تيانشان تورى   ›   جاڭالىقتار   ›   ەل ءىشى حابارى

جۇڭگو كوممۋنيستىك پارتياسى 1 - قۇرىلتايىنىڭ ورنى: وسى ارادان اۋەلگى ماقساتتى كوردىك

□ شينحۋا اگەنتتىگىنىڭ تىلشىلەرى گو جيڭدان، ۋ جىندۇڭ

  شاڭحاي قالاسى شيڭيە جولى 76 - ءنومىر، جۇڭگو كوممۋنيستىك پارتياسى 1 - قۇرىلتايىنىڭ ورنى، 91 ميلليون 914 مىڭ جۇڭگو كوممۋنيستەرىنىڭ رۋحاني مەكەنى.

  بۇل كوپتەگەن ادام ”ءسوزسىز كەلەتىن“ جەر: ەڭ كوپ بولعاندا ءبىر جىلدا ءبىر ميلليون 470 مىڭ ادام - رەت ەكسكۋرسيالايتىن قىزىل جەر بەلگىسىن، مەن دە، ءسوز جوق، كەلىپ كورۋىم كەرەك؛

  كوپتەگەن ادام بۇل جەرگە ىززەت قۇرمەتپەن كەلەدى: پارتيا تۋى الدىندا مەن اۋەلگى ماقسات باستالعان جەردە پارتياعا كىرۋ سەرتىن قايتالاي ەسكە الامىن؛

  كوپتەگەن ادام: ءبىرىنشى 100 جىلدىعىن قارسى العان جۇڭگو كوممۋنيستىك پارتياسى ۇلى ناتيجەگە قالاي ءساتتى قول جەتكىزدى دەگەن ويمەن كەلەدى.

  1921 - جىلى جۇڭگو كوممۋنيستىك پارتياسى 1 - قۇرىلتايىنىڭ ورتاشا جاسى 28 جاستاعى 13 ۋاكىلى 18 شارشى مەترلىك بولمەدە ”بۇرىن بولىپ كورمەگەن ۇلى وزگەرىستى“ جوسپارلادى، جۇڭگو توڭكەرىسىنىڭ بەت - بەينەسى وسىدان باستاپ وزگەردى.

  ارادا ءبىر عاسىر ۋاقىت وتكەندە قازىرگى جاستار تاريحتى بايانداۋ بارىسىندا اۋەلگى ماقساتتى جەتكىزۋمەن بىرگە، قىزمەتتەگى وي جۇگىرتۋ بارىسىندا دا ەسەيۋدىڭ تابىسىنا كەنەلۋدە. ”مەن جاقسى ’اۋدارماشى‘ بولىپ، قىزىل تاريحتى جان - جاقتى، ءتۇيىندى تۇردە كورەرمەنگە جەتكىزەمىن“. جۇڭگو كوممۋنيستىك پارتياسى 1 - قۇرىلتايىنىڭ ورنى ەسكەرتكىش سارايىنداعى ”90 - جىلداردىڭ تۇلەگى“ تۇسىندىرمەشى لي شينتۇڭ بىلاي دەدى: ”ەكسكۋرسيالاۋشىلاردىڭ تۇسىندىرمەنى تىڭداعاننان كەيىن ’جۇڭگو كوممۋنيستىك پارتياسى نەلىكتەن يقۋاتتى‘ ەكەندىگى جونىندە ولارعا وزىندىك تولعانىس تۋدىرا السام، بۇل مەنىڭ شەكسىز داڭقىم بولماق“.

  «كوممۋنيستىك پارتياسى جارناماسىنىڭ» تۇڭعىش حانزۋ تىلىندەگى تولىق ماتىندىك اۋدارما نۇسقاسى، لي داجاۋ ىستەتكەن ءارىپ جازۋ ماشيناسى... جۇڭگو كوممۋنيستىك پارتياسى 1 - قۇرىلتايىنىڭ جۇرتى ەسكەرتكىش سارايىندا 120 مىڭ ساقتاۋلى بۇيىم بار. ەسكەرتكىش سارايىنىڭ ورىنباسار باستىعى شۇي ميڭ بىلاي دەدى: ”ءبىز مۇندا رۋحاني مەكەندى كۇزەتىپ، پارتيا قۇرۋ كەزىندەگى مادەني ەسكەرتكىشتەرگە، كورىنىستەرگە ’ءتىل ءبىتىرىپ‘، اسەرلى اڭگىمەلەر ارقىلى جۇڭگو كوممۋنيستەرىنىڭ اۋەلگى ماقساتىن تۇسىندىرەمىز“.

  حيكايا ايتاتىندار بارعان سايىن كوبەيدى. ەسكەرتكىش سارايىندا ”پارتيانىڭ تۋعان جەرى“ ەرىكتىلەر قىزمەت وتەۋ اترەتى بار، تاجىريبەلى پارتيا ىستەرى قىزمەتكەرىنەن قىزمەتكە ەندى عانا قاتىناسقان جاستارعا دەيىن كەلبەتتى، وقتاي ءتۇزۋ قارۋلى ساقشى جاۋىنگەرلەرىنەن ارمانشىل وقۋشىلارعا دەيىن تۇسىندىرمە ءسوزدى ولار كوڭىلدەرىنە تەرەڭ ۇيالاتقان ءارى اۋەلگى ماقسات، بورىش جونىندەگى سەزىنىستەرىن وزدەرىنىڭ قىزمەت ورىندارىنا، تۇرمىس ورتالارىنا الا قايتادى.

