تيانشان تورى   ›   جاڭالىقتار   ›   ماڭىزدى حابارلار

«شي جينپيڭنىڭ ينتەرنەتتە قۋاتتى ەل بولۋ جونىندەگى بايىمداۋلارىنان ۇزىندىلەر» باسپادان شىعىپ تاراتىلدى

  شينحۋا اگەنتتىگىنىڭ 1 - ايدىڭ 21 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحىن جانە حۇجاتتاردى زەرتتەۋ ورنى رەداكسيالاعان «شي جينپيڭنىڭ ينتەرنەتتە قۋاتتى ەل بولۋ جونىندەگى بايىمداۋلارىنان ۇزىندىلەر» اتتى كىتاپ تاياۋدا ورتالىق حۇجاتتار باسپاسىنان باسىلىپ شىعىپ، بۇكىل ەلدە تاراتىلدى.

  پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى كوپتەگەن جاڭا تاريحي ەرەكشەلىككە يە ۇلى كۇرەس جۇرگىزۋدى نەگىز ەتە وتىرىپ، ينتەرنەتكە نازار اۋدارىپ، ينتەرنەتتى دامىتىپ، ينتەرنەتتى جونگە سالىپ، ساياسي، ەكونوميكا، مادەنيەت، قوعام، اسكەري ىستەر سياقتى سالالاردىڭ ينتەرنەت حاۋىپسىزدىگىنە جانە ينفورماتسيالاندىرۋعا ساياتىن ەلەۋلى ماسەلەلەردى ءبىر تۇتاس جوسپارلاپ سايكەستىرىپ، ءبىرسىپىرا كەلەلى شەشىمدەر جاساپ، ءبىرسىپىرا ماڭىزدى شارالاردى اتقارىپ، ەلىمىزدىڭ ينتەرنەت ينفورماتسياسى ىستەرىن ىلگەرىلەتۋدە تاريحي جەتىستىكتەرگە جەتىپ، جۇڭگوشا ەرەكشەلىككە يە ينتەرنەتتى جونگە سالۋ ارناسىن اشتى. شي جينپيڭ جولداس ينتەرنەتتە قۋاتتى ەل بولۋ قۇرىلىسىن ارقاۋ ەتە وتىرىپ ءبىرسىپىرا ماڭىزدى بايىمداۋلار جاساپ، ءبىرسىپىرا سونى يدەيالاردى، تىڭ كوزقاراستاردى، جاڭا تۇجىرىمداردى ورتاعا قويىپ، جاڭا داۋىردەگى ينتەرنەت ينفورماتسياسى ىستەرىنىڭ دامۋىنا ءتۇبىرلى بويسۇنۋ ولشەمىن ازىرلەدى. شي جينپيڭ جولداستىڭ ينتەرنەتتە قۋاتتى ەل بولۋ جونىندەگى ماڭىزدى بايىمداۋىن مۇقيات ۇيرەنۋ ينتەرنەت حاۋىپسىزدىگى جانە ينفورماتسيالاندىرۋ قىزمەتتەرىن ويداعىداي ىستەپ، ينتەرنەتتە قۋاتتى ەل بولۋ قۇرىلىسىن ىلگەرىلەتۋىمىزدە، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋىمىزدا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋىمىزدا توتەنشە كەلەلى ماڭىز الادى.

  «بايىمداۋلاردان ۇزىندىلەر» 9 ارناۋلى تاقىرىپقا بولىنگەن، جيىنى 285 ابزاتس بايىمداۋ بار، شي جينپيڭ جولداستىڭ 2013 - جىلى 3 - ايدىڭ 4 - كۇنىنەن 2020 - جىلى 11 - ايدىڭ 23 - كۇنىنە دەيىنگى سويلەگەن ءسوزى، بايانداماسى، لەكسياسى، نۇسقاۋى، بەكىتۋلەرى، قۇتتىقتاۋ حاتتارى سياقتى 100 پارشا ماڭىزدى حۇجاتتان الىنعان. مۇنىڭ ىشىندەگى كوپتەگەن بايىمداۋلار ءبىرىنشى رەت اشىق جاريالانىپ وتىر.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.