اۆتونوميالى رايوندىق حالىق قۇرىلتايىنىڭ مەجە ەسەپتى توراپتاستىرىپ باقىلاۋ قىزمەتىن ىلگەرىلەتۋ ءماجىلىسى اشىلدى
جۇيە قۇرىلىسىن كۇش بىرىكتىرە وتىرىپ ىلگەرىلەتىپ، باقىلاۋ رولىن ءونىمدى ساۋلەلەندىرەيىك
انار بۇلت / شينجياڭ گازەتىنىڭ ءتىلشىسى جاۋ جىيۇن 1 - ايدىڭ 23 - كۇنى ۇرىمجىدەن حابارلايدى. 1 - ايدىڭ 22 - كۇنى تۇستەن كەيىن اۆتونوميالى رايوندىق حالىق قۇرىلتايى تۇراقتى كوميتەتى اۆتونوميالى رايوندىق حالىق قۇرىلتايىنىڭ مەجە ەسەپتى توراپتاستىرىپ باقىلاۋ قىزمەتىن ىلگەرىلەتۋ ءماجىلىسىن اشىپ، رايونىمىزدىڭ مەجە ەسەپتى توراپتاستىرىپ باقىلاۋ جۇيەسى قۇرىلىسى جاعدايىن قورىتىندىلادى، پىكىر اۋىستىردى، الداعى قىزمەتتەردى ورنالاستىرىپ، مەجە ەسەپتى باقىلاۋ قىزمەتى دەڭگەيىن كوتەرىپ، جوعارى ساپالى دامۋدى ىلگەرىلەتۋگە پارمەندى قىزمەت وتەۋ قامتاماسىزدىعىن ازىرلەدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن ماجىلىسكە قاتىناستى ءارى ءسوز سويلەدى.
كەزەكتە اۆتونوميالى رايوننىڭ ءوز دارەجەسىندەگى مەجە ەسەپتى توراپتاستىرىپ باقىلاۋ جۇيەسى قۇرىلىپ بولدى ءارى قالىپتى اينالىم جاساۋدا، 12 ايماق، وبلىس، قالا جۇيە قۇرىلىسىن تامامدادى ءارى پايدالانۋعا بەردى، ءىشىنارا اۋدان، قالا، رايوندار دا جۇيە قۇرىلىسىن تامامدادى.
ءماجىلىس مىنالاردى باسا دارىپتەدى: ساياسي دەڭگەيدى شىنايى جوعارىلاتىپ، يدەيانى، تانىمدى بىرلىككە كەلتىرىپ، پارتيا ورتالىق كوميتەتىنىڭ حالىق قۇرىلتايىنىڭ مەجە ەسەپتى، سوڭعى ەسەپتى تەكسەرۋدى، باقىلاۋدى كۇشەيتۋ جونىندەگى شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا جاۋاپكەرشىلىكتى، نىسانانى جانە ۋاقىت كەستەسىن ايقىنداپ، جوعارى مەن تومەن بىرلەسىپ ارەكەتتەنىپ، تۇتاس تۇلعالىق سايكەسىپ، بۇكىل رايونداعى حالىق قۇرىلتايلارىنىڭ مەجە ەسەپتى توراپتاستىرىپ باقىلاۋ جۇيەسى قۇرىلىسى قىزمەتىن جەدەل ىلگەرىلەتۋ كەرەك. ءار دارەجەلى حالىق قۇرىلتايلارى جانە ونىڭ تۇراقتى كوميتەتتەرى جان - جاقتى ۇلاستىرۋ مەن ىشكەرىلەي تۇتاستىرۋدى ويداعىداي يگەرىپ، مەجە ەسەپ، سوڭعى ەسەپ جانە مەملەكەت مەنشىگىندەگى مال - مۇلىكتى باسقارۋ جاعدايىن باقىلاۋدىڭ جاپپاي قامتۋىن بىرتىندەپ جۇزەگە اسىرۋ؛ باقىلاۋ ءورىسىن كەڭەيتۋدى ءتۇيىندى ىلگەرىلەتىپ، جان - جاقتى توراپتاستىرۋ كولەمىن كەڭەيتىپ، كىرىستى جيناۋ - باسقارۋ، قوعامدىق قامتاماسىزداندىرۋ، مەملەكەت مەنشىگىندەگى مال - مۇلىك، قازىنالىق باقىلاۋ سياقتى تاراۋلارمەن توراپتاستىرۋدى بىرتىندەپ جۇزەگە اسىرىپ، ۇكىمەتتىڭ تولىق ولشەمدى مەجە ەسەبىن تەكسەرۋدى، باقىلاۋدى جۇزەگە اسىرۋعا شارت - جاعداي جاراتۋ كەرەك؛ اۋىس - كۇيىستى كۇشەيتۋ مەن سايكەسۋگە، سەلبەسۋگە باسا ءمان بەرىپ، مەجە ەسەپتى تورلاستىرۋدىڭ ۋاقىت ءتۇيىنى، كولەمى سياقتىلاردى ايقىنداۋ كەرەك.
