تيانشان تورى
تيانشان تورى   ›   ۇيرەنۋ   ›   شولۋ

اسقاق ارىنمەن ەكپىندەي ىلگەرىلەۋدىڭ رۋحاني كۇشىن توپتادى

− اۆتونوميالى رايوننىڭ 2020 - جىلعى ۇگىت - يدەيا قىزمەتى تۋرالى جالپى شولۋ

□ انار بۇلت/ شينجياڭ گازەتىنىڭ ءتىلشىسى جاڭ يانفاڭ

  ايرىقشا وزگەشە 2020 - جىل تاريحتىڭ سالقار كوشىنە ەرەكشە بەلگى قالدىرارى ءشۇباسىز.

  بۇل جىلدا بۇرىن بولماعان حاۋىپ - قاتەر، سىن - سايىس الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا بۇكىل رايون بويىنشا جوعارىدان تومەنگە دەيىن ءبىر نيەتپەن ىنتىماقتاسىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ويداعىداي ىستەۋ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ، جاپپاي دوڭگەلەك داۋلەتتىلىكتىڭ شەشۋشى جەڭىسىنە جەتۋ بارىسىندا تولقىن جارا العا ۇمتىلىپ، ەكپىندەي ىلگەرىلەۋدىڭ ايتۋلى جاۋابىن جازدى.

  بۇل جىلدا بۇكىل رايونداعى ۇگىت - يدەيا شەبى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، اۆتونوميالى رايوندىق پارتكومنىڭ قىزمەت ورنالاستىرۋى بويىنشا تۋرالىقتى ساقتاپ جاڭالىق اشىپ، جۇرەكتىلىكپەن جاڭا جاعداي اشىپ، وزەكتى ارقاۋ ەتۋ، كەلەلى جاعدايعا قىزمەت وتەۋ بارىسىندا تىڭ ىسكەرلىك كورسەتىپ، سۇراپىل شايقاسقا، ۇلكەن سىناققا توتەپ بەرۋ، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزۋ، جاپپاي دوڭگەلەك داۋلەتتىلىكتىڭ شەشۋشى جەڭىسىنە جەتۋ بارىسىندا جاڭا بەينە قاۋلاتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋ، تياناقتاندىرۋ بارىسىندا قيىندىقتاردى ەڭسەرىپ، قامال الىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۋاتتى رۋحاني كۇش توپتادى.

يدەيا تۋىن بيىك ۇستاپ، پارتيانىڭ جاسامپاز نازاريالارىن جۇرت جۇرەگىنە تەرەڭ ۇيالاتتى

  تۋ بەتالىس سىلتەيدى، تۋ كۇش توپتايدى.

  شي جينپيڭنىڭ جاڭا ءداۋىر جۇڭگوشا سوتسياليزم يدەياسى − بۇكىل پارتيانىڭ، بۇكىل ەل حالقىنىڭ يدەيا تۋى، رۋحي جانى.

  ءبىر جىلدان بەرى بۇكىل رايونداعى ۇگىت - يدەيا شەبى يدەيا تۋىن بيىك ۇستاپ، نازاريامەن قارۋلانۋدى كۇشەيتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ءتۇبىرلى مىندەت ەتىپ، وي - سانانى قارۋلاندىرۋ، امالياتقا جەتەكشىلىك ەتۋ، قىزمەتتەردى ىلگەرىلەتۋ جاعىنا مىقتاپ كۇش سالىپ، پارتيانىڭ جاسامپاز نازاريالارىنىڭ جۇرت جۇرەگىنە تەرەڭ ۇيالاۋىنا مۇمكىندىك جاساپ، ءار ۇلت كادر - بۇقاراسىنىڭ ىنتىماقتاسا كۇرەس جۇرگىزۋىنىڭ يدەيالىق نەگىزىن اناعۇرلىم بەكەمدەدى.

  نازاريانى تەرەڭدەتە، دەن قويا، ناقتى ۇيرەندى − پارتيانىڭ جاسامپاز نازاريالارىن ۇيرەنۋدى، دايەكتىلەندىرۋدى يدەيامەن قارۋلانۋداعى ماڭىزدىنىڭ ماڭىزدىسى ەتىپ، پارتكوم نازاريا ۇيرەنۋ وزەكتى گرۋپپاسىنىڭ ۇيرەنۋ جيىنىن دەر كەزىندە اشىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن تەرەڭدەي ۇيرەنىپ، دايەكتىلەندىرىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، باس شۋجي شي جينپيڭنىڭ ەڭ جاڭا ماڭىزدى بايىمداۋلارى مەن ماڭىزدى نۇسقاۋلارىنىڭ رۋحىن دەر كەزىندە ىلەسە ۇيرەندى...