  حيكايا ايتۋدىڭ ءتاسىلى دە بارعان سايىن كوبەيدى. 2020 - جىلى ەسكەرتكىش سارايىنىڭ تۇسىندىرمەشىلەرى تىكە تاراتۋشىلار بولىپ ”وزگەرىپ“، ينتەرنەتتە تىكە تاراتۋ ارقىلى كورەرمەندى ”بۇلتتىق سارايدى ارالاۋعا“ باستادى؛ ەسكەرتكىش سارايى اۆياتسيا سەرىكتەستىگىمەن سەلبەستىك جاساپ، ”سارايداعى ماڭداي الدى اسىل“ − «كوممۋنيستىك پارتيا جارناماسىنىڭ» حيكاياسىن 10 مىڭ مەترلىك اۋەگە شىعارىپ، اۆياتسيا كەزەكشى ۇشاقتارىندا جولاۋشىلارعا پارتيا قۇرۋ حيكايالارىن باياندادى؛ ”ۋاڭجى جولى 106 - ءنومىر“ توڭازىتقىش جاپسىرماسى، ”شۋدىلي“ ەستەلىك داپتەرى، ”قۇپيا حات“ سالىنعان مادەني جاسامپازدىق قورابى... ەسكەرتكىش سارايىنىڭ مادەني جاسامپازدىق ۇجىمى ”ءارى قىزىل، ءارى زاماناۋي“ ونىمدەردى جاساپ، قىزىل تاريحتىڭ تارالۋىن جاڭا دانەكەرگە يە ەتتى.

  كۇتۋگە تاتيتىن ءىس تاعى دا كوپ. 2020 - جىلى 11 - ايدىڭ 17 - كۇنىنەن باستاپ، جۇڭگو كوممۋنيستىك پارتياسى 1 - قۇرىلتايىنىڭ ورنى مەن اۋەلگى كورمە زالى ەسىگىن ۋاقىتشا جاۋىپ جوندەۋ، جاڭالاۋ جۇرگىزدى. قازىر جوندەۋ قىزمەتى قاۋىرت جۇرگىزىلۋدە، تابيعي قابىرعا، توبەدەگى قاڭىلتاق كەرپىش، ەسىك ءماتشاسىنداعى گۇلدى ورنەك سياقتىلارعا ”كونەسىن باياعىسىنداي ەتىپ جوندەۋ“ پرينسيبى بويىنشا قايتادان قالپىنا كەلتىرۋ جۇرگىزىلىپ، 100 جىلدىق تاس قاقپالى كونە قۇرىلىستىڭ پارتيا قۇرىلعاندىعىنىڭ 100 جىلدىعىن شىت جاڭا بەينەمەن قارسى الۋىنا مۇمكىندىك جاسالدى.

  قۇرىلتاي جۇرتىمەن ىرگەلەس جەردە، جالپى جۇرت جۇمىلا كوز تىككەن جۇڭگو كوممۋنيستىك پارتياسى 1 - قۇرىلتايىنىڭ ەسكەرتكىش سارايى دا جەدەل سالىنۋدا. جاڭا نەگىزگى كورمە زالىنىڭ قۇرىلىس اۋدانى شامامەن 3700 شارشى مەتر، وندا نازاردى جۇڭگو كوممۋنيستىك پارتياسى قۇرىلعاندىعىنىڭ باستاپقى مەزگىلىندەگى شاڭحايداعى توڭكەرىس امالياتىنا شوعىرلاندىرىپ، 1000نان استام ءتۇرلى كورمە بۇيىمدارى كورسەتىلەدى، مۇنىڭ ىشىندە 600دەن استام ناقتى زاتتىق كورمە بۇيىمى بار.

  سالىنىپ بولعاننان كەيىنگى جۇڭگو كوممۋنيستىك پارتياسى 1 - قۇرىلتايىنىڭ ەسكەرتكىش سارايى جۇڭگو كوممۋنيستىك پارتياسى 1 - قۇرىلتايىنىڭ جۇرتى، سەرت بەرۋ زالى، جاڭادان سالىنعان كورمە سارايى سياقتى بولىكتەردەن قۇرالادى. مۇنىڭ ىشىندە جاڭادان سالىنعان كورمە سارايىنىڭ جالپى قۇرىلىس اۋدانى شامامەن 9600 شارشى مەتر، كورمە بۇيىمدارى زالى، مالىمەت زالى، كورەرمەنگە قىزمەت وتەۋ ورتالىعى سياقتى قىزمەت وتەۋ قۇرىلعىلارىنان قۇرالعان. بيىل 5 - ايدا جۇڭگو كوممۋنيستىك پارتياسى 1 - قۇرىلتايىنىڭ ەسكەرتكىش سارايى سىناق رەتىندە ىسكە قوسىلىپ، ”1 - شىلدەدەن“ بۇرىن سارايدى رەسمي اشۋ جوسپارلاندى.

  ”سول كەزدە جاڭا - كونە قۇرىلىستار شيڭيە جولىنىڭ ەكى جاعىنان ەندەي ءوتىپ، اشىق بولعان، كوشە اۋماعى ۇلگىسىندەگى مۇراجاي قالىپتاستىرادى“، - دەدى شۇي ميڭ.

  جۇڭگو كوممۋنيستىك پارتياسى 1 - قۇرىلتايى ورنىنىڭ جانىنداعى گۇلدەنگەن، زاماناۋي شينتياندي ساۋدا اۋماعىندا ادامدار قايشالىسىپ ءجۇر. قىزىل تاريح وسى ارادا، ول ەشقاشان بىزدەن الىستامايدى؛ قىزىل گەن قالانىڭ تۇلعاسىنا تەرەڭدەي ءسىڭىپ، ”شينتيانديدا“ ۋاقىت وتكەن سايىن جاڭارعان ومىرشەڭدىك كۇش قاۋلاتۋدا.

(شينحۋا اگەنتتىگىنىڭ 1 - ايدىڭ 20 - كۇنى شاڭحايدان بەرگەن حابارى)

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.