ءماجىلىس مىنالاردى اتاپ كورسەتتى: مەجە ەسەپتى تورلاستىرىپ باقىلاۋ جۇيەسى يقۋاتىنان ءونىمدى پايدالانىپ، قىزمەت وتەۋ كولەمى مەن قىزمەت وتەۋ وبيەكتىن بىرتىندەپ كەڭەيتىپ، ءار دارەجەلى حالىق قۇرىلتايلارىنىڭ جانە ونىڭ تۇراقتى كوميتەتتەرىنىڭ مەجە ەسەپتى، سوڭعى ەسەپتى تەكسەرۋ، باقىلاۋ قىزمەت جاۋاپكەرشىلىگىن اتقارۋىنا شىن مانىندە ينفورماتسيالىق قىزمەت وتەۋ جانە تەحنيكالىق تىرەك ازىرلەۋ كەرەك؛ قىزمەت قاجەتىمەن ۇشتاستىرىپ، ءتۇزىمدى ورناتىپ، اقاۋسىزداندىرىپ، توراپتاستىرىپ باقىلاۋ قىزمەتىنىڭ ولشەمدەنۋ، عىلميلانۋ دەڭگەيىن جوعارىلاتۋ؛ ءونىمدى باقىلاۋدى ارقاۋ ەتىپ، مەجە ەسەپ ينفورماتسياسىنىڭ اناعۇرلىم تولىق، اشىق جانە اشكەرە بولۋعا قاراي بۇرىلىس جاساۋىن، مەجە ەسەپتى تەكسەرۋدىڭ، باقىلاۋدىڭ تىنىش كۇيدەن يكەمدىلىككە قاراي بۇرىلىس جاساۋىن، ءتۇيىن ۇلگىسىنەن بارلىق جاعدايدا بىردەي بولۋعا قاراي بۇرىلىس جاساۋىن، جۇمىس الدىندا، جۇمىس بىتكەننەن كەيىن بولۋدان جۇمىس الدىنداعى، جۇمىس بارىسىنداعى، جۇمىس بىتكەننەن كەيىنگى جالپى بارىسقا قاراي بۇرىلىس جاساۋىن جۇزەگە اسىرۋدى ىلگەرىلەتۋ؛ ءوزارا بايلانىستى جۇزەگە اسىرۋ نەگىزىندە جۇيەنىڭ قولدانىلۋ كولەمىن بىرتىندەپ كەڭەيتىپ، حالىق قۇرىلتايىنىڭ باقىلاۋ قىزمەتىن زاڭ بويىنشا ءونىمدى ورىستەتۋىنە قىزمەت وتەۋ كەرەك.
تارباعاتاي ايماقتىق حالىق قۇرىلتايى قىزمەت كوميتەتىنىڭ، قارامايلى قالالىق حالىق قۇرىلتايى تۇراقتى كوميتەتىنىڭ، بايىنعولين موڭعۇل اۆتونوميالى وبلىستىق حالىق قۇرىلتايى تۇراقتى كوميتەتىنىڭ، حوتان ايماقتىق حالىق قۇرىلتايى قىزمەت كوميتەتىنىڭ، قورعاس اۋداندىق حالىق قۇرىلتايى تۇراقتى كوميتەتىنىڭ، بۋىرشىن اۋداندىق حالىق قۇرىلتايى تۇراقتى كوميتەتىنىڭ جاۋاپتىلارى پىكىر اۋىستىرىپ ءسوز سويلەدى. اۆتونوميالى رايوندىق قازىنا مەڭگەرمەسىنىڭ قاتىستى جاۋاپتىلارى ماجىلىستە ءسوز سويلەدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى ءمۇتالىپ قاسىم ءماجىلىستى باسقاردى.