  ۇدايىلانعان ۇيرەنۋ مەحانيزمىن ورناتۋ ارقىلى ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى سياقتىلارمەن بىرلەستىرىپ، ءار دارەجەلى پارتيا ۇيىمدارى مەن قالىڭ پارتيا مۇشەلەرىن پارتيانىڭ جاسامپاز نازاريالارىن جەتە ۇيرەنۋگە، جەتە تۇسىنۋگە، شىنايى تياناقتاندىرۋعا تاربيەلەدى، جەتەكتەدى. پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرۋدى، تياناقتاندىرۋدى ارقاۋ ەتىپ، اۆتونوميالى رايون بەينە ەكران ءماجىلىسى فورماسىندا ايماق - مەڭگەرمە دارەجەلى جانە اۋدان - باسقارما دارەجەلى كادرلاردى تۇگەل قامتي وتىرىپ شوعىرلى، كەزەكپەن تاربيەلەۋدى جاسامپازدىقپەن ورىستەتىپ، پارتيالى كادرلاردىڭ پارتيانىڭ جاسامپاز نازاريالارىنىڭ جاۋھارىن، وزەكتى يدەياسىن اناعۇرلىم تەرەڭ تۇسىنۋىنە، ۇيرەنۋ ناتيجەسىن قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ جاندى امالياتىنا شىن مانىندە اينالدىرۋىنا مۇمكىندىك جاسادى.

  نازاريا ۇگىت - لەكسياسى جۇرت جۇرەگىنە تەرەڭ ۇيالادى − پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ارقاۋ ەتە وتىرىپ، ۇگىت - لەكسيا ۇيىرمەلەرىن قۇرىپ، ولكە دارەجەلى باسشىلار باستاماشى بولا وتىرىپ ۇگىت - لەكسيا جاساپ، جەر - جەر، مەكەمە - ورىندار 238 مىڭ رەتتەن استام ءتۇرلى ۇگىت - لەكسيا ورىستەتىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋدىڭ، دايەكتىلەندىرۋدىڭ قىزۋ ورلەۋى تيانشان الابىندا كوتەرىلدى.

  ”3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە شينجياڭنىڭ ەرەكشە، باسىم كاسىپ سالالارىن جەتىلدىرۋ، ۇلعايتۋ ورتاعا قويىلدى، بيىل ءبىز ورگانيكالى شىلاندى ۇزدىكسىز جاقسى ەگەمىز...“ 1 - ايدىڭ 13 - كۇنى چەرچەن اۋدانى توعراقلىق اۋىلدىق پارتكومنىڭ مۇشەسى، ءتارتىپ تەكسەرۋ كوميتەتىنىڭ شۋجيى، باقىلاۋ - تەكسەرۋ كەڭسەسىنىڭ مەڭگەرۋشىسى يان لۇڭفي ۇگىت - لەكسيا ساباقحاناسىن شارۋالاردىڭ شىلان باعىنا كوشىرىپ اپارىپ، ۇعىنىقتى تىلمەن ءماجىلىس رۋحى جونىندە ۇگىت - لەكسيا جاساپ، قىستاق تۇرعىندارى جابىلا القاۋ ايتتى.

  ۇگىت - لەكسيا باياندامالارى تۇيتكىلدى تۇيىنشەكتەردى شەشىپ، ادەبيەت - كوركەمونەر ساڭلاقتارى نەگىزگى ساتىلارعا بارىپ ۇگىت - لەكسيا جاساپ، نازاريا ماماندارى مەن نەگىزگى ساتىداعى 10 مىڭ ۇگىت - لەكسياشى ءوز ونەرلەرىن كورسەتىپ، پارتيانىڭ جاسامپاز نازاريالارىنىڭ ”جاي بۇقارا ۇيىنە كىرۋىنە“ مۇمكىندىك جاسادى.

