تيانشان تورى   ›   جاڭالىقتار   ›   شينجياڭ حابارلارى

ادال ساقشى رۋحىمەن حالىقتىڭ سالاماتتىعىن قورعادى

  − جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى اۆتونوميالى رايوندىق وزات كوللەكتيۆ ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى ەرەكشە مىندەت وتەۋ ۇلكەن اترەتى جونىندە

  □ انار بۇلت / شينجياڭ گازەتىنىڭ ءتىلشىسى سۇي يۇنيان

  ىندەت الدىندا ولار ءبىرىنشى شەپتە اتويلاپ، ءۇرىمجى قالاسىنداعى بارشا وتباسىلار شام - شىراعىنىڭ وشپەۋىن ءۇنسىز كۇزەتىپ، زاتتىق ماتەريال تاسىمالىنىڭ ”جان تامىرىن“ قامتاماسىز ەتىپ، بۇقارانىڭ جولداعى قيىنشىلىقتارىن شەشتى. ولار ايانباي كۇرەسىپ ءبىر قالاعا جىلى شۋاق توكتى. ولار جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى اۆتونوميالى رايوندىق وزات كوللەكتيۆ − ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى ەرەكشە مىندەت وتەۋ ۇلكەن اترەتى ەدى.

  پارتيا مۇشەلەرى اتويلاپ الدا ءجۇرىپ، حاۋىپسىزدىك قالتقىسىن بەرىك سومدادى

  ”جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ شايقاسىندا، بۇكىل رايونداعى قوعام حاۋىپسىزدىگى ورگاندارى پارتيامەن ءبىر نيەت، ءبىر تىلەكتە بولىپ، ءار ۇلت بۇقاراسىمەن جۇرەكتەس بولىپ، ءار دارەجەلى ورىندارمەن، ءارقايسى تاراۋلارمەن يىق تيىستىرە شايقاس جۇرگىزىپ، ءار ۇلت بۇقاراسىنىڭ دەنساۋلىعى مەن ءومىرىنىڭ حاۋىپسىزدىگىن قورعاۋ ءۇشىن قوعام حاۋىپسىزدىك كۇش - قۋاتىن ارنادى“، - دەدى 1 - ايدىڭ 21 - كۇنى جوۋ گويۇي ءوزى تۇرعان قوسىن جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋداعى اۆتونوميالى رايوندىق وزات كوللەكتيۆ اتاعىن داڭقپەن العان كەزدە، قوعام حاۋىپسىزدىگى شەبىندەگى ساقا جاۋىنگەر رەتىندە ول ايرىقشا تەبىرەندى.

  جوۋ گويۇي ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى ەرەكشە مىندەت وتەۋ ۇلكەن اترەتى پارتيا ياچەيكاسىنىڭ شۋجيى، ۇلكەن اترەت باستىعى، بيىل 49 جاستاعى ونىڭ شاشى تۇگەل اعارىپ كەتكەن. ”ساقا پارتيا مۇشەسى رەتىندە، مەندە قاشاندا حالىق ساقشىلارىن باستاپ ىندەتتەن ساقتانۋ - تىزگىندەۋ سىندى سۇراپىل شايقاستىڭ جەڭىسىنە قول جەتكىزەتىن سەنىم دە، بەكىم دە بار“، - دەدى ول.

  جوۋ گويۇي: ”ءبىز ’جينالۋ سيگنالىن‘ شالعان كەزدە 47 حالىق ساقشىسى ىرىقتىلىقپەن شايقاسقا قاتىناسۋدى سۇرانۋ حاتىن تاپسىردى، بارلىق حالىق ساقشىلارى دەمالىستى كۇشىنەن قالدىرىپ، ىندەتكە قارسى اتتانۋ شايقاسىنا كىرىسىپ كەتتى“، - دەدى.

  2020 - جىلى 7 - ايدىڭ ورتاسىندا، ءۇرىمجى قالاسىندا جاڭادان ىندەت بايقالعان سوڭ، تيانشان رايونى جوعارى قاتەرلى اۋماق قاتارىنا الىندى. ەرەكشە مىندەت وتەۋ ۇلكەن اترەتى سايلاۋىت ساقشى، دەنساۋلىق ساقتاۋ سياقتى تاراۋلارمەن بىرلەسىپ تيانشان رايونىنداعى باستى 4 جول اۋزىندا جانە توۋتۇنحى تەكسەرۋ پۋنكتىندە اۋرۋدىڭ الدىن الۋ كۇزەت ءتۇيىنىن ورنالاستىرىپ، ارى - بەرى وتكەن اۆتوموبيلدەردى، ادامداردى اداقتاپ تەكسەرۋ، ەستەلىككە الۋ، تەمپەراتۋرا ولشەۋ جانە زارارسىزداندىرۋ جۇمىستارىن مۇقيات، ەگجەي - تەگجەيلى، ويداعىداي ىستەپ، جيىنى 11 مىڭ اۆتوموبيلدى تەكسەرىپ، ورتالىق قالانىڭ باتىس قاقپاسىن امان قورعادى.

