تيانشان تورى   ›   جاڭالىقتار   ›   ەل ءىشى حابارى

وزىنە توڭكەرىس جاساۋدى تەرەڭدەتىپ، ءجۇز جىلدىق شۇعىلالى تابىستاردى ارداقتايىق

− 19 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ءماجىلىسى اشىلۋ قارساڭىندا

□ شينحۋا اگەنتتىگىنىڭ تىلشىلەرى جۋ جيچاي، سۇن شاۋلۇڭ، ديڭ شياۋشي، حۋاڭ يۋە

  2021 - جىل، جۇڭگو كوممۋنيستىك پارتياسى 100 جىلدىق مەرەي تويىن قارسى الادى.

  باسىپ وتكەن جولىندا، پارتيامىز باستان - اياق ءداۋىردىڭ الدىڭعى لەگىندە ءجۇرىپ، اۋەلگى ماقساتىن، قاسيەتىن ماڭگى ساقتاپ، كەڭ كولەمدى، تەرەڭ قوعامدىق توڭكەرىستى ىلگەرىلەتۋمەن بىرگە، ءوز - وزىنە بۇرىن بولىپ كورىلمەگەن توڭكەرىس جاسادى.

  ماڭگىلىك ۇلى ءىس مۇراتى ءدال 100 جىلدىق كەمەل شاققا تۋرا كەلدى.

  پارتيا 19 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى دايەكتى تۇردە بۇلجىماستان پارتيانى جاپپاي قاتاڭ جونگە سالىپ، توقتاۋسىز ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرىپ، پارتيا مەن مەملەكەتتىڭ باقىلاۋ جۇيەسىن ۇزدىكسىز اقاۋسىزداندىرىپ، جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىنىڭ جوعارى ساپالى دامۋىن ىلگەرىلەتىپ، جۇڭگوشا سوتسياليزم ىستەرىنىڭ تولقىن جارىپ، ەرلىكپەن العا تارتۋىنا پارمەندى قامتاماسىزدىق ازىرلەدى.

وزىندىك ىسىلۋ ارقىلى ۇلكەن شايقاستىڭ، ۇلكەن سىناقتىڭ ۇزدىك جاۋاپناماسىن جازدى

  ”قۇرمەتتى پارتيا ۇيىمى: ءبىز ءوز ەركىمىزبەن جۇڭگو كوممۋنيستىك پارتياسىنا مۇشە بولۋدى قالايمىز ... اينالامىزدا حاۋىپ - قاتەر بولسا دا، ەشتەڭەدەن تايسالمايمىز...“

  1 - ايدىڭ 11 - كۇنى تاڭەرتەڭ ءبىر ەرەكشە پارتياعا كىرۋ ءوتىنىشى سۋرەت فورماسىندا حىبەي ولكەسى شينجي قالالىق جۇڭگوشا شيپاگەرلىك شيپاحاناسىنىڭ ءبىرىنشى پارتيا ياچەيكاسىنا كەلىپ ءتۇستى، ۇستىنە وسى شيپاحانانىڭ ءبىرىنشى توپتا شىجياجۋاڭعا كومەككە بارعان 15 ىندەتكە قارسى اتتانۋ مۇشەسىنىڭ قول تابى ءتۇسىرىلىپتى.

  ىندەت شابۋىلى − ىندەتكە قارسى اتوي سالۋدىڭ بۇيرىعى، پارتيا تۋىنىڭ نۇسقاۋى − العا ىلگەرىلەۋ بەتالىسى.

  قازىر حىبەيدىڭ شىجياجۋاڭ، شيڭتاي، لاڭفاڭدارىندا جيىنى 500 مىڭنان استام پارتيا مۇشەسى ءبىرىنشى شەپتە ىندەتتەن ساقتانۋ - تىزگىندەۋگە قاتىناسىپ، 20 نەشە مىڭ پارتيالى ەكپىندىلەر اترەتىن، قىزمەت وتەۋ اترەتىن قۇرىپ، پارتيا مۇشەلەرىنىڭ سانى ءبىرىنشى شەپتەگى ەمدەۋ قىزمەتكەرلەرىنىڭ ۇشتەن بىرىنەن استى.

  قىسىلتاياڭ ءسات اۋەلگى ماقساتتى، قاسيەتتى اناعۇرلىم ايگىلەيدى.

  2020 - جىل، ىندەتتىڭ، تاسقىننىڭ قاتاڭ سىن - سايىستارى الدىندا، جۇمىستى، ءوندىرىستى قالپىنا كەلتىرۋ مەن كەدەيلىكتەن ارىلتۋدان قامال الۋدىڭ ماشاقاتتى مىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا جاڭا داۋىردەگى جۇڭگو كوممۋنيستەرى كەۋدە كەرە العا شىعىپ، الدىڭعى شەپتە اتويلاپ، ەل بىرلىگىنەن بەرىك قامال تۇرعىزۋدىڭ، ۋاقىتتىق قيىنشىلىقتى بىرگە ەڭسەرۋدىڭ جويقىن كۇشىن ۇيىستىردى.

  2020 - جىلى 9 - ايدا پارتيا ورتالىق كوميتەتى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى مەملەكەتتىك ماداقتاۋ - سيلاۋ جينالىسىن اشىپ، 186 كوممۋنيستىك پارتيا مۇشەسىنە ”مەملەكەتتىك تاڭداۋلى كوممۋنيستىك پارتيا مۇشەسى“ اتاعىن بەرۋدى، 14 كوممۋنيستىك پارتيا مۇشەسىنە ”مەملەكەتتىك تاڭداۋلى كوممۋنيستىك پارتيا مۇشەسى“ اتاعىن تولىقتاپ بەرۋدى، 150 نەگىزگى ساتى پارتيا ۇيىمىنا ”مەملەكەتتىك وزات نەگىزگى ساتى پارتيا ۇيىمى“ اتاعىن بەرۋدى ۇيعاردى.

  ”ىندەتكە قارسى اتتانۋ كۇرەسىنىڭ ۇلى امالياتى مىنانى قايتالاي دالەلدەدى: جۇڭگو كوممۋنيستىك پارتياسىنىڭ تەڭدەسسىز پارمەندى باسشىلىق قابىلەتى − قيىن - قىستاۋ كەزدەردە جۇڭگو حالقىنىڭ ەڭ سەنىمدى تىرەگى“. ماداقتاۋ - سيلاۋ جينالىسىندا باس شۋجي شي جينپيڭ ىندەتكە قارسى اتتانۋ كۇرەسىنىڭ تەرەڭ تولعانىسىن وسىلاي قورىتىندىلادى.

  زور شايقاس، زور سىناق قاتاڭ ستيلدى تىپتەن قاجەت ەتەدى.

