تيانشان تورى   ›   جاڭالىقتار   ›   كەدەيلىكتەن ارىلتۋدان قامال الۋ

كەدەيلەردى دالمە - ءدال سۇيەمەلدەۋدىڭ ساپاسى كورنەكتى بولدى

□ اناربۇلت/شينجياڭ گازەتىنىڭ ءتىلشىسى ليۋ ي

  قىسقى ارەدىك بولسا دا، كەريا اۋدانى ويتوعىراق اۋىلى يارءمالى قىستاعىنىڭ تۇرعىنى ماحمۇت مامەتتۇرايىم بوس وتىرا المادى، قىستاق ۇيىمداستىرعان مال شارۋاشىلىعى ىندەتتەن ساقتانۋ كۋرسىنا قاتىناسىپ، بيىلعى قىزمەتتى جاقسى ىستەۋ ءۇشىن ءبىلىمىن تولىقتادى.

  كەزىندە كەدەي وتباسى بولعان ول بۇگىنگى كۇنى قىستاقتىڭ ەگىن شارۋاشىلىعى ارناۋلى كادرى بولدى، ءوزى جاقسى تۇرمىس كەشىرىپ قانا قويماي، اۋىلداستارىنا كوبىرەك جۇمىس ىستەپ بەردى. كەدەيلىكتەن ارىلتۋدان قامال الۋ ول تۇرعان وڭتۇستىك شينجياڭداعى شاعىن قىستاققا وراسان زور وزگەرىس اكەلدى: قىستاق تۇرعىندارىنىڭ قالتالارى قامپيىپ قانا قالماستان، كوزقاراستارى دا وزگەرىپ، تۇرمىسقا اناعۇرلىم بەلسەندى پوزيتسيا ۇستانىپ، كىرىستى ارتتىرىپ، بايۋ سەنىمى ونان ارى نىعايدى. يارءمالى قىستاعىنىڭ كەدەيلەردى سۇيەمەلدەۋ ارناۋلى كادرى ميڭ جيڭلەي: مۇنىڭ ءبارىن كەدەيلەردى دالمە - ءدال سۇيەمەلدەۋ قىزمەتىنەن بولە قاراۋعا كەلمەيدى، - دەدى.

  پارتيا 18 - قۇرىلتايىنان بەرى، اۆتونوميالى رايوندىق پارتكوم پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، كەدەيلىكتەن ارىلتۋدان قامال الۋ شايقاسىن جەڭىستى جۇرگىزۋ تاريحي بورىشىن جانە ساياسي جاۋاپكەرشىلىگىن ارقالاپ، ”دالمە - ءدال بولۋ“ سىندى وسى ءبىر تەتىكتى مىقتاپ يگەرىپ، كەدەيلەردى دالمە - ءدال سۇيەمەلدەۋ قىزمەت مەحانيزمىن ورناتىپ، كەدەيلىكتى جونگە سالۋدىڭ، كەدەيلەردى دالمە - ءدال سۇيەمەلدەۋدىڭ، كەدەيلىكتەن ءونىمدى ارىلتۋدىڭ عىلمي جولىمەن ءجۇرىپ، بۇكىل رايوننىڭ كەدەيلىكتەن ارىلتۋدان قامال الۋ ساپاسى مەن ونىمدىلىگىن جوعارىلاتىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋگە، بۇكىل ەلمەن بىرگە جاپپاي دوڭگەلەك داۋلەتتى قوعامعا قادام تاستاۋعا مىعىم قوزعاۋشى كۇش ۇستەدى.

دالمە - ءدال پارىقتاپ، ”ءبىرىنشى تۇيمەنى“ مىقتى تۇيمەلەدى

  ەلەۋسىز اعاتتىقتان ەسەپسىز زارداپ تۋىلادى. كەدەيلەردى سۇيەمەلدەۋ - وركەندەتۋدىڭ ءمانى دالمە - دالدىكتە، ماڭىزى دا دالمە - دالدىكتە، ءساتتى - ءساتسىز بولۋى دا دالمە - دالدىكتە، دالمە - ءدال پارىقتاۋ ءۇشىن كەدەيلىكتەن ارىلتۋدان قامال الۋدا ”ءبىرىنشى تۇيمەنى“ مىقتاپ تۇيمەلەۋ كەرەك.