  ”ۇلكەن اترەتتەگى حالىق ساقشىسى جياڭ كۇن ناۋقاس ەدى، سول كەزدە اۋرۋحاناعا جاتىپ قايتا تەكسەرىلگەلى جۇرگەن ول ەمدەلۋدى ۋاقىتشا دوعارا تۇرىپ، ءبىرىنشى شەپتەگى ساقتانۋ - تىزگىندەۋ قىزمەتىنە ات سالىستى. حالىق ساقشىسى گۋ شاۋپىڭنىڭ كەلىنشەگى بوسانسا، حالىق ساقشىسى نۇربولاتتىڭ شەشەسى وتا جاساتتى، ەكەۋى دە ولارعا قارايلاسۋعا مويىن بۇرا الماي، تاباندىلىقپەن كۇزەت تۇيىنىنەن تاپجىلمادى....“. جوۋ گويۇيدىڭ ايتۋىنشا، بىردە - ءبىر ادام شەگىنشەكتەمەگەن، بىردە -ءبىر ادام قيىنشىلىق تۋرالى ءتىس جارماعان، كوممۋنيستىك پارتيا مۇشەسى، قوعام حاۋىپسىزدىگى حالىق ساقشىسى رەتىندە، كوپشىلىكتە تەك ساقتانۋ - تىزگىندەۋ جاۋاپكەرشىلىك، قورعاپ قالۋ − جەڭىس دەگەن جالعىز سەنىم بولعان.

  قامداۋدى قامتاماسىز ەتىپ، جاسىل ارنانى ىركىلىسسىزدەندىردى

  ىندەتتەن ساقتانۋ - تىزگىندەۋ كەزىندە، ”جابدىقتاۋ جەلىسى“ ”جان تامىر“ سانالادى، الدا ءجۇرىپ جول باستاپ، قورعاپ ءجۇرۋ، قامداۋدى قامتاماسىز ەتۋ ەرەكشە مىندەت وتەۋ ۇلكەن اترەتىنىڭ ماڭىزدى مىندەتى بولدى.

  2020 - جىلى كوكتەم مەرەكەسىنىڭ 7 - كۇنى ۇلكەن اترەت كارانتين زاتتىق ماتەريالدارىن تاسىمالداۋ مىندەتىن تاپسىرىپ الادى، جوۋ گويۇي 5 حالىق ساقشىسىن باستاپ، ءتۇن قاتىپ كولىكپەن قورعاس شەكارا وتكەلىنە بارىپ، كۇندى تۇنگە جالعاپ كۇزەتىپ، جۇكتەردى كەزەك - كەزەگىمەن تاپسىرىپ الىپ، كەدەندىك راسىمدەۋ جۇمىستارىن بىتىرۋگە جاردەمدەسىپ، كەدەننىڭ، پويەز ستانسياسىنىڭ زاتتىق ماتەريالدى تاسىمالداۋىن سايكەستىرەدى. ولار شارشاپ - شالدىققاندا ساقشى كولىگىندە كوز شىرىمىن الىپ، قارىن اشسا دايىن كەسپە جەپ، 10 كۇندە 4 كەزەك بويىنشا ءبىر ميلليون 500 مىڭ ماسكى، 149 مىڭ قورعانۋ كيىمىن تاپسىرىپ الىپ، تاسىمالعا وتكىزىپ، سول كەزدەگى كارانتيندىق زاتتىق ماتەريال تاپشى جاعدايدى جەڭىلدەتتى.

  2020 - جىلى 7 - ايدا باۋىرلاس ولكە - قالالاردان ۇرىمجىگە كومەككە كەلگەن ەمدەۋ اترەتى مەن كارانتيندىق زاتتىق ماتەريالدار شيڭشيڭشيا تەكسەرۋ پۋنكتىنە جەتكەندە، ەرەكشە مىندەت وتەۋ ۇلكەن اترەتى تاباندا الدا ءجۇرىپ جول باستاپ ۇرىمجىگە حاۋىپسىز الىپ كەلەدى. بەيجيڭنىڭ، ۋحاننىڭ ەپيدەميولوگيالىق تەكسەرۋ ماماندار گرۋپپاسى ەپيدەميولوگيالىق تەكسەرۋ جۇرگىزگەندە دە ولار تۇتاس بارىستا قورعاپ الىپ كەلىپ، اپارىپ تاستادى.