  ىندەت تۋىلعان باستاپقى كەزدە، پارتيا ورتالىق كوميتەتى «پارتيانىڭ باسشىلىعىن كۇشەيتۋ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە جەتۋگە پارمەندى ساياسي كەپىلدىك ازىرلەۋ جونىندەگى حابارلاندىرۋدى» باسىپ تاراتىپ، جاۋاپكەرشىلىك ارقالاۋعا باتىلى بارماعان، ستيلى تۇرلاۋسىز، تياناقتاندىرۋى پارمەنسىز بولعان، ءتىپتى، وتىرىك سويلەپ، جالعان ىستەپ، قىزمەت اتقارماعان، جاۋاپكەرسىزدىك ىستەگەندەردى قاتاڭ جاۋاپقا تارتۋ كەرەكتىگىن ايقىن دارىپتەدى.

  ”لۋ شۋجي“ بارشاعا بەلگىلى بولدى!

  شاعىن اۋماققا كىرگەندە تىزىمدەۋگە سايكەسپەي، ءارى ”لۋ شۋجيگە“ تەلەفون بەردى، ناتيجەدە ىندەتتەن ساقتانۋ ەرىكتىلەرى ونى تويتارىپ تاستادى − 1 - ايدىڭ 13 - كۇنى داليان قالاسىنىڭ بەلگىلى ءمالى باسقارماسىنىڭ ورىنباسار مەڭگەرۋشىسى ۋاڭ چىنميڭنىڭ ”بايلانىس قاراستىرعان“ بەينە جازباسى ينتەرنەت پايدالانۋشىلاردىڭ قىزۋ تالقىسىنا اينالدى.

  وقيعا تۋىلعان ەكىنشى كۇنى، داليان قالالىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ۋاڭ چىنميڭگە پارتيا ىشىندە قاتاڭ ەسكەرتۋ جازاسى بەرىلگەندىگىن، مىندەتىنەن قالدىرىلىپ ءبىر جايلى ەتىلگەندىگىن، ”لۋ شۋجي“ لۋ شيانباۋعا پارتيا ىشىندە ەسكەرتۋ جازاسى بەرىلگەندىگىن حابارلاندىردى.

  ءوزى ىسىلعان بولسا عانا قاتاڭ شايقاس جۇرگىزە الادى. 2020 - جىلدىڭ العاشقى جارتىسىندا، تەك حۋبەيدىڭ وزىنەن ىندەتتەن ساقتانۋ - تىزگىندەۋ قىزمەتىندە قىزمەتىن وتەمەۋ، جاۋاپكەرسىزدىك ىستەۋ جانە بەلگىلەمەگە قايشىلىق جاساۋ، تارتىپكە قايشىلىق جاساۋ ماسەلەلەرىنەن 14 مىڭ 534ى تەكسەرىلىپ ءبىر جايلى ەتىلىپ، 15 مىڭ 509 ادام ءبىر جايلى ەتىلدى.

  ىندەتكە قارسى اتتانۋ كۇرەسى بارىسىندا ستيلى تۇرلاۋسىز بولعان، مىندەتىن وتەمەگەن، جاۋاپكەرسىزدىك ىستەگەن پارتيالى كادرلاردى نولدىك توزىمدىلىك پوزيتسياسىمەن باتىل تەكسەرىپ ءبىر جايلى ەتۋ پارتيامىزدىڭ حاۋىپ - قاتەر، سىن - سايىستار بارىسىندا وزىندىك قۇرىلىسقا اناعۇرلىم دەن قوياتىن بەكىمىن، جىگەرىن جانە سانالىلىعىن، سەنىمىن ايگىلەدى.

  پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ءتۇيىنى قايدا بولسا، پارتيانى جاپپاي قاتاڭ جونگە سالۋدىڭ كۇش سالۋ ءتۇيىنى دە سوندا بولادى.

  ”جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە، كەدەيلىكتەن ارىلتۋدان قامال الۋدىڭ شەشۋشى شايقاسىنا پارمەندى كەپىلدىك ازىرلەۋ“. 2020 - جىلى 1 - ايدا اشىلعان 19 - كەزەكتى ورتالىق ءتارتىپ تەكسەرۋ كوميتەتىنىڭ ءتورتىنشى جالپى ماجىلىسىندە باس شۋجي شي جينپيڭ پارتيانى جاپپاي قاتاڭ جونگە سالۋدىڭ ”نەگىزگى قامال الۋ بەتالىسىن“ ايقىن كورسەتتى.

  ستيلدە قامال الۋدى تىڭعىلىقتى ىلگەرىلەتىپ، جاڭا داۋىردەگى كەدەيلىكتەن ارىلتۋدان قامال الۋدىڭ ۇلى جەڭىسىن قورعادى −

  2020 - جىلى 4 - ايدا پارتيا ورتالىق كوميتەتى كەڭسەسى «نەگىزگى ساتىنى مازالاپ وتىرعان فورماشىلدىق ماسەلەسىن ۇزدىكسىز شەشىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە پارمەندى ستيلدىك كەپىلدىك ازىرلەۋ جونىندەگى حابارلاندىرۋدى» باسىپ تاراتتى. بۇل پارتيا ورتالىق كوميتەتىنىڭ 2019 - جىلدى ”نەگىزگى ساتىنىڭ اۋىرتپالىعىن جەڭىلدەتۋ جىلى“ ەتىپ تۇراقتاندىرعاننان كەيىن، ءۇرتىس 2 - جىلى فورماشىلدىق دەرتىن تۇزەتۋگە جانە جونگە سالۋعا ماڭىزدى ورنالاستىرۋ جاساۋى.

  ءتورت جىلدىڭ الدىندا، كەدەيلىكتەن ارىلتۋدان قامال الۋدىڭ شەشۋشى كەزەڭىندە ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى 2018 - جىلدان 2020 - جىلعا دەيىن 3 جىل ۋاقىتپەن كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەسىن ارناۋلى جونگە سالۋ ورىستەتۋدى ورنالاستىرىپ، ارناۋلى جونگە سالۋدى كەدەيلىكتەن ارىلتۋدان قامال الۋدىڭ جالپى بارىسىنا ءسىڭىرۋدى ايقىندادى.

  2020 - جىلى 1 - ايدان 11 - ايعا دەيىن ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى كەدەيلىكتەن ارىلتۋدان قامال الۋ جاۋاپكەرشىلىگىن اتقارۋى جەتەرسىز بولعان 9554 پارتيالى باسشى كادردى جاۋاپقا تارتتى؛ كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەلەرىنەن 56 مىڭ 900ىن تەكسەرىپ، ءبىر جايلى ەتىپ، 85 مىڭ ادامعا سىن ايتىپ، تاربيە بەرىپ كومەكتەستى جانە ءبىر جايلى ەتتى، مۇنىڭ ىشىندە 35 مىڭ 700 ادامعا پارتيا ءتارتىبى، اكىمشىلىك جازاسى بەرىلدى.