  شەريا اۋدانى شەريا قالاشىعى ياربويى قىستاق تۇرعىندار كوميتەتى جيىن زالىنىڭ تامىنا ىلىنگەن وزگەشە كەستە ەرەكشە كوز تارتادى. بۇل كەستەدە ءار وتباسىنىڭ ورنى،

  اتى - ءجونى سياقتى نەگىزگى ينفورماتسيالار بەلگىلەنىپ، ءار وتباسىنداعى قىستاق تۇرعىندارىنا تۇگەلدەي بىردەن ەكى ولشەمدى كود جاساپ قويىپتى، قول تەلەفونمەن ەكى ولشەمدى كودتى جايمالاسا بولعانى، وسى وتباسىنداعى قىستاق تۇرعىنىنىڭ وتباسى كىرىسى جانە جۇمىستانۋى سياقتى نەگىزگى احۋالدارىن انىق تەكسەرۋگە بولادى ەكەن. قىستاق كادرلارى مەن قىستاقتا تۇراتىن قىزمەت اترەتىندەگىلەر مەرزىمدى ۋاقىتتا قىستاقتاعى ارحيۆ تۇرعىزىلىپ، كارتچكالاندىرىلعان وتباسىلاردى جانە كەدەيلەسۋگە تاياپ تۇرعان، وڭاي كەدەيلەسەتىن وتباسىلارىن ارالاپ، قايتا كەدەيلەسۋ، كەدەيلەسۋ حاۋپى ساقتالعان قىستاق تۇرعىندارىنا دەر كەزىندە ءونىمدى كومەكتەسىپ - سۇيەمەلدەپ، كەدەيلىكتەن ورنىقتى ارىلتۋدى ىسكە اسىرۋعا جانە جاڭادان كەدەيلىك تۋىلماۋىنا شىنايى كەپىلدىك ەتتى.

  دالمە - ءدال پارىقتاۋ، دالمە - ءدال كومەكتەسۋ - سۇيەمەلدەۋ ينفورماتسيا جۇيەسى بۇكىل رايوننىڭ كەدەيلىكتەن ارىلتۋدان قامال الۋ قىزمەتىندە كەڭىنەن قولدانىلدى.

  2014 - جىلى كەدەيلەرگە ارحيۆ تۇرعىزىپ، كارتچكالاندىرۋ سىندى بۇرىن بولماعان قىزمەت تۇتاس رايونىمىزدا جاپپاي ورىستەتىلدى، قىستاققا، وتباسىنا، ءار ادامعا دەيىن تۇڭعىش رەت كەدەيلەر ساندى مالىمەتىنە ەنگىزىلدى. 2017 - جىلى اۆتونوميالى رايون 220 مىڭعا جۋىق كادردى قىستاققا، وتباسىلارىنا دەيىن بارۋعا ۇيىمداستىرىپ، تۇتاس رايونداعى كەدەيلەردى سۇيەمەلدەۋ وبيەكتىلەرىنىڭ ارحيۆ تۇرعىزىپ، كارتچكالاندىرۋ ينفورماتسيا ساندى مالىمەتىن اداقتاۋدى ورىستەتىپ، ارحيۆ تۇرعىزىپ، كارتچكالاندىرۋ بويىنشا يكەمدى باسقارۋدى كۇشەيتىپ، رايون، ايماق، اۋدان، اۋىل، قىستاق 5 دارەجەلى كەدەيلەر ينفورماتسيا ماتەريال قويماسىن قۇرىپ، رايونىمىز تاريحىندا ”وتباسىندا كارتچكا بولۋ، قىستاقتا كەستە بولۋ، اۋىلدا ءتىزىم بولۋ، اۋداندا ارحيۆ بولۋ، ايماقتا حۇجات بولۋ، رايوندا قويما بولۋدى“ تۇڭعىش رەت جۇزەگە اسىرىپ، ناعىز كەدەيلەردى كەدەيلىكتەن ارىلتۋعا، كەدەيلىكتەن شىنايى ارىلتۋعا پارمەندى نەگىز قالادى.