  نازاريالىق ۇگىت - لەكسيانىڭ جالپىلاسۋى كۇن سايىن تەرەڭدەدى − ”شي جينپيڭنىڭ جاڭا ءداۋىر جۇڭگوشا سوتسياليزم يدەياسىن وتباسىلارعا جەتكىزۋ“ قيمىلىن ىشكەرىلەي ورىستەتىپ، 3 نۇسقادا ۇگىت - لەكسيا ماتەريالىن ۇيىمداستىرىپ، دايىنداپ، پارتيا مۇشەلەرى وقۋلىعىنان ءبىر ميلليون 490 مىڭىن، حانزۋ، ۇيعۇر، قازاق، قىرعىز 4 تىلدەگى بۇقارانىڭ قالتا كىتاپشاسىنان 3 ميلليون 900 مىڭىن تاراتىپ، نەگىزگى ساتى كادر - جۇرتشىلىعىنىڭ جاپپاي قارسى الۋىنا بولەندى.

  ”شاعىن وقۋلىقتىڭ مازمۇنى تارتىمدى، سۋرەتى مەن ءماتىنى سايكەس ەكەن، ءبىز وتە وڭاي وقىپ تۇسىندىك، قالتامىزعا سالىپ الىپ، كەز كەلگەن جەردە، كەز كەلگەن ۋاقىتتا ۇيرەنە بەرەتىن بولدىق“، - دەدى باي اۋدانى كاڭچي اۋىلى قۇرما قىستاعىنىڭ تۇرعىنى ءالي نياز «3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ۇيرەنۋ (بۇقارا وقۋلىعى)» كىتاپشاسىن تاپسىرىپ العان سوڭ.

  پارتيانىڭ جاسامپاز نازاريالارىن ۇيرەنۋدىڭ ينتەرنەتتەگى اتويشىسى رەتىندەگى ”شۋەشي چياڭگو“ شينجياڭ تۇعىرىن كادر - جۇرتشىلىق ۇناتىپ كورەدى، قالىڭ پارتيالى كادرلار مەن بۇقارا ءار كۇنى مىندەتتى تۇردە ۇيرەنۋگە سانالىلىقپەن تاباندى بولىپ، تۇعىردىڭ قامتۋ كولەمى، ىقپال كۇشى ۇزدىكسىز كەڭەيدى. قوعامدىق عىلىم نازاريالىق سالاسى ”ينتەرنەت جەلىسىندە +“ ۇلگىسىن قولدانىپ، قوعامدىق عىلىم سالاسىنىڭ عىلىم جىلدىق جينالىسىن، جاس وقىمىستىلار تالقى مىنبەرىن وتكىزىپ، ”سوڭعى تولقىننىڭ“ مىنبەر الدىنا كەلۋىنە، سەنىم كۇشىنىڭ جاستار اراسىندا ۇزدىكسىز ورتاق سۇيىسپەنشىلىك، ورتاق ۇندەستىك قوزعاۋىنا مۇمكىندىك جاسادى.

سۇراپىل شايقاسپەن، ۇلكەن سىناقپەن بەتپە - بەت كەلىپ، ءداۋىردىڭ ءدۇبىرلى قادامىن ەستەلىككە الدى

  سۇراپىل شايقاس پەن ۇلكەن سىناقتا ۇگىت كۇش - دارمەن سانالادى.

  ءبىر جىلدان بەرى بۇكىل رايونداعى ۇگىت - يدەيا شەبى اۆتونوميالى رايوندىق پارتكومنىڭ وزەكتى قىزمەتىن تىعىز ارقاۋ ەتىپ، مىزعىماس تاباندىلىقپەن تۋ ۇستاپ، حالىق تىلەگىن توعىستىرىپ، جاڭا ادام تاربيەلەپ، مادەنيەتتى وركەندەتىپ، وبراز ايگىلەپ، شينجياڭنىڭ بايتاق دالاسىندا نەگىزگى اۋەن اناعۇرلىم اسقاق شىرقالىپ، وڭ ەنەرگيا اناعۇرلىم تاسقىنداي ءتۇستى.

  − نازاردى كەدەيلىكتەن ارىلتۋدان قامال الۋعا شوعىرلاندىرىپ، ۇدەرە العا تارتاتىن كۇشتى ايگىلەدى.

