋ كەرەك.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر جينالىستى باسقاردى. اۆتونوميالى رايوننىڭ باسشىلارىنان شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين، شۇي حايرۇڭ، ەركىن تۇنياز، لي يفي، سارقىت اقان، ياڭ شين، جاڭ چۇنلين، ۋاڭ ميڭشان قاتارلىلار جينالىسقا قاتىناستى.

  ساعات 10نان 30 مينۋت وتكەندە جينالىس باستالدى. كوپشىلىك ورىندارىنان تۇرىپ جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى. اۆتونوميالى رايوندىق پارتكومنىڭ ورىنباسار شۋجيى لي پىڭشين «اۆتونوميالى رايوندىق پارتكومنىڭ، اۆتونوميالى رايوندىق حالىق ۇكىمەتىنىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى اۆتونوميالى رايوندىق وزات جەكەلەردى جانە وزات كوللەكتيۆتەردى ماداقتاۋ - سيلاۋ جونىندەگى قاراردى»، «اۆتونوميالى رايوندىق پارتكومنىڭ اۆتونوميالى رايوندىق تاڭداۋلى كوممۋنيستىك پارتيا مۇشەلەرىن جانە وزات نەگىزگى ساتى پارتيا ۇيىمدارىن ماداقتاۋ - سيلاۋ جونىندەگى قاراردى» وقىدى. چىن چۋانگو، شوكىرات زاكىر قاتارلىلار ماداقتالىپ - سيلانعان جەكەلەردىڭ جانە كوللەكتيۆتەردىڭ ۋاكىلدەرىنە سيلىق تاراتتى.

  چىن چۋانگو سوزىندە اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس، بيڭتۋان اتىنان ىندەتكە قارسى كۇرەستە ەلەۋلى ۇلەس قوسقان قالىڭ ەمدەۋ قىزمەتكەرلەرىنە، اۋرۋدان ساقتانۋ جانە ونى تىزگىندەۋ قىزمەتكەرلەرىنە، شينجياڭدا تۇراتىن اسكەري بولىمدەردىڭ جانە قارۋلى ساقشى ءبولىمىنىڭ وفيتسەر - اسكەرلەرىنە، عىلىم - تەحنيكا قىزمەتكەرلەرىنە، الەۋمەتتىك اۋماق قىزمەتكەرلەرىنە، قوعام حاۋىپسىزدىگى حالىق ساقشىلارىنا، كومەكشى ساقشىلارىنا، توتەنشە جاعداي بويىنشا قۇتقارۋ - كومەكتەسۋ قىزمەتكەرلەرىنە، اقپارات قىزمەتكەرلەرىنە، نەگىزگى ساتىعا تۇسكەن كادرلارعا، قىستاقتا تۇراتىن كادرلارعا، ەرىكتىلەرگە، سونداي - اق ءار ۇلت حالىق بۇقاراسىنا، بۇكىل رايونداعى ءار دارەجەلى پارتيا، ۇكىمەت ورگاندارىنداعى جانە كاسىپورىندارداعى، ءىسورىندارىنداعى قالىڭ پارتيا مۇشەلەرىنە، كادرلارعا، جۇمىسشى - قىزمەتكەرلەرگە، شينجياڭ ءوندىرىس - قۇرىلىس بيڭتۋانىنداعى كادرلارعا، جۇمىسشى - قىزمەتشىلەرگە وسكەلەڭ قۇرمەت ءبىلدىردى! ىندەتكە قارسى اتتانۋ كۇرەسىنە بەلسەنە ات سالىسقان ءارقايسى دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، ءارقايسى حالىقتىق ۇيىمدارعا، سونداي - اق قوعامنىڭ ءار سالاسىنداعىلارعا، رايونىمىزدىڭ ىندەتكە قارسى اتتانۋىنا كۇش سالا قولداۋ كورسەتكەن مەملەكەتتىڭ مينيسترلىكتەرىنە، كوميتەتتەرىنە، ورتالىقتىڭ شينجياڭدا تۇراتىن مەكەمە - ورىندارىنا، تۋىسقان ولكە، قالا، رايوندارعا شىن جۇرەكتەن العىس ايتتى!

