اۆتونوميالى رايون اپاتتان ساقتانۋ، اپات زيانىن ازايتۋ، اپاتتان قۇتقارۋ، ءوندىرىس حاۋىپسىزدىگى جانە ءورت ءسوندىرۋ، ورتتەن ساقتانۋ حاۋىپسىزدىك قىزمەتى جونىندە تەلەۆيزور - تەلەفون ءماجىلىسىن اشتى
بەرىك بەكىممەن، تەمىردەي تارتىپپەن، قاتاڭ شارامەن رايونىمىزدىڭ حاۋىپسىزدىك جاعدايىنىڭ ءۇرتىس جاقسارۋىن ۇزدىكسىز ىلگەرىلەتەيىك
انار بۇلت/ شينجياڭ گازەتىنىڭ ءتىلشىسى يۋان لەي 1 - ايدىڭ 23 - كۇنى ۇرىمجىدەن حابارلايدى. 1 - ايدىڭ 23 - كۇنى اۆتونوميالى رايون اپاتتان ساقتانۋ، اپات زيانىن ازايتۋ، اپاتتان قۇتقارۋ، ءوندىرىس حاۋىپسىزدىگى جانە ءورت ءسوندىرۋ، ورتتەن ساقتانۋ حاۋىپسىزدىك قىزمەتى جونىندە تەلەۆيزور - تەلەفون ءماجىلىسىن اشتى. ءماجىلىس مەملەكەتتىك ءوندىرىس حاۋىپسىزدىگى تەلەۆيزور - تەلەفون ءماجىلىسىنىڭ رۋحىن دايەكتىلەندىرىپ، تياناقتاندىرىپ، رايونىمىزدىڭ اپاتتان ساقتانۋ، اپات زيانىن ازايتۋ، اپاتتان قۇتقارۋ، ءوندىرىس حاۋىپسىزدىگى جانە ءورت ءسوندىرۋ، ورتتەن ساقتانۋ حاۋىپسىزدىگى ءدوپ كەلگەن جاعدايلاردى قورىتىندىلاپ جانە وعان تالداۋ جاساپ، بيىلعى ءتۇيىندى قىزمەتتەردى ورنالاستىرىپ، جايعاستىرىپ، كەزەكتەگى اپاتتان ساقتانۋ، اپات زيانىن ازايتۋ، اپاتتان قۇتقارۋ، ءوندىرىس حاۋىپسىزدىگى جانە ءورت ءسوندىرۋ، ورتتەن ساقتانۋ حاۋىپسىزدىگى قىزمەتىنە قايتالاي ورنالاستىرۋ جاسادى، قايتالاي جايعاستىردى، قايتالاي تياناقتاندىردى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ءماجىلىستى باسقاردى.
ءماجىلىس مىنالاردى اتاپ كورسەتتى: وتكەن ءبىر جىلدا رايونىمىز اپاتتان ساقتانۋ، اپات زيانىن ازايتۋ، اپاتتان قۇتقارۋ، ءوندىرىس حاۋىپسىزدىگى جانە ءورت ءسوندىرۋ، ورتتەن ساقتانۋ حاۋىپسىزدىگى قىزمەتتەرىندە كورنەكتى ناتيجەگە قول جەتكىزدى، الايدا ءالى دە قاتاڭ دا كۇردەلى جاعدايعا ءدوپ كەلۋدە. جەر - جەر، تاراۋلار ساياسي دەڭگەيدى اناعۇرلىم جوعارىلاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جالپى تۇلعالىق مەملەكەت حاۋىپسىزدىگى كوزقاراسىن امالياتتا مۇقيات ايگىلەپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ” دامۋ مەن حاۋىپسىزدىكتى ءبىر تۇتاس جوسپارلاۋ“ تانىمىن بەكەمدەپ، كۇشەيتىپ، قاي - قاشان دا وي - سانانى سەرگەك ۇستاپ، حاۋىپسىزدىك ساڭلاۋلارىن باتىل بىتەپ، ەڭ قاتاڭ تالاپ ارقىلى قىزمەت جاۋاپكەرشىلىگىن اتقارىپ، ەڭ قاتاڭ پوزيتسيامەن حاۋىپسىزدىك قىزىل سىزىعىن ساقتاپ، رايونىمىزدىڭ حاۋىپسىزدىك جاعدايىنىڭ ءۇرتىس جاقسارۋىن ۇزدىكسىز ىلگەرىلەتۋ كەرەك.