  قاتاڭ باقىلاۋ، ءتارتىپ اتقارۋ، جاۋاپقا تارتۋ ارقىلى بۇقارانىڭ اڭىسى كۇشتى بولعان كورنەكتى ماسەلەلەردى شىنايى شەشىپ، پارتيالى كادرلاردى جاۋاپكەرشىلىك ارقالاپ، ىسكەرلىك كورسەتۋگە ونان ارى شابىتتاندىردى.

  باتىلدىقپەن ”باسقالقالارعا سوققى بەرىپ، بايلانىس تورىن ءۇزىپ“، حالىق بۇقاراسىنىڭ كوكىرەك كەرنەگەن حاۋىپسىزدىك سەزىممەن جاپپاي دوڭگەلەك داۋلەتتىلىككە قادام تاستاۋىنا مۇمكىندىك جاسادى −

  2020 - جىلى 2 - ايدىڭ 20 - كۇنى تونىن جالتىراتىپ كيىپ، ۇزاق ۋاقىتتان بەرى زاڭ قۇرىعىنا ىلىنبەي جۇرگەن سۇن شياۋگوعا يۇنناننىڭ كۇنميڭىندە ءولىم جازاسى اتقارىلدى. ال ونىڭ ارتىنداعى ”باسقالقالار“ دا قارا كۇشتەردى جويۋ، سۇرقيا كۇشتەردى الاستاۋ جويقىن شابۋىلىندا قۇرىپ - جوعالدى.

  2020 - جىلى قارا كۇشتەردى جويۋ، سۇرقيا كۇشتەردى الاستاۋدىڭ ارناۋلى كۇرەسى 3 جىلدىق نىساناسىن جۇزەگە اسىرۋ جىلىنا قادام تاستادى.

  يۇنناننىڭ سۇن شياۋگو دەلوسى، حۋناننىڭ شينحۋاڭىنداعى ”دەنە تاربيە الاڭىنا ءمايىت كومۋ دەلوسى“، حيلۇڭجياڭنىڭ حۋلانىنداعى ”ءتورت ۇلكەن اۋلەتتىڭ“ قارا كۇشتەرگە ساياتىن دەلوسى، حايناننىڭ چاڭجياڭىنداعى حۋاڭ حۇڭفا اۋلەتىنىڭ قارا كۇشتەرگە ساياتىن دەلوسى... 2020 - جىلى 11 - ايدىڭ سوڭىنا دەيىن بۇكىل ەلدە قارا كۇشتەرگە، سۇرقيا كۇشتەرگە ساياتىن شىرىكتەسۋ جانە ”باسقالقا“ دەلوسىنان جيىنى 81 مىڭ 366سىنا دەلو تۇرعىزىلىپ، تەكسەرىپ ءبىر جايلى ەتىلىپ، 97 مىڭ 802 ادام ءبىر جايلى ەتىلىپ، حالىق بۇقاراسى ءبىر - بىرلەگەن ناقتى دەلولار بارىسىندا ادىلدىكتى، ادىلەتتىلىكتى سەزىندى.

  جۇڭگونىڭ ىستەرىن ويداعىداي ءبىتىرۋدىڭ تەتىگى − پارتيادا.

  ايرىقشا وزگەشە جىلدا، مەيلى دۇلەي داۋىلدار مەن اساۋ تولقىندار بارىسىنداعى اتويشى بولىپ جەتەكتەۋ بولسىن، الدە بەتكە قاراماي ءتارتىپ اتقارۋدىڭ قورعاۋى بولسىن، پارتيانى جاپپاي قاتاڭ جونگە سالۋ ءبىر - بىرلەگەن ”قىسىم سىناعى“ مەن ”شوعىرلى كوزدەن كەشىرۋ“ بارىسىندا ۇزدىك جاۋاپناما تاپسىردى.

ستيل دۇرىستاپ، ءتارتىپتى قاتايتىپ، شىرىكتەسۋگە قارسى تۇرۋدىڭ جاڭا جاعدايىن جوعارى ساپامەن دامىتتى، اشتى

  بەيجيڭ قالالىق ساياسي كەڭەستىڭ بۇرىنعى ورىنباسار ءتوراعاسى لي ۋي پارتيادان شىعارىلىپ، مىندەتىنەن قالدىرىلدى، حاينان ولكەلىك ساياسي كەڭەستىڭ بۇرىنعى ورىنباسار ءتوراعاسى ۋاڭ يۇڭ پارتيادان شىعارىلىپ، مىندەتىنەن قالدىرىلدى، لياۋنيڭ ولكەلىك ساياسي كەڭەستىڭ بۇرىنعى ورىنباسار ءتوراعاسى ليۋ گوچياڭ پارتيادان شىعارىلدى...

  1 - ايدىڭ 11 - كۇنى تۇستەن بۇرىن ساعات 11دە ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورتالىقتىڭ باسقارۋىنداعى 3 كادردىڭ پارتيا ءتارتىبى، اكىمشىلىك ءتارتىپ جازاسى بويىنشا جازالانعاندىعى جونىندە حابارلاندىرۋ جاريالادى. جاڭا جىل باستالىپ نەبارى 11 كۇندە ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورتالىقتىڭ باسقارۋىنداعى 7 كادرعا جازا بەرىلگەنى جونىندەگى حابارلاندىرۋدى ءجيى تاراتىپ، جاڭا جىلدا ”جولبارىستاردى“ سوعۋ قىزمەتىنىڭ اۋىر بالعاسىن سوقتى.

  پارتيا 19 - قۇرىلتايىنان بەرى جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىندە جوعارى ساپالى دامۋدى قۇن ۇستانىمى، نىسانا باعىتى، تارازى ولشەمى ەتۋ اناعۇرلىم كورنەكتىلەندىرىلىپ، ستيل تۇزەتۋ، ءتارتىپتى قاتايتۋ، شىرىكتەسۋگە قارسى تۇرۋدىڭ جاڭا دا اناعۇرلىم بيىك باستامادا جاڭا جاعداي اشۋىنا جەتەكشىلىك ەتتى.

  − شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتىپ، شىرىكتەسۋدى جونگە سالۋ رولى ۇزدىكسىز جوعارىلادى.

  2020 - جىلى 11 - ايدىڭ 13 - كۇنى تاڭەرتەڭ بەيجيڭ قالاسىنىڭ شيچىڭ رايونىنداعى جۇڭگو كوممۋنيستىك پارتياسى بەيجيڭ قالالىق پارتكوم پارتيا مەكتەبىندە ادامدار قايشالىسادى. زالدا ”تۇتاس قالانىڭ ’دەلولاردى اينا ەتۋ، دەلو ارقىلى وزگەرتۋدى جەبەۋ‘ ساقتىق تاربيەسى جينالىسى“ دەگەن جازۋ ەرەكشە كوز تارتادى.