  چىن چۋانگو بىلاي دەپ اتاپ كورسەتتى: توسىن كەلگەن جاڭا تيپتى ايدارشا ۆيرۋس وكپە قابىنۋ ىندەتى الدىندا باس شۋجي شي جينپيڭ تىكە قولباسشىلىق ىستەپ، تىكە ورنالاستىرۋ جاساپ، شي جينپيڭ جولداستى ۇيتقى ەتكەن پارتيا ورتالىق كوميتەتى جالپى جاعدايدى ءبىر تۇتاس مەڭگەرىپ، كەسكىن شەشىم جاساپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، حالىقتىڭ ءومىرىنىڭ حاۋىپسىزدىگى مەن دەنساۋلىق اقاۋسىزدىعىن ءبىرىنشى ورىنعا قويىپ، بۇكىل پارتيا، بۇكىل ارميا، بۇكىل ەلدەگى ءار ۇلت حالقى جوعارىدان تومەنگە دەيىن ءبىر نيەتتە بولىپ، بار كۇش - قۋاتىن جۇمساپ، توتەنشە شارا ارقىلى توتەنشە ىسكە توتەپ بەرىپ، ىندەتتەن ساقتانۋ - تىزگىندەۋدىڭ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن باستاپ، ىندەتكە قارسى اتتانۋدىڭ توتەنشە ماشاقاتتى، اسقاق ايبىندى ۇلى كۇرەسىن جۇرگىزىپ، ىندەتكە قارسى اتتانۋ مەملەكەتتىك كۇرەسىنىڭ كەلەلى ستراتەگيالىق جەتىستىگىنە قول جەتكىزىپ، ادامزاتتىڭ سالماقتى جۇقپالى اۋرۋلارمەن كۇرەس جاساۋ تاريحىنىڭ ۇلى پاراعىن جازدى. ”ءتورت تانىمدى“ شىن مانىندە كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ رۋحىمەن باتىل بىرلىككە كەلتىرىپ، ىندەتكە قارسى اتتانۋ كۇرەسىندە توپتاعان قۇندى تاجىريبەلەردى، تۇيگەن ماڭىزدى ويلاردى، سومداعان ۇلى رۋحتى شينجياڭ قىزمەتىنىڭ ءار جاعىمەن توعىستىرىپ، ”14 - بەسجىلدىق“ جاڭا جورىعىندا ەكپىندەي ىلگەرىلەۋدىڭ، شينجياڭ قىزمەتىن جاقسى ىستەۋدىڭ پارمەندى قوزعاۋشى كۇشىنە جانە ءىس جۇزىندىك ارەكەتىنە اينالدىرۋىمىز كەرەك.

