تيانشان تورى   ›   جاڭالىقتار   ›   شينجياڭ حابارلارى

مەن ساعان نەنىڭ شىندىق ەكەنىن ايتىپ بەرەيىن

  □ باي اۋدانى قاراباق اۋىلىنداعى ستۋدەنت قىستاق باستىعى گۇلشەكەر اسەن

  مەنىڭ اتىم گۇلشەكەر اسەن، ءۇيىم باي اۋدانى قاراباق اۋىلى اعاربۇلاق قىستاعىندا تۇرادى، شينجياڭدا تۋىپ، شينجياڭدا ەسەيىپ - ەرجەتكەن، شينجياڭدا قىزمەت ىستەگەن از ۇلت بويجەتكەنىمىن. 2020 - جىلى شينجياڭ اۋىل شارۋاشىلىعى داشۋەسىنەن وقۋ ءبىتىردىم، ۇيرەنگەن بىلىمدەردەن پايدالانىپ اۋىلىمدى گۇلدەندىرۋ ارمانىم ەدى، سونىمەن مەكتەپ بىتىرگەننەن كەيىن ۇلكەن قالادا قىزمەت ىستەۋ ورايى مەن تاماشا ەڭبەكاقى مامىلەسىنەن باز كەشىپ، اۋىلىما قايتىپ كەلىپ، ستۋدەنت قىستاق باستىعى بولدىم.

  جۋىقتا امەريكانىڭ بۇرىنعى مەملەكەت ىستەر حاتشىسى پومپەو وسەك - اياڭ تاراتىپ، شىندىقتى بۇرمالاپ، شينجياڭنىڭ اسا تاماشا جاعدايى مەن ءار ۇلت حالقىنىڭ باقىتتى تۇرمىسىنا قاساقانا كۇيە جاقتى. وسىندا تۋىپ، وسىندا وسكەن شينجياڭدىق رەتىندە، مەن بۇعان ەرەكشە كەكتەندىم. وتىرىك سوعۋمەن، الدامكوستىكپەن اتى شۋلى بولعان پومپەو مەن ساعان نەنىڭ شىندىق ەكەنىن ايتىپ بەرەيىن.

  جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، ءبىزدىڭ ەلىمىز ىندەتتەن ساقتانۋ - تىزگىندەۋ بارىسىندا، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويىپ، جاڭا تيپتى ايدارشا ۆيرۋس وكپە قابىنۋىنا شالدىققانداردى تەگىن ەمدەپ، ەڭ زور كولەمدە ۇيعۇر ۇلتىن قامتىعان ءار ۇلت حالقىنىڭ ءومىرىنىڭ حاۋىپسىزدىگى مەن دەنساۋلىعىن قورعاپ، ءبىزدىڭ ەلىمىزدىڭ ادامدىق ۇقىققا وسكەلەڭ ءمان بەرەتىندىگىن ايگىلەدى. مەن جۇڭگو ازاماتى بولعاندىعىمدى ەرەكشە ماقتانىش ەتەمىن.

  2010 − 2018 - جىلدارى ۇيعۇر ۇلتىنىڭ جان سانى 10 ميلليون 171 مىڭ 500 ادامنان 12 ميلليون 718 مىڭ 400 ادامعا ارتىپ، 2 ميلليون 546 مىڭ 900 ادام كوبەيىپ، %25.04 ارتىپ، حانزۋ ۇلتى جان سانىنىڭ %2 ارتۋ مولشەرىنەن الدەقايدا جوعارى بولدى. ءبىزدىڭ ۇيدە 3 بالا بار، مەنىڭ كىشى اكەمنىڭ ۇيىندە دە 3 بالا بار. بۇل مىسالدار مەن ساندى مالىمەتتەر پومپەونىڭ ءسوزىنىڭ بۇكىلدەي جۇڭگونى داتتاۋ ەكەندىگىن، شينجياڭدى داتتاۋ ەكەندىگىن تولىق دالەلدەيدى، ولار توعىز ساققا جۇگىرتىپ، ورايىن تاۋىپ ۇلتتىق داۋ - جاڭجال تۋدىرىپ، ءبىزدىڭ تاماشا تۇرمىسىمىزدى بۇلدىرۋگە ۇرىنىپ وتىر.

  شينجياڭدا ءار ۇلت بۇقاراسى ەڭبەكشىلەرىنىڭ ۇقىعى زاڭ بويىنشا قورعاۋعا الىنعان. ۇكىمەت ءادىس - امال قاراستىرىپ ءار ۇلت حالىق بۇقاراسىنا جۇمىستانۋ ورايىن جاراتىپ بەرىپ، كوپشىلىكتىڭ بايۋىنا كومەكتەستى. سىرتقا شىعىپ جۇمىس ىستەگىسى كەلەتىندەردى پارتيا مەن ۇكىمەت تۇگەلدەي شابىتتاندىردى ءارى قولدادى، سىرتقا شىعىپ جۇمىس ىستەگىسى كەلمەگەندەردىڭ ءۇيىنىڭ ەسىك الدىندا دا كوپتەگەن جۇمىستانۋ ورايى بار، مەن وقىپ جاتقان مەزگىلدە ءبىزدىڭ ۇيدە ەڭبەككۇش كەمشىن ەكەندىگىن، ۇيىمىزدە ەگىستىك جەر ەگەتىن، قوي، سيىرلاردى باعاتىن ادامنىڭ جوق ەكەندىگىن بىلگەن ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىنىڭ مۇشەلەرى مەن قىستاق كادرلارى ءوزارا كومەكتەسەتىن، ءوزارا قارايلاساتىن شاعىن گرۋپپا ۇيىمداستىرىپ، اتىز باسىنا بارىپ ءبىزدىڭ ءۇيدىڭ ەگىنىن سالدى ءارى سەلبەستىك كووپەراتيۆ فورماسى ارقىلى ءبىزدىڭ ءۇيدىڭ قوي، سيىرلارىن تاپسىرىسقا بەرىپ باقتىرىپ، جىل سوڭىندا جارنا پايداسىن بەردى. مەنىڭ توڭىرەگىمدە مۇنداي ىستەردى ساناپ تاۋىسا المايسىز.

  قازىرگى شينجياڭنىڭ ورنىقتى، گۇلدەنگەن اسا تاماشا جاعدايى شينجياڭداعى ءار ۇلت حالقىنىڭ ورتاق كۇرەس جاساۋىنان كەلگەن، مۇنى ءار ۇلت بۇقاراسى كوزىنىڭ قاراشىعىنداي ايالايدى. مىنە بۇل شىندىق جانە ناقتى جاعداي! پومپەو تاراتقان وسەك - اياڭدار مەن ۋلى زارداپ، ءسوز جوق، ونىڭ وزىمەن بىرگە سىپىرىلىپ تاريحتىڭ قوقىر - قوقسىق ۇيىندىسىندە قالادى.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.