  ”سەن كوممۋنيستىك پارتيانىڭ رايوندىق كوميتەتىنىڭ شۋجيىسىڭ، سەنىڭ مۇنىڭ ۇرىعا جاردەمدەسىپ ءوز ءۇيىڭنىڭ نارسەسىن ۇرلاعاندىق ەمەس پە؟“، جينالىستا قويىلعان ساقتىق تاربيەسى فيلمىندە شۇن - ي رايوندىق كوميتەتتىڭ بۇرىنعى شۋجيى ۋاڭ گاڭ قاتتى وكىندى.

  كەزىندەگى پارتيالى كادر بۇگىن ۇنامسىز تيپ. ەكەۋىنىڭ اراسىنداعى ايىرماشىلىق جەر مەن كوكتەي، جينالىستا وتىرعان جانە بەينە ەكران تاسىلىمەن جينالىسقا قاتىناسقان 13 مىڭنان استام جولداس قاتتى سەسكەندى جانە تاربيە الدى.

  شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋ شىرىكتەسۋگە قارسى كۇرەستىڭ نەگىزگى باعىتى عانا ەمەس، سونداي - اق جاڭا داۋىردە پارتيانى جاپپاي قاتاڭ جونگە سالۋدىڭ ماڭىزدى جالپى جوباسى. ساقتىق تاربيەسىن ورىستەتۋ ءدال وسى شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋدىڭ پارمەندى تۇتقاسى ەسەپتەلەدى.

  ”قاتاڭدىق“ نەگىزگى ارناسىنا تاباندى بولىپ، اياۋسىز جازالاۋدى استە بوساڭسىتپاي، شىرىكتەسۋگە باتىلدىق ەتكىزبەۋدىڭ سەسىن ۇزدىكسىز كورسەتتى.

  2020 - جىلى ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورتالىقتىڭ باسقارۋىنداعى 18 كادردىڭ تەكتەپ تەكسەرۋگە الىنعانى تۋرالى حاباردى جاريالادى، فۋجيان ولكەلىك پارتكومنىڭ تۇراقتى مۇشەسى، ورىنباسار ولكە باستىعى جاڭ جىنان، قوعام حاۋىپسىزدىگى مينيسترلىگى پارتكومىنىڭ مۇشەسى، ورىنباسار مينيستر سۇن ليجۇن سياقتى ءبىر توپ ”جولبارىس“ ىركەس - تىركەس وماقاستى. ىندەت قاشقىندى قۋعىنداۋ قادامىنا كەدەرگى كەلتىرە العان جوق، 2020 - جىلى 1 - ايدان 11 - ايعا دەيىن ”اسپان تورى 2020“ ارەكەتىندە شەتەلگە قاشقان 1229 ادام قايتارىلىپ اكەلىندى، 2 ميلليارد 445 ميلليون يۋان ارام اقشا قايتارىلىپ اكەلىندى.

  تەكتەپ تەكسەرۋدىڭ ”سوڭعى جۇمىستارىن“ جاقسى ىستەپ، شىرىكتەسۋگە مۇمكىندىك بەرمەۋدىڭ ءتۇزىم قاپاسىن ۇزدىكسىز بەرىك توقىپ، شىرىكتەسۋدى ويعا الدىرتپاۋدىڭ يدەيالىق سانالىلىعىن نىعايتتى.

  ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورتالىقتىڭ باسقارۋىنداعى كادرلاردىڭ مىندەتتىك قىلمىس دەلولارى بويىنشا ”ءبىر دەلوعا ءبىر قورىتىندى“ ءتۇزىمىن ورناتتى؛ ءار دارەجەلى ءتارتىپ تەكسەرۋ، باقىلاۋ - تەكسەرۋ ورگاندارى ءتارتىپ تەكسەرۋ، باقىلاۋ - تەكسەرۋ ۇسىنىسىن جاساپ تاراتۋ تاسىلىنەن تولىق پايدالانا وتىرىپ دەلو ارقىلى وزگەرتۋدى جەبەۋدى ىلگەرىلەتتى، ءبىر دەلونى تەكسەرىپ، ءبىر جاقتى ەتىپ، ءبىر فيلم ارقىلى ساقتاندىرىپ، ءبىر سالانى جونگە سالدى؛ پاكتىك تاربيەسى جانە پاكتىك مادەنيەتى قۇرىلىسىن سايكەستىرۋ مەحانيزمىن ورناتۋ ارقىلى مۇرات - سەنىم، يدەيا - ءمورال جانە پارتيا ءتارتىبى، مەملەكەت زاڭى تاربيەسىن ۇزدىكسىز كۇشەيتتى.

  2020 - جىلى 1 - ايدان 9 - ايعا دەيىن بۇكىل ەلدىڭ ءتارتىپ تەكسەرۋ، باقىلاۋ - تەكسەرۋ ورگاندارى ”ءتورت ءتۇرلى فورماتسيانى“ قولدانىپ، ءبىر ميلليون 330 مىڭ ادامعا (رەت) سىن ايتىپ تاربيە بەردى، كومەكتەستى جانە ءبىر جايلى ەتتى، مۇندا ءبىرىنشى فورماتسيانى قولدانۋ ارقىلى سىن ايتىلىپ تاربيەلەنگەن، كومەك كورسەتىلگەندەر جالپى ادام سانىنىڭ (رەت) %69.8ىن ۇستادى. ”بەت قىزارتىپ تەر شىعارتاتىن“ ەرتە باستان يگەرۋ، كىشكەنەدەن يگەرۋ قىزمەتى ارقىلى ”شىرىكتەسۋدەن ساقتانۋدىڭ“ بەرىك قورعانىس شەبىن مىقتاپ ورناتتى.

  − ”ءتورت ءتۇرلى باقىلاۋدى“ ءبىر تۇتاس جوسپارلاپ تۇتاستىرىپ، پارتيا مەن مەملەكەتتىڭ باقىلاۋ جۇيەسى ۇزدىكسىز كەمەلدەندى.

  1 - ايدىڭ 4 - كۇنى جاڭا جىلدىڭ ءبىرىنشى قىزمەت كۇنى، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ورتالىقتىڭ باسقارۋىنداعى 4 كادردىڭ پارتيا ءتارتىبى، اكىمشىلىك ءتارتىپ بويىنشا جازالانعانىن حابارلاندىردى.

