تيانشان تورى   ›   جاڭالىقتار   ›   سۋرەتتى حابار

چىن چۋانگو ۇرىمجىدە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى

ورنىقتىلىقتىڭ جانە دامۋدىڭ ءتۇرلى قىزمەتتەرىن تىڭعىلىقتى جاقسى ىستەپ، ”14 - بەسجىلدىقتىڭ“ جاقسى باستاماسىن اشۋعا شىنايى كەپىلدىك ەتەيىك

  1 - ايدىڭ 23 - كۇنى اۆتونوميالى رايوندىق پارتكومنىڭ شۋجيى چىن چۋانگو ءۇرىمجى قالاسىندا تەكسەرۋ - زەرتتەۋ جۇرگىزدى. سۋرەتتە: چىن چۋانگو شۇيموگوۋ رايونى چيداۋۋان اۋماعى حۇيجان الەۋمەتتىك اۋماعىندا ىندەتتەن ساقتانۋ - تىزگىندەۋ، بۇقاراعا قىزمەت وتەۋ سياقتى قىزمەت جاعدايلارىن ىشكەرىلەي ۇعىسۋدا.

□ سۋرەتتى انار بۇلت/ شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت/ شينجياڭ گازەتىنىڭ ءتىلشىسى ۋاڭ شيڭرۇي 1 - ايدىڭ 23 - كۇنى ۇرىمجىدەن حابارلايدى. 1 - ايدىڭ 23 - كۇنى تۇستەن بۇرىن اۆتونوميالى رايوندىق پارتكومنىڭ شۋجيى چىن چۋانگو جاۋىپ تۇرعان قارعا قاراماي، ۇرىمجىدە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، جاڭا دامۋ كەزەڭىن دالمە - ءدال يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، شىنايى يگەرىپ، ناقتى ىستەپ، ”14 - بەسجىلدىقتىڭ“ جاقسى باستاماسىن اشۋ كەرەك.

  ءۇرىمجى قالاسى نان مادەنيەت كاسىپ باقشاسى ”ونەركاسىپ + ساياحات + مادەنيەت“ ۇستانىمى ارقىلى وسىزاماندانعان زاۆودتى قالىپتاستىردى. چىن چۋانگو باقشا رايونىنىڭ جاۋاپتىسىمەن جانە ءار ۇلت ساۋداگەرلەرمەن ىقىلاستى اڭگىمەلەسىپ، تۇعىر قۇرىلىسى، ءوندىرىس اينالىسى، ۇگىتتەۋ - تانىستىرۋ، ءونىم ساتۋ، جۇمىستانۋعا قابىلداۋ سياقتى جاعدايلاردى جۇمىس باسىندا ۇعىستى. ول بىلاي دەپ اتاپ كورسەتتى: 1 -، 2 -، 3 - كاسىپتەردىڭ توعىسۋىن جەبەپ، نان كاسىپ سالاسىنىڭ دامۋىن جەدەل ىلگەرىلەتىپ، كاسىپ سالاسى كولەمىن كەڭەيتىپ، كاسىپ سالالانۋ ورەسىن جوعارىلاتىپ، كاسىپ سالاسى تىزبەگىن ۇزارتىپ، كىشكەنتاي ناندى ءىرى كاسىپ سالاسى ەتىپ تۇلعالاپ، اناعۇرلىم كوپ بۇقارانى جۇمىستانىپ، شارۋاشىلىق قۇرىپ، كىرىستەرىن ورنىقتى ارتتىرىپ بايۋعا جەتەلەۋ كەرەك.