  ”بۇل مۇزتاع شوقىسىنىڭ قار سۋى قانداي ءتاتتى!“، - دەدى 2020 - جىلى 6 - ايدىڭ 16 - كۇنى ءپايزاۋات اۋدانى قىزىلسۋ اۋىلى قوستوعراق قىستاعىنداعى 71 جاستاعى يارمامەت ياسىن ستاكانىنان ءبىر جۇتىم تۇنىق سۋ ۇرتتاپ جايراڭداي كۇلدى، بۇل ءتاتتى بولعاندا جۇرەگىڭە جەتىپ، تاڭدايىڭنان كەتپەيدى.

  ”كەرمەك، سور سۋدان“ اۋىز سۋ حاۋىپسىزدىگىن جاپپاي جۇزەگە اسىرۋعا دەيىنگى بارىس قالاي ورىندالدى؟ شينجياڭنىڭ مۇلدە كەدەيلىك ماسەلەسى تاريحي سيپاتتى شەشىم تابۋىنىڭ استارىندا قانداي حيكايا جاتىر؟ ”كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزىپ، جاپپاي دوڭگەلەك داۋلەتتىلىكتىڭ شەشۋشى جەڭىسىنە جەتۋدىڭ“ ءدۇبىرلى قادامىنا ىلەسە بۇكىل رايونداعى قالىڭ اقپارات قىزمەتكەرلەرى ”كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋ“، ”دوڭگەلەك داۋلەتتى تۇرمىسقا قادام تاستاۋ“ بويىنشا تۇيىندە تۇرىپ تەكسەرۋ - زەرتتەۋ جانە شوعىرلى تىلشىلىك قيمىلىن تىڭعىلىقتى ورىستەتۋ بارىسىندا اپپارات كوزىمەن جانە قالاممەن ۇلى ءداۋىردى ەستەلىككە الىپ، شينجياڭ حيكاياسىن جاقسى بايانداپ، كەدەيلىكتەن ارىلتۋدان قامال الۋعا قاتىستى 25 مىڭنان استام حابار جازىپ، باسىپ شىعاردى، تاراتتى. جانىمىزداعى جاقىن بولۋعا، قۇرمەتتەۋگە، ۇيرەنۋگە تۇرارلىق تيپتەر كەدەي بۇقارانىڭ كەدەيلىكتەن ارىلۋىنىڭ، بايۋىنىڭ ىشكى قوزعاۋشى كۇشىن قاۋلاتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جاپپاي، ۋاعىندا، باتىل قول جەتكىزۋدىڭ سەنىمىن ۇيالاتىپ، بەكىمىن نىعايتتى.

  − ىندەتتەن ساقتانۋ - تىزگىندەۋدى ۇدايىلاندىرۋدى ارقاۋ ەتە وتىرىپ، قوعام كوڭىل ءبولىپ وتىرعان ماسەلەلەرگە بەلسەنە جاۋاپ بەردى.

  2020 - جىلى جاڭا تيپتى ايدارشا ۆيرۋس وكپە قابىنۋ ىندەتىنىڭ قاتاڭ سىن - سىناعى الدىندا اۆتونوميالى رايوندىق پارتكوم باس شۋجي شي جينپيڭنىڭ ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ماڭداي الدى ورىنعا قويىپ، تەز ارەكەتتەنىپ، تىعىز ورنالاستىرىپ، عىلمي ساقتانىپ - ەمدەپ، دالمە - ءدال شارا قولدانىپ، ءبىر ءبولىم وڭىرلەردەگى ىندەتتى جويۋ شايقاسىنىڭ جەڭىسىنە باتىل قول جەتكىزدى.