  2020 - جىلى كەدەيلىكتەن ارىلتۋ جەتىستىگىن بەكەمدەپ، قايتا كەدەيلەسۋدەن جانە تىڭنان كەدەيلەسۋدىڭ جارىققا شىعۋىنان ءونىمدى ساقتانۋ ءۇشىن، تۇتاس رايون كەدەيلىكتەن ارىلتۋدان قامال الۋ ۇلكەن ساندى مالىمەت تۇعىرىنا سۇيەنىپ، قايتا كەدەيلەسۋدەن ساقتانۋ، كەدەيلەسۋدەن ساقتانۋ بويىنشا باقىلاۋ، ساقتاندىرۋ جانە يكەمدى كومەكتەسۋ - سۇيەمەلدەۋ مەحانيزمىن ورناتىپ، كەدەيلەردى باقىلاۋعا ”قىزىل، قىزعىلتىم، سارى، جاسىل“ سىندى 4 ءتۇرلى سيگنال شىراعى بويىنشا دارەجەگە ءبولىپ ساقتاندىرۋدى قولدانىپ، كەدەيلىكتەن ارىلتۋدا ورنىقتى بولماعان وتباسىلاردىڭ، كەدەيلەسۋگە تاياپ تۇرعان، وڭاي كەدەيلەسەتىن وتباسىلاردىڭ، سونداي - اق ىندەت نەمەسە باسقا سەبەپتەن كىرىسى كۇرت تومەندەپ، شىعىمى كۇرت ارتقان وتباسىلاردىڭ كىرىسىن باقىلاۋدى كۇشەيتىپ، الدىن الا باعىتتامالى كومەكتەسۋ - سۇيەمەلدەۋ شاراسىن قولدانىپ، كەدەيلىكتەن ارىلعان وتباسىلاردىڭ قايتا كەدەيلەسپەۋىنە، جاي وتباسىلاردىڭ كەدەيلەسپەۋىنە شىنايى كەپىلدىك ەتتى.

  دالمە - ءدال پارىقتاۋدىڭ ارقاسىندا تۇتاس رايوننىڭ كەدەيلىكتەن ارىلتۋدان قامال الۋ قىزمەتىندە ”كىمدى سۇيەمەلدەۋ كەرەك؟“ دەگەن ماسەلە تياناقتى شەشىلىپ، كەدەيلىكتەن ارىلتۋدان قامال الۋدىڭ كولدەتىپ سۋارۋدان دالمە - ءدال شارا قولدانۋعا بۇرىلىس جاساۋىنا شارت - جاعداي ازىرلەدى.

دالمە - ءدال شارا قولدانىپ، كەدەيلەردى سۇيەمەلدەۋدىڭ ”رەتسەبى“ دۇرىس جازىلدى

  ءمان - جايىن انىق ءبىلۋ نەگىزىندە، بۇكىل رايون ”ەكىدەن تارىقتىرماۋ، ءۇشتى قامتاماسىز ەتۋمەن“ تىعىز بايلانىستىرىپ، جەرگىلىكتى جاعدايعا قاراي ىستەۋگە تاباندى بولىپ، قىستاق، وتباسى، ادام بويىنشا دالمە - ءدال شارا قولدانىپ، كاسىپ سالاسىن دامىتۋ، باسقا كاسىپ سالاسىنا ويىستىرىپ جۇمىستاندىرۋ، جەردى اداقتاپ قايتادان ءبولۋ، شەكارا قورعاۋشىعا اينالدىرۋ، ەكولوگيالىق تولەم بەرۋ، قونىس جاڭالاپ كەدەيلەردى سۇيەمەلدەۋ بويىنشا كوشىرۋ، تومەنگى شەكتەن تۇسىرمەي قامتاماسىز ەتۋ ”جەتى ءبىر توپتى“ ىلگەرىلەتىپ، كەدەيلىكتى جونگە سالۋدىڭ دالمە - ءدال رەتسەبىن جازىپ، كەدەيلىك قامالىن الدى.

  ”قىزمەت گرۋپپاسىنىڭ كومەگىندە عىلمي تۇردە قاۋىن ەگۋ تەحنيكاسىن ۇيرەنىپ الدىم، ءپايزاۋات قاۋىنىنىڭ ساپاسى زور كولەمدە جوعارىلادى“. ءپايزاۋات اۋدانى عولتوعىراق قالاشىعى توعىراقسىم قىستاعىنىڭ تۇرعىنى سىمايىل ھەلىمنىڭ ايتۋىنشا، بۇرىن ەگىمشىلىك تەحنيكاسىنا جاتىلماعاندىقتان، نەگىزگى ەگىس اۋماعى باسىمدىعىن ساقتاعانمەن، ءپايزاۋات قاۋىنى بۇل جەردەگى قىستاق تۇرعىندارىن بايىتا الماپتى.