  وماقاسقان وسى 4 ”جولبارىستىڭ“ اراسىنداعى جۇڭگو استىق توبى شەكتى سەرىكتەستىگىنىڭ بۇرىنعى باس بۇعالتىرى لو جياماڭ، جۇڭگو كەمە اۋىر ونەركاسىبى توبى شەكتى سەرىكتەستىگىنىڭ القا باستىعى حۋ ۋىنميڭ ەكەۋى دە ورتالىقتىڭ شارلاۋىندا بايقالعان ماسەلە دەرەكتەرى نەگىزىندە تەكسەرىلىپ ءبىر جاقتى ەتىلدى.

  قازىرگە دەيىن 19 - كەزەكتى ورتالىق كوميتەتتىڭ شارلاۋى جاپپاي قامتىعان مىندەتتەردىڭ ورىندالۋ سالىستىرماسى %70تەن استى. 2020 - جىلى 12 - ايدا «شارلاۋ، شارلاپ تەكسەرۋدى كۇشەيتىپ، جوعارى مەن تومەن بىرلەسىپ قيمىلداۋ جونىندەگى پىكىر» باسىپ تاراتىلىپ، شارلاۋ مەن شارلاپ تەكسەرۋ سىندى ”قوس قانجاردى بىرلەستىرىپ“، جوعارى مەن تومەن بىرلەسىپ قيمىلداۋ قىزمەتىنىڭ ارناسى ونان ارى كەمەلدەنىپ، جان - جاقتى باقىلاۋ اسەرى ونان ارى كورنەكتىلەندى.

  ورتالىق باسقارۋىنداعى 51 كاسىپورىندا ءتارتىپ تەكسەرۋ، باقىلاۋ - تەكسەرۋ گرۋپپاسى نەمەسە باقىلاۋ - تەكسەرۋ ارناۋلى قىزمەتكەرلەرى كەڭسەسى تاعايىندالىپ، مەملەكەتتىك باقىلاۋ - تەكسەرۋ كوميتەتى جاعىنان باقىلاۋ - تەكسەرۋ ۇقىعى بەرىلدى؛ ورتالىق باسقارۋىنداعى 15 فينانس كاسىپورىنىنا ءتارتىپ تەكسەرۋ، باقىلاۋ - تەكسەرۋ گرۋپپاسى جىبەرىلىپ، ورتالىق ءتارتىپ تەكسەرۋ كوميتەتىنىڭ، مەملەكەتتىك باقىلاۋ - تەكسەرۋ كوميتەتىنىڭ تىكەلەي باسشىلىعىندا بولدى؛ ورتالىق باسقارۋىنداعى 31 جوعارى مەكتەپتىڭ ءتارتىپ تەكسەرۋ كوميتەتى جوعارى مەكتەپ پارتكومىنىڭ جانە پارتيا ۇيىمى قاتىناسى تۇرعان جەرگىلىكتى ءتارتىپ تەكسەرۋ كوميتەتىنىڭ قوس باسشىلىعىن قابىلدادى؛ ولكە، قالا ەكى دارەجەلى ءتارتىپ تەكسەرۋ، باقىلاۋ - تەكسەرۋ كوميتەتى پارتيا، ۇكىمەت ورگاندارىنا ءتارتىپ تەكسەرۋ، باقىلاۋ - تەكسەرۋ گرۋپپاسىن جىبەردى... وكىلەتتى قۇرىلىم رەفورماسى ىشكەرىلەي ىلگەرىلەتىلىپ، وكىلەتتى باقىلاۋدىڭ ”كامەرالىق“ رولى ۇزدىكسىز كۇشەيتىلدى.

  جوعارى ساپالى دامۋدىڭ جوعارى ساپالى باقىلاۋعا قويعان جاڭا تالابىنا ۇيلەسىپ، ءتارتىپ تەكسەرۋ، باقىلاۋ - تەكسەرۋ ورگاندارى جۇيەلى، جيناقى، سايكەسىمدى، جوعارى ءونىمدى بولۋعا تاباندى بولىپ، تارتىپتىك باقىلاۋدى، باقىلاۋ - تەكسەرۋ باقىلاۋىن، وكىلەتتى باقىلاۋدى، شارلاۋ باقىلاۋىن ءبىر تۇتاس جالعاستىرۋ ءتۇزىمىن كەمەلدەندىرىپ، ”ءتورت ءتۇرلى باقىلاۋ“ اراسىنداعى ينفورماتسيادان، بايلىقتان، كۇش - قۋاتتان، تاسىلدەن، تابىستان بىرگە يگىلىكتەنۋدى ىلگەرىلەتىپ، باقىلاۋ بىرىككەن كۇشىنىڭ قالىپتاسۋىن ىلگەرىلەتتى.

  − ءتۇزىم جۇيەسىن اقاۋسىزداندىرىپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ ارناعا ءتۇسۋ، زاڭمەن جونگە سالىنۋ دەڭگەيى ۇزدىكسىز جوعارىلادى.

  2020 - جىلى 8 - ايدىڭ 10 - كۇنى 13 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 21 - رەتكى ءماجىلىسى مەملەكەتتىك باقىلاۋ - تەكسەرۋ كوميتەتىنىڭ شىرىكتەسۋگە قارسى تۇرىپ، قاشقىنداردى قۋعىنداۋ، قاراجاتتى قايتارىپ الۋ قىزمەتىنىڭ جاعدايى جونىندەگى مالىمەتىن تىڭدادى. بۇل مەملەكەتتىك حالىق قۇرىلتايى تۇراقتى كوميتەتىنىڭ مەملەكەتتىك باقىلاۋ - تەكسەرۋ كوميتەتىنىڭ ارناۋلى قىزمەت مالىمەتىن تۇڭعىش رەت تىڭداۋى.

  نەگىزگى زاڭنىڭ، باقىلاۋ - تەكسەرۋ زاڭىنىڭ بەلگىلەمەلەرىنە ساي، جوعارىدان تومەنگە قاراي، زاڭعا، ەرەجەگە نەگىزدەلە وتىرىپ، ءار دارەجەلى باقىلاۋ - تەكسەرۋ كوميتەتىنىڭ ءوز دارەجەسىندەگى حالىق قۇرىلتايى تۇراقتى كوميتەتىنە ارناۋلى قىزمەتتەن مالىمەت بەرۋىن ۇيلەسىمدى، ءتارتىپتى تۇردە ىلگەرىلەتۋ − ءتارتىپ تەكسەرۋ، باقىلاۋ - تەكسەرۋ قىزمەتىنىڭ ارناعا ءتۇسىرىلىپ، زاڭمەن جونگە سالىنىپ دامۋىنىڭ جاندى ىقشام كورىنىسى.

  2020 - جىلى 7 - ايدا حىبەي ولكەلىك پارتكومنىڭ بۇرىنعى تۇراقتى مۇشەسى، ورىنباسار ولكە باستىعى جاڭ حى تارتىپكە، زاڭعا اۋىر دارەجەدە قايشىلىق جاساعاندىقتان پارتيادان شىعارۋ جازاسى بەرىلدى، 4 دارەجەلى تەكسەرۋ - زەرتتەۋشىنىڭ ونىڭ زەينەتتەگى يگىلىگىن بەلگىلەۋى بويىنشا، ونىڭ تارتىپكە، زاڭعا قايشى تاپقان تابىستارى وتكىزىپ الىندى.