  قۇرىش يىق ادىلەت جۇگىن ارقالادى، ىستىق جالىن ادالدىقتى سومدادى. اۆتونوميالى رايوندىق پارتكومنىڭ ورنالاستىرۋ - تالابى بويىنشا بۇكىل رايونداعى ۇگىت - يدەيا شەبىندەگىلەر بۇيرىقتى ەستي سالا ارەكەتتەنىپ، سەنىمدى بەكەمدەۋ، جۇرت جۇرەگىن جىلىتۋ، جۇرت تىلەگىن ۇيىستىرۋ سىندى ەرەكشە رولىن ساۋلەلەندىردى. دەر كەزىندە اقپار جاريالاۋ ءماجىلىسىن اشىپ، قوعام كوڭىل ءبولىپ وتىرعان ماسەلەلەرگە اڭىس قايتاردى؛ ىندەتتەن ساقتانۋ - تىزگىندەۋ ۇگىت - تاربيەسىن كۇشەيتىپ، ىندەتتەن ساقتانۋ ۇگىت اسپا سۋرەتىنەن جانە قولدانباسىنان 3 ميلليون 259 مىڭنان استامىن جاسادى، باسىپ تاراتتى. ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاۋ جونىندەگى ءبىر توپ ءتۇيىندى حابار، ىندەتكە قارسى اتتانعان قاھارمانداردىڭ ءولىمدى ەلەڭ قۇرلى كورمەي، بەتپە - بەت كەلگەن اسەرلى ىزگى ىستەرى ارقىلى ىندەتتى جەڭۋ بەكىمى مەن سەنىمىن تيانشان الابىنا جەتكىزىپ، ءار ۇلت بۇقاراسىن ەكپىندەي العا ىلگەرىلەۋگە جىگەرلەندىردى.

  − جوعارى ساپالى دامۋعا كۇش ۇستەپ، سەنىمدى ارتتىرىپ، ەرىككە دەم بەردى.

  نازاردى شي جينپيڭنىڭ جاڭا ءداۋىر جۇڭگوشا سوتسياليستىك ەكونوميكا يدەياسىن دايەكتىلەندىرۋگە، تياناقتاندىرۋعا شوعىرلاندىرىپ، باس شۋجي شي جينپيڭنىڭ جاڭا دامۋ ۇستانىمىن دايەكتىلەندىرۋ، ەكونوميكانىڭ جوعارى ساپالى دامۋىن ىلگەرىلەتۋ جونىندەگى ماڭىزدى بايىمداۋلارىن ىشكەرىلەي ۇگىتتەپ، ءتۇسىندىردى، ءار دارەجەلى، ءار ءتۇرلى اقپارات قۇرالدارى جەر - جەردىڭ، ورىنداردىڭ جاڭا دامۋ ۇستانىمىن دايەكتىلەندىرىپ، حالىق تۇرمىسىنا تىعىز جاناسىپ، جوعارى ساپالى دامۋدى ىلگەرىلەتۋ شارالارى مەن ونىمدىلىگىن بەلسەنە ۇگىتتەپ، بۇكىل رايوننىڭ جوعارى ساپالى دامۋدى ىلگەرىلەتۋدەگى جاندى امالياتىن جان - جاقتىلى ايگىلەدى.

  زاۆودتارعا، سەحتارعا، اۋىلعا، اتىز باسىنا تەرەڭدەي كىرىپ، ”التىنى ورنىقتىرۋ“ قىزمەتىن تىڭعىلىقتى جاقسى ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرۋ، ەكونوميكانى ورنىقتى، اقاۋسىز دامىتۋ جونىندەگى ناقتى شارالاردى حابارلادى... اۆتونوميالى رايوندىق پارتكومنىڭ ۇگىت ءبولىمى ىلگەرىندى - كەيىندى ەكى توپ بويىنشا ورتالىقتىڭ شينجياڭدا تۇراتىن اقپارات قۇرالدارىن جانە اۆتونوميالى رايوننىڭ نەگىزگى اقپارات قۇرالدارىن شوعىرلى تىلشىلىك جاساۋ قيمىلىن ورىستەتۋگە ۇيىمداستىردى، اۆتونوميالى رايوننىڭ نەگىزگى اقپارات قۇرالدارىندا ارناۋلى باعدارلاما، ارناۋلى ايدارلار اشىپ، جەلىلەس حابارلار، شولۋشى ماقالاسى جانە ”13 - بەسجىلدىق“ تابىستارى جونىندە شولۋ قاتارلى ارناۋلى تاقىرىپتىق حابارلار شىعارىپ، بۇكىل رايوننىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ جاقسى ىستەپ، جوعارى ساپالى دامۋدى ىلگەرىلەتۋ سەنىمى مەن قايرات - جىگەرىن تاسقىنداتا ءتۇستى.

  − يدەولوگيانى مىقتاپ يگەرىپ، شينجياڭ حيكاياسىن جاقسى باياندادى.