  بايلىق باسىمدىعىنىڭ كاسىپ سالاسى باسىمدىعى مەن كىرىستى ارتتىرۋ باسىمدىعىنا اينالۋ - اينالماۋىنىڭ تەتىگى كاسىپ سالاسىن دامىتۋ ولقىلىقتارىنىڭ تولىقتالعان - تولىقتالماعاندىعىندا ەدى، بۇل توعىراقسىم قىستاعىنىڭ كەدەيلىكتەن ارىلتۋدان قامال الۋداعى دالمە - ءدال كۇش سالۋ تۇيىنىنە اينالدى. قىستاقتا تۇراتىن قىزمەت اترەتى مەن قىستاق ”ەكى كوميتەتىنىڭ“ جەتەكتەۋىندە، قىستاق اۋىل شارۋاشىلىق تەحنيكاسى ماماندارىن ۇسىنىس ەتىپ، شەبەرلىك باۋلۋىن قانات جايدىرىپ، قىستاق تۇرعىندارىنىڭ ەگىمشىلىك تەحنيكاسى مەن باپتاۋ ورەسىن جوعارىلاتىپ، قىستاقتا ءپايزاۋات قاۋىنى ايىرباس بازارىن قۇرىپ، ساتىپ الۋشىلاردى كەلىپ الۋعا باۋرادى، تاعى جەرگىلىكتى ورىنداعى ءبىر كاسىپورىنمەن ۇزاق ۋاقىت ساتىپ الۋ كەلىسىمىنە قول قويىسىپ، ءپايزاۋات قاۋىنى كاسىپ سالاسى دامۋىنىڭ ولقىلىقتارىن بىرتىندەپ تولىقتىردى.

  2020 - جىلى توعىراقسىم قىستاعى 2600 مۋدان استام ءپايزاۋات قاۋىنىنان قۋانىشپەن مول ءونىم الىپ، ەگىمشى وتباسىلارىنىڭ تازا كىرىسى 15 مىڭ يۋان بولدى، قىستاق تۇرعىندارىنىڭ ءپايزاۋات قاۋىنى كاسىپ سالاسىن دامىتۋ بەلسەندىلىگى تولىق جۇمىلدىرىلدى.

  سوڭعى جىلدارى تۇتاس رايوننىڭ جەر - جەرى اۋىل شارۋاشىلىعىن دامىتۋعا وڭتايلى بولسا اۋىل شارۋاشىلىعىن دامىتۋ، ورمان شارۋاشىلىعىن دامىتۋعا وڭتايلى بولسا ورمان شارۋاشىلىعىن دامىتۋ، مال شارۋاشىلىعىن دامىتۋعا وڭتايلى بولسا مال شارۋاشىلىعىن دامىتۋ، ونەركاسىپتى دامىتۋعا وڭتايلى بولسا ونەركاسىپتى دامىتۋ، ساۋدانى دامىتۋعا وڭتايلى بولسا ساۋدانى دامىتۋ، ساياحاتتى دامىتۋعا وڭتايلى بولسا ساياحاتتى دامىتۋعا تاباندى بولىپ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە جەتۋگە اناعۇرلىم پارمەندى، اناعۇرلىم باياندى تىرەك ازىرلەدى.

  تۇتاس رايون كاسىپ سالاسىن دامىتۋ، جۇمىستاندىرۋدى جەبەۋدى ماڭىزدى شارا ەتىپ، وڭتۇستىك شينجياڭداعى 4 ايماق، وبلىستاعى توقىماشىلىق جانە كيىم - كەشەك، ەلەكتروندى ونىمدەردى قۇراستىرۋ، اۋىل شارۋاشىلىق قوسىمشا ونىمدەرىن وڭدەۋ سياقتى ەڭبەك شوعىرلانعان كاسىپ سالالارىنىڭ دامۋىن زور كۇشپەن ىلگەرىلەتىپ، 2109 كەدەيلەردى سۇيەمەلدەۋ سەحىن سالىپ، اناعۇرلىم كوپ كەدەي ەڭبەككۇشتەردى ەسىگىنىڭ الدىندا، جاقىن ماڭدا، سول جەردە جۇمىستانۋدى جۇزەگە اسىرۋعا جەتەكتەدى.