  بۇل تۇڭعىش اشىق حابارلاندىرىلعان اكىمشىلىك جازا زاڭىنىڭ قاتىستى بەلگىلەمەلەرى قولدانىلىپ جازا بەرىلگەن ورتالىقتىڭ باسقارۋىنداعى كادردىڭ دەلوسى.

  2020 - جىلعا قايىرىلىپ قاراساق، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرى اكىمشىلىك جازا زاڭى»، «ءتارتىپ تەكسەرۋ، باقىلاۋ - تەكسەرۋ ورگاندارىنىڭ ءبىر جاقتى ەتۋ، اشكەرەلەۋ، شاعىم بەرۋ قىزمەتى ەرەجەسى»، «جۇڭگو كوممۋنيستىك پارتياسىنىڭ پارتيا مۇشەلەرىنىڭ ۇقىعىن قامتاماسىزداندىرۋ ەرەجەسى» سياقتىلار ىركەس - تىركەس شىعارىلىپ، ءتارتىپ تەكسەرۋ، باقىلاۋ - تەكسەرۋ زاڭ - ەرەجەسى ءتۇزىم جۇيەسى ۇزدىكسىز اقاۋسىزداندىرىلىپ، پارتيانى جاپپاي قاتاڭ جونگە سالۋدىڭ ىشكەرىلەي دامۋىنا پارمەندى كەپىلدىك ازىرلەندى.

توڭكەرىستى تەرەڭدەتۋ ارقىلى پارتيانى جاپپاي قاتاڭ جونگە سالۋدىڭ جاڭا شۇعىلالى تابىستارىن جالعاستىرىپ جازدى

  ”جاۋاپكەر لاي شياۋمين پارا الۋ قىلمىسىمەن ءولىم جازاسىنا ۇكىم ەتىلدى، ساياسي ۇقىعىنان ءومىر بويى ماقرۇم ەتىلسىن ءارى بارلىق جەكە مال - مۇلكى تاركىلەنسىن...“

  1 - ايدىڭ 5 - كۇنى تيانجين قالالىق 2 - ورتا دارەجەلى حالىق سوتى مەكەمەسى حۋارۇڭ سەرىكتەستىگىنىڭ بۇرىنعى القا باستىعى لاي شياۋميننىڭ پارا الۋ، جەمقورلىق، ۇيلەنۋ ۇستىنە ۇيلەنۋ دەلوسىنا اشىق ۇكىم جاريالادى، ءبىرىنشى سوت لاي شياۋمينگە ءولىم جازاسىن كەستى.

  جۇڭگو قۇرىلىس بانكەسى چيڭحاي ولكەلىك بولىمشە بانكەسىنىڭ بۇرىنعى باستىعى گو جيجۋاڭ، مەملەكەتتىك وركەندەتۋ بانكەسى سانشي ولكەلىك بولىمشە بانكەسىنىڭ بۇرىنعى باستىعى ۋاڭ شۋەفىڭ، قاتىناس بانكەسى حىبەي ولكەلىك بولىمشە بانكەسىنىڭ بۇرىنعى ورىنباسار باستىعى ما شياۋ، جۇڭگو اۋىل شارۋاشىلىق بانكەسى سىچۋان ولكەلىك بولىمشە بانكەسىنىڭ بۇرىنعى ورىنباسار باستىعى ۋ رۇي... 2020 - جىلى ”بانكە باستىقتارىنىڭ وماقاسۋى“ جوعارى جيىلىكتە كەزدەسكەن سوزگە اينالىپ، فينانس سالاسىنداعى شىرىكتەسۋگە قارسى تۇرۋ تەبىنى ۇزدىكسىز ارتتى.

  ”فينانستاعى دوكەي جەمقورلاردى“ زاڭ بويىنشا جازالاۋدىڭ نىساناسى ەرەكشە ايقىن − ەلەۋلى فينانس حاۋىپ - قاتەرىنەن ساقتانىپ جانە ونى جويىپ، جوعارى ساپالى باقىلاۋ ارقىلى جوعارى ساپالى دامۋعا دەم بەرۋ، قامتاماسىز ەتۋ.

  2020 - جىلى 10 - ايدا پارتيا 19 - كەزەكتى ورتالىق كوميتەتىنىڭ بەسىنشى جالپى ءماجىلىسى اشىلدى، جالپى ءماجىلىس ماقۇلداعان ”14 - بەسجىلدىق“ جوبانىڭ «ۇسىنىسى» جۇڭگونىڭ بولاشاق 5 جىلداعى، ءتىپتى، 15 جىلداعى دامۋ جوسپارىن سىزدى.

  پارتيانى جاپپاي قاتاڭ جونگە سالۋدىڭ تۇلعالىق جاۋاپكەرشىلىگىن، باقىلاۋ جاۋاپكەرشىلىگىن تياناقتاندىرىپ، پارتيا قۇرىلىسىنىڭ ساپاسىن جوعارىلاتتى؛ جاڭا داۋىردەگى پارتيانىڭ ۇيىمدىق لۋشيانىن جالپى بەتتىك دايەكتىلەندىردى؛ ورتالىقتىڭ 8 ءتۇرلى بەلگىلەمەسىنىڭ رۋحىن قاجىماي - تالماي تياناقتاندىردى... پارتيانى جاپپاي قاتاڭ جونگە سالۋدى توڭىرەكتەي وتىرىپ، ”14 - بەسجىلدىق“ جوبانىڭ «ۇسىنىسى» جەلىلەس ورنالاستىرۋلار جاسادى.

  جاڭا دامۋ كەزەڭىنە ءوتۋ، جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ پارتيانى جاپپاي قاتاڭ جونگە سالۋعا تىڭ دا اناعۇرلىم جوعارى تالاپتار قويدى. جاڭا ساپاردا ءتىپتى دە جاپالى، اۋىر مىندەت، اناعۇرلىم تۇراقسىزدىققا يە سىرتقى ورتا الدىندا، ءسوز جوق، پارتيانى اناعۇرلىم پارمەندى دە قۋاتتى ەتىپ سومداۋ كەرەك.