  شۇيموگوۋ رايونى چيداۋۋان اۋماعى حۇيجان الەۋمەتتىك اۋماعىندا چىن چۋانگو ىندەتتەن ساقتانۋ - تىزگىندەۋ، پارتيا قۇرىلىسى، بۇقاراعا قىزمەت وتەۋ سياقتى قىزمەت جاعدايلارىن ىشكەرىلەي ۇعىستى. ول بىلاي دەپ اتاپ كورسەتتى: حالىق ءۇشىن ىستەيتىن ءىستىڭ كىشكەنەسى بولمايدى، كوپ قىزمەت نەگىزگى ساتىدا، نەگىزگى ساتىداعى پارتيا ۇيىمى پارتيانىڭ بۇقارامەن بايلانىس جاساۋىنداعى كوپىر جانە دانەكەر، قالىڭ الەۋمەتتىك اۋماق قىزمەتكەرلەرىنىڭ نازىك بۋىندارعا دەيىن كۇش سالىپ، ۇدايىلانعان ىندەتتەن ساقتانۋ - تىزگىندەۋ شارالارىن تياناقتاندىرۋدى مىقتاپ يگەرىپ، شىنايى يگەرىپ، ەگجەي - تەگجەيلى يگەرىپ، ءار ۇلت بۇقاراسى اسىعىپ وتىرعان، ۋايىمداپ وتىرعان، ارمانداپ وتىرعان ءىس جۇزىندىك ماسەلەلەردى شىن جۇرەكپەن، سۇيىسپەنشىلىكپەن، كۇش سالا شەشۋىن ءۇمىت ەتەمىن.

  چىن چۋانگو شينجياڭ يىندولان ۇيعۇر ءدارى - دارمەكتەرى شەكتى جارنا سەرىكتەستىگىنە كەلىپ، ءوندىرىس سەحىن ارالاپ، ءوندىرىس تيجاراتى، تەحنيكا جاڭالاۋ، ءدارى - دارمەك زەرتتەپ اشۋ سياقتى جاعدايلاردى ەگجەي - تەگجەيلى ۇعىستى. ول بىلاي دەپ اتاپ كورسەتتى: جاڭالىق اشۋ تانىمى مەن بازار تانىمىن ونان ارى كۇشەيتىپ، وسى زامانعى عىلىم - تەحنيكاعا سۇيەنىپ، جۇڭگوشا شيپاگەرلىك ۇلتتىق شيپاگەرلىك - دارىگەرلىكتى وسىزامانداندىرۋدى، كاسىپ سالالاندىرۋدى جەدەل ىلگەرىلەتىپ، ءداستۇرلى شيپاگەرلىك - دارىگەرلىكتى قۇلشىنا كەڭىنەن دامىتىپ، جۇڭگوشا شيپاگەرلىك ۇلتتىق شيپاگەرلىك - دارىگەرلىكتىڭ ىندەتتەن ساقتانۋ - تىزگىندەۋدى ۇدايىلاندىرۋ بارىسىنداعى وزگەشە رولىن اناعۇرلىم جاقسى ساۋلەلەندىرۋ كەرەك.