  يدەولوگيا سالاسى قىزمەتىن تىڭعىلىقتى جاقسى ىستەپ، شينجياڭ حيكاياسىن كوپ ساتىلى، جان - جاقتىلى، ستەرەولدى بايانداپ، انار بۇلت، تيانشان سايتى سياقتى جاڭا اقپارات قۇرالدارى تۇعىرى ارقىلى شينجياڭ قوعامىنىڭ ورنىقتى، اسا تاماشا جاعدايىن، حالىقتىڭ تىنىش ءومىر، شات - شادىمان تىرشىلىك، باقىتتى تۇرمىس كەشىرگەندىگىن ايگىلەگەن جاندى حيكايالاردى سان مىڭداعان وتباسىلارعا جەتكىزىپ، ءار ۇلت كادر - جۇرتشىلىعىن قاجىماي - تالماي كۇرەس جاساپ، شينجياڭنىڭ اناعۇرلىم كورىكتى ەرتەڭىن جاراتۋعا شابىتتاندىردى.

جۇرتقا اسەر ەتىپ، ەكپىندەي ىلگەرىلەۋدىڭ كۇشىن تاسقىنداتتى

  ۇگىت - يدەيا قىزمەتى − ادام تاربيەلەۋ قىزمەتى. ءبىر جىلدان بەرى بۇكىل رايونداعى ۇگىت - يدەيا شەبى جۇرت تىلەگىن توعىستىرۋدى، ۇيىستىرۋدى ۇگىت - يدەيا قىزمەتىنىڭ وزەكتى بۋىنى ەتۋگە تاباندى بولىپ، يدەيالىق جاقتان جەتەكتەۋ، تاربيە بەرىپ جەتەكتەۋ ارقىلى ۇلتتىڭ گۇلدەنۋىنىڭ اۋىر مىندەتىن ارقالايتىن ءداۋىردىڭ جاڭا ادامىن جەتىلدىرۋگە قۇلشىنىس جاساپ، ءار ۇلت بۇقاراسىنىڭ ۇيىسۋ كۇشى مەن سەنترگە تارتۋ كۇشىن ۇزدىكسىز كۇشەيتىپ، جاڭا ساپارعا ەكپىندەي ىلگەرىلەۋدىڭ جويقىن كۇشىن ۇيىستىردى.

  بۇل جىلدا سوتسياليستىك وزەكتى قۇن كوزقاراسىنىڭ جەتەكشىلىك رولى اناعۇرلىم كورنەكتى بولدى −

  2020 - جىلى 10 - ايدىڭ 1 - كۇنى مەملەكەت مەرەكەسى مەن جۇڭچيۋ مەرەكەسى بىرگە كەلدى، ”كورىكتى شينجياڭ قۇرىپ، وتان ارمانىن بىرگە جۇزەگە اسىرايىق“ اتىنداعى ساۋلەتتى شىراق سالتاناتى ءۇرىمجىنىڭ تۇنگى اسپانىن نۇرلاندىردى، ۇزدىكسىز جارقىلداپ كورىنگەن ”وتباسى مەن وتان باس قوسىپ، وتانعا باقىت تىلەيىك“، ”تولعان ايداي تولىقسىپ، بارشا الەم جايلى بولسىن“ دەگەن ارىپتەر تيانشان ۇلاندارىنىڭ ۇلى وتانعا دەگەن تىلەگىن بەينەلەدى.

  «جاڭا داۋىردەگى وتانشىلدىق تاربيەنى اتقارۋ باعدارلاماسىن» ۇيرەنۋدى، دايەكتىلەندىرۋدى جەتەكشى ەتىپ، ۇگىت - يدەيا شەبى جاپون شاپقىنشىلارىنا قارسى سوعىس جەڭىسكە جەتكەندىگىنىڭ 75 جىلدىعى سياقتى ماڭىزدى ۋاقىت تۇيىندەرىن ارقاۋ ەتىپ، الۋان فورماداعى وتانشىلدىق تاربيە ورىستەتتى. ”مەملەكەت مەرەكەسىندە جاڭا سالت - سانانى دارىپتەپ، وتانشىلدىق قيمىل اپتالىعىن تۇلعالاۋ“ قيمىلىن ىشكەرىلەي ورىستەتىپ، بۇعان ات سالىسقان بۇقارا 9 ميلليون 946 مىڭ ادام - رەتتەن اسىپ، «مەنىڭ وتانىم» كۋايشان بەينە ەكراننىڭ ينتەرنەتتەگى كورىلىمى 28 ميلليون رەتتەن اسىپ، ناعىز وتانشىلدىق سۇيىسپەنشىلىك تيانشان ۇلاندارىنىڭ جۇرەگىندە تاسقىندادى.