ءماجىلىس مىنالاردى باسا دارىپتەدى: مەملەكەتتىك ءوندىرىس حاۋىپسىزدىگى تەلەۆيزور - تەلەفون ءماجىلىسىنىڭ رۋحىن جاپپاي تياناقتاندىرىپ، اۆتونوميالى رايوندىق پارتكومنىڭ ءبىر تۇتاس ورنالاستىرۋ تالابى بويىنشا حاۋىپ - قاتەردەن ساقتانۋعا، ورنىقتىلىقتى ساقتاۋعا، دامۋدى جەبەۋگە تاباندى بولىپ، بيىلعى جىلعى اپاتتان ساقتانۋ، اپات زيانىن ازايتۋ، اپاتتان قۇتقارۋ، ءوندىرىس حاۋىپسىزدىگى جانە ءورت ءسوندىرۋ، ورتتەن ساقتانۋ حاۋىپسىزدىك قىزمەتىن تىڭعىلىقتى، ويداعىداي ىستەۋ كەرەك. اپات حاۋىپ - قاتەرىن باسقارۋ تانىمىن بەرىك ورناتىپ، جالپىلىق باقىلاۋ، تەكسەرۋ، ساقتاندىرۋدى كۇشەيتىپ، جاراتىلىستىق اپاتتان جالپىلىق ساقتانۋ قابىلەتىن كۇش سالا جوعارىلاتۋ كەرەك. ءوندىرىس حاۋىپسىزدىگىن ارناۋلى رەتتەۋ - وڭاۋدى ىشكەرىلەي ىلگەرىلەتىپ، ماسەلەلەردى، كومەسكى حاۋىپ - قاتەردى رەتتەۋ - وزگەرتۋدەن شوعىرلى قامال الىپ، ۇزاق ءونىمدى مەحانيزمدى جەدەل كەمەلدەندىرىپ، شىرعالاڭنان ساقتانۋ، تىزگىندەۋ قابىلەتىن كۇش سالا جوعارىلاتۋ كەرەك. ”بارلىق اپات ءتۇرى، توتەنشە جاعدايعا جاپپاي توتەپ بەرۋگە“ قاراي تيپ وزگەرتۋ قاجەتىنە ۇيلەسىپ، توتەنشە جاعداي بويىنشا قۇتقارۋ، كومەكتەسۋ كۇشىن ءبىر تۇتاس جوسپارلاپ، ساپالىلاندىرىپ، توتەنشە جاعدايعا توتەپ بەرۋ زاتتىق قۇرال - جابدىقتارىن قامتاماسىز ەتۋدى كۇشەيتىپ، شىرعالاڭنان، اپاتتان قۇتقارۋ كومەكتەسۋ قابىلەتىن كۇش سالا جوعارىلاتۋ كەرەك. نەگىزگى ساتىنىڭ نەگىزدىك قىزمەتىن كۇشەيتىپ، كاسىبي دارىندىلاردى كۇش سالا جەتىلدىرىپ، ۇگىت - تاربيەنى كەڭ كولەمدە ورىستەتىپ، قوعامدى بىرگە جونگە سالۋ قابىلەتىن كۇش سالا جوعارىلاتۋ كەرەك.
ءماجىلىس مىنالاردى باسا دارىپتەدى: قازىر ىندەتتەن ساقتانۋ - تىزگىندەۋ مەن ءوندىرىس حاۋىپسىزدىگىنىڭ شەشۋشى مەزگىلى، ”پارتكوم مەن ۇكىمەت تەڭ جاۋاپتى بولۋ، ءبىر قىزمەت ورنىندا ەكى جاۋاپكەرشىلىك ارقالاۋدى“ قاتاڭ تياناقتاندىرىپ، ”كاسىپ سالاسىن باسقارۋدا، ءسوزسىز، حاۋىپسىزدىكتى باسقارۋ، كاسىپتى باسقارۋدا، ءسوزسىز، حاۋىپسىزدىكتى باسقارۋ، ءوندىرىستى، تيجاراتتى باسقارۋدا، ءسوزسىز، حاۋىپسىزدىكتى باسقارۋ“ تالابىنا تۋرالانىپ، كاسىپورىننىڭ نەگىزگى تۇلعالىق جاۋاپكەرشىلىگىن قاتاڭ تياناقتاندىرىپ، بەرىك بەكىممەن، تەمىردەي تارتىپپەن، قاتاڭ شارامەن حاۋىپ - قاتەردى قاتاڭ باسقارىپ، قاتاڭ مەڭگەرىپ، كومەسكى حاۋىپ - قاتەردى قاتاڭ تەكسەرىپ، قاتاڭ وڭاپ، قاتاڭ جاۋاپقا تارتىپ، جاۋاپكەرشىلىگىن قاتاڭ قۋزاستىرىپ، ءتۇرلى شىرعالاڭ، اپاتتىڭ تۋىلۋىنان قاتاڭ ساقتانىپ، ءوندىرىس حاۋىپسىزدىگىنىڭ نەگىزگى اۋقىمىن قاتاڭ ساقتاپ، ”14 - بەسجىلدىقتا“ جاقسى باستاما اشۋعا، جاقسى قادام تاستاۋعا بەرىك حاۋىپسىزدىكپەن قامتاماسىز ەتۋ كەرەك.
اۆتونوميالى رايوننىڭ ورىنباسار ءتوراعاسى جاۋ چۇڭجيۋ ماجىلىسكە قاتىناستى. اۆتونوميالى رايوننىڭ ورىنباسار ءتوراعاسى جاۋ چيڭ 2020 - جىلعى اۆتونوميالى رايوننىڭ اپاتتان ساقتانۋ، اپات زيانىن ازايتۋ، اپاتتان قۇتقارۋ، ءوندىرىس حاۋىپسىزدىگى جانە ءورت ءسوندىرۋ، ورتتەن ساقتانۋ حاۋىپسىزدىگى قىزمەتى جاعدايىن حابارلادى.
