جاڭا ساپاردى باستاۋعا، باس نىسانانى جۇزەگە اسىرۋعا مىعىم يدەيالىق كەپىلدىك جانە پارمەندى رۋحاني كۇش - قۋات ازىرلەيىك
انار بۇلت / شينجياڭ گازەتىنىڭ ءتىلشىسى جاڭ يانفاڭ 1 - ايدىڭ 24 - كۇنى ۇرىمجىدەن حابارلايدى. اۆتونوميالى رايوننىڭ ۇگىت ءبولىمى باستىقتارىنىڭ ءماجىلىسى 1 - ايدىڭ 24 - كۇنى ۇرىمجىدە اشىلدى. ءماجىلىس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، مەملەكەتتىك ۇگىت ءبولىمى باستىقتارى ءماجىلىسىنىڭ رۋحىن دايەكتىلەندىرىپ، تياناقتاندىرىپ، قىزمەتتى قورىتىندىلاپ، جاعدايعا تالداۋ جاساپ، بيىلعى ۇگىت - يدەيا قىزمەتىن اقىلداستى، ورنالاستىردى.
اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن ماجىلىسكە قاتىناستى ءارى ءسوز سويلەدى. اۆتونوميالى رايوننىڭ ورىنباسار ءتوراعاسى سۇن حۇڭمەي مەملەكەتتىك ۇگىت ءبولىمى باستىقتارى ءماجىلىسىنىڭ رۋحىن جەتكىزدى.
ءماجىلىس مىنانى باسا دارىپتەدى: باس شۋجي شي جينپيڭنىڭ ۇگىت - يدەيا قىزمەتى جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋدى توڭىرەكتەي وتىرىپ، بەتالىستى، باعداردى مىقتاپ يگەرىپ، جۇرت تىلەگىن ۇيىستىرۋعا كۇش سالىپ، جاڭا ساپاردى باستاۋعا، جاڭا داۋىردە ەكپىندەي ىلگەرىلەۋگە، باس نىسانانى جۇزەگە اسىرۋعا مىعىم يدەيالىق كەپىلدىك جانە پارمەندى رۋحاني كۇش - قۋات ازىرلەۋ كەرەك.
ءماجىلىس مىنالاردى تالاپ ەتتى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى شوعىرلاندىرىپ، رۋحتى سومداۋعا تاباندى بولىپ، ءار ۇلت كادرلارى مەن بۇقاراسىنىڭ ىنتىماقتاسا كۇرەسۋىندەگى تايانىشىن بەكەمدەۋ؛ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ ۇگىت - تاربيەسىن تىڭعىلىقتى ورىستەتىپ، ”بەستە جاقسى“ اسقاق اۋەنىن اسقاقتاتا شىرقاۋ؛ نەگىزگى تاقىرىپتىق ۇگىتتى كورنەكتىلەندىرىپ، جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى باستاۋعا، قادامىن جاقسى تاستاۋعا قۋاتتى كۇش - قۋات ۇيىستىرۋ؛ شينجياڭدى مادەنيەتپەن نارلەندىرۋ ينجەنەرياسىن ىشكەرىلەي ورىستەتىپ، جۇڭحۋا ۇلتى ورتاق تۇلعا تانىمىن مىقتاپ سومداۋ؛ ءداۋىر جاڭا سالتىن اسقاقتاتىپ، ءداۋىر جاڭا ادامىن تاربيەلەپ، سوتسياليستىك وزەكتى قۇن كوزقاراسىنىڭ جۇرت جۇرەگىنە اناعۇرلىم تەرەڭ ۇيالاۋىن ىلگەرىلەتۋ؛ شينجياڭ حيكايالارىن جاقسى بايانداپ، شينجياڭ وبرازىن جان - جاقتى، كەڭىنەن ايگىلەۋ؛ ىسىلعان قابىلەتتى شىڭداپ، جاڭا داۋىردەگى ۇگىت - يدەيا قىزمەتىن جاقسى ىستەۋ قابىلەت دەڭگەيىن شىن مانىندە جوعارىلاتۋ كەرەك.