  ”رەتسەپتى“ دۇرىس جازعاندا عانا، ”كەدەيلىكتىڭ تامىرىن“ جۇلىپ تاستاۋعا بولادى. تۇتاس رايون دالمە - ءدال شارا قولدانىپ، ءونىمدى رەتسەپ جازىپ، كەدەي وڭىرلەردىڭ دامۋىن پارمەندى ىلگەرىلەتىپ، كەدەي بۇقارانىڭ كىرىسىن زور كولەمدە ارتتىرىپ، ”13 - بەسجىلدىق“ مەزگىلىندە تۇتاس رايونداعى ارحيۆ تۇرعىزىلىپ، كارتچكالاندىرىلعان كەدەي وتباسىلاردىڭ جان باسىندىق تازا كىرىسىنىڭ جىلىنا ورتا ەسەپپەن ارتۋى %32.32كە جەتتى.

دالمە - ءدال كۇش ءتۇسىرىپ، كەدەيلىكتەگى ”ەڭ قيىن ءتۇيىندى“ شەشتى

  وڭتۇستىك شينجياڭداعى 4 ايماق، وبلىس − بۇكىل ەلدەگى ”3 رايون، 3 وبلىس“ اۋىر كەدەي ءوڭىرى، كەدەيلىكتەن ارىلتۋدان قامال الۋداعى شەشىلۋى ”ەڭ قيىن ءتۇيىن“.

  باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقان كەزدە: كەدەيلەردى دالمە - ءدال سۇيەمەلدەۋدى، كەدەيلىكتەن دالمە - ءدال ارىلتۋدى جالپى بەتتىك تياناقتاندىرىپ، وڭتۇستىك شينجياڭداعى كەدەي وڭىرلەردى كەدەيلىكتەن ارىلتۋدان قامال الۋدىڭ نەگىزگى شايقاس مايدانى ەتىپ، اۋىل - قىستاقتارداعى بەيقۇت ءۇي جانە كوشپەندى مالشىلاردى وتىرىقتاندىرۋ ينجەنەرياسىن، قالا - قالاشىقتاعى قامتاماسىزدىق سيپاتتى بەيقۇت ءۇي ينجەنەرياسىن ويداعىداي اتقارىپ، ەگىنشىلىك، مالشىلىق وڭىرلەردەگى جانە شەكارا وڭىرلەردەگى نەگىزگى الەۋمەتتىك قىزمەت وتەۋدى كەمەلدەندىرىپ، ءار ۇلت بۇقاراسىنىڭ ءتىپتى دە جاقسى تۇرمىس وتكىزۋىنە مۇمكىندىك جاساۋعا قۇلشىنۋ كەرەك، - دەپ باسا دارىپتەدى.

  جۋىرداعى جىلداردان بەرى بۇكىل رايون جوعارى دەڭگەيدە جوبالاۋدى كۇشەيتىپ، ءتۇزىلىس مەحانيزمدى كەمەلدەندىرىپ، وڭتۇستىك شينجياڭداعى 4 ايماق، وبلىستاعى اۋىر كەدەي وڭىرلەردى نەگىزگى شايقاس مايدانى ەتىپ، ”التى دالمە - ءدالدى“ ىشكەرىلەي تياناقتاندىرىپ، ”جەتى ءبىر توپتى“، ”ۇشتە سەرپىندى ارتتىرۋدى“ تىڭعىلىقتى ىلگەرىلەتىپ، ولقىلىقتاردى كۇش سالا تولىقتاپ، ءالسىز تۇستاردى كۇشەيتىپ، كۇش بىرىكتىرىپ قامال الۋدىڭ ”كەشەندى شاراسىن“ اتقارىپ، ەڭ سوڭعى قامالدى بار كۇشپەن الدى.

  ءبىر كەسە تازا سۋ كەزىندە ءپايزاۋات اۋدانىنداعى بىرنەشە ۇرپاق ادامنىڭ ارمانى بولاتىن، قازىر بۇل ارمان اقىرى جۇزەگە استى. ءپايزاۋات اۋدانى جامباز اۋىلى يپەكشى قىستاعىنداعى 80 جاستاعى قىستاق تۇرعىنى يميت اسەن ”كولشىك سۋىن“، ”كەرمەك سۋ“ ىشۋدەي جاپالى تۇرمىستى باستان كەشىرگەن. قازىر يميت قاريا ۇيىندەگى قۇبىر سۋ شۇمەگىن بۇراسا بولدى، تازا سۋ شورىلداي جونەلەدى، ول تاپ - تازا سۋمەن ءبىر شاۋگىم شايدى بىردەمدە قايناتىپ الادى، جاپالى تۇرمىس بۇكىلدەي وتكەن ىسكە اينالدى.

