ماداقتالىپ - سيلانعان شينجياڭ مەديتسينا داشۋەسى بەسىنشى كلينيكالىق مەديتسينا شۋەيۋانى (قاراستى بەسىنشى شيپاحانا) پارتكومىنىڭ ورىنباسار شۋجيى، شۋەيۋان باستىعى دۇڭ شۇينان (العى جاقتا ورتادا) قىزمەتتەستەرىمەن بىرگە شينجياڭ حالىق سارايىنىڭ الدىندا وسى ءبىر وزگەشە توپتىق سۋرەتكە ءتۇستى. بۇل شۋەيۋاننان 13 ادام وزات جەكە، 3 ورىن وزات كوللەكتيۆ، 4 ادام ۇزدىك كوممۋنيستىك پارتيا مۇشەسى، 1 ورىن وزات نەگىزگى ساتى پارتيا ۇيىمى بولىپ باعالاندى.
تيانشان تورىنىڭ حابارى. (حابارىن جازىپ، سۋرەتىن تۇسىرگەن تىلشىلەر ۋاڭ چيميڭ، جانبولات ماناربەك) 1 - ايدىڭ 20 - كۇنى تۇستەن بۇرىن جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى اۆتونوميالى رايوندىق ماداقتاۋ - سيلاۋ جينالىسى شينجياڭ حالىق سارايىندا سالتاناتپەن وتكىزىلدى. تۇتاس رايونداعى 900 وزات جەكە، 299 وزات كوللەكتيۆ، 199 ۇزدىك پارتيا مۇشەسى، 150 وزات نەگىزگى ساتى پارتيا ۇيىمى وسى جينالىستا ماداقتالىپ - سيلاندى.
قاراپايىمدىلىقتان ۇلىلىق تۋادى، قاھارمان حالىقتان شىعادى. وزاتتاردان ۇيرەنەيىك، قاھارماندارعا قۇرمەت بىلدىرەيىك. قاھارمانداردىڭ نۇرعا بولەنگەن ساتتەرىندە، ىندەتكە ەرلىكپەن قارسى اتتانعانداردى تانيىق، ولاردىڭ بەينەسىن ەسىمىزگە بەرىك ساقتايىق — ولاردىڭ بارلىعى جانسەبىل جاندار!