  چىن چۋانگو بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكوم، ۇكىمەت جانە بيڭتۋان پارتكومى پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، ورتالىقتىڭ ىندەتكە توتەپ بەرۋ قىزمەتى باسشىلىق گرۋپپاسىنىڭ جانە مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمىنىڭ قىزمەت ورنالاستىرۋلارىن تياناقتاندىرىپ، تۇتاس شينجياڭ ءبىر تۇتاس جۇيە، بيڭتۋان مەن جەرگىلىكتى ورىن ءبىر تۇتاس جۇيە دەگەنگە تاباندى بولىپ، سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ سىندى باس تالاپتى جاپپاي دايەكتىلەندىرىپ، ”ءتورت ەرتە بولۋ“ تالابىنا تاباندى بولىپ، ”ءتورت جاقتىڭ“ جاۋاپكەرشىلىگىن ناقتىلاپ، سىرتتان كىرۋدەن ساقتانىپ، ىشتە قايتا بەلەڭ بەرۋدەن ساقتانىپ، بىرلەسىپ ساقتانىپ، بىرلەسىپ تىزگىندەپ، بۇقارالىق ساقتانىپ بۇقارالىق جونگە سالىپ، ىندەتتەن ساقتانۋ - تىزگىندەۋدىڭ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن بار كۇشپەن جاقسى جۇرگىزۋ كەرەك. بۇكىل رايوننىڭ جوعارىدان تومەنگە دەيىن جاپا - ماشاقاتپەن تىنباي قۇلشىنۋىندا ىندەتتەن ساقتانۋ - تىزگىندەۋ كۇرەسىنىڭ ەلەۋلى تابىسىنا قول جەتىپ، قوعامدىق كەلەلى جاعدايدىڭ ۇزدىكسىز ورنىقتىلىعىنا، ەكونوميكانىڭ ورنىقتى، اقاۋسىز دامۋىنا، كەدەيلىكتەن ارىلتۋدان قامال الۋ مىندەتتەرىنىڭ دەر كەزىندە ورىندالۋىنا شىنايى كەپىلدىك ەتىلىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزۋگە پارمەندى نەگىز قالاندى. ىندەتكە قارسى اتتانۋ كۇرەسى سىندى وسى ۇلكەن شايقاستا، ۇلكەن سىناقتا بۇكىل رايونىمىزداعى 25 ميلليوننان استام كادر، بۇقاراسى تىزە قوسىپ، جۇرەك توعىستىرىپ، بەرىك سەنىم، بەكەم ەرىك - جىگەرمەن، مويىماي قۇلشىنۋ ارقىلى قات - قابات سىناقتاردان سۇرىنبەي ءوتىپ، الەمدى اسەرلەندىرەتىن، ايبىنى اسقاق قاھارماندىق جىرلاردى جازدى. ماداقتالىپ - سيلانعان وزات كوللەكتيۆتەر مەن وزات جەكەلەر ىندەتكە قارسى اتتانۋدا كۇنى - ءتۇنى بۇلجىماستان، ءۇن - ءتۇنسىز ۇلەس قوسقان سان مىڭداعان ءار ۇلت كادرلارى مەن بۇقاراسىنىڭ تاڭداۋلى ۋاكىلدەرى. بۇكىل قوعام وزاتتاردى ۇلگى تۇتىپ، ولاردىڭ ولىمنەن جاسقانبايتىن، اتويلاپ الدا جۇرەتىن قاھارماندىق جىگەرىنەن، ادال، جاۋاپكەرشىلىك ارقالايتىن، العان بەتىنەن قايتپايتىن ەرىك - جىگەرىنەن، قاسيەتىنەن، قىزمەت ورنىندا تاباندى بولىپ، كاسىبىن قاستەرلەپ، ۇلەس قوساتىن تاماشا ستيلىنەن، كەۋدە كەرە العا شىعاتىن، جاستىق جالىنى قاۋلاعان داۋىرلىك جاۋاپكەرشىلىك ارقالاۋىنان، ءبىر نيەتپەن ىنتىماقتاسىپ، ءوزارا قارايلاساتىن وتباسى - وتان سۇيىسپەنشىلىگىنەن ۇيرەنىپ، ىندەتتەن ساقتانۋ - تىزگىندەۋدى ۇدايىلاندىرۋدىڭ مىعىم بىرىككەن كۇشىن ۇيىستىرۋ كەرەك.

  چىن چۋانگو بىلاي دەپ باسا دارىپتەدى: باس شۋجي شي جينپيڭنىڭ ماڭىزدى ءسوزىنىڭ رۋحىن قوزعاۋشى كۇش ەتىپ، ۇلى رۋحتى اسقاقتاتىپ، العا باسۋعا كۇش - قۋات قابىلداپ، سەنىمدى، بەكىمدى قاۋلاتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ ولكە - مينيسترلىك دارەجەلى نەگىزگى باسشى كادرلاردىڭ پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ - تالقى كۋرسىنىڭ وقۋ باستاۋ سالتىنداعى سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، ورتالىقتىڭ ەكونوميكالىق قىزمەت ءماجىلىسىنىڭ، مەملەكەتتى جاپپاي زاڭمەن جونگە سالۋ قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى جانە باياندى تىنىشتىق باس نىساناسىن مىقتاپ يگەرىپ، جاڭا دامۋ كەزەڭىن دالمە - ءدال يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، دامۋ مەن حاۋىپسىزدىكتى ءبىر تۇتاس جوسپارلاپ، ىندەتتەن ساقتانۋ - تىزگىندەۋدى ۇدايىلاندىرۋ، قوعام ورنىقتىلىعى، ءوندىرىس حاۋىپسىزدىگى قىزمەتتەرىن ۇزدىكسىز ويداعىداي يگەرىپ، ءبىر نيەتپەن ىنتىماقتاسىپ، ەل بىرلىگىنەن بەرىك قامال تۇرعىزىپ، ورنىقتىلىق، دامۋدىڭ ءتۇرلى قىزمەتتەرىندە جاڭا ناتيجەگە قول جەتكىزۋدى ەكپىندەي ىلگەرىلەتۋ كەرەك.