  بۇل جىلدا وركەنيەتتىڭ جاڭا لەبى تاسقىنداي ءتۇستى −

  قازىر ورتا، باستاۋىش مەكتەپ وقۋشىلارىنىڭ قىستىق دەمالىسقا تاراعان كەزى، كۇشار قالاسى رەستە كوشەسىندەگى جاڭا ءداۋىر وركەنيەتىن امالياتتا ايگىلەۋ پۋنكتى كوپتەگەن ورتا، باستاۋىش مەكتەپ وقۋشىلارىن وزىنە باۋرادى. ”بۇل ارادا كىتاپ بولمەسى، كوركەم جازۋ جانە سۋرەت بولمەسى بار، مەن كۇندە وسى اراعا كەلىپ كىتاپ وقىپ، جازۋ جازامىن، بىلمەگەن جەرىمدى ەرىكتى قىزمەت وتەيتىن اعا - اپەكەلەر ماعان تۇسىندىرەدى“، - دەدى باستاۋىشتىڭ 6 - جىلدىعىندا وقيتىن دىلنافيسى ابىلاجان.

  نازاريالىق ۇگىت - لەكسيا جاساپ، ەرىكتى قىزمەت وتەپ، باي مازمۇندى، الۋان ءتۇرلى مادەنيەت قيمىلىن ورىستەتىپ، ەسكى سالت - سانانى وزگەرتۋدى دارىپتەدى... بىلتىردان بەرى اۆتونوميالى رايوننىڭ جاڭا ءداۋىر وركەنيەتىن امالياتتا ايگىلەۋ ورتالىعى قۇرىلىسى قىزمەتىن ىلگەرىلەتۋ بەينە ەكران ءماجىلىسىن اشۋ سياقتى تاسىلدەرمەن جاڭا ءداۋىر وركەنيەتىن امالياتتا ايگىلەۋ قىزمەت وتەۋى ىشكەرىلەي ورىستەتىلدى.

  وركەنيەت گۇل اشىپ، ماۋەلى جەمىس بەرىپ، تىلەۋلەس كۇرەڭكەيدىڭ حوش ءيىسى اڭقىدى. «جاڭا داۋىردەگى ازاماتتاردىڭ ءمورال قۇرىلىسى اتقارۋ باعدارلاماسىن» جەتەكشى ەتىپ، ۇگىت - يدەيا شەبى رۋحاني وركەنيەتتە وزات ورىن قۇرۋ قيمىلىن ىشكەرىلەي ورىستەتتى، 200 ورىن مەن جەكە رۋحاني وركەنيەتتە مەملەكەتتىك وزات بولۋدىڭ جەلىلەس قۇرۋ قيمىلىندا ماداقتاۋ - سيلاۋعا يە بولدى، وزات جەكە، وزات ورىن اتاعىن الدى. ”ەڭ ارداقتى كۇرەسكەر“، ”جۇڭگوداعى جاقسى ادام“ سياقتى تيپتىك ۇلگىلەردىڭ ىزگى ىستەرى جونىندەگى جان - جاقتىلى حابارلاۋلار، قۇربان نياز، ليۋ ميڭتيڭ، لاچين بايكا سياقتى ۇلگىلى تۇلعالاردىڭ ىزگى ىستەرى حالىققا كەڭىنەن تارالىپ، اناعۇرلىم كوپ ادامدى جاقسىدان ونەگە الىپ، ەكپىندەي العا ىلگەرىلەۋگە باستادى.

  بۇل جىلدا انار گۇلى قۇلپىرا اشىلدى −

  ۇگىت - يدەيا شەبى ۇلتتار ىنتىماعىنداعى، العاباسارلىعىنداعى وزات ورىن قۇرۋ قيمىلىن تىڭعىلىقتى ورىستەتىپ، ۇلتتار ىنتىماعىنداعى وزات تيپتەردى، ۇلگىلى ىستەردى ايرىقشا حابارلادى. ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلى بارىسىندا ءار ۇلت كادر - جۇرتشىلىعى ءوزارا بارىس - كەلىس جاساعان، تەرەڭ سۇيىسپەنشىلىك ورناتقان مەيىرگە تولى كورىنىستەر بار الاپتان كورىندى.