  جاڭا ساپارعا قايتا اتتانعاندا، ءسوز جوق، ساياسي باقىلاۋدى اناعۇرلىم كورنەكتىلەندىرىپ، ”ەكىنى قورعاۋدى“ ورىنداۋ كەرەك −

  ”كەيبىر پارتيا ۇيىمدارى مەن پارتيالى كادرلاردىڭ ساياسي دەڭگەيى دەگەندەي جوعارى ەمەس، شي جينپيڭنىڭ ەكولوگيالىق وركەنيەت يدەياسىن ۇيرەنۋى دەرلىكتەي تەرەڭ ەمەس، زاڭسىز كومىر قازۋ وقيعاسىنان العان تاجىريبە - ساباعى، ويلانۋى تەرەڭ ەمەس...“ 2020 - جىلى 11 - ايدىڭ 26 - كۇنى چيڭحاي ولكەلىك ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى بۇكىل ولكەنىڭ ستيلدەگى كورنەكتى ماسەلەلەرىن شوعىرلى رەتتەۋ - جونگە سالۋ ارناۋلى ارەكەتى بويىنشا قۋزاۋ - تەكسەرۋدىڭ جاعدايىن حابارلاندىردى.

  وسى رەتكى قۋزاۋ - تەكسەرۋدە چيڭحاي ولكەلىك ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى 14 قۋزاۋ - تەكسەرۋ گرۋپپاسىن شىعارىپ، شي جينپيڭنىڭ ەكولوگيالىق وركەنيەت يدەياسىمەن جانە باس شۋجي شي جينپيڭنىڭ چيڭحايدىڭ قىزمەتى جونىندە جاساعان ماڭىزدى نۇسقاۋىنىڭ، بەكىتپەسىنىڭ رۋحىمەن تىعىز بايلانىستىرىپ، جەكە سويلەسۋ، بۇقارادان جاعداي ۇعىسۋ، تومەننەن جوعارىعا قاراۋ سياقتى تاسىلدەردى قولدانىپ، ماسەلەلەردى كۇش سالا بايقادى، جاۋاپكەرشىلىكتى ناقتىلاندىردى، رەتتەۋ - تۇزەتۋگە قۋزاۋشىلىق ەتتى.

  پارتيانى جاپپاي قاتاڭ جونگە سالۋدا، ءسوز جوق، ساياسي قۇرىلىستى ماڭداي الدى مىندەت ەتۋگە باستان - اياق تاباندى بولىپ، ساياسي باقىلاۋدىڭ ناقتىلانۋىن، ۇدايىلانۋىن ىلگەرىلەتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدە جارلىق بولا تۇرا اتقارماۋ، نەمقۇرايدىلىق، جاۋاپكەرسىزدىك ىستەۋ، مىندەت اتقارۋدا دارمەنسىزدىك ىستەۋ سياقتى فورماشىلدىقتى، تورەشىلدىكتى باتىل رەتتەپ - جونگە سالىپ، پارتيا ورتالىق كوميتەتىنىڭ جارلىقتارىنىڭ ىركىلىسسىزدىگىن، بۇكىل پارتيانىڭ بىركەلكى قاداممەن العا ىلگەرىلەۋىن قامتاماسىز ەتۋ كەرەك.

  جاڭا ساپاردا تاعى دا جولعا شىققاندا، ءسوز جوق، حالىقتى وزەك ەتۋدەي ءتۇبىرلى ساياسي تۇرعىعا باستان - اياق تاباندى بولۋ كەرەك—

  ”قىستاقتىڭ سىرتىنداعى بوس جەرگە ۇزاق ۋاقىتتار بويى بىرەۋلەر بەتالدى قوقسىق توگىپ كەلەدى، وسىنى رەتتەۋ - وڭاۋعا بولار ما ەكەن؟“، ”مەملەكەت تاراتقان جاردەماقىنى قىستاقتىڭ جاريالاۋى ەگجەي - تەگجەيلى ەمەس، كەيبىرەۋىن كورۋ قيىن...“ 2020 - جىلى 11 - ايدىڭ 15 - كۇنى شينجياڭ سانجى وبلىسى قۇتىبي اۋدانىنداعى ءار ايدا ءبىر وتكىزىلەتىن ”قىستاق تۇرعىندارىنىڭ ءىس ايتۋى“ قيمىلى ۋاعىندا وتكىزىلدى. قىستاق تۇرعىندارىن نەگىزگى تۇلعا ەتىپ، اۋدان، اۋىل ەكى دارەجەلى باسشى كادرلار قىستاققا بارىپ، تۇرعىنداردىڭ ءۇنىن بەتپە - بەت تىڭدادى، تۇرعىنداردىڭ كۇمانىنا جاۋاپ بەردى، تۇرعىنداردىڭ قيىنشىلىعىن شەشتى.

  2020 - جىلدان بەرى بۇل قيمىل 2600 رەتتەن استام وتكىزىلىپ، بۇقارانىڭ 9000نان استام ارىز - ارمانىن جينادى، بۇقارانىڭ رازى بولۋ دارەجەسى% 90تەن اسىپ، كادرلاردىڭ ستيلىنىڭ جاقسارۋى مەن كادر - بۇقارا قاتىناسىنىڭ تاتۋ - ءتاتتى بولۋىن پارمەندى جەبەدى.

  باقىلاۋ ارناسىن كەڭەيتىپ، بۇقارانى مازالاپ وتىرعان ىستەردى، بۇقارا ۋايىمداپ وتىرعان ىستەردى شەشۋ؛ ارناۋلى جونگە سالۋدى تەرەڭدەتىپ، بۇقارانىڭ مۇددەسىنە زيان سالعان ارەكەتتەردى قاتاڭ تەكسەرىپ، تەز ءبىرجاقتى ەتۋ... بۇقارانىڭ قاسىنداعى شىرىكتەسۋ جانە ستيل ماسەلەلەرىن تىنىم الماستان رەتتەپ - وڭاپ، ستيل دۇرىستاۋدىڭ، ءتارتىپتى قاتايتۋدىڭ، شىرىكتەسۋگە قارسى تۇرۋدىڭ شىنايى تابىستارى ارقىلى حالىق بۇقاراسىنىڭ ىقىلاستى قولداۋىنا يە بولعاندا عانا، پارتيانى جاپپاي قاتاڭ جونگە سالۋدىڭ سارقىلماس قوزعاۋشى كۇشىنە قول جەتكىزۋگە بولادى.

  جاڭا ساپاردا تاعى دا جولعا شىققاندا، ءسوز جوق، باقىلاۋدىڭ اتقارۋدى قامتاماسىز ەتۋ، دامۋدىڭ كەمەلدەنۋىن جەبەۋ رولىن ىشكەرىلەي ساۋلەلەندىرۋ كەرەك—

  2020 - جىلى 12 - ايدىڭ 4 - كۇنى ىشكى موڭعۇل اۆتونوميالى رايوندىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى 5 مەڭگەرمە دارەجەلى كادردىڭ مىندەتىنەن قالدىرىلعان(وماقاسقان) حابارىن ىركەس - تىركەس جاريالادى، مۇنىڭ ىشىندە اۆتونوميالى رايوندىق مەملەكەت جەرى بايلىعى مەڭگەرمەسى پارتيا باسشىلىق گرۋپپاسىنىڭ بۇرىنعى شۋجيى، بۇرىنعى مەڭگەرمە باستىعى باي دۇننىڭ، وردوس قالالىق ساياسي كەڭەستىڭ بۇرىنعى ورىنباسار ءتوراعاسى ساۋ جىچىننىڭ ءىسى تۇگەلدەي كومىر بايلىعى سالاسىنا قاتىستى.