  چىن چۋانگو تەكسەرۋ - زەرتتەۋ بارىسىندا بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەم−دەپ، ”ەكىنى قورعاۋدى“ ورىنداپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماي دايەكتىلەندىرىپ، تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، ورنىقتىلىقتىڭ، دامۋدىڭ ءتۇرلى قىزمەتتەرىن تىڭعىلىقتى جاقسى ىستەپ، باستامانى جاقسى اشۋعا، قادامدى جاقسى تاستاۋعا شىنايى كەپىلدىك ەتۋ كەرەك. ۇدايىلانعان ساقتانۋ - تىزگىندەۋدى استە بوساڭسىماي مىقتاپ يگەرىپ، ”ءتورت ەرتە بولۋ“ تالابىن قاتاڭ تياناقتاندىرىپ، ”ءتورت جاقتىڭ جاۋاپكەرشىلىگىن“ ۇزدىكسىز قاتايتىپ، ناقتىلاپ، قاداعالاۋ، ساقتاندىرۋ مەحانيزمىن كۇشەيتىپ، ادام مەن زاتتىڭ بىردەي ساقتانىپ، بىردەي تەكسەرىلۋىنە تاباندى بولىپ، سىرتتان كىرۋدەن ساقتانۋدىڭ، ىشتە قايتا بەلەڭ بەرۋدەن ساقتانۋدىڭ ءتۇرلى شارالارىن ناقتى، ەگجەي - تەگجەيلى تياناقتاندىرىپ، يدەيادا مۇلدە بوساڭسىماۋ، شارالاردى مۇلدە بوساڭسىتپاۋ، مەحانيزمدى مۇلدە بوساڭسىتپاۋ، جاۋاپكەرشىلىكتى مۇلدە بوساڭسىتپاۋ كەرەك. قوعامدىق كەلەلى جاعدايدىڭ، ءۇرتىس ورنىقتىلىعىن، باياندى ورنىقتىلىعىن ساقتاپ، نازاردى باس نىساناعا شوعىرلاندىرىپ، كەشەندى شارالاردى ويداعىداي اتقارىپ، ورنىقتىلىقتىڭ پايداسىن ۇزدىكسىز شىعارىپ، ەكونوميكانىڭ جوعارى ساپالى دامۋىنا جاراسىمدى، ورنىقتى قوعامدىق ورتا ازىرلەۋ كەرەك. جوعارى ساپالى دامۋدى بۇلجىماي ىلگەرىلەتىپ، قامداۋ جاعىنداعى قۇرىلىمدىق رەفورمانى تەرەڭدەتىپ، كاسىپ سالاسىنىڭ تيبىن جاڭالاپ، دارەجەسىن ءوسىرۋدى تەزدەتىپ، ونەركاسىپتىڭ نەگىزىن كۇشەيتىپ، ونىمدىلىگىن ارتتىرۋدى ىلگەرىلەتىپ، ەرەكشە باسىم كاسىپ سالاسىن جەتىلدىرىپ جانە زورايتىپ، ناقتى ەكونوميكانى كۇش سالا دامىتىپ، 10 ءىرى كاسىپ سالاسىن ساپالىلاندىرىپ، كۇشەيتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن تەزدەتىپ، جاڭا كاسىپ سالاسىن، جاڭا قالىپتى، جاڭا ۇلگىنى كەڭەيتىپ، دامۋ ارناسىن ۇزدىكسىز ساپالىلاندىرۋ كەرەك. حالىق تۇرمىسىن قامتاماسىز ەتۋ جانە جاقسارتۋ تەبىنىن كۇش سالا ارتتىرىپ، حالىقتى وزەك ەتكەن دامۋ يدەياسىنا تاباندى بولىپ، حالىققا تيىمدىلىك جاساۋ جونىندەگى 10 ءتۇرلى ينجەنەريانى ىشكەرىلەي جۇرگىزىپ، ءتۇيىندى قاۋىمدى جۇمىستاندىرۋ قىزمەتىن كورنەكتىلەندىرە مىقتاپ يگەرىپ، جۇمىستانۋدى، شارۋاشىلىق قۇرۋدى كوپ ءتۇرلى ارنامەن جەبەپ، ەرەكشە قيىنشىلىعى بار قاۋىمدى تومەنگى شەكتەن تۇسىرمەي قامتاماسىز ەتۋدى كۇشەيتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك. ءوندىرىس حاۋىپسىزدىگى تومەنگى شەگىن مىقتاپ يگەرىپ، حاۋىپسىزدىكتى باقىلاۋ - باسقارۋدى كۇشەيتىپ، كومەسكى حاۋىپ - قاتەردى جالپى بەتتىك تەكسەرىپ اداقتاپ، حاۋىپ - قاتەردەن ساقتانۋدى - تىزگىندەۋدى كۇشەيتىپ، توتەنشە جاعدايعا توتەپ بەرۋ ساقتىق جوباسىن كەمەلدەندىرىپ، حالىق بۇقاراسىنىڭ ءومىرىنىڭ جانە مال - مۇلكىنىڭ حاۋىپسىزدىگىن شىنايى قورعاۋ كەرەك. جاۋاپكەرشىلىكتى قاتايتىپ، ناقتىلاپ، ءتۇرلى قىزمەتتەردى تياناقتاندىرۋدى مىقتاپ يگەرىپ، شىندىققا جۇگىنىپ، ناقتى ءىس ىستەۋ ستيلىن كۇش سالا ساۋلەلەندىرىپ، شىنايى يگەرىپ، ناقتى ىستەۋگە، باس الماي جاپالى ىستەۋگە تاباندى بولىپ، فورماشىلدىقتى، تورەشىلدىكتى باتىل جويىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىلدىقپەن ناقتاپ تياناقتاندىرۋ كەرەك.

  اۆتونوميالى رايون باسشىلارىنان شۇي حايرۇڭ، جاروللا يسامدين، ليۋ سۋشى قاتارلىلار بىرگە تەكسەرۋ - زەرتتەۋ جۇرگىزدى.

جاۋاپتى رەداكتور : ريزا حاميت

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.