  بۇل جىلدا شينجياڭدى مادەنيەتپەن نارلەندىرۋ جۇرت جۇرەگىنە تەرەڭ ۇيالادى −

  ءار اپتانىڭ سەيسەنبى كۇنى ساعات 20 بولعان كەزدە قارامايلى قالاسى بايجيانتان رايونى (جوعارى، جاڭا تەحنيكا رايونى) سانپيڭ جولى ءمالى باسقارماسى ۋشين الەۋمەتتىك اۋماعىنىڭ تۇرعىندارى جابال ينتەرنەت جەلىسىنە شىعىپ، الەۋمەتتىك اۋماق وتكىزگەن ”بەيزاتتىق مادەنيەت ساباقحاناسىن“ دەن قويا تىڭدايدى. وسى ساباقحانادا كوپشىلىك ۇيدەن شىقپاي - اق قاعاز جاساۋ تەحنيكاسىن، بەت بوياۋ سىزۋى سياقتى 100 نەشە بەيزاتتىق مادەنيەت نىساننىڭ جاساۋ شەبەرلىگىن ۇيرەنىپ، تۇرعىنداردىڭ كەڭ كولەمدە قارسى الۋىنا يە بولدى.

  بۇل جەر - جەردىڭ شينجياڭدى مادەنيەتپەن نارلەندىرۋ ينجەنەرياسىن ىشكەرىلەي ىلگەرىلەتىپ، ”بەستى شىنايى مويىنداۋدى“ ۇزدىكسىز كۇشەيتىپ، اقىرىن - اقىرىن ءسىڭىرۋ بارىسىندا جۇڭحۋا ۇلتى ورتاق تۇلعا تانىمىن سومداۋداعى ىقشام كورىنىس. ۇگىت - يدەيا شەبى شينجياڭدى مادەنيەتپەن نارلەندىرۋدى جوعارى دەڭگەيدە جوبالاۋ مەن ويلانۋ، زەرتتەۋدى كۇشەيتىپ، دەرەكتى ادەبيەت «قىزىل قۇم وزەنى» سياقتى بۇقارا قىزىعىپ وقيتىن ءبىر توپ ادەبيەت - كوركەمونەر سارا تۋىندىلارىن شىعارىپ، ءار ۇلتقا ورتاق رۋحاني مەكەندى قۇلشىنا قۇردى.

  74 اۋدان دارەجەلى كىتاپحانا 723 بولىمشە كىتاپحانا قۇردى؛ نەگىزگى ساتى مادەنيەت پۋنكتىنە (ءۇيى) جانە ەگىن، مال شارۋاشىلىق رايوندارىنداعى وتباسىلارعا كوپ ءتۇرلى ءتىل - جازۋداعى ۇگىت بۇيىمدارىنان 8 ميلليون 930 مىڭ داناسىن جەتكىزدى؛ ”ءبىزدىڭ جۇڭگو ارمانىمىز“ − مادەنيەتتى 10 مىڭ وتباسىنا جەتكىزۋ قيمىلىن دانەكەر ەتىپ، ءار دارەجەلى ادەبيەت - كوركەمونەر توپتارى، ۇيىرمەلەرى نەگىزگى ساتىلارعا بارىپ 7700 مايدان رەتتەن ارتىق ويىن قويدى... ءبىر قىدىرۋ مادەنيەت ارقىلى حالىققا تيىمدىلىك جەتكىزۋ ينجەنەريالارى بۇقارانىڭ جان دۇنيەسىن نارلەندىرىپ، قوعام ورنىقتىلىعى مەن باياندى تىنىشتىقتىڭ يدەيالىق نەگىزىن اناعۇرلىم بەكەمدەدى.

  جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى الدىندا، رايونىمىزدىڭ ۇگىت - يدەيا - مادەنيەت شەبى ءداۋىر جۇكتەگەن بورىشتى اناعۇرلىم ويداعىداي جاقسى ارقالاپ، تۋراشىلدىقتى ساقتاپ، جاڭالىق اشىپ، ىرىقتىلىقپەن ىسكەرلىك كورسەتىپ، بەل بۋىپ، الدا اتويلاپ، پارتيا قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتايدى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.