تيانشان تورى   ›   جاڭالىقتار   ›   شينجياڭ حابارلارى

الاتاۋ ساعاسى شەكارا وتكەلىندە شەكارا اتتاعان ەلەكتروندى ساۋدا جولدامالارىنىڭ سانى ءبىر جىلدا 40 ميلليوننان استى

الاتاۋ ساعاسى شەكارا وتكەلىندە

شەكارا اتتاعان ەلەكتروندى ساۋدا جولدامالارىنىڭ سانى ءبىر جىلدا 40 ميلليوننان استى

  انار بۇلت/ شينجياڭ گازەتىنىڭ ءتىلشىسى لۋ فىڭباۋ 1 - ايدىڭ 23 - كۇنى ۇرىمجىدەن حابارلايدى. 1 - ايدىڭ 22 - كۇنى حاڭجوۋدان كەلگەن 50 مىڭنان استام شەكارا اتتايتىن ەلەكتروندى ساۋدا ەكسپورت ونىمدەرى الاتاۋ ساعاسى ۆوكزالىنان جۇڭگو - ەۆروپا كەزەكشى پويەزىنا تيەلىپ، شەكارادان شىقتى. الاتاۋ ساعاسى شەكارا وتكەلى شەكارا اتتاعان ەلەكتروندى ساۋدا كاسىبى اشىلعانىنا ءبىر جىل تولعاندا، جولدامالار سانى ءبىر جىلدا 40 ميلليوننان استى.

  بىلتىردان بەرى جۇڭگو - ەۆروپا كەزەكشى پويەزى حالىقارالىق زات اينالىمى قامداۋ تىزبەگىن ورنىقتىرۋعا، ىندەتتەن ساقتانۋ زاتتىق ماتەريالدارى تاسىمالىن ىركىلىسسىزدەندىرۋگە جوعارى ءونىمدى زات اينالىمى ارناسىن ازىرلەپ، شەكارا اتتاعان ەلەكتروندى ساۋدا كاسىبىندەگى الدىمەن تاڭدايتىن تاسىمال ادىسىنە اينالدى. الاتاۋ ساعاسى شەكارا وتكەلى شەكارا اتتاعان ەلەكتروندى ساۋدا جولدامالارى تاسىمالىنىڭ توراپ ءتۇيىنى رەتىندە، 2020 - جىلى 1 - ايدىڭ 21 - كۇنى شەكارا اتتاعان ەلەكتروندى ساۋدا كاسىبىن باستاعاننان بەرى، جولداما سانى قاۋىرت ارتىپ، كۇنىنە ورتا ەسەپپەن 110 مىڭعا جەتىپ، جالپى مولشەرى 40 ميلليون 751 مىڭ 800گە جەتتى.

  ”قازىر كۇنىنە شەكارادان كىرىپ - شىعاتىن كەزەكشى پويەز 14كە جەتىپ، شەكارا اتتاعان ەلەكتروندى ساۋدا جولدامالارىنىڭ جەتكىزىلە سالا جونەلتىلۋىنە قامتاماسىزدىق ازىرلەدى“، - دەدى جۇڭگو تەمىر جول ءۇرىمجى مەكەمەسى توبى شەكتى سەرىكتەستىگى الاتاۋ ساعاسى بەكەتى تاسىمالداۋ - اۋىستىرۋ سەحىنىڭ مەڭگەرۋشىسى سۇن دىجيڭ.

  الاتاۋ ساعاسى بەكەتى شەكارا اتتاعان ەلەكتروندى ساۋدا جولدامالارىنىڭ تاسىمالدانۋى ءۇشىن جاسىل ارنا اشىپ، بىتىراندى اۆتوموبيلدەردى بىرگە جالداۋ، قوسۋ ءتاسىلى ارقىلى زاتتىڭ تاسىمالدانۋ باعىتىنا ساي، جاقىن ماڭنان بىردەي باعىتتاعى جۇڭگو - ەۆروپا كەزەكشى پويەزىنا تيەپ شەكارادان شىعارىپ، زاتتىڭ كۇتىپ قالۋ ۋاقىتىن ازايتتى. بەكەت تاعى الدىن الا قازاقستاننىڭ تەمىر جول تاراۋلارىمەن ءوزارا ينفورماتسيا اۋىسىپ، شەكارا اتتاعان ەلەكتروندى ساۋدا جولدامالارى تاسىمالى ءۇشىن ”الدىمەن تيەۋ، الدىمەن بەلەت كەسۋ، الدىمەن تاسىمالداۋ“ سياقتى شارالار اتقارىپ، زاتتىڭ تاسىمالدانۋ پەريوتى مەن كەدەننەن ءوتۋ ۋاقىتىن قىسقارتتى.

  ۇعىسۋعا قاراعاندا، الاتاۋ ساعاسى شەكارا وتكەلىندەگى شەكارا اتتاعان ەلەكتروندى ساۋدا جولدامالارى، باستىسى، ويىنشىق، ءۇي جيھازدارى، كيىم - كەشەك سياقتى كۇندەلىكتى تۇتىنۋ بۇيىمدارى ەكەن، زات الاتاۋ ساعاسى وتكەلىنە جەتكىزىلگەننەن كەيىن جۇڭگو - ەۆروپا كەزەكشى پويەزىنا تيەلىپ پولشا، بەلگيا سياقتى ەۆروپا ەلدەرىنە جەتكىزىلەدى، تۇتاس بارىسقا نەبارى 15 كۇندەي عانا قاجەت ەكەن.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.