  ءبىرىنشى، ىندەتكە قارسى اتتانۋ ۇلى رۋحىن اسقاقتاتىپ، ساياسي تانىمدى ونان ارى كۇشەيتىپ، ”ەكىنى قورعاۋدى“ باتىلدىقپەن ورىنداۋ كەرەك. تۋى ايقىن تۇردە ساياسيدى دارىپتەۋگە تاباندى بولىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، باستان - اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، بۇلجىماستان باس شۋجي شي جينپيڭ نۇسقاعان دۇرىس بەتالىستى بويلاپ العا ىلگەرىلەۋ كەرەك.

  ەكىنشى، ىندەتكە قارسى اتتانۋ ۇلى رۋحىن اسقاقتاتىپ، ىندەتتەن ساقتانۋ - تىزگىندەۋدى تيتتەي دە بوساڭسىماستان ويداعىداي يگەرىپ، ساقتانۋ - تىزگىندەۋ تابىستارىن بەكەمدەۋ كەڭەيتۋ كەرەك. ىندەتتەن ساقتانۋ - تىزگىندەۋ سىندى وسى ارقاۋدى قاي - قاشان دا مىقتاپ شيراتىپ، سالعىرتسۋ يدەياسىن، باق سىناۋ پسيحيكاسىن باتىل جەڭىپ، ”ءتورت ەرتە بولۋ“ تالابىنان جازباي، ”ءتورت جاقتىڭ جاۋاپكەرشىلىگىن“ ناقتىلاندىرىپ، ءار دارەجەلى توتەنشە جاعدايعا توتەپ بەرۋ، قولباسشىلىق ەتۋ جۇيەسىنىڭ ۇدايىلانعان جۇمىس جۇرگىزۋىنە تاباندى بولىپ، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ شارالارىن قاتايتىپ، باقىلاۋ جانە تەكسەرۋ، ساقتاندىرۋ مەحانيزمىن ناقتى، ەگجەي - تەگجەيلى تياناقتاندىرىپ، توتەنشە جاعدايعا توتەپ بەرۋ بويىنشا جاتتىعۋدى كۇشەيتىپ، جاۋاپكەرشىلىكتى تياناقتاندىرۋدى كۇشەيتىپ، زاڭ بويىنشا ساقتانۋ - تىزگىندەۋ، عىلمي ساقتانۋ - تىزگىندەۋ، دالمە - ءدال ساقتانۋ - تىزگىندەۋ قابىلەتىن كۇش سالا جوعارىلاتىپ، ىندەتتىڭ كولەمدەنىپ سىرتتان كىرۋى مەن قايتا بەلەڭ بەرۋىنەن باتىل ساقتانۋ كەرەك.

  ءۇشىنشى، ىندەتكە قارسى اتتانۋ ۇلى رۋحىن اسقاقتاتىپ، الەۋمەتتىك دەنساۋلىق ساقتاۋ قىزمەت كورسەتۋ جۇيەسىن اقاۋسىزداندىرىپ، سالاماتتى شينجياڭ قۇرۋعا قۇلشىنۋ كەرەك. حالىقتى وزەك ەتكەن دامۋ يدەياسىنا تاباندى بولىپ، حالىقتىڭ سالاماتتىعىن ەڭ الدىمەن دامىتاتىن ستراتەگيالىق ورىنعا قويۋعا تاباندى بولىپ، حالىق تۇرمىسىن قامتاماسىزداندىرۋ، جاقسارتۋ سەرپىنىن ۇزدىكسىز ارتتىرىپ، دەنساۋلىق ساقتاۋ جانە سالاماتتىق ىستەرىن جەدەل دامىتىپ، جالپى حالىقتىق سالاماتتىق ينجەنەرياسىن اتقارىپ، جاڭا داۋىردەگى وتانشىلدىق تازالىق ارەكەتىن جالپى بەتتىك ورىستەتىپ، نەگىزگى ساتى دەنساۋلىق ساقتاۋىنا بايلىق ۇسىنىلىمىن ۇزدىكسىز ارتتىرىپ، سالاماتتى شينجياڭ قۇرىلىسىن جاپپاي ىلگەرىلەتۋ كەرەك.

