انار بۇلت / شينجياڭ گازەتىنىڭ ءتىلشىسى چاۋ جين 1 - ايدىڭ 21 - كۇنى ۇرىمجىدەن حابارلايدى. كوكتەم مەرەكەسى تاياپ قالدى، الەۋمەتتىك اۋماق پەن تۇرعىندار شاعىن اۋماعى ساقتانۋ جۇمىسىن قايتكەندە جاقسى ىستەۋ كەرەك؟ اۋرۋدان ساقتانۋ - تىزگىندەۋ ماماندارى مىنانى ەسكەرتەدى: قورشاعان ورتا تازالىعىن جونگە سالۋدى كۇشەيتىپ، كۇندەلىكتى قوقسىقتى كۇندە تازالاپ وتىرۋ، الايدا سىرتتى كەڭ كولەمدە زارارسىزداندىرۋدان، جوعارى قويۋلىقتاعى زارارسىزداندىرۋ سۇيىقتىعىن ساقتانۋ سيپاتىنداعى زارارسىزداندىرۋعا جۇمساۋدان اۋلاق بولۋ كەرەك.
”الەۋمەتتىك اۋماق پەن تۇرعىندار شاعىن اۋماعى، ەڭ اۋەلى، ىندەتتەن ساقتانۋ - تىزگىندەۋدى باسقارۋ ءتۇزىمىن قاتاڭ تياناقتاندىرۋ كەرەك“. اۆتونوميالى رايوندىق اۋرۋدان ساقتانۋ - تىزگىندەۋ ورتالىعى زارارسىزداندىرۋ، جۇعىمدالۋدى تىزگىندەۋ ورتالىعىنىڭ مەڭگەرۋشىسى ياڭ حۇڭساي مىنالاردى ەسكەرتەدى: تازالىق − زارارسىزداندىرۋدىڭ العاشقى باسقىشى، الەۋمەتتىك اۋماق پەن تۇرعىندار شاعىن اۋماعى قورشاعان ورتا تازالىعىن جونگە سالۋدى كۇشەيتىپ، قورشاعان ورتا تازالىعىن ساقتاۋى قاجەت. ارناۋلى ادام ورنالاستىرىپ، مەرزىمدى ۋاقىتتا (ءار كۇنى 2 دە 3 رەت) كاريدورداعى جاقتاۋلى باسپالداق نەمەسە ليفت كنوپكاسى سياقتى ءجيى جۋىساتىن جەرلەردى تازالاپ جانە زارارسىزداندىرىپ تۇرۋ، الەۋمەتتىك ورىنداردى جەل قاقتىرىپ، اۋا الماستىرىپ تۇرۋ كەرەك. كۇندەلىكتى قوقسىقتى كۇندە تازالاپ وتىرۋ، قالتارىس جەرلەردى دە قالدىرماي تازالاۋ، سىرتتى كەڭ كولەمدە زارارسىزداندىرۋدان، جوعارى قويۋلىقتاعى زارارسىزداندىرۋ سۇيىقتىعىن ساقتانۋ سيپاتىنداعى زارارسىزداندىرۋعا جۇمساۋدان اۋلاق بولۋ، زارارسىزداندىرۋ سۇيىقتىعىنىڭ زاتتاردى ءىرىتىپ - ءشىرىتىپ جىبەرۋىن ازايتۋ كەرەك. سونىمەن بىرگە، زارارسىزداندىرۋ سۇيىقتىعىن ساقتاۋ جۇمىسىن جاقسى ىستەپ، حاۋىپسىزدىك كومەسكى كىناراتىن ارىلتۋ كەرەك. زارارسىزداندىرۋ ونىمدىلىگىنە شىنايى كەپىلدىك ەتۋ ءۇشىن، زارارسىزداندىرۋ سۇيىقتىعىن ۇستىندە دايىنداپ، ۇستىندە پايدالانۋ قاجەت. زارارسىزداندىرۋشى قىزمەتكەرلەر ماسكى تاعىپ، قولعاپ كيىپ، جەكە باسىندىق ساقتانۋ جۇمىسىن ويداعىداي ىستەۋى كەرەك.
”ىستىقتان قورقىپ، سۋىقتان قورىقپاۋ − ۆيرۋس ەرەكشەلىكتەرىنىڭ ءبىرى، تومەن تەمپەراتۋرالى شارت - جاعدايدا ۆيرۋستىڭ ءومىر سۇرەتىن ۋاقىتى ۇزارادى، مۇنان سىرت، كۇن اياز، اۋا دەرلىكتەي الماستىرىلماۋ سەبەبىنەن قىس ماۋسىمىندا جۇعىمدالۋ قاتەرى ارتادى“. ياڭ حۇڭساي كوپشىلىككە مىنانى ۇسىنىس ەتتى: قاجەتسىز سىرتقا شىعۋلاردى ازايتۋ، باس قوسۋلاردى ازايتۋ، ءسوزسىز، سىرتقا شىعۋعا تۋرا كەلسە، جىلىنۋ شارالارى مەن جەكە باسىندىق ساقتانۋدى جاقسى ىستەۋ، ماسكى تاعىپ الۋ، الەۋمەتتىك قارىم - قاتىناستا ءبىر مەتردەن ارتىق ارالىق ساقتاپ ءجۇرۋ كەرەك. الەۋمەتتىك قاتىناس قۇرالدارى، ليفت سياقتى جابىق ورىندارعا وتىرعاندا باستان - اياق ماسكى تاعۋ، جالپىلىق زاتتاردىڭ سىرتىن جالاڭ قولمەن ۇستاۋدان بارىنشا ساقتانۋ، تازا ەمەس زاتتارعا جولاعاندا قولدى دەرەۋ زارارسىزداندىرۋ نەمەسە دىم قاعازبەن قوس قولدى دەرەۋ تازالاپ ءسۇرتۋ قاجەت. تاماشا تازالىق ادەتىن قالىپتاستىرىپ، ۇيگە قايتقاننان كەيىن قولدى دەرەۋ قول جۋۋ سۇيىقتىعىمەن نەمەسە ءيىس سابىنمەن سۋدى توقتاۋسىز اعىزىپ تازالاپ جۋۋ كەرەك.