  سول كەزدە ەرەكشە مىندەت وتەۋ ۇلكەن اترەتى جول باستاۋ مىندەتىن 162 رەت اتقارىپ، ەپيدەميولوگيالىق تەكسەرۋ قىزمەتىنىڭ جولعا كەتەتىن ۋاقىتىن زور مولشەردە قىسقارتىپ، ىندەتتەن ساقتانۋ - تىزگىندەۋدى سەكۋندتپەن جارىسىپ، مينۋتپەن تالاسىپ ورىستەتۋگە قامتاماسىزدىق ۇسىندى. ۇلكەن اترەت 4 حالىق ساقشىسىن ءۇرىمجى قالاسى مەملەكەتتىك مال - مۇلىكتى باقىلاۋ - باسقارۋ كوميتەتىنىڭ كارانتيندىق زاتتىق ماتەريالداردى تاسىمالداۋىنىڭ جانە سەپتەۋىنىڭ جالپى بارىسىنا سايكەسۋگە جىبەرىپ، ءار رايون - اۋدان ءۇشىن 340 رەتتەن استام زاتتىق ماتەريال تاسىپ، زاتتىق ماتەريالدىڭ جالپى سانى 700 مىڭنان اسىپ، تۇرمىستىق زاتتىق ماتەريالدارمەن قامداۋدى ءونىمدى قامتاماسىز ەتتى.

  ”بىلتىر قۇربان ايت قارساڭىندا ءبىز حالىق ساقشىلارىن قالالىق ساۋدا ىستەرى مەكەمەسىنە كومەكتەسۋگە جىبەردىك، ولار بۋرىلتوعاي اۋدانىنا 5 رەت تۇندەلەتىپ بارىپ، 12 مىڭ باس قويدى تاسىپ اكەلىپ، ءار ۇلت بۇقاراسىنىڭ مەرەكە كەزىندە ەتتى الاڭسىز تۇتىنۋىنا مۇمكىندىك جاسادى“، - دەدى جوۋ گويۇي.

  جۇمىستىڭ، ءوندىرىستىڭ قالپىنا كەلۋىن قولداپ، زاتتىق ماتەريالدار تاسىمالىن قامتاماسىز ەتۋ بولسىن، الدە شۇعىل مىندەتتەردى اتقارۋدا بولسىن، قاي جەر قاجەت ەتسە، ولار سول جەردە پايدا بولىپ، ساقشى گەربى باستان - اياق ىندەتتەن ساقتانۋ - تىزگندەۋدىڭ ءبىرىنشى شەبىندە جارقىرادى.

  حاۋىپتە قالعانداردى سۇيەمەلدەپ، قيىنشىلىقتى شەشىپ، حالىق ءۇشىن ىستەۋ اۋەلگى ماقساتىن امالياتتا ايگىلەدى

  2020 - جىلى 4 - ايدىڭ 14 - كۇنى تۇستەن بۇرىن شوفەر ليۋ باۋيىڭ سوناۋ شالعايداعى حىنان ولكەسىنەن ۇرىمجىگە كەلىپ، ىندەتتەن ساقتانۋ - تىزگىندەۋ مەزگىلىندە وزىنە قول ۇشىن بەرىپ كومەكتەسكەن ەرەكشە مىندەت وتەۋ ۇلكەن اترەتىنىڭ قاتىناس ساقشىلارى ما لي - ۋيگە، لي دۇڭعا ”باسقالارعا كومەكتەسۋدى قۋانىش سانايتىن، جاڭا سالتقا جاقتاۋشى بولعان حالىقتىڭ جاقسى ساقشىلارىنا العىس ايتامىز“ دەپ جازىلعان العىس تۋىن سيلادى.