  ءتورتىنشى، ىندەتكە قارسى اتتانۋ ۇلى رۋحىن اسقاقتاتىپ، جاڭا دامۋ ۇستانىمىن ىشكەرىلەي دايەكتىلەندىرىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك. كەدەيلىكتەن ارىلتۋ تابىستارىن بەكەمدەپ، كەڭەيتىپ، كومەكتەسۋ، سۇيەمەلدەۋ ساياساتىنىڭ جالپى تۇلعالىق ورنىقتىلىعىن ساقتاپ، ”ءتورتتى توقتاتپاۋ“ تالابىن قاتاڭ تياناقتاندىرىپ، كەدەيلىكتەن جاپپاي ارىلتۋ مەن اۋىل - قىستاقتى گۇلدەندىرۋدىڭ ءونىمدى ءتۇيىلىسۋىن ىلگەرىلەتۋ؛ ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ورنىقتىلىق بارىسىندا ىلگەرىلەۋ قىزمەت ارناسىنا تاباندى بولىپ، جاڭالىق اشۋ ارقىلى دامۋعا دەم بەرۋ، ەرەكشە، باسىمدىققا يە كاسىپ سالالارىن زورايتۋ، ىشكى سۇرانىستى كەڭەيتۋ، رەفورما جاساۋ، ەسىك اشۋدى تەرەڭدەتۋ، اۋىل - قىستاقتى گۇلدەندىرۋدى ىلگەرىلەتۋ، جاڭاشا قالا - قالاشىقتاندىرۋ، ەكولوگيالىق ورتانى قورعاۋ قۇرىلىسى، حالىق تۇرمىسىن قامتاماسىز ەتۋ، جاقسارتۋ، بيڭتۋان مەن جەرگىلىكتى ورىننىڭ توعىسپالى دامۋى سياقتى قىزمەتتەردى كۇش سالا ويداعىداي يگەرىپ، ەكونوميكانىڭ جوعارى ساپالى دامۋىن بار كۇشپەن ىلگەرىلەتۋ كەرەك.

  بەسىنشى، ىندەتكە قارسى اتتانۋ ۇلى رۋحىن اسقاقتاتىپ، قوعامدىق جونگە سالۋ قابىلەتى ورەسىن جوعارىلاتىپ، قوعامدىق كەلەلى جاعدايدىڭ ۇزدىكسىز ورنىقتىلىعىن، ۇزاق ۋاقىت ورنىقتىلىعىن ساقتاۋ كەرەك. سوتسياليستىك زاڭمەن جونگە سالۋ تۋىن بيىك ۇستاپ، زاڭمەن جونگە سالۋ رۋحىن اسقاقتاتىپ، نازاردى باس نىساناعا شوعىرلاندىرىپ، كەشەندى شارانى ويداعىداي جۇرگىزىپ، قوعامدىق جونگە سالۋ جۇيەسى مەن قالا، اۋىل نەگىزگى ساتىلارىن جونگە سالۋ جۇيەسىن جەدەل كەمەلدەندىرىپ، بىرگە قۇرىپ، بىرگە جونگە سالىپ، بىرگە يگىلىكتەنەتىن قوعامدىق جونگە سالۋ جۇلگەسىن تۇلعالاپ، شينجياڭنىڭ جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن ىلگەرىلەتۋ كەرەك.