  2019 - جىلى اۆتونوميالى رايون ءپايزاۋات اۋدانىنىڭ قالا، اۋىلدارىنداعى اۋىز سۋ حاۋىپسىزدىگى ينجەنەرياسىن رەسمي بەكىتىپ، جۇزدەگەن كيلومەتر شالعايداعى مۇزتاۋ شىڭىنداعى مۇزارتتى قار سۋىنان ورنىقتى دا ساپالى سۋ قاينارىن باستاپ كەلىپ، 2000 كيلومەترگە جۋىق ينجەنەريا قۇبىر جەلىسىن جاتقىزىپ، تازا دا حاۋىپسىز قۇبىر سۋىن سان مىڭداعان وتباسىنا جەتكىزدى.

  رايونىمىز كەدەيلەردى وقۋ - اعارتۋ ارقىلى سۇيەمەلدەۋ، كەدەيلەردى سالاماتتىق ارقىلى سۇيەمەلدەۋ، نەگىزدىك قۇرىلعى قۇرىلىسى تەبىنىن ۇزدىكسىز ارتتىرىپ، وقيتىن مەكتەبى بولۋدى، اۋىرعاندا ەمدەلە الۋدى، تۇراتىن باسپاناسى بولۋدى جۇزەگە اسىردى. كەدەي وتباسىلارىنداعى مىندەتتى وقۋ - اعارتۋ باسقىشىنداعى بالالاردىڭ كەدەيلىك سەبەبىنەن وقۋعا تۇسە الماۋىن، وقۋدان قالۋىن يكەمدى جويىپ، كەدەي جان سانىنىڭ نەگىزدىك ەمدەۋ قامسىزداندىرۋى، سالماقتى اۋرۋلار قامسىزداندىرۋى بويىنشا قامسىزداندىرۋعا قاتىناسۋ مولشەرىن %100كە جەتكىزىپ، ارحيۆ تۇرعىزىلىپ، كارتچكالاندىرىلعان 675 مىڭ 600 كەدەي وتباسىنىڭ تۇرعىن ءۇي حاۋىپسىزدىگى ماسەلەسىن شەشتى، 169 مىڭ 200 كەدەي بۇقارا باسقا جەرگە كوشىرىپ قونىستاندىرۋ بويىنشا جاڭا قونىسقا قۋانا كوشىپ كىردى. جيىنى ءبىر ميلليون 520 مىڭ كەدەي جان سانىنىڭ اۋىز سۋ حاۋىپسىزدىگى ماسەلەسىن شەشىپ، 3666 كەدەي قىستاقتىڭ جولىن قاتتىلاندىرىپ، ەلەكتر كىرگىزىپ، راديو - تەلەۆيزور ۇلاستىرىپ، كەڭ بەلبەۋلى ينتەرنەت جالعاپ، كەدەي بۇقارانىڭ ءوندىرىس، تۇرمىس شارت - جاعدايىندا وراسان زور وزگەرىس تۋدىردى.

  ءبىر قىدىرۋ جارامدى دا ءونىمدى قولداۋ ساياساتتارى ەڭ سوڭعى ”قيىن ءتۇيىندى“ شەشۋگە قۋاتتى قوزعاۋشى كۇش ۇستەدى. قازىر بۇكىل رايونداعى قازىرگى ولشەمدەگى 3 ميلليون 64 مىڭ 900 كەدەي جان سانى تۇگەلدەي كەدەيلىكتەن ارىلىپ، 3666 كەدەي قىستاق كەدەيلىك تىزىمىنەن تۇگەلدەي شىعارىلىپ، 32 كەدەي اۋداننىڭ كەدەيلىك قالپاعى تۇگەلدەي الىنىپ، شينجياڭداعى مۇلدەم كەدەيلىك ماسەلەسى تاريحي شەشىم تاپتى. كەدەيلىكتەن ارىلعان وڭىرلەر شىت جاڭا بەت - بەينەمەن كەدەيلىكتەن ارىلتۋدان قامال الۋدىڭ تابىستارىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدىڭ كەلەسى ىستەرىن جاقسى ىستەپ، اۋىل - قىستاقتى گۇلدەندىرۋدىڭ كوركەم كارتيناسىن قۇلشىنا سالۋدا.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.