  سول جىلى 2 - ايدىڭ 10 - كۇنى ليۋ باۋيىڭ اۆتوموبيل ايداپ حىناننان سانجى قالاسىنا اتتانادى، توۋتۇنحى اقى الۋ پۇنكتىندە كولىكتىڭ بالونى جارىلادى. مىندەت وتەپ جۇرگەن ما لي - ۋي مەن لي دۇڭ كومەك تىلەگىن تاپسىرىپ العان سوڭ، دەرەۋ بالوندى شەشىپ الىپ رەمونتحاناعا اپارۋعا، جاماعان سوڭ اكەلىپ ورناتۋعا كومەكتەسەدى، ونىمەن قوسا ليۋ باۋيىڭگە تاڭعى اس جانە جولدا جەۋگە قولايلى ازىق - تۇلىك ساتىپ الىپ بەرەدى.

  ەرەكشە مىندەت وتەۋ ۇلكەن اترەتىنىڭ حالىق ساقشىلارى قاشاندا حالىق ساقشىلارى حالىق ءۇشىن ىستەۋ اۋەلگى ماقساتى بويىنشا ىندەتتەن ساقتانۋ - تىزگىندەۋ مەن كومەكتەسىپ سۇيەمەلدەپ، قيىنشىلىقتى شەشۋدى ۇشتاستىرىپ، كىشى - گىرىم ىستەردەن ۇلى سۇيىسپەنشىلىك توپتاپ، ارلى - بەرلى وتكەن جولاۋشىلاردىڭ جۇرەگىن جىلىتتى.

  2020 - جىلى 2 - ايدىڭ 9 - كۇنى گانسۋدان قاشقارعا جول العان جەڭىل اۆتوموبيلدىڭ موتورى جوعارى قارقىندى جولدا ءسونىپ قالادى. مىندەت اتقارىپ جۇرگەن حالىق ساقشىسى ۋاڭ تاۋ وعان كومەكتەسىپ اۆتوموبيلدىڭ كىناراتتارىن تاۋىپ جوندەپ بەرەدى. 2 - ايدىڭ 16 - كۇنى حالىق ساقشىلارى ۋاڭ دۇڭ، ۋاڭ تاۋلار مىندەت وتەپ جۇرگەندە، كومەك سۇراعان كولىك يەسىنە كەزدەسەدى، ولار اۆتوموبيلدەرىندەگى شۇعىل جاعدايدا جەل بەرۋ ناسوسىن الىپ شىعىپ، كولىك يەسىنىڭ بالونىنا جەل تولتىرىپ بەرەدى.

  2020 - جىلى 7 - ايدىڭ 21 - كۇنى ەرەكشە مىندەت وتەۋ ۇلكەن اترەتىنىڭ حالىق ساقشىسى لي جى شارلاۋ كەزىندە ءبىر اۋرۋ بالانى بالالار شيپاحاناسىنا شۇعىل جەتكىزۋ جونىندە كومەك سۇراعان ءوتىنىشتى تاپسىرىپ الادى، ول جول بويى ساقشى كولىگىمەن جول باستاپ دەرەۋ جەتكىزەدى. شيپاحاناعا جەتكەن سوڭ، بالانىڭ شەشەسى قاتتى ساسقالاقتاعاندىقتان بالانى كوتەرە المايدى، سول كەزدە لي جى بالانى شۇعىل دياگنوز قويۋ بولمەسىنە كوتەرىپ اپارىپ، بالانى قۇتقارۋدىڭ ەڭ ءونىمدى ۋاقىتىن ۇتىپ قالادى.

  ”ساقشى اۆتوموبيلى − ماياك، ساقشى − ءبىر ۇلگى“. جۇرەككە جىلۋ بەرەتىن ىستەر بۇقارانىڭ القاۋىنا بولەندى، ساقشى مەن حالىقتىڭ بالىق پەن سۋداي ەتەنە بايلانىسى ىندەتكە قارسى اتتانۋدىڭ بەرىك قورعانىس شەبىن تۇرعىزدى.

  ”بۇكىل رايونداعى قوعام حاۋىپسىزدىگى حالىق ساقشىلارىنىڭ ىندەتتەن ساقتانۋ - تىزگىندەۋدىڭ جالپى بەتتىك جەڭىسىنە قول جەتكىزۋ سەنىمى بەرىك، بۇكىل رايوننىڭ قوعامدىق كەلەلى جاعداينىڭ باياندى ورنىقتىلىعىنا، ۇزاق ۋاقىتتىق ورنىقتىلىعىنا شىنايى كەپىلدىك ەتۋ سەنىمى مىزعىمايدى. ءبىز، ءسوز جوق، داڭقتى قاستەرلەپ، تاعى دا كۇش ۇستىنە كۇش قوسامىز!“، - دەدى جوۋ گويۇي.

جاۋاپتى رەداكتور : نۇربولات قابىل

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.