  التىنشى، ىندەتكە قارسى اتتانۋ ۇلى رۋحىن اسقاقتاتىپ، پارتيانىڭ باسشىلىعىن جاپپاي كۇشەيتىپ، جوعارى ساپالى كادرلار قوسىنىن قۇرۋ كەرەك. پارتيانىڭ جاپپاي باسشىلىعىنا تيتتەي دە اۋىتقىماستان تاباندى بولىپ جانە ونى كۇشەيتىپ، پارتيانىڭ ساياسي قۇرىلىسىن ءبىر تۇتاس باسشىلىققا الىپ، مۇرات، سەنىم تاربيەسىن كۇشەيتىپ، ىندەتكە قارسى اتتانۋ ۇلى رۋحىن، ۇلت رۋحىن جانە ءداۋىر رۋحىن بار كۇشپەن اسقاقتاتىپ، توراڭعى رۋحى مەن بيڭتۋان رۋحىن امالياتتا ايگىلەپ، ءار دارەجەلى باسشىلىق القالارىنىڭ، پارتيانىڭ نەگىزگى ساتى ۇيىمدارىنىڭ جانە ءار ۇلت كادرلارى قوسىنى قۇرىلىسىن كۇشەيتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا پارمەندى كەپىلدىك ازىرلەۋ كەرەك.

  ماجىلىستە اۆتونوميالى رايوندىق وزات نەگىزگى ساتى پارتيا ۇيىمدارى ۋاكىلى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋىن مەديتسينالىق قۇتقارۋ - ەمدەۋ جونىنەن بەلگىلەنگەن شيپاحانانىڭ باستىعى يۇي ايپيڭ، اۆتونوميالى رايوندىق تاڭداۋلى كوممۋنيستىك پارتيا مۇشەلەرىنىڭ ۋاكىلى، قاشقار قالاسى وستەڭبويى ءمالىسى يۇمۇلاقشاھار جولى الەۋمەتتىك اۋماعى پارتيا باس ياچەيكاسىنىڭ شۋجيى ياحۇتگۇل سۇلتان، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى اۆتونوميالى رايوندىق وزات كوللەكتيۆتەردىڭ ۋاكىلى، ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى توتەنشە قىزمەت ۇلكەن اترەتىنىڭ ۇلكەن اترەت باستىعى جوۋ گويۇي، جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى اۆتونوميالى رايوندىق وزات جەكەلەردىڭ ۋاكىلى، اۆتونوميالى رايوندىق اۋرۋدىڭ الدىن الۋ، تىزگىندەۋ ورتالىعى جۇقپالى اۋرۋلاردان ساقتانۋ - ەمدەۋ ءبولىمىنىڭ مەڭگەرۋشىسى ماحمۇت ءسوز سويلەدى.

  ماداقتاۋ، سيلاۋ جينالىسى تەلەۆيزور، تەلەفون ءماجىلىسى فورماسىندا وتكىزىلدى. اۆتونوميالى رايوندىق حالىق قۇرىلتايىنىڭ، ۇكىمەتتىڭ، ساياسي كەڭەستىڭ، بيڭتۋاننىڭ باسشىلىق القاسىنىڭ مۇشەلەرى، اۆتونوميالى رايوندىق جوعارى حالىق سوتى مەكەمەسىنىڭ، اۆتونوميالى رايوندىق حالىق پروكۋراتۋراسىنىڭ نەگىزگى جاۋاپتى جولداستارى، قارۋلى ساقشى ءبولىمى شينجياڭ باس اترەتىندەگى قاتىستى جاۋاپتى جولداستار ماجىلىسكە قاتىناستى. ماداقتالىپ، سيلانعان وزات كوللەكتيۆتەر مەن وزات جەكەلەردىڭ ۋاكىلدەرى، رايونعا (ورتالىققا) توتە قاراستى ورىندارداعى، ءارقايسى ايماق، وبلىس، قالالارداعى، اۋدان، قالا، رايوندارداعى، بيڭتۋاننىڭ ءارقايسى شى - قالا، تۋان - الاڭدارىنداعى جاۋاپتى جولداستار، ت. ب ماجىلىسكە قاتىستى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.