  يۇن گۋاڭجۇڭ، شيڭ يۇن قاتارلىلاردىڭ شىرىكتەسۋ دەلوسىنان كورىنگەن كومىر بايلىعى سالاسىنداعى ماسەلەگە قاراتا، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى ىشكى موڭعۇل اۆتونوميالى رايونىنا ءتارتىپ تەكسەرۋ، باقىلاۋ - تەكسەرۋ ۇسىنىسىن شىعارىپ، ارناۋلى رەتتەۋ - وڭاۋ ورىستەتۋدى تالاپ ەتتى. ىشكى موڭعۇل كومىر بايلىعى سالاسىنداعى ءتۇيىندى ادامداردى، ىستەردى، ماسەلەلەردى تىعىز كوزدە ۇستاي وتىرىپ كەرى قاراي 20 جىلعا دەيىن تەكسەرۋ جۇرگىزدى. 2020 - جىلى 12 - ايدىڭ سوڭىنا دەيىن بۇكىل رايوندا كومىرگە قاتىستى 599 دەلو، 869 ادامعا دەلو تۇرعىزىلىپ، تەكسەرىپ ءبىرجايلى ەتىلدى.

  جۋىردا اشىلعان ورتالىقتىڭ ەكونوميكالىق قىزمەت ءماجىلىسى تومەنگى شەكتە ويلاۋعا تاباندى بولىپ، حاۋىپ - قاتەردى الدىن الا بايقاۋ، الدىن الا تۇجىرىمداۋ قابىلەتىن جوعارىلاتىپ، ءتۇرلى حاۋىپ - قاتەردەن، سىن - سايىستان قاتاڭ ساقتانۋ كەرەك دەپ ايقىن اتاپ كورسەتتى.

  پارتيانى جاپپاي قاتاڭ جونگە سالۋدا، ءسوز جوق، باستان - اياق وزەكتى ارقاۋ ەتۋگە، كەلەلى جاعدايعا قىزمەت ەتۋگە تاباندى بولىپ، نىسانانى ءدال كوزدەپ، ءتۇيىندى ءداپ باسىپ تابۋ، اسىرەسە، ۇقىق شوعىرلى، قاراجات شوعىرلانعان، بايلىق توپتالعان، حالىق تۇرمىسىنا تىعىز قاتىستى تاراۋلار مەن كاسىپ سالالارىنداعى شىرىكتەسۋگە قارسى تۇرۋ تەبىنىن ۇزدىكسىز ارتتىرىپ، باقىلاۋدىڭ، جونگە سالۋدىڭ ونىمدىلىگىن اناعۇرلىم كورنەكتىلەندىرە ساۋلەلەندىرىپ، قاتاڭ باقىلاۋ جۇيەسى ارقىلى حاۋىپ - قاتەردەن، سىن - سايىستان ساقتانۋ، حاۋىپسىزدىك قالتقىسىن بەكەمدەۋ كەرەك.

  جاڭا ساپاردا تاعى دا جولعا شىققاندا، قاتاڭ باسقارۋ مەن قامقورلىق جاساۋدى ۇشتاستىرۋعا، شابىتتاندىرۋ مەن تەجەۋدى تەڭ جۇرگىزۋگە تاباندى بولۋ كەرەك—

  2020 - جىلى جىجياڭ ولكەلىك ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى بۇكىل ولكە كولەمىندە جازا بەرىلگەن پارتيالى كادرلاردان قايتالاي جاعداي ۇعىسۋ، تاربيە بەرۋ ارناۋلى ارەكەتىن ورىستەتۋدى ورنالاستىرىپ، جازا بەرىلگەن 210 پارتيالى كادرعا ءتۇيىندى تۇردە شوعىرلى قايتالاي جاعداي ۇعىسۋ ورىستەتىپ، ىستەتۋگە ىقپال ەتپەيتىندىگى جونىندە 19 ۇسىنىستى العا قويىپ، جازا بەرۋ قارارىن اتقارۋ تىڭعىلىقتى بولماۋ ماسەلەسىنەن 47سىن تۇزەتىپ، جازا بەرىلگەن پارتيالى كادرلاردى قاتەلىگىن تانۋعا، قاتەلىگىن وزگەرتۋگە، رۋحتى قايتا سەرپىلتۋگە تاربيەلەدى، جەتەكتەدى.

  پارتيانى جاپپاي قاتاڭ جونگە سالۋدا، ءسوز جوق، قاتاڭ باسقارۋ مەن قامقورلىق جاساۋدى ۇشتاستىرۋعا، شابىتتاندىرۋ مەن تەجەۋدى تەڭ جۇرگىزۋگە باستان - اياق تاباندى بولىپ، ”ءۇشتى اجىراتۋدى“ ورىنداپ، پارتيالى كادرلاردىڭ ىشكى قوزعاۋشى كۇشىن تولىق جۇمىلدىرىپ، جاڭا ساپاردا ەكپىندەي ىلگەرىلەپ، جاڭا ۇلى ىستەردى جازۋدىڭ شەكسىز ىنتاسىن قاۋلاتۋ كەرەك.

  وتكەننىڭ ءبارى كەلەر كۇننىڭ باستاماسى.

  جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى باستالدى، پارتيانى جاپپاي قاتاڭ جونگە سالۋدا دا، ءسوز جوق، جاڭا تاماشا تاراۋلار جالعاستىرىپ جازىلادى.

  ”توڭكەرىسشىلەر ماڭگى جاس“.

  شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، 100 جىلدىق ءىرى پارتيا اۋەلگى ماقساتتى ۇمىتپاي، بورىشتى ەستە بەرىك ساقتاپ، وزىنە توڭكەرىس جاساۋدى اياعىنا دەيىن جالعاستىرسا، ءسوز جوق، قاسقايا الدا ءجۇرىپ، پارتيا قۇرىلىسىنىڭ دارقان تۋراشىلدىعىمەن ميللياردتاعان حالىقتىڭ ىنتىماقتاسا ەكپىندەي ىلگەرىلەۋىنىڭ جويقىن كۇشىن قاۋلاتاتىن بولادى.

(شينحۋا اگەنتتىگىنىڭ 1 - ايدىڭ 21 - كۇنى بەيجيڭنەن بەرگەن حابارى)

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.